III Qış Olimpiya Oyunlarının açılış mərasimi keçiriləcək

İsveçrənin Lozanna şəhərində keçiriləcək Yeniyetmələrin III Qış Olimpiya Oyunlarının təntənəli açılış mərasimi yanvarın 9-da axşam saatlarında başlayacaq.Azərtac xəbər verir ki, 15-18 yaşlı 1872 idmançının mübarizə aparacağı Oyunların proqramına əsasən, bu il ilk dəfə olaraq yarışacaq qız və oğlan atletlərin sayı bərabərdir.Azərbaycan, Albaniya, İtaliya, Pakistan, Qətər, Sinqapur və digər ölkələrdən gələn və 79 Olimpiya Komitəsini təmsil edən qonaqları Cenevrə aeroportunda Oyunların rəsmi talismanı ilə Lozanna rəsmiləri qarşılayıblar.İtaliya təmsilçiləri San-Marino bayrağı altında çıxış edəcəklər. Onlar 69 nəfərlik heyətlə təmsil olunublar.Oyunlar yanvarın 22-də yekunlaşacaq.xeber100.com

Futzal üzrə təlim-məşq toplanışı təşkil olunacaq

Bu il keçiriləcək dünya çempionatının elit-raund mərhələsində iştirak edəcək futzal üzrə Azərbaycan millisinin yanvarın 13-dən 25-dək Bakıda təlim-məşq toplanışı təşkil olunacaq.Azərtac AFFA-nın saytına istinadla xəbər verir ki, komandamız hazırlıq prosesində yanvarın 21-də və 22-də Bakı İdman Sarayında Özbəkistan yığması ilə iki yoldaşlıq oyunu keçirəcək. Həmin oyunlar üçün təlim-məşq toplanışına 14 futzalçı dəvət olunub. Futzalçılardan yeddisi “Araz” klubunun üzvləridir. Heyətə bu klubdan Rövşən Hüseynli, Rizvan Fərzəliyev, Amir Şocaei, İsa Atayev, Ramiz Çovdarov, Hadi Ahmadi və Xətai Bağırov dəvət alıblar. Bundan başqa, Emin Kürdov (EKOL), Oliveira Da Nasimento, Conatan Luiz De Angelis (hər ikisi “Alarabi Sportinq Club”, Küveyt), Eduardo Borges (“ACCS Futsal Club”, Paris), Tiaqo Telles Martins (“Norilsk Nikel”), Eshaq Surgali (“Azaraxş”, İran) və Tofik Mikayılov (“Marafon”) milli komandanın toplanışına cəlb ediliblər.xeber100.com

İspaniya Superkubokunun ikinci yarımfinal oyunu keçirilib

Yanvarın 9-da İspaniya Superkubokunun ikinci yarımfinal oyunu keçirilib.Azərtac xəbər verir ki, ikinci oyunda “Barselona” “Atletik Madrid” komandası ilə üz-üzə gəlib.“Kinq Abdullah Sports City” stadionunda keçirilən görüşdə Madrid təmsilçisi 3:2 hesab ilə qələbə qazanıb.Oyunda hər beş qol ikinci hissədə vurulub.Görüşün 46-cı dəqiqəsində Koke “Atletiko”nu hesabda önə keçirib - 0:1. Qoldan beş dəqiqə sonra Lionel Messi hesabı bərabərləşdirib - 1:1. Matçın 62-ci dəqiqəsində Antuan Qrizman köhnə komandasının qapısına yol taparaq “Barselona”nı hesabda irəli çıxardıb - 2:1.Qarşılaşmanın 81-ci və 86-cı dəqiqələrində Madrid təmsilçisi ardıcıl iki qol vuraraq İspaniya Superkubokunun finalına yüksəlib. Alvari Moratta və Anxel Korea komandaların vacib qolların vurublar.Madridlilər finalda “Real Madrid” klubu ilə qarşılaşacaq.“Real Madrid” yanvarın 8-də “Valensiya” klubunu 3:1 hesabı ilə məğlub edərək finala yüksəlmişdi.Qeyd edək ki, İspaniya Superkuboku Səudiyyə Ərəbistanının Ciddə şəhərində keçirilir.Turnirin final görüşü yanvarın 12-də reallaşacaq. Həlledici görüş Bakı vaxtı ilə saat 22:00-da başlayacaq.xeber100.com

2019-2020-ci il mövsümünün hazırlığı davam edir

2019-2020-ci il mövsümünün ikinci yarısının hazırlığını davam etdirən “Qəbələ” qış transfer pəncərəsində ilk futbolçu keçidini rəsmiləşdirib.Azərtac kluba istinadla xəbər verir ki, “qırmızı-qaralar” Ehtiram Şahverdiyevi heyətinə qatıb. İyirmi üç yaşlı yarımmüdafiəçi ilə 1,5 illik müqavilə imzalanıb.“Qəbələ” Futbol Akademiyasının yetirməsi olan E.Şahverdiyev üçillik fasilədən sonra komandaya qayıdıb. 2017-2019-cu illərdə “Sumqayıt”ın şərəfini qoruyan yarımmüdafiəçi bunadək “qırmızı-qaralar”ın heyətində çıxış edib. O, 2015-2016-cı il mövsümündə “Qəbələ”nin əsas komandasında 2 oyun keçirib.xeber100.com

İspaniya Super kubokunun ilk yarımfinal oyunu keçirilib

Yanvarın 8-də İspaniya Super kubokunun ilk yarımfinal oyunu keçirilib.Azərtac xəbər verir ki, ilk oyunda “Valensiya” komandası “Real Madrid”lə üz-üzə gəlib.“Kinq Abdullah Sports City” stadionunda keçirilən görüşdə Madrid təmsilçisi 3:1 hesab ilə qələbə qazanıb. Zinəddin Zidanın rəhbərlik etdiyi kollektivdə Toni Kros, İsko və Luka Modriç fərqləniblər.“Valensiya”nın isə yeganə qolunun müəllifi Daniel Parexo olub. Bu qələbə “Real Madrid”i finala yüksəldib.Digər yarımfinal görüşü yanvarın 9-da Bakı vaxtı ilə saat 23:00-da “Barselona” və “Atletiko Madrid” klubları arasında baş tutacaq.Qeyd edək ki, İspaniya Super kuboku Səudiyyə Ərəbistanının Ciddə şəhərində keçirilir. Turnirin final görüşü yanvarın 12-də reallaşacaq.xeber100.com

Afrika Futbol Konfederasiyası komandasının heyətini açıqlayıb

Afrika Futbol Konfederasiyası 2019-cu ilin rəmzi komandasının heyətini açıqlayıb.Azərtac xəbər verir ki, siyahıda səkkiz fərqli klubun futbolçusu yer alıb.Rəmzi heyətdə qapıçı Andre Onana (“Ayaks”), müdafiəçilər Əşrəf Hakimi (“Borussiya Dortmund”), Kalidou Kulibali (“Napoli”), Joel Matip (“Liverpul”), Serge Aurier (“Tottenham”) daxil ediliblər. Yarımmüdafiəçilərdən Riyad Mahrez (“Mançester Siti”), Hakim Ziyeç (“Ayaks”), İdrissa Geye (“Paris Sen-Jermen”), hücumçulardan isə Sadio Mane, Məhəmməd Salah (“Liverpul”) və Pyer-Emerik Obameyanqın (“Arsenal”) adları siyahıya salınıblar.Ötən il Afrikanın ən yaxşı futbolçusu “Liverpul” klubunun hücumçusu Sadio Mane olub.xeber100.com

“Fənərbağça” klubu heyətinə yeni futbolçu cəlb edib

İstanbulun “Fənərbağça” klubu heyətinə yeni futbolçu cəlb edib.Azərtac xəbər verir ki, İstanbul təmsilçisi Almaniyanın “Ayntraxt” komandasından 27 yaşlı qvineyalı müdafiəçi Simone Faletteni icarə əsasında heyətinə qatıb.S.Falette satınalma hüququ ilə birgə cari mövsümün sonunadək icarəyə götürülüb.Qeyd edək ki, qvineyalı müdafiəçi “Ayntraxt” klubunda 43 oyun keçirib və bir dəfə fərqlənib. O, Qvineya milli komandasının heyətində isə 8 oyunda forma geyinib.xeber100.com

Niderlandlı pilot “Red Bull Racing” komandası ilə müqaviləni uzadıb

Niderlandlı pilot Maks Ferstappen “Red Bull Racing” komandası ilə müqaviləsini uzadıb.Azərtac xəbər verir ki, 22 yaşlı pilot ən azı 2023-cü ilədək komandanın heyətində mübarizə aparacaq.M.Ferstappen Formula 1-ə 2015-ci il mövsümündə 15 yaşında gəlib. Pilot karyerasına Avstriya şirkətinin gənc komandası “Toro Rosso”da başlayıb. O, “Red Bull Racing” komandasını 2016-cı ildən təmsil edir.“Red Bull Racing” komandasının heyətində 8 qələbə qazanan pilotun aktivində ümumilikdə 948 xal var. Niderlandlı pilotun 2020-ci il mövsümündə tərəf müqabili 2019-cu ilin ikinci yarısında olduğu kimi, tailandlı Aleksandr Albon olacaq.xeber100.com

Voleybolçulardan ibarət Azərbaycan millisi ilk oyununu keçirib

Yanvarın 7-də Niderlandda qadın voleybolçulardan ibarət Azərbaycan millisi Avropa Olimpiya Təsnifat Turnirində ilk oyununu keçirib.Azərtac verir ki, millimiz Apeldorn şəhərində meydan sahibləri ilə qarşılaşıb. Görüş Niderland yığmasının 3:0 hesablı qələbəsi ilə yekunlaşıb.Səkkiz ölkənin mübarizə apardığı yarış “Tokio 2020” Yay Olimpiya Oyunlarına Avropadan sonuncu iştirakçının adını müəyyənləşdirəcək. Təsnifat turnirinin iştirakçıları axırıncı qitə çempionatının nəticələrinə əsasən bəlli olub.Azərbaycan millisi A qrupunda Niderland, Bolqarıstan və Polşa millilərinə qarşı oynayacaq. B qrupunda isə Türkiyə, Almaniya, Xorvatiya və Belçika milliləri güclərini sınayacaqlar. Turnirin qalibi Olimpiadaya bilet əldə edəcək.Qeyd edək ki, millimiz növbəti oyununu yanvarın 9-da Bolqarıstana qarşı keçirəcək.xeber100.com

2019-cu ildə ən yaxşı futbolçusu müəyyənləşib

Afrika qitəsinin 2019-cu ildə ən yaxşı futbolçusu müəyyənləşib.Azərtac xəbər verir ki, Seneqal millisinin və İngiltərənin "Liverpul" klubunun 27 yaşlı hücumçusu Sadio Mane ötən ilin ən yaxşı futbolçusu seçilib. O, karyerasında ilk dəfə bu ada layiq görülüb. Hücumçu məşqçilər və federasiya nümayəndələri arasında aparılan səsvermədə Məhəmməd Salahı ("Liverpul", Misir) və Riyad Mahrezi ("Mançester Siti", Əlcəzair) qabaqlayıb.Mane ötən mövsüm "Liverpul"la Çempionlar Liqasının qalibi olub.Xatırladaq ki, son iki ildə "Liverpul"un futbolçusu Məhəmməd Salah Afrikanın ən yaxşı futbolçusu seçilib.xeber100.com