Azərbaycan Premyer Liqasının XXXIII turu çərçivəsində

Futbol üzrə Azərbaycan Premyer Liqasının XXXIII turu çərçivəsində daha bir oyunu keçirilib. Günün yeganə matçında “Şamaxı” komandası “Zirə”ni qəbul edib. Görüş “Zirə” komandasının 3:0 hesablı qələbəsi ilə yekunlaşıb. Matçda Vladislav Kulaç, Hamidu Keyta və Rüstəm Əhmədzadə fərqləniblər. Xallarının sayını 45-ə çatdıran “Zirə” turnir cədvəlində beşinci pillədəki mövqeyini möhkəmlədib. “Şamaxı” 23 xalla doqquzuncu pillədə qərarlaşıb. Qeyd edək ki, ilk oyun günündə "Sabah" "Kəpəz"i üç cavabsız qolla üstələyib. Turun "Turan Tovuz" - "Neftçi", "Sumqayıt" - "Səbail" görüşləri mayın 7-də, "Qarabağ" - "Qəbələ" qarşılaşması isə mayın 8-də baş tutacaq.xeber100.com  

Azərbaycan Velosiped Federasiyasının birgə təşkilatçılığı ilə…

Mayın 4-6-da trek velosipedinin omnium növü üzrə Bakı kuboku yarışı keçirilib. Bakı Şəhər Gənclər və İdman Baş İdarəsi və Azərbaycan Velosiped Federasiyasının birgə təşkilatçılığı ilə Respublika Velotrekində baş tutan yarışda Elit/U23 yaş kateqoriyasında kişilər, gənc və yeniyetmə oğlanlar, həmçinin qadınlar iştirak ediblər. Ümumilikdə 37 velosipedçi ilk yarış günündə skreç və tempo növləri, ikinci yarış günündə isə çıxmaqla və xallar üzrə qrup ötüşmələrində mübarizə aparıblar. Omnium yarışının qaydalarına görə, nəticələr bütün növlər üzrə xalların cəminə əsasən müəyyənləşdirilib. Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışda Elit/U23 yaş kateqoriyasında kişilər və gənc oğlanlar arasında Yusif İsmayılov (ROEQİUGVM, 55 xal) bütün rəqiblərindən üstün olaraq birinci, Ömər Musayev (ROEQİUGVM, 54 xal) ikinci, Baratəli Səlimzadə (ROEQİUGVM, 53 xal) üçüncü yerə layiq görülüblər. Yeniyetmə oğlanların mübarizəsində isə Ravi Rzayev (ROEQİUGVM, 113 xal) hamıdan çox xal toplayaraq qızıl, Rəvan Tahirov (ROEQİUGVM, 76 xal) gümüş, Maksim Trendelyov (Təhsil RİM, 43 xal) bürünc medal qazanıb. Qadınların yarışında Viktoriya Sidorenko (ROEQİUGVM, 81 xal) fəxri kürsünün ən yüksək pilləsinə qalxıb. Radha Şabanova (ROEQİUGVM, 66 xal) ikinci, Məryəm Əfqanzadə (ROEQİUGVM, 44 xal) üçüncü yerlə kifayətləniblər. Yarışdan sonra mükafatlandırma mərasimi keçirilib.xeber100.com

Azərbaycan milli komandası növbəti yoldaşlıq oyununu keçirib

Antalyada təlim-məşq toplanışı davam etdirən çimərlik futbolu üzrə Azərbaycan milli komandası hazırlıq çərçivəsində növbəti yoldaşlıq oyununu keçirib. AFFA-nın rəsmi saytı xəbər verir ki, Türkiyə millisinə qarşı oyun 4:2 hesabı ilə rəqib komandanın xeyrinə nəticələnib. Millimizin heyətində Elşad Manafov və Orxan Məmmədov fərqləniblər. Komandalar arasında növbəti oyun bu gün keçiriləcək. İlk oyunda da Türkiyə millisi 4:3 hesablı qələbə qazanıb.xeber100.com

Güləş üzrə U-15 Azərbaycan çempionatına yekun vurulub

Ümummilli Lider Heydər Əliyevin 100 illik yubileyinə həsr olunmuş güləş üzrə U-15 Azərbaycan çempionatına yekun vurulub. Şağan Olimpiya İdman Kompleksində keçirilən yarışın son günündə 41, 48, 57, 68 və 85 kiloqram çəki dərəcələrində yer alan yunan-Roma güləşçiləri mübarizə aparıblar. Beş çəki dərəcəsi üzrə ümumilikdə 101 idmançı çıxış edib. Gərgin idman mübarizəsi şəraitində keçən yarışda Ayxan Əsədli (41 kq), Elşad Abbasov (48 kq), Məhəmməd Ələkbərli (57 kq), Yusif Əhmədli (68 kq) və Rüfət Əlizadə (85 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.xeber100.com

Azərbaycan Şahmat Federasiyasının məlumatına görə…

Beynəlxalq Şahmat Federasiyasının (FIDE) prezidenti Arkadi Dvorkoviç “Baku Open 2023” beynəlxalq şahmat festivalının keçirildiyi “Baku Crystal Hall”da olub. FIDE rəhbəri yaradılan şəraiti yüksək qiymətləndirib. Azərbaycan Şahmat Federasiyasının (AŞF) prezidenti Mahir Məmmədov yarışla bağlı qonağa məlumat verib. Sonra FIDE rəhbəri Arkadi Dvorkoviç AŞF prezidenti Mahir Məmmədovla şahmat taxtası arxasında yoldaşlıq görüşündə qarşılaşıb. Partiya heç-heçə ilə yekunlaşıb.xeber100.com

“Qalatasaray” futbol klubu yarımmüdafiəçisi ilə müqaviləni yeniləyib

Türkiyənin “Qalatasaray” klubu yarımmüdafiəçisi Barış Alper Yılmazla müqaviləni yeniləyib. Futbolçu ilə yeni anlaşma 2026-2027-ci il mövsümünün sonunadək nəzərdə tutulub. Bu barədə İstanbul klubunun rəsmi saytı məlumat yayıb. İyirmi iki yaşlı futbolçu 2021-ci ildən “Qalatasaray”da çıxış edir. Yarımmüdafiəçi əsas komandada 48 oyuna 3 qol vurub. O, Türkiyə millisində də 3 oyun keçirib.xeber100.com

Azərbaycan Güləş Federasiyası: Güləşçilər arasında “Zəfər kuboku” başa çatıb

Türkiyənin Antalya şəhərində keçirilən yeniyetmə güləşçilər arasında “Zəfər kuboku” başa çatıb. Azərbaycan Güləş Federasiyasından bildirilib ki, ənənəvi yarışda ölkəmizi yunan-Roma və qadın güləşi üzrə U-17 milli komandalarımız təmsil edib. Böyük məşqçi Taleh İsrafilov, məşqçilər Nazim Əhmədovla Elvin Mürsəliyevin rəhbərliyi altında 9 yunan-Roma güləşçimiz fəxri kürsüyə qalxıb. Turan Daşdəmirov (45 kq), Əli Seyidəlili (51 kq), Ayxan Cavadov (55 kq) və Elmin Əliyev (80 kq) çempion olub. Nurlan İbadzadə (60 kq) ikinci, Elnar Ziyadov (48 kq), Roman Kərimov (60 kq), Cavidan Nehmətov (71 kq) və Mikayıl İsmayılov (92 kq) isə üçüncü yeri tutub. 4 qızıl, 1 gümüş və 4 bürünc medal qazanan millimiz 173 xalla komanda hesabında 1-ci yeri tutub. Qadın güləşində böyük məşqçi Həsrət Məmmədyarovla məşqçi Solmaz Adilovanın rəhbərliyi altında 3 medal əldə edilib. Günay Qurbanova (61 kq) qızıl, Səadət Quliyeva (43 kq) və Esra Məmmədli (49 kq) bürünc medal qazanıb. Yığmamız 63 xalla 3-cü yeri tutub. Beləliklə, turnirdə güləşçilərimiz 12 (5 qızıl, 1 gümüş, 6 bürünc) medal qazanıb. Bu yarışda ölkəmizi hakim qismində beynəlxalq dərəcəli referi Xəzər Allahverdiyev təmsil edib.xeber100.com

Stolüstü tennisçilər arasında ölkə turniri keçirilib

Yeniyetmə stolüstü tennisçilər arasında ölkə turniri keçirilib. Sumqayıt şəhərində yerləşən “Qarabağ NN stolüstü tennis klubu”nda təşkil olunan yarışda 2014-cü il təvəllüdlü və daha az yaşlı idmançılar şəxsi xarakterli mübarizədə bacarıqlarını göstəriblər. Nəticələrə əsasən oğlanların yarışı Həzrət Kamilovun (Şabran) qələbəsi ilə başa çatıb, Yunis Babayev (Şabran) ikinci, Əliəkbər Mirzəliyevlə (Bakı) Saleh Hümbətov (Sumqayıt) üçüncü yeri tutub. Qızların turnirində mükafatlara Sumqayıt idmançıları layiq görülüblər. Mehri Aslanzadə qızıl, Alina Miradiyeva gümüş, Sofiya İlyasova ilə Fərəh Hidayətzadə bürünc medal qazanıb. Fərqlənən idmançılara Azərbaycan Stolüstü Tennis Federasiyasının hədiyyələri təqdim olunub. Qeyd edək ki, turnir stolüstü tennisin kütləviliyini artırmaq və perspektivli idmançıları üzə çıxarmaq məqsədi ilə keçirilib.xeber100.com

Azərbaycan Formula 1 yarışlarına yeddinci dəfədir ev sahibliyi edir

“Alpha Tauri” komandasının pilotu Nik de Vris Azərbaycan Qran-Prisində mübarizəni dayandırıb. Pilotun bolidində problemlər yarandığı üçün mübarizəni davam etdirə bilməyib. Builki dünya çempionata martın 3-5-də Bəhreyn Qran-Prisi ilə start verilib. Sonrakı mərhələlər Səudiyyə Ərəbistanı və Avstraliyada keçirilib. Üç mərhələdən və Bakıda təşkil olunan cari mövsümün ilk sprint yarışından sonra pilotların siyahısına “Red Bull Racing” komandasının niderlandlı sürücüsü Maks Ferstappen başçılıq edir. Onun aktivində 75 xal var. Ferstappendən 13 xal geri qalan “Red Bull Racing”in digər pilotu Serxio Peres ikinci sırada qərarlaşıb. İlk beşliyi 48 xalla Fernando Alonso (Aston Matin”), 40 xalla Luis Hamilton (“Mercedes”) və 24 xalla Karlos Saynz (“Ferrari”) qapayırlar. Konstruktorlar kubokunun lideri isə “Red Bull Racing” (137 xal) komandasıdır. “Aston Martin” 69 xalla ikinci, “Mercedes” isə 63 xalla üçüncü pillədə yer alıb. Sonrakı yerlərdə “Ferrari” (37), “McLaren” (12), “Alpine” (8), “Haas” (7), “Alfa Romeo” (6), “Alpha Tauri” (1) və “Uilliyams” (1) komandaları qərarlaşıblar. Qeyd edək ki, Azərbaycan Formula 1 yarışlarına yeddinci dəfədir ev sahibliyi edir. Avropa Qran-Prisi adlandırılan ilk yarış 2016-cı ildə təşkil olunub. Bu yarışda “Mercedes” komandasının pilotu Niko Rosberq birinci olub. Növbəti ildən Azərbaycan Qran-Prisi adını alan yarışlarda Daniel Rikkardo (“Red Bull Racing” - 2017), Luis Hamilton (“Mercedes”-2018), Valtteri Bottas (“Mercedes” - 2019), Serxio Peres (“Red Bull Racing” – 2021), Maks Ferastappen (Red Bull Racing” – 2022) qalib gəliblər. 2020-ci ildə Formula 1 Azərbaycan Qran-Prisi koronavirus pandemiyası səbəbindən keçirilməyib. Dünya çempionatının Azərbaycan mərhələsində hər il müxtəlif pilotlar qalib gəlib. Azərbaycan Qran-Prisinin nəticəsinin gözlənilməzliyi onu daha da möhtəşəm edir. Formula 1 mütəxəssisləri buna “Bakı sindromu” adı veriblər.xeber100.com

Formula 1 Azərbaycan Qran-Prisində əsas yarış davam edir

Formula 1 Azərbaycan Qran-Prisində əsas yarış davam edir. “Red Bull Racing”in pilotu Serxio Peres 24 dövrədən sonra liderliyini davam etdirir. Hazırda onun komanda yoldaşı Maks Ferstappen ikinci, "Ferrari"dən Şarl Lekler üçüncü pillədə qərarlaşıb. Builki dünya çempionata martın 3-5-də Bəhreyn Qran-Prisi ilə start verilib. Sonrakı mərhələlər Səudiyyə Ərəbistanı və Avstraliyada keçirilib. Üç mərhələdən və Bakıda təşkil olunan cari mövsümün ilk sprint yarışından sonra pilotların siyahısına “Red Bull Racing” komandasının niderlandlı sürücüsü Maks Ferstappen başçılıq edir. Onun aktivində 75 xal var. Ferstappendən 13 xal geri qalan “Red Bull Racing”in digər pilotu Serxio Peres ikinci sırada qərarlaşıb. İlk beşliyi 48 xalla Fernando Alonso (Aston Matin”), 40 xalla Luis Hamilton (“Mercedes”) və 24 xalla Karlos Saynz (“Ferrari”) qapayırlar. Konstruktorlar kubokunun lideri isə “Red Bull Racing” (137 xal) komandasıdır. “Aston Martin” 69 xalla ikinci, “Mercedes” isə 63 xalla üçüncü pillədə yer alıb. Sonrakı yerlərdə “Ferrari” (37), “McLaren” (12), “Alpine” (8), “Haas” (7), “Alfa Romeo” (6), “Alpha Tauri” (1) və “Uilliyams” (1) komandaları qərarlaşıblar. Qeyd edək ki, Azərbaycan Formula 1 yarışlarına yeddinci dəfədir ev sahibliyi edir.xeber100.com