Cüdoçular arasında Azərbaycan çempionatı keçirilib

Bakı İdman Sarayında kişi və qadın cüdoçular arasında komanda yarışları üzrə Azərbaycan çempionatı keçirilib.Azərtac xəbər verir ki, qadınların çempionatında 7, kişilərin mübarizəsində isə 12 klub medallar uğrunda yarışıb. Finalda “Atilla” klubuna qalib gələn “Neftçi” İdman Klubunun qadın cüdoçuları Azərbaycan çempionu adına layiq görülüblər. “Məhsul” İK və “Judo 2012” komandaları bürünc medal qazanıblar. Kişilərin çempionatında isə həlledici görüşdə “Neftçi” İK və “Judo 2012” qarşılaşıb. Rəqibinə 3:2 hesabı ilə qalib gələn “Neftçi” qızıl medala sahib olub. “Judo 2012” gümüş, “Atilla” və “Dinamo” komandaları bürünc medallar qazanıblar.Qalib və mükafatçı komandaların cüdoçularına kuboklar, medal və diplomlar təqdim olunub.xeber100.com

İngiltərə Premyer Liqasının 19-cu turunun mərkəzi qarşılaşması keçirilib

Dekabrın 26-da İngiltərə Premyer Liqasının 19-cu turunun mərkəzi qarşılaşması keçirilib.Azərtac xəbər verir ki, “Liverpul” turnir cədvəlində ən yaxın izləyici “Lester Siti” klubunun qonağı olub.Görüş “Liverpul”un 4:0 hesablı qələbəsi ilə baş çatıb.Yurqen Klopun yetirmələrinin heyətində Roberto Firmino (2) və Jeyms Milner (2) fərqləniblər.Bu qələbədən sonra Mersesayd təmsilçisi xallarını 52-ə çatdıraraq “Lester Siti”dən 13, “Mançester Siti”dən isə 14 xal öndədir.xeber100.com

“King Salman World Cup” adlı dünya çempionatı davam edir

Moskvada şahmatın rapid növü üzrə start götürən “King Salman World Cup” adlı dünya çempionatı davam edir.Azərtac xəbər verir ki, yarış iştirakçıları bu gün daha beş turda mübarizə aparacaqlar. Ötən turların nəticələrinə görə Azərbaycan şahmatçısı Şəhriyar Məmmədyarov liderlər qrupunda mübarizə aparır. Ümumi nəticəyə görə 4,5 xal toplayan təmsilçimiz turnir cədvəlinin üçüncü pilləsində yer alıb. Şahmatçımızla bərabər, xal toplayan çinli Yanq Hao və israilli İlia Smirin əlavə göstəricilərə görə ilk iki pilləni bölüşürlər. Daha iki şahmatçının - Polşa təmsilçisi Kriştov Duda və amerikalı Leyner Dominquez Perezin aktivində də 4,5 xal var.Komandamızın daha bir üzvünün də nəticələri yaxşıdır. Qədir Hüseynov 4 xalla 6-cı yerdədir. Eltac Səfərli, Rauf Məmmədov 3,5, Aydın Süleymanlı 3, Namiq Quliyev 2 xal toplayıblar.Dünya çempionatı çərçivəsində dekabrın 28-dək davam edəcək rapid yarışlarından sonra blits turniri keçiriləcək. Yarış dekabrın 30-da başa çatacaq.Qeyd edək ki, Ş.Məmmədyarov 2013-cü ildə rapid üzrə dünya çempionatının qalibi olub.xeber100.com

Milli Karate Federasiyasının məlumatı əsasında…

Azərbaycan Milli Karate Federasiyası 2019-cu ili uğurla başa vurur.Azərbaycan Milli Karate Federasiyasından Azərtac-a verilən məlumata görə, müxtəlif yaş qruplarında karateçilərimiz 2019-cu ildə beynəlxalq yarışlarda – 62 qızıl, 46 gümüş, 76 bürünc medal qazanıblar. Belə ki, yeniyetmə və gənclərin Avropa çempionatında 4 qızıl və 1 bürünc, böyüklərin Avropa çempionatında 1 qızıl, yeniyetmə və gənclər arasında dünya çempionatında 2 gümüş və 5 bürünc, Avropa Oyunlarında isə 1 qızıl, 3 gümüş və 1 bürünc medal əldə edilib.WKF-nin rəsmi turnirlərində - 2 qızıl və 1 bürünc medal dünya kubokunda, 3 qızıl, 4 gümüş və 7 bürünc medal “Karate1” Premyer Liqa turnirlərində, 1 qızıl, 1 gümüş və 1 bürünc medal “Karate1” Seriya A turnirlərində, 2 qızıl, 3 gümüş və 5 bürünc medal isə gənclərin liqa turnirlərində qazanılıb.İl ərzində beynəlxalq turnirlər və rəsmi yarışların ümumi nəticələrini nəzərə alsaq, müxtəlif yaş qruplarında milli komandanın üzvləri 76 qızıl, 109 gümüş və 97 bürünc olmaqla, ümumilikdə 282 medala sahib olublar. Ölkədaxili beynəlxalq turnirlərdə yerli idmançılar böyük üstünlük təşkil etdiyindən, onların nəticələri rəsmi statistikaya daxil edilməyib.Yola salmaqda olduğumuz ildə ölkəmizdə beynəlxalq turnirlər, seminar və tədbirlər təşkil edilib. Milli komandanın üzvləri yarışlarda yüksək nəticələr əldə ediblər.xeber100.com

“King Salman World Cup” adlı dünya çempionatı start götürür

Bu gün Moskvada rapid üzrə “King Salman World Cup” adlı dünya çempionatı start götürür.Azərtac xəbər verir ki, dünya çempionatında mübarizə aparacaq şahmatçılarımızın rəqibləri müəyyənləşib. Belə ki, Şəhriyar Məmmədyarov macarıstanlı Robert Ruç, Eltac Səfərli rusiyalı Ruslan Şerbakov, Qədir Hüseynov isveçli Pontus Karlson, Rauf Məmmədov israilli Aleksandr Huzman, Namiq Quliyev qazaxıstanlı Murtas Kazqalayev, Aydın Süleymanlı rusiyalı Vladimir Belovla mübarizə aparacaq.Qadın şahmatçıların yarışında Ülviyyə Fətəliyeva çinli Zhongyi Tan, Gülnar Məmmədova rusiyalı Anastasiya Bykova, Türkan Məmmədyarova rusiyalı Tatyana Bogumil, Günay Məmmədzadə rusiyalı Mariya Yakimova, Zeynəb Məmmədyarova isə çinli Yuxin Songla görüşəcəklər.Dünya çempionatı çərçivəsində dekabrın 28-dək davam edəcək rapid yarışlarından sonra blits turniri keçiriləcək. Yarış dekabrın 30-da başa çatacaq.xeber100.com

“Barselona”nın yarımüdafiəçisi “İnter” komandasına transfer oluna bilər

İspaniyanın “Barselona” klubunun çilili yarımüdafiəçisi Arturo Vidal İtaliyanın “İnter” komandasına transfer oluna bilər.“La Gazzetta dello Sport” xəbər verir ki, Milan təmsilçisi futbolçuya görə “Barselona” klubuna 12 milyon avroluq təklif göndərib.Daha əvvəl bildirilmişdi ki, Katalonya təmsilçisi 32 yaşlı futbolçunu 20 milyon avroya satmaq niyyətindədir.Qeyd edək ki, cari mövsüm 19 oyuna çıxan A.Vidal 5 qol vurub.xeber100.com

UEFA 2019-cu il üçün sonuncu reytinq cədvəlini açıqlayıb

UEFA futzal üzrə milli komandaların 2019-cu il üçün sonuncu reytinq cədvəlini açıqlayıb.Azərtac xəbər verir ki, hesabında 2013 xal olan Azərbaycan millisi beşinci pillədə qərarlaşıb.Turnir cədvəlinə 2112 xalla İspaniya millisi başçılıq edir. Rusiya 2099 xalla ikinci, Portuqaliya isə 2088 xalla üçüncü pillədə yer alıblar.xeber100.com

Cüdoçular arasında Azərbaycan çempionatı davam edir

Bakı İdman Sarayında kişi və qadın cüdoçular arasında Azərbaycan çempionatı davam edir.Azərtac xəbər verir ki, dekabrın 26-da kişilər və qadınlar arasında komanda yarışları start götürüb. Çempionatda komanda yarışları ilk dəfədir keçirilir.Kişilər 66, 73, 81, 90, 90 kiloqramdan yuxarı, qadınlar isə 52, 57, 63, 70 və 70 kiloqramdan yuxarı çəki dərəcələrində mübarizə aparırlar.Qeyd edək ki, dekabrın 24-də start götürən ölkə çempionatında fərdi yarışlar başa çatıb. Yarışa bu gün yekun vurulacaq.xeber100.com

Cüdo üzrə Azərbaycan çempionatının açılış mərasimi keçirilib

Bakı İdman Sarayında cüdo üzrə Azərbaycan çempionatının açılış mərasimi keçirilib.Azərtac xəbər verir ki, tədbirdə çıxış edən Gənclər və İdman nazirinin müavini İsmayıl İsmayılov Azərbaycanda dövlətin diqqət və qayğısı nəticəsində idmanın yüksək sürətlə inkişaf etdiyini vurğulayıb. Qeyd edib ki, ölkəmizdə idmanın inkişafına dövlət tərəfindən böyük dəstək verilir. Prezident İlham Əliyevin diqqət və qayğısı sayəsində Azərbaycan qabaqcıl idman ölkələrindən birinə çevrilib. Nazir müavini başa çatmaqda olan 2019-cu ildə cüdoçularımızın bir sıra nailiyyətlərə imza atdığını bildirib.Milli Olimpiya Komitəsinin vitse-prezidenti Xəzər İsayev çıxışında idmançılarımızın bu il böyük uğurlar əldə etdiklərini diqqətə çatdırıb. Bu uğurlarda cüdoçularımızın da payı olduğunu qeyd edən Xəzər İsayev deyib: “Gələn il idman ictimaiyyəti üçün ən məsuliyyətli illərdən biridir. Tokioda Yay Olimpiya Oyunları keçiriləcək və bu nüfuzlu idman yarışına lisenziya xarakterli turnirlər davam edir. Cüdoçularımız builki yarışlarda uğurla çıxış edərək Vətənə medallarla qayıdıblar. Sevindirici haldır ki, gənc cüdoçularımız yetişir və onlardan da parlaq qələbələr gözləyirik. İnanırıq ki, cüdoçularımız Tokio Olimpiadasında maksimum lisenziya qazanaraq yarışlarda ölkəmizi layiqincə təmsil edəcəklər”.Tədbirdə çıxış edən Azərbaycan Cüdo Federasiyasının baş katibi Elmar Babanlı qadın və kişilər arasında keçirilən Azərbaycan çempionatında gərgin rəqabət getdiyini bildirib. Qeyd edib ki, bu yarışda fərqlənən idmançılar yığma komandaya cəlb ediləcək.Dövlət himni səsləndirilikdən sonra medallar uğrunda qarşılaşmalar başlayıb.xeber100.com

Şahmat tacı uğrunda matçın keçiriləcəyi yer yanvarda açıqlanacaq

Beynəlxalq Şahmat Federasiyası (FIDE) dünya şahmat tacı uğrunda matçın keçiriləcəyi yeri yanvarda, qadınlar arasında dünya çempionu adı uğrunda matç başa çatandan sonra açıqlayacaq. Bunu TASS agentliyinə müsahibəsində FIDE-nin başçısı Arkadi Dvorkoviç bildirib.Qadınlar arasında şahmat üzrə dünya çempionu adı uğrunda matç bu titulun indiki sahibi Tszyuy Ventszyun (Çin) ilə Aleksandra Qoryaçkina (Rusiya) arasında 2020-ci ilin yanvarında Çində və Rusiyada keçiriləcək. TASS agentliyi xəbər verir ki, matçın birinci hissəsi yanvarın 4-12-də Şanxayda, ikinci hissəsi Vladivostokda oynanılacaq.Dvorkoviç deyib: “Bizə iki müraciət daxil olub: Argentina və Dubay. İndi onları nəzərdən keçiririk. Bunu Yeni ilə qədər elan etməyə imkan tapacağımızı düşünmürəm. Amma yanvarda, qadınlar arasında dünya çempionu adı uğrunda matçın sonunda, zənnimcə, elan edə bilərik”.Dvorkoviç xatırladıb ki, 2020-ci ildə dünya çempionu titulu uğrunda matçın mükafat fondu təqribən 2 milyon avro olacaq.Şahmat üzrə dünya çempionu titulunun indiki sahibi norveçli Maqnus Karlsendir. Martın 15-dən aprelin 5-də keçiriləcək iddiaçılar turnirinin qalibi şahmat tacı uğrunda matçda onun rəqibi olacaq.xeber100.com