Azərbaycan Premyer Liqasının XVI turuna start veriləcək

Fevralın 7-də futbol üzrə Azərbaycan Premyer Liqasının XVI turuna start veriləcək.Azərtac Peşəkar Futbol Liqasının saytına istinadla xəbər verir ki, turun birinci oyun günündə iki görüş keçiriləcək. Açılış matçında “Sabah” və “Qəbələ” komandaları “Bank Respublika Arena”da qarşılaşacaqlar. Saat 19:00-da başlayacaq görüşü Rəvan Həmzəzadə idarə edəcək.Günün ikinci matçı isə “ASK Arena”da təşkil olunacaq. Çempionluğa iddialılardan olan - ikinci pillənin sahibi “Keşlə” autsayder “Səbail”i qəbul edəcək. Bakı vaxtı ilə saat 21:00-da start götürəcək qarşılaşmanın idarə edilməsi Əliyar Ağayevə həvalə olunub.Fevralın 8-də “Kapital Bank Arena”da “Sumqayıt”–“Zirə” oyunu keçiriləcək. Baş hakim Orxan Məmmədov idarə edəcəyi qarşılaşma 17:30-da başlayacaq.Premyer Liqanın XVI turuna həmin gün saat 20:00-da başlayacaq “Qarabağ”-“Neftçi” matçı ilə yekun vurulacaq. Tofiq Bəhramov adına Respublika stadionunda keçiriləcək oyunda ədaləti Rauf Cabbarov qoruyacaq.Bütün görüşlər “CBC Sport” kanalı ilə birbaşa yayımlanacaq.On beş turdan sonra turnir cədvəlinə 34 xalla “Qarabağ” klubu başçılıq edir. Aktivində 26 xalı olan “Keşlə” və “Neftçi” klubları müvafiq olaraq ikinci və üçüncü pillədə qərarlaşıblar. Digər pillələrdə müvafiq olaraq “Zirə” (20), “Sumqayıt” (19), “Sabah” (13), “Qəbələ” (13) və “Səbail” (12) yer alıblar.xeber100.com

Azərbaycan kubokunun 1/16 final mərhələsi çərçivəsində

Futzal üzrə Azərbaycan kubokunun 1/16 final mərhələsi çərçivəsində 5 oyun keçirilib.Azərtac xəbər verir ki, mərhələnin ilk matçı “Star-karqo”ların dueli olub. Görüş “Star-karqo-2”nin qələbəsi ilə başa çatıb – 6:4.İkinci matçda “Yasamal” və “Yurd” komandaları qarşılaşıblar. “Yasamal” ardıcıl 4 qol vursa da, ikinci hissədə toparlanan “Yurd” 5:4 hesabı ilə qələbə qazanmağı bacarıb.“Red Line”–“Borçalı” dueli də kifayət qədər gərgin idman mübarizəsi şəraitində keçib. Hər hissədə bir qol vuran Birinci Liqa təmsilçisi “Red Line” minimal hesablı qələbə sayəsində cavab matçına cüzi də olsa, üstünlüklə çıxacaq – 2:1.Günün növbəti matçında “Araz” komandası “Baker Huges” ilə qarşılaşıb. “Araz”ın rəqibini böyük hesabla yenəcəyi isə gözlənilən idi. İkinci matçı formallığa çevirən Yüksək Liqa təmsilçisinin heyətində debüt edən Eşaq Soorgali qol hesabını açıb. Qarşılaşma 17:2 hesabı ilə qələbə qazanıb.Günün sonuncu oyununda da qələbəni Yüksək Liqa təmsilçisi – “Marafon” qazanıb. Fasiləyə qədər cəmi bir qol vuran “Marafon” ikinci hissədə fərqi artırsa da, 26-cı dəqiqədə “Altay” sona qədər mübarizəsini davam etdirib. Nəticədə İkinci Liqa klubu fərqi minimuma endirməklə intriqanı ölməyə qoymayıb. Amma son dəqiqədə daha iki dəfə rəqib torunu silkələyən “Marafon” ikinci oyuna üstünlük qazanıb – 4:1.Fevralın 7-də “Premier Quba”–“Bibi-Heybət”, “Bakur Fire”–“Advokat”, “Neftçi”–“Gənclik”, “Record club”–“Hövsan”, “Baku Fans”–“Zəngilan”, ertəsi gün “Forza Neftçi”–“Badamlı”, “Bakı”–“Nəqşicahan”, EKOL–NTD, “Yasamal”–“Atletiko Baku”, “Standard”–“Dalğa” və “Xızı”–“Baker Tilly” oyunları təşkil olunacaq.xeber100.com

Azərbaycan Futzal Federasiyasının məlumatı əsasında…

Futzal üzrə dünya çempionatının elit-raund mərhələsinə yekun vurulub.Azərtac Azərbaycan Futzal Federasiyasına istinadla xəbər verir ki, öz qruplarının qalibi olan İspaniya, Portuqaliya, Rusiya və Qazaxıstan mundiala birbaşa vəsiqə qazanıblar.Qalan iki vəsiqəni isə pley-off mərhələsində üz-üzə gələcək Xorvatiya-Çexiya və Serbiya-Finlandiya cütlüklərinin qalibi müəyyənləşdirəcək.Elit-raund mərhələsində mübarizə aparan Azərbaycan millisi Xorvatiya komandasına 0:2 hesabı ilə məğlub olub. Rusiya yığmasına 4:3 hesabı ilə qalib gələn millimiz Slovakiya seçməsi ilə heç-heçə edib – 3:3. Qrupda üçüncü olan millimiz mübarizəni dayandırıb.xeber100.com

Şahmat üzrə Azərbaycan kuboku turnirinin növbəti görüşləri keçiriləcək

Fevralın 6-da şahmat üzrə Azərbaycan kuboku turnirinin dörddəbir final və yarımfinal mərhələlərinin görüşləri keçiriləcək.Azərtac xəbər verir ki, turnirdə 12 yaşadək şahmatçılar və böyüklər əvvəlcə dörddəbir final mərhələsində mübarizə aparacaqlar. Qaliblərin mübarizə aparacaqları yarımfinal partiyalarından sonra finalçılar müəyyənləşəcək.Qeyd edək ki, Azərbaycan kuboku turnirində səkkizdəbir final yarışları fevralın 5-də keçirilib. Böyüklərin yarışında Nicat Abasov, Əhməd Əhmədzadə, Aydın Süleymanlı, Abdulla Qədimbəyli, Rəhim Qasımov, Ülvi Sadıqov, Xəzər Babazadə, Fərid Mustafayev dörddəbir finala yüksəliblər. On iki yaşadək şahmatçılar arasında isə Şahin Vəliyev, Əli Süleymanov, Xaqan Əhməd, Həsən Orucov, İsmayıl Süleymanlı, Tunar Davudov, Cahandar Azadəliyev və Paşam Əlizadə növbəti mərhələyə vəsiqə qazanıblar.Turnir Respublika Şahmat Mərkəzində keçirilir.xeber100.com

Formula 1 yarışlarının vaxtı dəyişdirilə bilər

Koronavirusun yayılması ilə əlaqədar Formula 1 yarışlarının Çində keçiriləcək Qran-Pri mərhələsinin vaxtı dəyişdirilə bilər.Azərtac xəbər verir ki, bunu “Motorsport” portalına Formula 1-in idman direktoru Ross Braun deyib.Qeyd edib ki, apreldə Çində yarışları təşkil etmək mümkün olmasa, turnir təxirə salınacaq və onun keçirilmə vaxtı dəyişdiriləcək. Formula 1-in Çin mərhələsi aprelin 17-dən 19-dək keçiriləcək.Bundan əvvəl Formula E çempionatının Çin mərhələsinin ləğv edilməsi ilə bağlı qərar qəbul edilib.xeber100.com

Azərbaycan Həndbol Federasiyasının məlumatına görə…

Qadın həndbolçuların Azərbaycan çempionatında fasilə başa çatıb.Azərbaycan Həndbol Federasiyasından Azərtac-a bildiriblər ki, X turun oyunları da maraqlı idman mübarizəsi ilə yadda qalıb. Meydançaya əvvəlcə “Azəryol” və “Azərsu” komandaları çıxıblar. Yarış cədvəlindəki mövqeyini yaxşılaşdırmaq niyyətində olan “Azərsu” liderlə oyunda yüksək əzmkarlıq göstərsə də, bu, qələbə üçün kifayət etməyib. “Azəryol” rəqibin ciddi müqavimətinə baxmayaraq, qarşıya qoyulan tapşırığı yerinə yetirib – 24:23.Günün digər qarşılaşmasında “İdman Akademiyası” və “Qarabağ” komandaları üz-üzə gəliblər. Çempionluq uğrunda mübarizə aparan “Qarabağ” təbii ki, bu görüşdə xal itirmək niyyətində deyildi. Oyuna qələbə üçün çıxan nominal qonaqlar çətinliklə də olsa, azarkeşlərin etimadını doğruldublar. “İdman Akademiyası” komandası çox çalışsa da, məğlubiyyətdən qurtula bilməyib – 35:40.Onuncu turu da qələbə ilə bitirən “Azəryol” 18 xalla çempionatın turnir cədvəlinin vahid lideridir. “Qarabağ” ondan iki xal geri qalır. “Azərsu” 6 xalla üçüncü yerdə qərarlaşıb. Hələ də xal qazana bilməyən “İdman Akademiyası” çempionatın autsayderidir.Fevralın 8-də kişi həndbolçulardan ibarət komandalar X turun oyunlarına çıxacaqlar. Həmin gün “Məhsul” “Təhsil”lə, U-18 isə “Bakı” ilə qarşılaşacaq.xeber100.com

Şahmat festivalının dördüncü turunda növbəti oyunlar keçiriləcək

Fevralın 5-də İranın Çabahar şəhərində şahmat festivalının A (masters) və B (U 2000) turnirlərində dördüncü turun oyunları keçiriləcək.Azərtac xəbər verir ki, bu turda təmsilçilərimiz yerli idmançılarla mübarizə aparacaqlar. Festivalın A turnirində şahmatçılarımızdan Azər Mirzəyev Seyed Kian Purmosavi, Habil Cavadov Abtin Ataxan, B turnirində Xatun Bağırova isə Moharram Ahmadian ilə qarşılaşacaqlar.Qeyd edək ki, şahmatçılarımızdan X.Bağırova ötən turlarda maksimum xal toplayaraq turnir cədvəlində liderliyə yüksəlib. A.Mirzəyev və H.Cavadov isə iki xalla 6-12-ci yerləri bölüşürlər. İsveçrə sistemi üzrə keçirilən yarış doqquz turdan ibarətdir.xeber100.com  

AFFA-nın Hakimlər Komitəsinin sədri növbəti təyinat alıb

AFFA-nın Hakimlər Komitəsinin sədri Fritz Stuçlik növbəti təyinat alıb.Azərtac AFFA-nın saytına istinadla xəbər verir ki, komitə sədri UEFA Avropa Liqasının 1/16 final mərhələsinin cavab oyunları çərçivəsində keçiriləcək “Braqa” (Portuqaliya) – “Reyncers” (Şotlandiya) görüşünün hakim-inspektoru olacaq.“Braqa”–“Reyncers” oyunu fevralın 26-da “Estadio Municipal de Braqa”da keçiriləcək.xeber100.com

Azərbaycan yığma komandasının 2020-ci il üçün heyəti açıqlanıb

Velosiped üzrə gənc oğlanlardan (2002-2003-cü il təvəllüdlü) ibarət Azərbaycan yığma komandasının 2020-ci il üçün heyəti açıqlanıb.Azərtac Azərbaycan Velosiped İdmanı Federasiyasına istinadla xəbər verir ki, heyətdə İbad Abbasov, Nikita Sıtov (ROEQİUGVM), Əmral Əbdüləzizli, Elçin Rzazadə (7 İOEUGİM) və Nofəl Nuriyev (Neftçi İK) yer alıblar.xeber100.com

Qılıncoynatma üzrə dünya kubokunun mərhələ yarışı keçiriləcək

Fevralın 9-da Bolqarıstanın Plovdiv şəhərində gənclər arasında qılıncoynatma üzrə dünya kubokunun mərhələ yarışı keçiriləcək.Azərtac xəbər verir ki, turnirdə Azərbaycanı sablya üzrə yığma komandamızın üzvü Aysel Əhədova təmsil edəcək.Qeyd edək ki, yarışa 21 ölkədən 100 qadın idmançı qatılacaq.xeber100.com