Azərbaycan Basketbol Liqasının XXVII turu çərçivəsində növbəti oyun keçirilib

Aprelin 22-də Azərbaycan Basketbol Liqasının XXVII turu çərçivəsində növbəti oyun keçirilib. Gəncə Olimpiya İdman Kompleksində oynanılan matçda “Gəncə” komandası NTD-ni qəbul edib. Gərgin idman mübarizəsi şəraitində keçən matçda “Gəncə” rəqibi üzərində 95:92 hesablı qələbə qazanıb. Oyunun ən məhsuldar basketbolçuları “Gəncə”dən Cared Smol (38 xal, 4 ribaund), NTD-dən isə Londel Kinq (18 xal, 6 ribaund) olublar.xeber100.com

Futbol üzrə Çempionlar Liqasının 1/4 final mərhələsində

Futbol üzrə Çempionlar Liqasının 1/4 final mərhələsinin cavab oyununda İngiltərənin “Mançester Siti” və Almaniyanın “Bavariya” klubları 1:1 hesablı heç-heçə edib. Görüş çərşənbə günü Münhendə baş tutub. "Mançester Siti"nin heyətində 57-ci dəqiqədə Erlinq Haaland fərqlənib. "Bavariya" Joshua Kimmich (83, penaltidən) qola imza atıb. 38-ci dəqiqədə Haaland penaltini qapının üstündən sındıraraq əldən verib. 87-ci dəqiqədə "Bavariya"nın baş məşqçisi Tomas Tuxel iki sarı vərəqə alaraq meydandan qovulub. İlk görüş "Mançester Siti"nin 3:0 hesablı qələbəsi ilə yekunlaşıb. Yarımfinalda İngiltərə yığması İspaniyanın “Real”ı ilə qarşılaşacaq. Çərşənbə axşamı keçirilən başqa bir matçda İtaliyanın "İnter"i Portuqaliya "Benfika"sı ilə 3:3 hesablı heç-heçə edib və yarımfinalda "Milan"la qarşılaşacaq. İlk görüş “İnter”in 2:0 hesablı qələbəsi ilə yekunlaşıb. “İnter” 2009/10 mövsümündən sonra ilk dəfə Çempionlar Liqasının yarımfinalında çıxış edəcək. Daha sonra portuqaliyalı Joze Mourinyonun rəhbərlik etdiyi komanda titul qazanıb. İlk yarımfinal oyunları 9-10 may tarixlərində keçiriləcək, ev sahibləri “AC Milan” və “Real Madrid” olacaq. Cavab oyunları mayın 16-17-də keçiriləcək. Çempionlar Liqasının finalı iyunun 10-da İstanbuldakı Olimpiya Stadionunda baş tutacaq. Çempionlar Liqasının hazırkı qalibi "Real Madrid"dir, əvvəlki turnirin final görüşündə komanda İngiltərənin "Liverpul"undan (1:0) güclü olub.xeber100.com

Azərbaycan Basketbol Liqasında XXVII tura start verilib

Azərbaycan Basketbol Liqasında XXVII tura start verilib. Turun açılış oyununda play-offdan kənarda qalmış "Neftçi" və "Zirvə Astara" komandaları üz-üzə gəliblər. Görüş Astara basketbolçularının 103:90 hesablı qələbəsi ilə yekunlaşıb. Oyund ən məhsuldar basketbolçular "Neftçi"dən Zaur Quşanov (27 xal, 9 ribaund), "Zirvə Astara"dan isə Cerret Henderson (32 xal, 8 ribaund) olublar. Qeyd edək ki, turun "Sərhədçi" - "Sabah", "Gəncə" - "NTD" və "Olimpik Şəki" - "AAAF Xırdalan" oyunları müvafiq olaraq, aprelin 20-də, 22-də və 23-də baş tutacaq.xeber100.com

Azərbaycan Cüdo Federasiyası: ACF kuboku yarışlarına yekun vurulub

Azərbaycan Cüdo Federasiyasının təşkilatçılığı ilə 18 yaşadək yeniyetmə oğlanlar arasında keçirilən ACF kuboku yarışlarına yekun vurulub. Azərbaycan Cüdo Federasiyası xəbər verir ki, Hövsan qəsəbəsində yerləşən Fövqəladə Hallar Nazirliyinin (FHN) İdman-Sağlamlıq Mərkəzində keçirilən yarışda 203 cüdoçu medallar uğrunda mübarizə aparıb. Turnirin ilk günündə 50, 60, 73, 90, ertəsi gün 55, 66, 81 kiloqram və 90 kiloqramdan yuxarı çəki dərəcələrində qaliblər müəyyənləşib. Yarışın əsas məqsədi mayın 6-7-də Göygöldə keçiriləcək yeniyetmələr arasında Avropa kuboku yarışlarına seçim etmək, eyni zamanda yeniyetmə cüdoçuların yarış təcrübəsinin artırmaq, idmanın bu növünün kütləvi təbliğinə və təşviqinə nail olmaqdır. Gərgin idman mübarizəsi şəraitində keçən yarışda Nəcəf Nəsrullayev (50 kq), Məhəmməd Məmişov (55 kq), Nadir İmanov (60 kq), Cəsur İbadlı (66 kq), Məmməd Əzizbəyov (73 kq), Zeynəlabdin Xudaverdiyev (81 kq), Ömər Abbasov (90 kq) və Ceyhun Dadaşov (90 kq-dan yuxarı) qızıl medal qazanıblar.

Azərbaycan Üzgüçülük Federasiyasının məlumatına görə…

Azərbaycan üzgüçüləri Ramil Vəlizadə və Məryəm Şeyxəlizadəxangah açıq Macarıstan çempionatında iştirak edirlər. Azərbaycan Üzgüçülük Federasiyası xəbər verir ki, M.Şeyxəlizadəxangah 50, Ramil Vəlizadə isə 200 metr məsafəyə batterflay üsulla üzgüçülük yarışlarında güclərini sınayacaqlar. Komandamız üçün dünya çempionatına hazırlıq xarakteri daşıyan açıq Macarıstan çempionatına aprelin 23-də yekun vurulacaq.xeber100.com

UEFA Çempionlar Liqasının dörddəbir final mərhələsi çərçivəsində

UEFA Çempionlar Liqasının dörddəbir final mərhələsi çərçivəsində “Çelsi” ilə keçirilən cavab oyunu “Real Madrid”in hücumçusu Kərim Benzema üçün əlamətdar olub. Fransalı forvard qitənin ən nüfuzlu klub turnirində 150-ci görüşünə çıxıb. Benzema buna nail olan beşinci futbolçu kimi tarixə düşüb. Onu hazırda Çempionlar Liqasındakı oyun sayına görə cəmi 4 oyunçu qabaqlayır. Bunlar Kriştiano Ronaldo (183 oyun), İker Kasilyas (177), Lionel Messi (163) və Xavidir (151). Bundan əlavə, Benzema “Real”ın heyətində Çempionlar Liqasında 131-ci qarşılaşmasını keçirərək, yeni rekord müəyyənləşdirib. O, “kral klubu”nda ən çox iştirak edən meydan oyunçusu olub. Benzema madridlilərin əfsanəsi Raulu Qonzalesi (130) geridə qoyub.xeber100.com

“Real Madrid” futbol klubu Çempionlar Liqasının yarımfinalına yüksəlib

“Real Madrid” klubu son 13 mövsümdə 11 dəfə Çempionlar Liqasının yarımfinalına yüksəlib. İspaniya klubu ötən gün “Çelsi”ni dörddəbir final mərhələsinin cavab görüşündə məğlub edərək, yoluna davam edib. Bu, “kral klubu”nun baş məşqçisi Karlo Ançelotti üçün Çempionlar Liqasında doqquzuncu yarımfinal olacaq. İtalyan mütəxəssis “Mançester Siti”nin baş məşqçisi Pep Qvardiolaya məxsus rekordu təkrarlayıb. Ancaq Qvardiola bu gün “Bavariya”nı keçsələr, yenidən mütləq rekordçu olacaq. Qeyd edək ki, “Real Madrid” ilk görüşdə də “Çelsi”ni 2:0 hesabı ilə üstələmişdi.xeber100.com

Voleybolçular arasında finalın son qarşılaşmaları keçirilib

Bu gün Voleybol Mərkəzində qadın voleybolçular arasında Azərbaycan çempionatında üçüncü yer uğrunda və finalın son qarşılaşmaları keçirilib. İlk olaraq meydana bürünc medal üçün yarışan "Murov" və UNEC kollektivləri çıxıblar. Cütün ilk iki matçında quru hesabla qələbə qazanmış "Murov" bu görüşə də yaxşı başlayıb. İlk setdən üstün oyun nümayiş etdirən baş məşqçi Vüqar Əliyevin yetirmələri meydandan 3:0 (25:19, 25:15, 25:16) hesablı qələbə ilə ayrılıblar. Bununla da "Murov" Yüksək Liqanın bürünc medalına sahib çıxıb. UNEC isə ölkə birinciliyini dördüncü pillədə başa vurub. Günün növbəti görüşü çempionluq uğrunda mübarizə aparan "Azərreyl" və "Abşeron" klubları arasında olub. Bu komandaların ilk iki qarşılaşmasında "Azərreyl"in quru hesablı qələbəsi qeydə alınmışdı. Qızıl medal şansını davam etdirmək üçün "Abşeron" bu matçda mütləq qalib gəlməli idi. Oyuna daha yaxşı başlayan "Azərreyl" Famil Ağayevin yetirmələrinin ciddi müqaviməti ilə üzləşib. Bununla belə komanda təşəbbüsü əldən verməyib və 3:0 (25:16, 25:18, 25:15) hesabı ilə qalib gəlib. Beləliklə, finalın hər üç matçında rəqibini məğlub edən "Azərreyl" Azərbaycan çempionu adını qazanıb. "Abşeron" isə Yüksək Liqanın gümüş medalı ilə kifayətlənməli olub. Beləliklə, "Azərreyl" 2022/2023-cü il mövsümündə ölkə birinciliyinin qalibi olub. İkinci və üçüncü yerləri müvafiq olaraq “Abşeron” və “Murov” klubları tutublar. UNEC isə çempionatı dördüncü pillədə bitirib. Qeyd edək ki, qadın komandaların mükafatları kişilərin çempionatı başa çatdıqdan sonra eyni gündə təqdim olunacaq.xeber100.com

Azərbaycan kuboku yarışlarında yarımfinal mərhələsinə start verilib

Bu gün futbol üzrə Azərbaycan kuboku yarışlarında yarımfinal mərhələsinə start verilib. İlk matçda “Qəbələ” komandası “Səbail”i qəbul edib. Qəbələ şəhər stadionunda oynanılan matçda meydan sahibləri 3:2 hesabı ilə qalib gəliblər. “Qəbələ”nin heyətində Rafael Utziq dubl edib, digər qolu Felipe Santos vurub. “Səabil”in heyətində isə İlkin Muradov və Emil Martinov fərqləniblər. Komandalar arasında cavab görüşü aprelin 27-də baş tutacaq. Qeyd edək ki, aprelin 19-da gerçəkləşəcək digər yarımfinal qarşılaşmasında “Neftçi” klubu “Turan Tovuz”un qonağı olacaq.xeber100.com

Azərbaycan Cüdo Federasiyasının məlumatı

Polşanın Poznan şəhərində keçirilən gənclər arasında Avropa kuboku turnirində cüdoçularımız 1 gümüş və 5 bürünc medala sahib olublar. Azərbaycan Cüdo Federasiyası xəbər verir ki, turnirin ilk günü beş çəki dərəcəsində 11 cüdoçumuz medallar uğrunda mübarizə aparıb. Oğlanların yarışında Aydın Rzayev (66 kq) bürünc medal əldə edib. Qadir Hüseynov gümüş, Süleyman Əliyev (hər ikisi 73 kq) bürünc mükafat qazanıblar. Qızların yarışında Nərmin Əmirli (78 kq) bürünc medala layiq görülüb. Yarışın ikinci günündə oğlanların mübarizəsində İsmayıl Zamanov (90 kq) və Kənan Nəsibov (+100 kq) üçüncü olublar.xeber100.com