Qılıncoynatma üzrə dünya kubokunun mərhələ yarışına start verilib

Fevralın 9-da Bolqarıstanın Plovdiv şəhərində keçirilən gənclər arasında qılıncoynatma üzrə dünya kubokunun mərhələ yarışına start verilib.Azərtac xəbər verir ki, turnirdə Azərbaycanı sablya üzrə yığma komandamızın üzvü Aysel Əhədova təmsil edir.Qeyd edək ki, yarışa 21 ölkədən 100 qadın idmançı qatılıb.xeber100.com

İtaliya A Seriyasının 23-cü turunun mərkəzi qarşılaşması keçirilib

Fevralın 9-da futbol üzrə İtaliya A Seriyasının 23-cü turunun mərkəzi qarşılaşması keçirilib.Azərtac xəbər verir ki, iki Milan təmsilçisi “İnter” və “Milan” üz-üzə gəlib.Gərgin idman mübarizəsi şəraitində keçən və böyük maraq doğuran Milan derbisi 175-ci dəfə baş tutub. “San Siro” stadionunda təşkil olunan derbi “İnter”in 4:2 hesablı qələbəsi ilə başa çatıb.Oyunda hesab 40-cı dəqiqədə “Milan” klubu tərəfindən açılıb. Zlatan İbrahimoviçin ötürməsini Ante Rebiç dəqiq zərbə ilə tamamlayıb. Qoldan beş dəqiqə sonra Zlatan İbrahimoviç künc ötürməsindən sonra qapıya başla dəqiq top zərbəsi vurub. Birinci hissə “Milan”nın iki top üstünlüyü ilə başa çatıb.Fasilədən sonra hücumlarının kəsərini artıran “İnter” oyunda ardıcıl dörd qol vuraraq qələbə qazanıb. “Neradzurra”nın heyətində Marcelo Brozoviç, Matias Vesino, Stefan De Vrey və Romelu Lukaku fərqlənib.Bu qələbədən sonra “İnter” xal ehtiyatını 54-ə çatdıraraq turnir cədvəlində birinci pilləyə yüksəlib. “Milan” isə 32 xalla 10-cu yerdə qərarlaşıb.Qeyd edək ki, “Della Madonnina” adlanan Milan derbilərinin sonuncusunda “İnter” klubu qalib gəlmişdi – 2:0.Bu vaxta kimi iki Milan təmsilçisi İtaliya çempionatında 175 dəfə üz-üzə gəlib. Onların 67-də “İnter”, 53-cü görüşdə isə “Milan” qalib tərəfi olub. Əlli beş qarşılaşmada qalib müəyyənləşməyib.Bu oyun üçün satışa çıxarılan 80 min 118 biletin hamısı satılıb. “Neradzuri”nin bilet satışından qazandığı məbləğ 5,7 milyon avro təşkil edib ki, bu da İtaliya futbolu üçün rekord göstəricidir. Bundan əvvəlki rekord yenə “İnter”ə məxsus idi. Klub 2017-ci ilin aprelində keçirilmiş Milan derbisi üçün bilet satışından 4 milyon 204 min avro məbləğində gəlir əldə etmişdi. Həmin matç 2:2 hesabı ilə başa çatmışdı.xeber100.com

Romada güləş üzrə Avropa çempionatı start götürüb

Fevralın 10-da Romada güləş üzrə Avropa çempionatı start götürüb.Azərtac xəbər verir ki, çempionatda mübarizə aparan yunan-Roma güləşçilərimizin ilk rəqibləri müəyyənləşib. Belə ki, Eldəniz Əzizli (55 kq) ermənistanlı Rudik Mkrtaçyan, Murad Bazarov (60 kq) İtaliya təmsilçisi Yakopo Sandron, Taleh Məmmədov (63 kq) rusiyalı İbrahim Labazanov, İslambek Dadov Macarıstan təmsilçisi Kristian İştvan Vança, Ülvü Qənizadə (72 kq) bolqarıstanlı Stoyan Stoyçev Kubatov, Sənan Süleymanov (77 kq) Bolqarıstan güləşçisi Aik Mnatsakanyan, Rafiq Hüseynov (82 kq) Niderland idmançısı Tirone Sterkenburq, İslam Abbasov (87 kq) belaruslu Kiril Maskeviç, Orxan Nuriyev (97 kq) polşalı Tadeuş Mixalik, Sabah Şəriəti Ermənistan təmsilçisi David Ovasapyan ilə qarşılaşacaqlar.Yarışın proqramına əsasən, fevralın 10-dan 12-dək yunan-Roma güləşçiləri mübarizə aparacaqlar. Ayın 12-14-də qadın pəhləvanlar xalça üzərinə çıxacaqlar. Fevralın 14-dən 16-dək isə sərbəst güləşçilər güclərini sınayacaqlar.Yunan-Roma güləşçilərimiz baş məşqçi Aleksandr Tarakanovun, böyük məşqçi Rövşən Bayramovun və məşqçi Akif Əliyevin rəhbərliyi altında yarışacaqlar.xeber100.com

Azərbaycan Premyer Liqasının XVII turuna start veriləcək

Fevralın 15-də futbol üzrə Azərbaycan Premyer Liqasının XVII turuna start veriləcək.Azərtac xəbər verir ki, iki günü əhatə edəcək turun açılış matçında "Zirə" və "Qarabağ" komandaları görüşəcəklər. Zirə İdman Kompleksində keçiriləcək matç saat 15:00-da başlayacaq.Günün ikinci görüşündə "Sumqayıt" doğma meydanda "Sabah"ı qəbul edəcək. "Kapital Bank Arena"da təşkil olunacaq qarşılaşma saat 17:00-da start götürəcək.Turun üçüncü oyunu fevralın 16-da oynanılacaq. "Səbail" komandası doğma meydanda "Qəbələ"ni qəbul edəcək. Matç saat 16:30-da başlayacaq.Premyer Liqanın XVI turuna həmin gün saat 19:00-da başlayacaq "Neftçi"-"Keşlə" matçı ilə yekun vurulacaq. Görüş "Bakcell Arena"da keçiriləcək.Bütün görüşlər "CBC Sport" kanalı ilə birbaşa yayımlanacaq.On altı turdan sonra turnir cədvəlinə 35 xalla "Qarabağ" klubu başçılıq edir. Aktivində 27 xalı olan "Neftçi" ikinci, 26 xalı olan "Keşlə" isə üçüncü yerdə qərarlaşıb. Digər pillələrdə müvafiq olaraq "Sumqayıt" (22), "Zirə" (20), "Sabah" (16), "Səbail" (15) və "Qəbələ" (13) yer alıb.xeber100.com

Şahmat festivalının A (masters) və B (U 2000) turnirlərində

İranın Çabahar şəhərində təşkil olunan şahmat festivalının A (masters) və B (U 2000) turnirlərində yeddinci turun oyunları keçirilib. İran təmsilçiləri ilə mübarizə aparan Azərbaycan şahmatçıları yeddinci turu 2 qələbə, 1 məğlubiyyətlə başa vurublar.Azərtac xəbər verir ki, festivalın A turnirində şahmatçılarımızdan Azər Mirzəyev Mobina Alinasab üzərində qələbə qazanıb. Habil Cavadov isə Hamed Behruzi Moqaddam ilə görüşdə uduzub. B turnirində isə Xatun Bağırova Kamyar Rici ilə oyunda qalib gəlib.Yeddi turdan sonra X.Bağırova 5 xalla dördüncü, A.Mirzəyev 4,5 xalla beşinci sırada qərarlaşıblar. H.Cavadov isə 2,5 xalla 19-cu pillədədir.xeber100.com

Azərbaycan Boks Federasiyasının məlumatına görə…

Qazaxıstanın Ust-Kamenoqorsk şəhərində yeniyetmə boksçular arasında beynəlxalq turnir keçirilib. Yarışda ev sahibləri ilə yanaşı, Azərbaycan, Özbəkistan, Monqolustan və Qırğızıstan yığmaları da qüvvələrini sınayıblar.Azərbaycan Boks Federasiyasından Azərtac-a verilən məlumata görə, turnirə baş məşqçi Vaqif Kazımovun rəhbərliyi altında 12 boksçu ilə qatılan milli komandamız 3 qızıl, 1 gümüş və 4 bürünc medal qazanıb.Yığmamızın heyətində Kamil Babayev (52 kq), Zaur Qəhrəmanov (57 kq) və Murad Məhərrəmov (75 kq) bütün rəqiblərinə qalib gələrək, fəxri kürsünün ən yüksək pilləsinə qalxıblar. Finalda məğlub olan Tural Sarıyev (50 kq) isə ikinci yeri tutub. Digər boksçularımız - Elgün Babayev (48 kq), Taci Tağızadə (57 kq), Rza Rzazadə (70 kq) və Nicat Qurbanov (66 kq) bürünc medalla kifayətləniblər.Təmsilçilərimizdən çempion tituluna yiyələnən Zaur Qəhrəmanov daha bir nominasiyada mükafatlandırılıb. Astara boks məktəbinin yetirməsi turnirin ən texnikalı boksçusu seçilib.xeber100.com

Azərbaycan Premyer Liqasının XVI turuna yekun vurulub

Fevralın 8-də futbol üzrə Azərbaycan Premyer Liqasının XVI turuna “Qarabağ” – “Neftçi” matçı ilə yekun vurulub.Azərtac xəbər verir ki, Tofiq Bəhramov adına Respublika Stadionunda keçirilən qarşılaşmada qapılara top vurulmayıb.Xatırladaq ki, XVI turun digər oyunlarında “Sabah” doğma meydanda “Qəbələ”ni (3:2), “Səbail” səfərdə “Keşlə”ni (0:1), “Sumqayıt” isə ev oyununda “Zirə” komandasını (2:1) məğlub edib.Hazırda turnir cədvəlinə 35 xalla “Qarabağ” klubu başçılıq edir. Aktivində 27 xal olan “Neftçi” klubu ikinci, 26 xalı olan “Keşlə” isə üçüncü pillədə qərarlaşıblar. Digər pillələrdə “Sumqayıt” (22), “Zirə” (20), “Sabah” (16), “Səbail” (15) və “Qəbələ” (13) yer alıblar.xeber100.com

Dünya kuboku yarışlarının təqvimi açıqlanıb

Fevralın 15-16-da Milli Gimnastika Arenasında keçiriləcək batut gimnastikası və tamblinq üzrə dünya kuboku yarışlarının təqvimi açıqlanıb.Azərtac Azərbaycan Gimnastika Federasiyasına istinadla xəbər verir ki, turnirin birinci günündə tamblinq və batut gimnastikasi üzrə fərdi təsnifat yarışları baş tutacaq. Həmçinin batut üzrə sinxron cütlüklər arasında təsnifat yarışları təşkil olunacaq. Dünya kubokunun ikinci günündə isə təsnifat yarışlarında uğurla çıxış edən gimnastlar final mərhələsində mübarizə aparacaqlar. Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.Tokio Olimpiya Oyunlarına lisenziya xarakteri daşıyan turnirdə 30 ölkə iştirakını təsdiqləyib. Təxminən 150 gimnast yarışda birincilik uğrunda mübarizə aparacaq.Xatırladaq ki, ötən il Bakıda baş tutmuş batut gimnastikası üzrə dünya kuboku da Olimpiadaya təsnifat xarakteri daşıyırdı. 2018-ci ildə isə paytaxtımız 26 ölkənin iştirakı ilə gimnastikanın bu növü üzrə ilk dəfə Avropa çempionatına ev sahibliyi edib. Gələn il Azərbaycanda ilk dəfə batut gimnastikası üzrə dünya çempionatı keçiriləcək.xeber100.com

Azərbaycan Premyer Liqasında XVI turun daha bir oyunu keçirilib

Fevralın 8-də futbol üzrə Azərbaycan Premyer Liqasında XVI turun daha bir oyunu keçirilib.Azərtac xəbər verir ki, “Sumqayıt” komandası doğma meydanda - “Kapital Bank Arena”da “Zirə” klubunu 2:1 hesabı ilə məğlub edib.Görüşdə hesab 13-cü dəqiqədə açılıb. “Sumqayıt”ın heyətində Elvin Cəfərquliyev fərqlənib. Qonaqlar 35-ci dəqiqədə hesabı bərabərləşdiriblər. Ağabala Ramazanov çərçivəni dəqiq nişan alıb. Lakin cəmi iki dəqiqə sonra qonaq komandanın yarımmüdafiəçisi İlkin Muradov ikinci sarı vərəqəni alaraq komandasını meydanda azlıqda qoyub. Birinci hissə bu hesabla yekunlaşıb – 1:1.Görüşün 66-cı dəqiqəsində Sumqayıt təmsilçisinin yarımmüdafiəçisi Xəyal Nəcəfov komandasını yenidən hesabda önə keçirib. Bu, oyunda vurulan sonuncu qol olub. Görüşün 68-ci dəqiqəsində “Zirə”nin daha bir futbolçusu - Ağabala Ramazanov qırmızı vərəqə alaraq meydandan kənarlaşdırılıb.Qeyd edək ki, XVI tura “Qarabağ” – “Neftçi” matçı ilə yekun vurulacaq. Çempionatın XVI turunun ilk iki matçında “Sabah” doğma meydanda “Qəbələ”ni (3:2), “Səbail” isə səfərdə “Keşlə”ni (0:1) məğlub edib.Hazırda turnir cədvəlinə 34 xalla “Qarabağ” klubu başçılıq edir. Aktivində 26 xal olan “Keşlə” və “Neftçi” klubları müvafiq olaraq ikinci və üçüncü pillədə qərarlaşıblar. Digər pillələrdə “Sumqayıt” (22), “Zirə” (20), “Sabah” (16), “Səbail” (15) və “Qəbələ” (13) yer alıblar.xeber100.com

Gimnastikanın müxtəlif növləri üzrə beynəlxalq turnir keçiriləcək

Cari ildə Bakıda gimnastikanın müxtəlif növləri üzrə 8 beynəlxalq turnir keçiriləcək. İlin ilk beynəlxalq yarışı batut gimnastikası və tamblinq üzrə dünya kuboku turniridir.Azərtac xəbər verir ki, bu sözləri Azərbaycan Gimnastika Federasiyasının baş katibi Nurlana Məmmədzadə fevralın 8-də jurnalistlərə müsahibəsində deyib.Baş katib bildirib ki, fevralın 15-16-da keçiriləcək dünya kuboku yarışlarında iştirak edəcək Qazaxıstan, Gürcüstan və Yeni Zelandiya komandaları artıq Bakıdadır. Bu komandalar Bakıda təlim-məşq toplanışında iştirak edirlər.Milli Gimnastika Arenasının dünya kuboku yarışlarına tam hazır olduğunu deyən N.Məmməzadə bildirib ki, turnirdə 30 ölkədən 150 idmançı iştirak edəcək. Turnirin batut gimnastikası yarışlarında Olimpiya Oyunları mükafatçılarının iştirakı gözlənilir. Ötən il olduğu kimi, builki yarış da “Tokio-2020” Yay Olimpiya Oyunlarına lisenziya xarakteri daşıyacaq.Xatırladaq ki, dünya kuboku turnirində ölkəmizi batut gimnastikası yarışlarında Selcan Maqsudova, tamblinqdə isə Fərid Mustafayev təmsil edəcəklər.xeber100.com