Blits üzrə dünya çempionatının sonuncu turlarının oyunları keçiriləcək

Dekabrın 30-da Moskvada blits üzrə dünya çempionatının sonuncu turlarının oyunları keçiriləcək.Azərtac xəbər verir ki, dünya çempionatında Azərbaycan şahmatçıları arasında ən yaxşı nəticə göstərən Şəhriyar Məmmədyarov 8,5 xalla 9-cu yerdədir. Eltac Səfərli 8, Rauf Məmmədov 7, Qədir Hüseynov 5,5, Namiq Quliyev və Aydın Süleymanlı hərəyə 5 xal toplayıblar. Qadın şahmatçıların mübarizəsində isə təmsilçilərimiz Ülviyyə Fətəliyeva, Günay Məmmədzadə 5,5, Gülnar Məmmədova 5, Türkan və Zeynəb Məmmədyarovalar 4,5 və 4 xal qazanıblar.Turnir cədvəlində 10 xalla norveçli dünya çempionu Maqnus Karlsen liderlik edir.Qeyd edək ki, dünya çempionatı çərçivəsində rapid yarışları başa çatıb. Turnirdə təmsilçilərimizdən ən yaxşı nəticə Şəhriyar Məmmədyarova məxsusdur. Qrossmeysterimiz 9,5 xalla 12-ci pillədə qərarlaşıb. Rapid yarışlarının qalibi isə 11,5 xalla M.Karlsen olub.xeber100.com

İngiltərə Premyer Liqasının 20-ci turunun oyunlarına yekun vurulub

Dekabrın 30-da İngiltərə Premyer Liqasının 20-ci turunun oyunlarına yekun vurulub.Azərtac xəbər verir ki, hazırkı lider “Liverpul” öz meydanında - “Anfield” stadionunda 7-ci pillədə qərarlaşan “Volverhemton” komandasını qəbul edib.Görüş meydan sahiblərinin minimal hesabla qələbəsi ilə başa çatıb - 1:0.Mersessayd təmsilçisinin heyətində yeganə qolun müəllifi 42-ci dəqiqədə Sadio Mane olub. O, uzun müddət zədə üzündən meydana çıxmayan Adam Lallananın ötürməsindən sonra şansı əldən verməyib.“Mançester Siti” də bu turu öz meydanında keçirib.Pep Qvardiolanın yetirmələri cari mövsün yaxşı oyunu ilə diqqət çəkən və 8-ci yerdə qərarlaşan “Şeffild Yunayted” komandasını qəbul edib.Mançester təmsilçisinin iki cavabsız topla məğlub etdikləri görüşdə Serxio Aquera və Kevin De Brüyne fərqlənib.Turun mərkəzi görüşü isə “Emirates” stadionunda baş tutub. Çempionluğa iki iddialı klub - “Arsenal” və “Çelsi” klubları üz-üzə gəlib.London derbisi “Çelsi” klubun 2:1 hesablı qələbəsi ilə başa çatıb.İlk hissənin 13-cü dəqiqəsində hesabda irəli çıxan “Arsenal”, fasilədən sonra 83-cü və 87-ci dəqiqələrdə ardıcıl iki dəfə top buraxaraq məğlub olublar.“Arsenal”ın heyətində Pyer-Emerik Obameyanq, “Çelsi”nin isə Jorjinyo və Tammy Abraham fərqləniblər.İyirmi turdan sonra turnir cədvəlinə 55 xalla “Liverpul” klubu başçılıq edir, “Lester Siti” 42 xalla ikinci, “Mançester Siti” isə 41 xalla üçüncü yerdə qərarlaşıb.Digər pillələrdə müvafiq olaraq “Çelsi” (35), “Mançester Yunayted” (31), “Tottenhem” (30), “Volverhemton” (30), “Şeffild Yunayted” (29), “Kristal Palas” (27), “Everton” (25) qərarlaşıblar.İngiltərə Premyer Liqasının 21-ci turu 2020-ci ilin yanvarın 1-2 və 3-də keçiriləcək.xeber100.com

İngiltərə Premyer Liqasının 20-ci turu başlayıb

İngiltərə Premyer Liqasının 20-ci turuna start verilib.Azərtac xəbər verir ki, turnir cədvəlində ikinci pillədə qərarlaşan “Lester Siti” səfərdə autsayder “Vest Hem” klubu ilə qarşılaşıb. Görüş qonaqların 2:1 hesablı qələbəsi ilə başa çatıb. Bu qələbədən sonra “Lester Siti” xallarının sayını 42-yə çatdıraraq ikinci pillədə yerini möhkəmləndirib. “Vest Hem” isə 19 xalla 17-ci pillədə qərarlaşıb.Turun digər oyunlarında aşağıdakı hesablar qeydə alınıb: “Brayton” - “Bormunt” - 2:0; “Nyukasl Yunayted” - “Everton” - 1:2; “Southempton” - “Kristal Palas” - 1:1; “Uotford” - “Aston Villa” - 3:0; “Norviç Siti” - “Tottenhem” - 2:2; “Börnli” - “Mançester Yunayted” - 0:1. Turun digər oyunları dekabrın 29-da keçiriləcək.xeber100.com

Moskvada blits üzrə dünya çempionatı start götürəcək

Dekabrın 29-da Moskvada blits üzrə dünya çempionatı start götürəcək.Azərtac xəbər verir ki, dünya çempionatında Azərbaycan şahmatçıları Şəhriyar Məmmədyarov, Rauf Məmmədov, Eltac Səfərli, Namiq Quliyev və Aydın Süleymanlı mübarizə aparacaqlar. Qadın şahmatçıların mübarizəsində isə təmsilçilərimiz Zeynəb və Türkan Məmmədyarovalar, Gülnar Məmmədova, Günay Məmmədzadə və Ülviyyə Fətəliyeva yarışacaqlar.Turnir dekabrın 30-dək davam edəcək.Qeyd edək ki, dünya çempionatı çərçivəsində rapid yarışları başa çatıb. Turnirdə təmsilçilərimizdən ən yaxşı nəticə Şəhriyar Məmmədyarova məxsusdur. Qrossmeysterimiz 9,5 xalla 12-ci olub.xeber100.com

Boks Federasiyası 2019-cu ilin yekunları ilə bağlı tədbir keçirib

Azərbaycan Boks Federasiyası (ABF) 2019-cu ilin yekunları ilə bağlı Abşeron Olimpiya İdman Kompleksində tədbir keçirib.Azərtac xəbər verir ki, yığıncaqda ABF-in vitse-prezidentləri Süleyman Mikayılov, Rövşən Hüseynov, baş katib Nağı Səfərov, Gənclər və İdman Nazirliyinin idman şöbəsinin müdiri Fərid Mansurov, milli komandanın məşqçilər korpusunun və yığmanın üzvləri iştirak ediblər.Başa çatmaqda olan ilin Azərbaycan boksçuları üçün uğurlu olduğunu vurğulayan S.Mikayılov qarşıda komandamızı daha ciddi sınaqların gözlədiyini vurğulayaraq deyib: “Gələn il Olimpiya ilidir. Biz Tokio Yay Olimpiya Oyunlarında iştirak üçün, ilk növbədə, lisenziyalar qazanmalıyıq. Bu yarışlara da martdan start veriləcək. Ümid edirəm ki, boksçularımız lazımi uğurlara imza ataraq, bir neçə vəsiqə qazanacaqlar. Bundan sonra isə Olimpiadada öz sözümüzü deyəcəyik”.Sonra N.Səfərov hesabat məruzəsi ilə çıxış edib.Gənclər və İdman Nazirliyinin şöbə müdiri Fərid Mansurov boksçularımıza böyük ümidlər bəslənildiyini qeyd edib, Olimpiya çempionu kimi tövsiyələrini verib.R.Hüseynov boksçularımızın istər lisenziya yarışlarında, istərsə də Olimpiadada uğurla çıxış edərək xalqımızı sevindirəcəklərinə əminliyini bildirib.Məşqçilər və boksçular isə çıxışlarında onlara bəslənilən ümidləri doğrultmaq üçün səylə çalışacaqlarını deyiblər.xeber100.com

AFFA-nın inzibati binasında Klublar Komitəsinin növbəti iclası keçirilib

Dekabrın 29-da AFFA-nın inzibati binasında Klublar Komitəsinin növbəti iclası keçirilib.Azərtac xəbər verir ki, iclasda UEFA-nın danışılmış oyunlarla bağlı Azərbaycan üzrə nümayəndəsi Seymur Səlimli, Peşəkar Futbol Liqasının mətbuat və ictimaiyyətlə əlaqələr departamentinin rəisi Aslan Şahgəldiyev, liqanın texniki idman şöbəsinin rəisi Elgiz Abbasov, Premyer Liqada mübarizə aparan klubların nümayəndələri iştirak ediblər.Toplantıda ölkə futbolu ilə bağlı bir sıra məsələlər müzakirə olunub.xeber100.com

“Tokio 2020” XVI Yay Paralimpiya Oyunlarında

Azərbaycan “Tokio 2020” XVI Yay Paralimpiya Oyunlarında 32 idmançı ilə təmsil oluna bilər.Azərtac xəbər verir ki, bu sözləri dekabrın 28-də Azərbaycan Milli Paralimpiya Komitəsinin 2019-cu ildəki fəaliyyətinin yekunlarına həsr olunmuş tədbirdə qurumun rəhbəri İlqar Rəhimov deyib.İ.Rəhimov bildirib ki, idmançılarımız Tokioda idmanın 7 növü üzrə güclərini sınayacaqlar. “Rio 2016” Paralimpiya Oyunlarında 24 atletimiz idmanın altı növü üzrə mübarizə apardı. İndi isə hədəf 7 idman növüdür. Bu il parataekvondo üzrə də lisenziya əldə olundu.xeber100.com

“King Salman World Cup” çempionatında növbəti oyunlar keçirilib

Moskvada şahmatın rapid növü üzrə start götürən “King Salman World Cup” adlı dünya çempionatında daha 5 turun oyunları keçirilib.Azərtac xəbər verir ki, ötən 10 turun nəticəsinə görə Azərbaycan şahmatçısı Şəhriyar Məmmədyarov 7 xalla beşinci pillədədir. Komandamızın digər üzvü Qədir Hüseynov eyni xalla 9-cu yerdədir. Turnir cədvəlinə 8 xalla hazırkı dünya çempionu, norveçli Maqnus Karlsen başçılıq edir.Dünya çempionatı çərçivəsində dekabrın 28-dək davam edəcək rapid yarışlarından sonra blits turniri keçiriləcək.Yarış dekabrın 30-da başa çatacaq.Qeyd edək ki, Ş.Məmmədyarov 2013-cü ildə rapid üzrə dünya çempionatının qalibi olub.xeber100.com

Türkiyə Superliqasının XVII turunda

Dekabrın 27-də Türkiyə Superliqasının XVII turunda "Beşiktaş" doğma meydanda "Gənclərbirliyi"ni qəbul edib.Azərtac xəbər verir ki, oyunun 12-ci dəqiqəsində qonaqların hücumçusu Nadir Ciftci qırmızı vərəqə alaraq komandasını meydanda azlıqda qoyub. Buna baxmayaraq "Gənclərbirliyi"nin hücumçusu Floyd Ayite 24-cü dəqiqədə hesabı açmağa müvəffəq olub. Lakin qonaq komanda 12 dəqiqə sonra meydanda 9 nəfərlə qalıb. Yasin Pəhlivan kobud oyununa görə meydandan qovulub.Birinci hissə "Gənclərbirliyi"nin minimal qələbəsi ilə başa çatıb. İkinci hissəyə fəal başlayan meydan sahibləri görüşün qalan dəqiqələrində 4 qol vurublar. İstanbul təmsilçisinin qollarını Damaqoy Vida (49), Georges-Kevin Nkoudou (60), Oğuzxan Ozyakub (74) və Atiba Hutçinson (90) vurub.Turun digər oyunları dekabrın 28-29 və 30-da keçiriləcək.Hazırda "Sivasspor" klubu 34 xalla vahid liderdir. "Başakşəhər" və "Beşiktaş" komandaları 30 xalla müvafiq olaraq ikinci və üçüncü pillələrdə qərarlaşıblar.xeber100.com

İngiltərə Premyer Liqasının 19-cu turuna yekun vurulub

Dekabrın 27-də İngiltərə Premyer Liqasının 19-cu turuna yekun vurulub.Azərtac xəbər verir ki, turun son görüşündə “Mançester Siti” səfərdə “Volverhemton” komandasının qonağı olub.Görüş gözlənilmədən meydan sahiblərinin 3:2 hesablı qələbəsi ilə başa çatıb.“Volverhemton”un heyətində Adama Traore, Raul Ximenez və Matt Doherti fərqləniblər. “Mançester Siti”nin heyətində isə hər iki qolun müəllifi Rahim Sterlinq olub.Görüşün 12-ci dəqiqəsində “şəhərli”lərin qapıçısı braziliyalı Ederson qırmızı vərəqə alaraq meydandan uzaqlaşdırılıb.Bu Mançester təmsilçisinin cari mövsümdə 5-ci məğlubiyyətidir.Beləliklə, “Mançester Siti” “Lester Siti”nin xal itkisindən yararlanmayaraq 38 xalla üçüncü yerdə qərarlaşıb. “Volverhemton” isə 30 xalla 5-ci yerdədir.Xatırladaq ki, “Lester Siti” dekabrın 26-da öz meydanında lider “Liverpul”a böyük hesabla məğlub olub - 4:0.xeber100.com