Azərbaycan Ağır Atletika Federasiyasının məlumatı

Belarusun Qrodno şəhərində ikiqat Olimpiya çempionu Aleksandr Kurloviçin xatirəsinə həsr olunmuş ağır atletika üzrə nüfuzlu beynəlxalq “Alexander Cup” turniri keçirilir.Azərbaycan Ağır Atletika Federasiyasından Azərtac-a bildiriblər ki, Tokio Yay Olimpiya Oyunlarına gümüş səviyyəli lisenziya xarakterli olan bu yarışda 18 ölkədən 80 atlet medallar uğrunda mübarizə aparır. Onların arasında Azərbaycan yığma komandasının üzvləri də var.Ölkəmizi qadınlarda Boyanka Kostova, kişilərdə isə Nailxan Nəbiyev təmsil edir.İlk yarış günündə Boyanka Kostova 59 kiloqram çəki dərəcəsində qüvvəsini sınayıb. Atletimiz birdən və təkanla ağır qaldırmada toplam 215 kiloqram (95+120) nəticə göstərərək turnirin qalibi olub.xeber100.com

Azərbaycan Premyer Liqasının 10-cu turunun növbəti oyunu keçirilib

Noyabrın 2-də futbol üzrə Azərbaycan Premyer Liqasının 10-cu turunun növbəti oyunu keçirilib.Azərtac xəbər verir ki, “ASCO Arena”da “Səbail” və “Keşlə” komandaları üz-üzə gəliblər. Baş hakim Rəvan Həmzəzadənin idarə etdiyi görüşdə qapılara top vurulmayıb. Bu oyundan sonra aktivində 16 xal olan “Keşlə” üçüncü pillədə qərarlaşıb. “Səbail” komandası isə 11 xalla dördüncüdür.Premyer Liqanın 10-cu turunun açılış matçında “Neftçi” - “Qarabağ” oyununda da qolsuz heç-heçə qeydə alınmışdı.Tura noyabrın 3-də keçiriləcək “Zirə” – “Sumqayıt” və “Qəbələ” – “Sabah” görüşləri ilə yekun vurulacaq.xeber100.com

UEFA Gənclər Liqası çərçivəsində keçiriləcək oyunda

FIFA referisi Rauf Cabarov təyinat alıb.Azərtac AFFA-ya istinadla xəbər verir ki, o, UEFA Gənclər Liqası çərçivəsində keçiriləcək “Lokomotiv” (Moskva, Rusiya)–“Yuventus” (İtaliya) oyununun baş hakimi olacaq. Ona Namiq Hüseynov və Pərvin Talıbov kömək edəcəklər.Matç noyabrın 6-da Moskvada təşkil olunacaq.xeber100.com

Şahmat Olimpiadasının 4-cü turunun oyunları keçirilib

Türkiyənin Çorum şəhərində 16 yaşlılar arasında təşkil edilən Şahmat Olimpiadasının 4-cü turunun oyunları keçirilib.Azərtac  xəbər verir ki, olimpiadada ölkəmizi təmsil edən 16 yaşadək şahmatçılardan ibarət əsas yığmamız – “Azərbaycan” komandası Kanada şahmatçılarına 3:1 hesabla qalib gəlib. Komandamız 4 turun nəticəsinə görə 7 xalla ikinci yerdədir. “Azərbaycan-Naxçıvan” isə Çex təmsilçilərinə məğlub olub - 1:0.Qeyd edək ki, “Azərbaycan” komandası birinci turda Monqolustan, ikinci turda ABŞ şahmatçılarına 3:1 hesabı ilə qalib gəlib, üçüncü turda Özbəkistan ilə heç-heçə edib. “Azərbaycan-Naxçıvan” komandası isə Tailand təmsilçilərinə 3,5:0,5, Türkiyə şahmatçılarına 3:1 hesabı ilə qalib gəlib, Qazaxıstan yığmasına məğlub olub - 1:3.xeber100.xom

Atçılıq Federasiyasının təşkilatçılığı ilə cıdır yarışı keçiriləcək

Noyabrın 3-də Binə Atçılıq Mərkəzində Azərbaycan Respublikası Atçılıq Federasiyasının (ARAF) təşkilatçılığı ilə mövsümün sonuncu cıdır yarışı keçiriləcək.ARAF-dan Azərtac-a bildiriblər ki, mövsümün bağlanış tədbirində ümumilikdə 6 cıdır və 5 yorğa qaçışı təşkil olunacaq.Yarış günü cıdır üzrə 40-dan artıq, yorğa atlarının qaçışı üzrə isə 50-yə yaxın atın iştirakı gözlənilir.ARAF ölkəmizdə atçılığın əhatə dairəsinin genişləndirilməsi və qədim atçılıq ənənəsinin davam etdirilməsi üçün davamlı olaraq bu növ yarışlar təşkil edir. Federasiya paytaxt və digər regionların atçılıq idmanına olan marağını nəzərə alaraq bu cür tədbirlərdə və yarışlarda atçılıqla məşğul olan şəxslərə xüsusi şərait yaradır.İlk dəfə olaraq Federasiyanın təşəbbüsü ilə yarışa Azərbaycanın bütün regionlarından yorğa at sahibləri dəvət olunub və onlara öz yorğa atları ilə yarışlarda iştirak etmək üçün imkan yaradılacaq.Yarışlara marağın artırılması və idmançıların həvəsləndirilməsi məqsədilə cıdır yarışlarının mükafat fondu kimi qaliblərə ümumilikdə 24 min 500 manat mükafat verilməsi nəzərdə tutulub. Eyni zamanda, yorğa yarışlarının qaliblərinə isə medallar və diplomlar veriləcək.Qeyd edək ki, tamaşaçılar üçün girişin sərbəst olacağı yarış saat 11:00-da başlayacaq.xeber100.com

Azərbaycan Taekvondo Federasiyasının məlumatına görə…

Noyabrın 1-də İtaliyanın Bari şəhərində G4 kateqoriyalı Avropa Oyunlarına start veriləcək.Azərbaycan Taekvondo Federasiyasından Azərtac-a bildiriblər ki, beynəlxalq yarışda böyüklərdən ibarət yığma komandamızın altı üzvü mübarizə aparacaq. Millinin heyətində Qaşım Maqomedov (58 kq), Cavad Ağayev (68 kq), Radik İsayev (+80 kq), Patimat Abakarova (53 kq), Fəridə Əzizova (67 kq) və Zahra Fazel Kalxoran (+67 kq) yer alıblar.Avropanın 45 ölkəsindən 213 idmançının (114 kişi, 99 qadın) reytinq xalları uğrunda yarışacağı turnirdə qalib taekvondoçu aktivinə 40 xal, ikinci yeri tutan 24,5 xal, bürünc medalçılar isə 17,5 xal yazdıracaqlar.Turnirə noyabrın 3-də yekun vurulacaq.Azərbaycan Taekvondo Federasiyasının vitse-prezidenti Niyaməddin Paşayev, baş məşqçilər Reza Mehmandoust və Elnur Amanovun rəhbərlik etdiyi komandamız noyabrın 4-də vətənə qayıdacaq.xeber100.com

İtaliya A Seriyasının 10-cu turunun növbəti oyunlarında

Oktyabrın 30-da futbol üzrə İtaliya A Seriyasının 10-cu turunun növbəti oyunları keçirilib.Azərtac xəbər verir ki, turun mərkəzi qarşılaşması “San Paolo” stadionunda oynanılıb. “Napoli” öz meydanında “Atalanta” komandasını qəbul edib. Gərgin keçən görüşdə qalib müəyyənləşməyib - 2:2.Cari mövsüm yaxşı oyunu ilə diqqət çəkən “İnter” səfərdə “Breşiya” komandanı 2:1 hesabı ilə məğlub edib. Son çempion “Yuventus” Turinin digər təmsilçisi “Torino” ilə üz-üzə gəlib. Üç qırmızı vərəqənin göstərildiyi oyunda “qoca sinyora” son dəqiqələrdə vurduğu qolla 2:1 hesabı ilə qələbə qazanıb.Çempionatın favoritlərindən sayılan “Roma” isə səfərdə “Udineze”ni böyük hesabla məğlub edib – 0:4.Turun digər oyunlarında aşağıdakı nəticələr qeydə alınıb: “Kalyari” - “Bolonya” - 3:2; “Latsio” - “Torino” - 4:0; “Sampdoriya” - “Leççe” - 1:1; “Sassuolo” - “Fiorentino” - 1:2; “Parma” - “Verona” - 0:1. Tura oktyabrın 31-də keçiriləcək “Milan” - SPAL oyunu ilə yekun vurulacaq.xeber100.com

Futzal üzrə Yüksək Liqada V turun oyunları keçiriləcək

Bu gün futzal üzrə Yüksək Liqada V turun oyunları keçiriləcək.Azərtac xəbər verir ki, tura “Xızı”-“Yasamal” oyunu ilə start veriləcək. Saat 12:00-da başlayacaq görüşün baş hakimi Ramiz Məhərrəmov olacaq.Saat 14:00-da start götürəcək “Neftçi”-“Baku Fire” qarşılaşması Anar Fərəcova tapşırılıb.“Premier”-“Araz” oyununda Hikmət Qafarlı ədaləti qoruyacaq. Görüş saat 16:00-da başlayacaq.EKOL-“Record” arasında keçiriləcək oyuna Əli Cəbrayılov təyinat alıb. Qarşılaşmanın start fiti saat 18:00-da səsləndiriləcək.Tura “Marafon”-“Bakı” matçı ilə yekun vurulacaq. Saat 20:00-da start götürəcək oyunun baş hakimi Azər Əsgərov olacaq.Turun oyunları “Olimpik Star”da təşkil olunacaq.Qeyd edək ki, 12 xala malik “Araz” və “Neftçi” turnir cədvəlində ilk iki pillədə yer alıblar. EKOL isə 9 xalla üçüncü pillədə qərarlaşıb.xeber100.com

Ümumdünya Şahmat Olimpiadasının ikinci turuna start veriləcək

Oktyabrın 30-da Türkiyənin Çorum şəhərində keçirilən 16 yaşlılar arasında Ümumdünya Şahmat Olimpiadasının ikinci turuna start veriləcək.Azərtac xəbər verir ki, ölkəmizi bu yarışda təmsil edən 16 yaşadək əsas yığmanın üzvləri – “Azərbaycan” komandası ABŞ, digər yığmamız – “Azərbaycan-Naxçıvan” şahmatçıları Tailand təmsilçiləri ilə mübarizə aparacaqlar.Əsas yığmanın heyətində mübarizə aparan Aydın Süleymanlı, Əhməd Əhmədzadə, Vüqar Manafov və Gövhər Beydullayeva birinci turda Monqolustan şahmatçılarını 3:1 hesabı ilə məğlub ediblər. Şahmatçılarımızdan A.Süleymanlı və G.Beydullayeva qarşılaşmaları qələbə ilə başa vurublar, Ə.Əhmədzadə və V.Manafov heç-heçə ediblər.Xəzər Babazadə, Sadiq Məmmədov, Sadiq Qarayev, Nəsrin Babayevanın çıxış etdiyi “Azərbaycan-Naxçıvan” komandası isə debütdə Qazaxıstan yığmasına uduzub - 1:3. X.Babazadə, S.Məmmədov rəqibləri ilə heç-heçə edib, S.Qarayev və N.Babayeva isə məğlub olublar.Ümumilikdə 48 komandanın mübarizə apardığı olimpiada noyabrın 6-dək davam edəcək.xeber100.com

Güləşçilər arasında dünya çempionatı davam edir

Macarıstanın paytaxtı Budapeştdə 23 yaşadək güləşçilər arasında dünya çempionatı davam edir. Çempionatın ikinci günündə - oktyabrın 29-da sərbəst güləşçilərimiz 4 medal qazanıblar.Azərtac xəbər verir ki, mübarizəyə səkkizdəbir finaldan qoşulan Turan Bayramov (65 kq) ilk görüşündə kanadalı həmkarını məğlub edib. Həmyerlimiz moldovalı rəqibinə də gücünü göstərərək yarımfinala yüksəlib. Fransa təmsilçisi ilə qarşılaşma gərgin idman mübarizəsi şəraitində keçib. Turan ilk hissəni 0:1 geridə başa vursa da, ikinci yarıda rəqibi əks-fəndə salaraq qələbə qazanıb və debüt etdiyi U-23 dünya çempionatının finalına vəsiqə qazanıb. Yapon güləşçi ilə finalda sona az qalmış rəqibi əks-fənddə yaxalayan T.Bayramov 23 yaşadək güləşçilər arasında dünya çempionu olub.Millimizin digər üzvü Abubakr Abakarov (79 kq) mundiala inamlı start verib. Titullu güləşçimiz ilk mərhələdə qırğız rəqibinə vaxtından əvvəl qalib gəlib. Təmsilçimiz daha sonra Rusiya güləşçisini tam üstünlüklə yenib. Yarımfinalda Moldova idmançısını çətinlik çəkmədən ilk hissədə məğlub edən A.Abakarov adını yarımfinala yazdırıb. Hindistan güləşçisinə də aman verməyən təmsilçimiz finalda güləşmək hüququ qazanıb. Həlledici qarşılaşmaya çox yaxşı başlayan A.Abakarov 4 xal qazansa da, çevirmə fəndi edərkən səhvə yol verərək gürcü həmkarına uduzub və gümüş medalla kifayətlənib.xeber100.com