Veyk-an Zee şahmat festivalının beşinci turunun oyunları keçiriləcək

Yanvarın 16-da Veyk-an Zee şahmat festivalının (“Tata Steel Chess 2020”) beşinci turunun oyunları keçiriləcək.Azərtac xəbər verir ki, turnirin B qrupunda mübarizə aparan təmsilçimiz Rauf Məmmədov növbəti turda yerli idmançı Jan Smitslə üz-üzə gələcək.Qeyd edək ki, təmsilçimiz ötən 4 turun nəticəsinə görə 2,5 xal toplayıb. O, bu göstərici ilə 2-5-ci yerləri bölüşür.xeber100.com

Milli Karate Federasiyasının təşkilatçılığı ilə karate turniri keçiriləcək

“Arpaçay” karate klubu və Azərbaycan Milli Karate Federasiyasının (AMKF) birgə təşkilatçılığı ilə yanvarın 17-19-da uşaq, yeniyetmə və gənclər arasında 20 Yanvar şəhidlərinin xatirəsinə həsr olunmuş ənənəvi beynəlxalq turniri keçiriləcək.Azərtac xəbər verir ki, Bakı İdman Sarayında təşkil ediləcək və sayca 5-ci olacaq açıq beynəlxalq turnirdə 900-dək idmançı iştirak edəcək.Turnirdə Azərbaycanla yanaşı, Türkiyə, Rusiya, İran, Türkmənistan, Gürcüstan, Ukrayna, Qazaxıstan, Özbəkistan, Küveyt, Mərakeş və Omandan olan idmançılar da mübarizə aparacaqlar.Karateçilər yarışın ilk günündə bütün yaş qruplarında kata çıxışlarına qatılacaqlar. Ertəsi gün 6-11 yaşlı uşaqların kumite yarışları, bazar günü isə 12-17 yaşlı yeniyetmə və gənclərin döyüşləri keçiriləcək. Yarışı milli hakimlərimizlə yanaşı, 5 ölkədən 22 beynəlxalq hakim də idarə edəcək.Turnirin açılış mərasimi yanvarın 18-də keçiriləcək.xeber100.com

Latviyada cüdo üzrə çempionat start götürüb

Latviyanın paytaxtı Riqa şəhərində cüdo üzrə çempionat start götürüb. Azərbaycan əsilli idmançı Əbülfəz Nəsirov yarışda çempion olub.Azərtac xəbər verir ki, kişilər arasında 73 kiloqram çəkidə mübarizə aparan Latviya vətəndaşı, Azərbaycan əsilli idmançı Əbülfəz Nəsirov rəqiblərinə qalib gələrək birinci yerə çıxıb və qızıl medala layiq görülüb.Azərbaycanın Latviyadakı səfiri Cavanşir Axundov idmançını qələbə münasibətilə təbrik edib, ona gələcək yarışlarda uğurlar arzulayıb.xeber100.com

“Səbail” futbol klubu “Jetisu” komandası ilə yoxlama oyunu keçirəcək

Antalyada təlim-məşq toplanışında olan Bakının “Səbail” futbol klubu bu gün Qazaxıstanın “Jetisu” komandası ilə yoxlama oyunu keçirəcək.Azərtac xəbər verir ki, “Spice Otel Belek”in meydanında keçiriləcək qarşılaşma Bakı vaxtı ilə 18:00-da başlayacaq.Qeyd edək ki, yanvarın 26-dək Antalyada qalacaq “Səbail” bu müddətdə daha 3 yoxlama görüşü keçirəcək.xeber100.com

“Neftçi” komandası təlim-məşq toplanışının ikinci mərhələsində

Bakının “Neftçi” futbol klubu təlim-məşq toplanışının ikinci mərhələsini davam etdirir.Azərtac xəbər verir ki, komandamız Antalyada məskunlaşdığı “The Sense De Luxe” otelinin stadionunda məşqə çıxıb. Səhər məşqində futbolçular fiziki hazırlıq üzrə məşqçi Andrea Vezzunun rəhbərliyi altında fiziki yükləmələri yerinə yetiriblər. Daha sonra standart vəziyyətlər və qısa ötürmələr üzərində işləyiblər.Təlim-məşq toplanışında komandanın iki aparıcı üzvü – Stiven Jozef-Monroz və Dario Frederiko iştirak etmirlər. Monroz sənəd probleminə görə hələ ki düşərgəyə qoşula bilməyib. Dario isə hazırlığını Bakıda – “Neftçi-2”nin heyətində davam etdirir.Qardaş ölkədə 3 yoxlama oyunu keçirməyi planlaşdıran “Neftçi” Bakı vaxtı ilə sabah saat 17:00-da Polşanın “LKS Lodz” klubu ilə qarşılaşacaq. “Ağ-qaralar” yanvarın 20-si Ukraynanın “Dinamo” (Kiyev), dörd gün sonra isə “Desna” klubu ilə üz-üzə gələcək.xeber100.com

“Sabah” futbol klubu növbəti yoxlama oyununu keçirəcək

Türkiyənin Antalya vilayətinin Belek bölgəsində təlim-məşq toplanışını davam etdirən “Sabah” komandası hazırlıq çərçivəsində bu gün növbəti yoxlama oyununu keçirəcək.Azərtac xəbər verir ki, komandamız Rumıniyanın “Akademika Klinçeni” klubu ilə qarşılaşacaq. Görüş Bakı vaxtı ilə saat 18:30-da Belekdəki “Titanik Mardan” stadionunda başlayacaq.Qarşılaşma “Sabah” futbol klubunun “YouTube” kanalı ilə canlı yayımlanacaq.Xatırladaq ki, “Sabah” Antalya toplanışı çərçivəsində ilk yoxlama oyununu Macarıstanın “Pakş” komandasına (0:2) qarşı keçirib.xeber100.com

Həndbol Federasiyasının məlumatı əsasında…

Həndbol üzrə ölkə kuboku yarışlarına start verilib.Azərbaycan Həndbol Federasiyasından Azərtac-a bildiriblər ki, ilk olaraq kişilərdən ibarət komandalar mübarizəyə qatılıblar. Üç turdan ibarət qrup mərhələsinin ilk oyun günündə meydançaya əvvəlcə “Təhsil” və “Məhsul” kollektivləri çıxıblar. Azərbaycan çempionatının lideri, kubok turnirində də nahaq yerə favorit sayılmadığını sübut edib. Görüş “Məhsul”un 36:28 hesablı qələbəsi ilə başa çatıb.Günün digər oyununda isə “Bakı” U-18 komandasını sınağa çəkib. Bu qarşılaşma da imkanları yüksək qiymətləndirilən rəqibin qələbəsi ilə nəticələnib. Gənc həndbolçular çox çalışsalar da, “Bakı”nın uğurlu startına mane ola bilməyiblər – 36:20.Yanvarın 15-də qadın həndbolçulardan ibarət komandalar kubok uğrunda mübarizəyə başlayacaqlar. İlk turda “Azərsu” “Azəryol”la, “Qarabağ” “İdman Akademiyası” ilə üz-üzə gələcək.Qeyd edək ki, yarışın yarımfinal mərhələsi aprelə təyin olunub. Qalib komandanın adına isə mayın 2-də keçiriləcək həlledici görüşlərdə aydınlıq gələcək.xeber100.com

“Tata Steel Chess 2020” turnirinin növbəti oyunları keçiriləcək

Yanvarın 14-də Hollandiyanın Veyk-an Zee şəhərində “Tata Steel Chess 2020” turnirinin dördüncü turunun oyunları keçiriləcək.Azərtac xəbər verir ki, turnirin B qrupunda mübarizə aparan təmsilçimiz Rauf Məmmədovun rəqibi ukraynalı Pavel Elyanov olacaq. Üç turun nəticəsinə görə təmsilçimizin aktivində 2 xal var. O, bu göstərici ilə liderlər qrupunda yer alıb.xeber100.com

“Qarabağ” futbol klubunun qapıçısı “Milan”a transfer olunub

Ağdamın “Qarabağ” klubunda icarə əsasında çıxış edən qapıçı - Asmir Beqoviç İtaliyanın “Milan” klubuna transfer olunub.Azərtac “Milan” klubun rəsmi saytına istinadla xəbər verir ki, 32 yaşlı Bosniya və herseqovinalı qapıçı “Milan” klubunda cari mövsümün sonuna kimi çıxış edəcək.Asmir “Qarabağ”da mövsümün ilk yarısında forma geyinib. Onun “Bornmut”la müqaviləsi 2021-ci ilin iyun ayınadəkdir.Beqoviçin yanvarın 15-də İtaliya kubokunda SPAL klubuna qarşı keçirəcəyi oyunda debütü gözlənilir.Qeyd edək ki, A.Beqoviç “Çelsi” və “Bornmunt”, “Stok Siti” və bir neçə tanınmış klubların formasını geyinib.xeber100.com

Azərbaycan milli komandası yoldaşlıq oyunları keçirəcək

Dünya çempionatının elit-raund mərhələsinə hazırlığını Bakıda davam etdirən futzal üzrə Azərbaycan milli komandası yanvarın 21-də və 22-də Özbəkistan yığması ilə yoldaşlıq oyunları keçirəcək.Azərtac AFFA-ya istinadla xəbər verir ki, hər iki qarşılaşmanı idarə edəcək hakimlər müəyyənləşib.Bakı İdman Sarayında keçiriləcək birinci oyunun baş hakimi Hikmət Qafarlı olacaq. Ona Anar Fərəcov və Rahin Heybətov kömək edəcəklər. Eyni məkanda təşkil olunacaq ikinci oyun isə Əli Cəbrayılova tapşırılıb. Knyaz Əmiraslanov və Fuad Həsənov köməkçi hakim funksiyasını yerinə yetirəcəklər.xeber100.com