Futbol üzrə İspaniya La Liqasının XII turuna yekun vurulub

Noyabrın 3-də futbol üzrə İspaniya La Liqasının XII turuna yekun vurulub.Azərtac xəbər verir ki, turun gün ərzində 6 matçı keçirilib. Görüşlərin nəticələri aşağıda qeyd olunub. "Real Valyadolid" - "Malyorka" - 3:0, "Villarreal" - "Atletik Bilbao" - 0:0, "Osasuna" - "Deportivo Alaves" - 4:2, "Leqanes" - "Eybar" - 1:2, "Selta Viqo" - "Getafe" - 0:1, "Qranada" - "Real Sosyedad" - 1:2. Bu oyunlardan sonra turnir cədvəlinə 22 xalla "Barselona" klubu liderlik edir. "Real Madrid" və "Real Sosyedad" isə 22 xalla müvafiq olaraq ikinci və üçüncü pillədə qərarlaşıblar.xeber100.com

Akrobatika gimnastikası üzrə 29-cu Avropa çempionatı başa çatıb

İsrailin Holon şəhərində akrobatika gimnastikası üzrə 29-cu Avropa çempionatı başa çatıb.Azərtac Azərbaycan Gimnastika Federasiyasına istinadla xəbər verir ki, yarışın sonuncu günündə təmsilçilərimiz Azərbaycan gimnastikası tarixində ilk dəfə olaraq qitə birinciliyinin gənclər yaş qrupunda qızıl medal qazanıblar. Murad Rəfiyev və Daniel Abbasovdan ibarət cütlük temp hərəkətlərinin finalında 28,600 xalla bütün rəqiblərini geridə qoyaraq Avropa çempionu adına layiq görülüb. Bununla da gimnastlar tam bir medal dəstini əldə ediblər. Belə ki, onlar balans hərəkətlərində bürünc, çoxnövçülükdə isə gümüş medal qazanıblar.Daha bir medalı komandamızın aktivinə böyüklərin yarışında çıxış edən Abdulla Əl-Məşayxi və Ruhidil Qurbanlıdan ibarət qarışıq cütlük yazdırıb. Gimnastlar temp hərəkətlərinin final mərhələsində 28,680 xalla bürünc medala layiq görülüblər. Sonuncu Avropa Oyunlarının mükafatçıları yarışın ikinci günündə balans hərəkətlərinə görə bürünc medal qazanıb, çoxnövçülükdə isə beşinci olublar.Böyüklərin yarışında Seymur Cəfərov və Murad Əkbərov cütlüyü isə medalın bir addımlığında mübarizəni dayandırıblar. Balans hərəkətlərinin finalında 28,550 xal toplayan gimnastlarımız dördüncü yerdə qərarlaşıblar. Onlar çöxnövçülükdə beşinci, temp hərəkətlərinin finalında isə altıncı olublar.Beləliklə, ümumilikdə 5 medal qazanan millimiz akrobatika gimnastikası üzrə Avropa çempionatını uğurla başa vurub.xeber100.com

İspaniya La Liqasının XII turu çərçivəsində keçirilən matçda

Noyabrın 2-də futbol üzrə İspaniya La Liqasının XII turu çərçivəsində keçirilən matçda "Sevilya" doğma meydanda "Atletiko Madrid"i qəbul edib.Azərtac xəbər verir ki, "Ramon Sançez Pizxuan" stadionunda baş tutan görüşdə hesabı meydan sahiblərinin yarımmüdafiəçisi Franko Vazques açıb. Cavab isə matçın 60-cı dəqiqəsində gəlib. madridlilərin hücumçusu Alvaro Morata topu çərçivəyə göndərərək komandasını məğlubiyyətdən xilas edib. Görüş elə bu hesabla da bitib – 1:1.Turun digər qarşılaşmasında isə "Barselona" səfərdə "Levante"yə 3:1 hesabı ilə məğlub olub. "Espanyol" isə doğma meydanda "Valensiya"ya 1:2 hesabı ilə uduzub.Bu oyunlardan sonra turnir cədvəlinə 22 xalla "Barselona" klubu liderlik edir. "Sevilya" isə 21 xalla dördüncü olub.Turun digər qarşılaşmaları isə noyabrın 3 və 4-də baş tutacaq.xeber100.com

İngiltərə Premyer Liqasında 11-ci turun növbəti oyunlarında

Noyabrın 2-də futbol üzrə İngiltərə Premyer Liqasında 11-ci turun növbəti oyunları keçirilib.Azərtac xəbər verir ki, son çempion “Mançester Siti” öz meydanında “Southemton” komandasını qəbul edib. Mançester təmsilçisi hesabda 1:0 hesabla geridə olsa da, ardıcıl iki qol vuraraq qələbə qazanıb.“Mançester Siti”nin əzəli rəqibi “Liverpul” isə səfərdə eyni hesabla “Aston Villa” komandasını məğlub edib - 2:1.Turun gözlənilməz hesabı “Vitality” stadionunda qeydə alınıb. “Mançester Yunayted” klubu səfərdə “Bournemouth” komandasına məğlub olub - 1:0.Turun digər oyunlarında aşağıdakı hesablar qeydə alınıb. “Arsenal” - “Volvethrmton” - 1:1; “Brayton” - “Norviç Siti” - 2:0; “Şeffild Yunayted” - “Börnli” - 3:0; “Vest Ham” - “Nyukasl Yunayted” - 2:3; “Vatford” - “Çelsi” - 1:2. Qeyd edək ki, tura noyabrın 3-də iki oyunla yekun vurulacaq.xeber100.com

Azərbaycan Premyer Liqasında X turun daha bir oyunu keçirilib

Noyabrın 3-də futbol üzrə Azərbaycan Premyer Liqasında X turun daha bir oyunu keçirilib.Azərtac xəbər verir ki, günün ilk matçında “Zirə” komandası “Sumqayıt”ı qəbul edib. Zirə İdman Kompleksinin stadionunda keçirilən qarşılaşma 2:2 hesabı ilə bitib.Görüşdə ilk qol 3-cü dəqiqədə vurulub. “Zirə”nin heyətində Mfo Kqasvane fərqlənib. Qonaqlar 30-cu dəqiqədə hesabı bərabərləşdiriblər. Peyman Babayi penalti zərbəsini dəqiq yerinə yetirib. “Sumqayıt” ilk hissənin sonlarında üstün oyun sərgiləsə də, hesabda önə keçə bilməyib. Birinci hissə bu hesabla yekunlaşıb.Görüşün 58-ci dəqiqəsində paytaxt təmsilçisinin yeni transferi Riçard Qadze “Zirə”ni yenidən hesabda önə keçirib. Oyunun 82-ci dəqiqəsində isə “Sumqayıt”dan Əmir Ağayev bərabərlik qolunun müəllifi olub.Bu nəticədən sonra “Zirə” 10-cu xalını qazanıb və 6-cı yerdə qalıb. “Sumqayıt” isə 11 xalla 4-5-ci yerləri bölüşdürür.Qeyd edək ki, X tura bu gün keçiriləcək "Qəbələ" - "Sabah" matçı ilə yekun vurulacaq. Turun ilk 2 matçında qapılara qol vurulmayıb. "Neftçi" - "Qarabağ" və "Səbail" - "Keşlə" oyunlarında hesab açılmayıb - 0:0.xeber100.com

Azərbaycan Ağır Atletika Federasiyasının məlumatı

Belarusun Qrodno şəhərində ikiqat Olimpiya çempionu Aleksandr Kurloviçin xatirəsinə həsr olunmuş ağır atletika üzrə nüfuzlu beynəlxalq “Alexander Cup” turniri keçirilir.Azərbaycan Ağır Atletika Federasiyasından Azərtac-a bildiriblər ki, Tokio Yay Olimpiya Oyunlarına gümüş səviyyəli lisenziya xarakterli olan bu yarışda 18 ölkədən 80 atlet medallar uğrunda mübarizə aparır. Onların arasında Azərbaycan yığma komandasının üzvləri də var.Ölkəmizi qadınlarda Boyanka Kostova, kişilərdə isə Nailxan Nəbiyev təmsil edir.İlk yarış günündə Boyanka Kostova 59 kiloqram çəki dərəcəsində qüvvəsini sınayıb. Atletimiz birdən və təkanla ağır qaldırmada toplam 215 kiloqram (95+120) nəticə göstərərək turnirin qalibi olub.xeber100.com

Azərbaycan Premyer Liqasının 10-cu turunun növbəti oyunu keçirilib

Noyabrın 2-də futbol üzrə Azərbaycan Premyer Liqasının 10-cu turunun növbəti oyunu keçirilib.Azərtac xəbər verir ki, “ASCO Arena”da “Səbail” və “Keşlə” komandaları üz-üzə gəliblər. Baş hakim Rəvan Həmzəzadənin idarə etdiyi görüşdə qapılara top vurulmayıb. Bu oyundan sonra aktivində 16 xal olan “Keşlə” üçüncü pillədə qərarlaşıb. “Səbail” komandası isə 11 xalla dördüncüdür.Premyer Liqanın 10-cu turunun açılış matçında “Neftçi” - “Qarabağ” oyununda da qolsuz heç-heçə qeydə alınmışdı.Tura noyabrın 3-də keçiriləcək “Zirə” – “Sumqayıt” və “Qəbələ” – “Sabah” görüşləri ilə yekun vurulacaq.xeber100.com

UEFA Gənclər Liqası çərçivəsində keçiriləcək oyunda

FIFA referisi Rauf Cabarov təyinat alıb.Azərtac AFFA-ya istinadla xəbər verir ki, o, UEFA Gənclər Liqası çərçivəsində keçiriləcək “Lokomotiv” (Moskva, Rusiya)–“Yuventus” (İtaliya) oyununun baş hakimi olacaq. Ona Namiq Hüseynov və Pərvin Talıbov kömək edəcəklər.Matç noyabrın 6-da Moskvada təşkil olunacaq.xeber100.com

Şahmat Olimpiadasının 4-cü turunun oyunları keçirilib

Türkiyənin Çorum şəhərində 16 yaşlılar arasında təşkil edilən Şahmat Olimpiadasının 4-cü turunun oyunları keçirilib.Azərtac  xəbər verir ki, olimpiadada ölkəmizi təmsil edən 16 yaşadək şahmatçılardan ibarət əsas yığmamız – “Azərbaycan” komandası Kanada şahmatçılarına 3:1 hesabla qalib gəlib. Komandamız 4 turun nəticəsinə görə 7 xalla ikinci yerdədir. “Azərbaycan-Naxçıvan” isə Çex təmsilçilərinə məğlub olub - 1:0.Qeyd edək ki, “Azərbaycan” komandası birinci turda Monqolustan, ikinci turda ABŞ şahmatçılarına 3:1 hesabı ilə qalib gəlib, üçüncü turda Özbəkistan ilə heç-heçə edib. “Azərbaycan-Naxçıvan” komandası isə Tailand təmsilçilərinə 3,5:0,5, Türkiyə şahmatçılarına 3:1 hesabı ilə qalib gəlib, Qazaxıstan yığmasına məğlub olub - 1:3.xeber100.xom

Atçılıq Federasiyasının təşkilatçılığı ilə cıdır yarışı keçiriləcək

Noyabrın 3-də Binə Atçılıq Mərkəzində Azərbaycan Respublikası Atçılıq Federasiyasının (ARAF) təşkilatçılığı ilə mövsümün sonuncu cıdır yarışı keçiriləcək.ARAF-dan Azərtac-a bildiriblər ki, mövsümün bağlanış tədbirində ümumilikdə 6 cıdır və 5 yorğa qaçışı təşkil olunacaq.Yarış günü cıdır üzrə 40-dan artıq, yorğa atlarının qaçışı üzrə isə 50-yə yaxın atın iştirakı gözlənilir.ARAF ölkəmizdə atçılığın əhatə dairəsinin genişləndirilməsi və qədim atçılıq ənənəsinin davam etdirilməsi üçün davamlı olaraq bu növ yarışlar təşkil edir. Federasiya paytaxt və digər regionların atçılıq idmanına olan marağını nəzərə alaraq bu cür tədbirlərdə və yarışlarda atçılıqla məşğul olan şəxslərə xüsusi şərait yaradır.İlk dəfə olaraq Federasiyanın təşəbbüsü ilə yarışa Azərbaycanın bütün regionlarından yorğa at sahibləri dəvət olunub və onlara öz yorğa atları ilə yarışlarda iştirak etmək üçün imkan yaradılacaq.Yarışlara marağın artırılması və idmançıların həvəsləndirilməsi məqsədilə cıdır yarışlarının mükafat fondu kimi qaliblərə ümumilikdə 24 min 500 manat mükafat verilməsi nəzərdə tutulub. Eyni zamanda, yorğa yarışlarının qaliblərinə isə medallar və diplomlar veriləcək.Qeyd edək ki, tamaşaçılar üçün girişin sərbəst olacağı yarış saat 11:00-da başlayacaq.xeber100.com