Milli Karate Federasiyasının məlumatı əsasında…

Fevralın 7-dən 9-dək Macarıstanın paytaxtı Budapeştdə yeniyetmə və gənclərin 47-ci, 21 yaşadək karateçilərin isə 12-ci Avropa çempionatı keçiriləcək.Azərbaycan Milli Karate Federasiyasının mətbuat xidmətindən Azərtac-a verilən məlumata görə, hər iki çempionatda iştirak edəcək milli komandamızın heyətinə federasiyanın prezidenti Yaşar Bəşirov rəhbərlik edəcək. Kumite üzrə baş məşqçi Anar Allahverdiyev, böyük məşqçi Şahin Xudaverdiyev və qadınların baş məşqçisi Denis Morozov, həmçinin kata üzrə baş məşqçi Vahid Ayvazov mötəbər yarışda 30 idmançının mübarizə aparmasına üstünlük verib. Belə ki, 14-15 yaşlı yeniyetmələr arasında yarışlarda Məhəmməd Xamoyev (52 kq), Fərid Savadov (57 kq), Rumil Cəfərli (63 kq), Vahid Həsənov (70 kq), Elgün İmanquliyev (+70 kq), Aysu Əliyeva (47 kq), Suada Kərimova (54 kq), Arina Bezrebra (+54 kq), həmçinin Elcan Səmədzadə və Samirə Məmmədova (kata) çıxış edəcəklər.Sultan Hüseynov (55 kq), Əminağa Quliyev (61 kq), Tale Yaqubov (68 kq), Fərid Ağayev (76 kq), Osman Osmanlı (+76 kq), Xumar Əlibəyova (48 kq), Polina Qurenko (53 kq), Ayla Rzazadə (59 kq), eləcə də, Həsənəli Həsənov və Zəhra Qurbanzadə (kata) 16-17 yaşlı gənclər arasında mübarizə aparacaqlar.Müseyib Məmmədov (60 kq), Hümmət Baxşəliyev (67 kq), Qasım İsgəndərov (75 kq), Murad Balakişiyev (84 kq), Murad Hacızadə (+84 kq), Fidan Teymurova (50 kq), Mədinə Sadıqova (55 kq), Renata Ərəbli (61 kq), Zamirə Rzayeva (68 kq) və Ceyhun İsmayılov (kata) 18-20 yaşlı gənclərin yarışında güclərini sınayacaqlar.Beynəlxalq hakimlər Cahangir Babayev və Vüqar Kərimov də heyətlə birgə Macarıstana ezam olunublar. Yeniyetmə və gənclərin 47-ci, 21 yaşadək karateçilərin isə 12-ci Avropa çempionatında 52 ölkədən 1155 idmançı mübarizə aparacaq.xeber100.com

Azərbaycan Gimnastika Federasiyası turnir təşkil edəcək

Martın 7-8-də Azərbaycan Gimnastika Federasiyası (AGF) ilk dəfə olaraq kişi idman gimnastikası üzrə birinci “AGF Junior Trophy” adlı beynəlxalq turnir təşkil edəcək.Azərtac AGF-yə istinadla xəbər verir ki, Milli Gimnastika Arenasında təşkil olunacaq turnirdə gənclər yaş qrupuna daxil olan 2003-2006-cı il təvəllüdlü gimnastlar öz bacarıqlarını nümayiş etdirəcəklər.Yarışa ilkin qeydiyyat siyahısına əsasən turnirdə 13 ölkə iştirakını təsdiqləyib.Qeyd edək ki, bu yarış mayın 27-31-d ə Milli Gimnastika Arenasında təşkil ediləcək kişi idman gimnastikası üzrə Avropa çempionatından öncə gənc gimnastlar üçün bir növ sınaq turniri rolunu oynayacaq.xeber100.com

Lissabonda keçirilən açıq şahmat turniri başa çatıb

Portuqaliyanın paytaxtı Lissabonda keçirilən açıq şahmat turniri başa çatıb.Azərtac xəbər verir ki, turnirin klassik yarışlarında mübarizə aparan Azərbaycan şahmatçılarından Vüqar Əsədli 9 turdan 7 xal toplayıb. Bu nəticə ilə liderdən cəmi 0,5 xal geri qalan V.Əsədli 2-9-cu yerləri bölüşüb. Komandamızın digər üzvlərindən Zaur Bayramov 6 xalla 23-cü, Nail Bəşirli 5,5 xalla 40-cı yerləri tutublar.İsveçrə sistemi üzrə keçirilən yarışda 227 şahmatçı mübarizə aparıb.xeber100.com

Azərbaycan Premyer Liqasının 15-ci turunun növbəti görüşündə

Fevralın 2-də futbol üzrə Azərbaycan Premyer Liqasının 15-ci turunun növbəti görüşündə “Qəbələ” doğma meydanda "Keşlə”ni qəbul edib.Azərtac xəbər verir ki, Qəbələ şəhər stadionunda keçirilən oyuna qonaqlar fəal başlayıblar. Görüşün 35-ci dəqiqəsində hesabı Bakı təmsilçilərinin müdafiəçisi Miyusko Boyoviç açıb. Cəmi beş dəqiqə sonra "Keşlə"nin hücumçusu Sezar Meza Kolli hesab arasındakı fərqi artırıb. Lakin meydan sahiblərinin müdafiəçisi İvika Zuniç 60-cı dəqiqədə hesab arasındakı fərqi minimuma endirsə də, komandanın bundan artığına gücü çatmayıb. Beləliklə, matçda "Keşlə" komandası 2:1 hesabı ilə meydan sahibi "Qəbələ"ni məğlub edib.Premyer Liqanın XV turuna “Səbail” - “Qarabağ” matçı ilə yekun vurulacaq. Bu oyunda ədaləti İnqilab Məmmədov qoruyacaq.On dörd turdan sonra turnir cədvəlinə 31 xalla “Qarabağ” klubu başçılıq edir. Aktivində 26 xalı olan “Keşlə" və "Neftçi” isə müvafiq olaraq ikinci və üçüncü yerdə qərarlaşıb. Digər pillələrdə müvafiq olaraq “Zirə” (20), “Sumqayıt” (19), “Sabah” (13), “Qəbələ” (13) və “Səbail” (12) yer alıb.xeber100.com

İtaliya A Seriyasının 22-ci turunun oyunları keçirilib

Fevralin 2-də İtaliya A Seriyasının 22-ci turunun oyunları keçirilib.Azərtac xəbər verir ki, turnir cədvəlinin hazırkı lideri “Yuventus” öz meydanında “Fiorentina” klubunu qəbul edib.“Allianz” stadionunda baş tutan görüş 3:0 hesabı ilə meydan sahiblərinin xeyrinə başa çatıb.Turin təmsilçisinin heyətində Kriştiano Ronaldo (2) və Matias De Liqt fərqlənib.Bu qələbə sayəsində “Yuventus” aktivinə 54-cü xalı yazaraq ən yaxın izləyici, bir oyun az keçirdən “İnter”dən beş xal irəlidədir. “Fiorentina” isə 25 xalla 14-cü yerdə qərarlaşıb.Digər maraq doğuran oyun “San Siro” stadionunda qeydə alınıb. Son zamanlar yaxşı oyunu ilə diqqət çəkən “Milan” doğma azarkeşlər önündə “Hellas Verona” klubunu qəbul edib. Görüş 1:1 hesabı ilə heç-heçə başa çatıb.Turnir cədvəlində üçüncü yerdə qərarlaşan “Latsio” isə SPAL-ı böyük hesabla məğlub edib - 4:1.Xatırladaq ki, turun ilk oyun günündə “Bolonya” öz meydanında “Breşiya”nı məğlub edib (2:1), “Kalyari” - “Parma” oyununda isə qalib müəyyənləşməyib (2:2). “Roma” isə səfərdə gözlənilmədən “Sassuolo”ya məğlub olub (4:2).xeber100.com

İngiltərə Premyer Liqasının 25-ci turunun mərkəzi qarşılaşması keçirilib

Fevralin 2-də futbol üzrə İngiltərə Premyer Liqasının 25-ci turunun mərkəzi qarşılaşması keçirilib.Azərtac xəbər verir ki, “Tottenhem Hotspur” stadionunda baş tutan görüşdə “Tottenhem” son çempion “Mançester Siti” komandasını qəbul edib.Görüşün ilk hissəsində qonaqlar hesabı açmağa yaxın olub. Belə ki, baş hakimin “Tottenhem” klubunun qapısına təyin etdiyi 11 metirlik cərimə zərbəsini İlkay Gündoğan dəqiq yerinə yetirə bilməyib.Qarşılaşmanın ikinci hissəsinin 60-ci dəqiqəsində Mançester təmsilçisi azlıqda qalıb. Aleksander Zincenko ikinci sarı vərəqəsini alaraq meydandan kənarlaşdırılıb. Matçın 63-cü dəqiqəsində “Tottenhem” klubu hesabı açıb. Kluba yeni transfer olunmuş Stiven Berqveyn uzaq məsafədən qapını dəqiq nişan alıb - 1:0. Qoldan səkkiz dəqiqə sonra London təmsilçisi yenidən qonaqları meydanın mərkəzindən başlamağa məcbur edib. Son Xın Min qurulmuş kombinasiyanı dəqiq zərbə ilə tamamlayıb - 2:0.Oyunun qalan vaxtı ərzində tərəflərin fərqlənməyə şansları olsa da, görüşdə hesab dəyişməyib və oyun 2:0 hesabı ilə "Tottenhem"in xeyrinə bitib.Beləliklə, “Mançester Siti” cari mövsüm 6-cı məğlubiyyətini qazanıb və onun çempionluq mübarizəsində şansları azalıb. Buna səbəb isə “Liverpul” klubunun 73 xal toplayaraq Premyer Liqanın başa çatmasına 13 tur qalmış “Mançester Siti”dən 22 xalla irəlidə olmağıdır.“Tottenhem” bu qələbədən sonra 37 xalla 5-ci yerə yüksəlib.Turun digər oyunlarında aşağıdakı hesablar qeydə alınıb: “Bormunt” - “Aston Villa” - 2:1; “Kristal Palas” - “Şeffild Yunayted” - 0:1; “Nyukasl Yunayted” - “Norviç Siti” - 0:0; “Vatfotd” - “Everton” - 2:3; “Liverpul” - “Southemton” - 4:0; “Mançester Yunayted” - “Volverhemton” - 0:0; “Vest Ham Yunayted” - “Brayton” - 3:3.xeber100.com

Cüdo üzrə “Böyük dəbilqə” turniri keçiriləcək

Fevralın 21-dən 23-dək Almaniyanın Düsseldorf şəhərində cüdo üzrə “Böyük dəbilqə” turniri keçiriləcək.Azərtac xəbər verir ki, Azərbaycanı bu nüfuzlu yarışda 20 cüdoçu (14 kişi, 6 qadın) təmsil edəcək.Yarışda 122 ölkədən 900-dək cüdoçu mübarizə aparacaq.xeber100.com

Avstraliya açıq turnirində tennisçilərin final qarşılaşması keçirilib

Fevralın 1-də Avstraliya açıq turnirində qadın tennisçilərin yarışında final qarşılaşması keçirilib.Azərtac xəbər verir ki, turnirin həlledici görüşündə amerikalı Sofia Kenin və ispaniyalı Qarbinye Muquruza üz-üzə gəliblər.S.Kenin birinci setdə 4:6 hesabı ilə məğlub olmasına baxmayaraq, ardıcıl iki seti qələbə (6:2, 6:2) ilə başa vuraraq karyerasında ilk dəfə “Böyük dəbilqə” seriyasının qalibi adını qazanıb. Turnirdən əvvəl dünya reytinqində 15-ci yerdə olan amerikalı idmançı çempionluqdan sonra yeddinci sıraya yüksəlib.Turnirə fevralın 2-də kişi tennisçilər arasında final görüşündən sonra yekun vurulacaq.Həmin görüşdə serbiyalı Novak Cokoviç və avstriyalı Dominik Tim üz-üzə gələcəklər.Avstraliya açıq turniri “Böyük dəbilqə” seriyasının 2020-ci ildəki ilk yarışıdır. Turnirin ümumi mükafat fondu 49,1 milyon dollardır.xeber100.com

“Aeroflot Open” beynəlxalq şahmat festivalı keçiriləcək

Fevralın 17-dən 27-dək Moskvada “Aeroflot Open” beynəlxalq şahmat festivalı keçiriləcək.Azərtac xəbər verir ki, festivalın güclü şahmatçıların mübarizə aparacaqları “Open A” turnirində Azərbaycan təmsilçilərindən Rauf Məmmədov, Vasif Durarbəyli və Aydın Süleymanlı iştirak edəcəklər. “Open B” turnirində təmsilçilərimiz Məhəmməd Muradlı, Elvin Bayramov və Read Səmədov mübarizə aparacaqlar.Qeyd edək ki, ötən il keçirilmiş analoji yarışda Azərbaycan şahmatçısı Məhəmməd Muradlı 9 turdan 6,5 xal toplayaraq üçüncü yeri tutub.xeber100.com

Azərbaycan Premyer Liqasının 15-ci turunun ikinci görüşündə

Fevralın 1-də futbol üzrə Azərbaycan Premyer Liqasının 15-ci turunun ikinci görüşündə “Neftçi” doğma meydanda "Sumqayıt”ı qəbul edib.Azərtac xəbər verir ki, "Bakcell Arena"da keçirilən oyunda qalib müəyyənləşməyib.Görüşün 43-cü dəqiqəsində hesabı Sumqayıt təmsilçilərinin hücumçusu Rahim Sadikov açıb. Lakin meydan sahibləri 71-ci dəqiqədə hesaba tarazlıq gətirməyi bacarıblar. Matç elə bu hesabla bitib -1:1.Qeyd edək ki, "Neftçi" komandası oyunu 41-ci dəqiqədən etibarən bir nəfər azlıqda oynayıb. Bakı təmsilçisinin heyətində Vojislav Stankoviç qırmızı vərəqə alaraq komandasını azlıqda qoyub.Fevralın 2-də Qəbələ şəhər stadionunda keçiriləcək “Qəbələ” – “Keşlə” oyununda baş hakim funksiyasını Səbuhi Bayramov yerinə yetirəcək. Matç saat 15:00-da başlayacaq.Premyer Liqanın XV turuna həmin gün saat 17:30-da başlayacaq “Səbail” - “Qarabağ” matçı ilə yekun vurulacaq. Bu oyunda ədaləti İnqilab Məmmədov qoruyacaq.Bütün görüşlər “CBC Sport” kanalı ilə birbaşa yayımlanacaq.On dörd turdan sonra turnir cədvəlinə 31 xalla “Qarabağ” klubu başçılıq edir. Aktivində 26 xalı olan “Neftçi” ikinci, 23 xalı olan “Keşlə” isə üçüncü yerdə qərarlaşıb. Digər pillələrdə müvafiq olaraq “Zirə” (20), “Sumqayıt” (19), “Sabah” (13), “Qəbələ” (13) və “Səbail” (12) yer alıblar.xeber100.com