“Qara dəniz kuboku” beynəlxalq turniri keçiriləcək

Noyabrın 2-3-də Rusiyanın Soçi şəhərində qılıncoynatmanın sablya növü üzrə “Qara dəniz kuboku” beynəlxalq turniri keçiriləcək.Azərtac xəbər verir ki, turnirində Azərbaycanı Aysel Əhədova təmsil edəcək.Yarışda 9 ölkədən 40 qadın idmançı iştirak edəcək.xeber100.com

Futbol üzrə Türkiyə Superliqasında IX turunun son oyununda

Oktyabrın 28-də futbol üzrə Türkiyə Superliqasında IX turunun son oyununda “Başakşəhər” doğma meydanda “Trabzonspor”u qəbul edib.Azərtac xəbər verir ki, “Fateh Terim” stadionunda keçirilən görüş maraqlı hücumlarla yadda qalıb. Görüşdə hesabı 61-ci dəqiqədə qonaqların hücumçusu Daniel Sturridge onbirmetrlik cərimə zərbəsini dəqiq yerinə yetirərək açıb. Lakin cəmi 6 dəqiqə sonra meydan sahiblərinin hücumçusu Edin Viskada təyin olunan onbirmetrlik cərimə zərbəsinin öhdəsindən məharətlə gəlib. Oyunun 79-cu dəqiqəsində İstanbul təmsilçilərinin müdafiəçisi Martin Skrtel komandasını hesabda önə keçirib. Trabzon klubu isə 95-ci dəqiqədə hesabı bərabərləşdirməyə müvəffəq olub. Aleksander Sorlot komandasını məğlubiyyətdən xilas edib.Beləliklə, “Başakşəhər” və “Trabzonspor” görüşündə qalib müəyyənləşməyib - 2:2.Bu oyundan sonra turnir cədvəlində “Alanyaspor” 18 xalla vahid liderdir. “Fənərbağça” isə 17 xalla ikinci, “Yeni Malatyaspor” isə 16 xalla üçüncü pillədə qərarlaşıb.xeber100.com

Futbol üzrə Türkiyə Superliqasının IX turu çərçivəsində

Oktyabrın 26-da futbol üzrə Türkiyə Superliqasının IX turu çərçivəsində keçirilən matçda "Fənərbağça" doğma meydanda "Konyaspor"u qəbul edib.Azərtac xəbər verir ki, "Şükrü Saracoğlu" stadionunda baş tutan görüş maraqlı hücumlarla yadda qalıb. Görüşdə hesabı 11-ci dəqiqədə meydan sahiblərinin hücumçusu Qarri Rodriges açıb. Cəmi 3 dəqiqə sonra istanbulluların futbolçusu Matias Jorgensen hesab arasındakı fərqi artırıb. Qarşılaşmanın 16-cı dəqiqəsində Sərdar Əziz topu səhvən öz qapısına vurub. Lakin meydan sahiblərinin yarımmüdafiəçisi Ozan Tufan 28-ci dəqiqədə bir daha fərqlənərək aktivlərindəki qolların sayını 3-ə çatdırıblar. Birinci hissə elə bu hesabla başa çatıb - 3:1. İkinci hissənin 78-ci və 82-ci dəqiqələrində İstanbul təmsilçisi fərqlənib. Qolları Luis Qustavo və Vedat Muruqi vurub.Beləliklə, "Fənərbağça" doğma meydanda "Konyaspor"u 5:1 hesabı ilə məğlub edib.Bu oyundan sonra "Fənərbağça" turnir cədvəlində 17 xalla ikinci pillədə qərarlaşıb.Günün digər oyunlarında "Sivasspor" doğma meydanda "Antalyaspor"u 2:1 hesabı ilə məğlub edib. Lider "Alanyaspor" isə səfərdə "Qaziantep"lə heç-heçə edib: 1:1.Turun digər oyunları oktyabrın 27-də və 28-də keçiriləcək.xeber100.com

“Atletiko Madrid” futbol klubu “Atletik Bilbao”nu qəbul edib

Futbol üzrə İspaniya La Liqasının X turu çərçivəsində keçirilən matçda "Atletiko Madrid" doğma meydanda "Atletik Bilbao"nu qəbul edib.Azərtac xəbər verir ki, "Vanda Metropolitano" stadionunda baş tutan görüşdə hesabı 28-ci dəqiqədə meydan sahiblərinin yarımmüdafiəçisi Saul Nigues açıb. Birinci hissə elə bu hesabla bitib - 1:0. İkinci hissənin 64-cü dəqiqəsində Dieqo Simeonenin yetirmələri hesab arasındakı fərqi artırıblar. Alvaro Morata komandasının ikinci qolunu vurub. Bu, oyunda vurulan son qol olub. Beləliklə, "Atletiko Madrid" doğma meydanda "Atletiko Bilbao"nu 2:0 hesabı ilə məğlub edib.Bu oyundan sonra Madrid klubu turnir cədvəlində 19 xalla ikinci pillədə qərarlaşıb. Günün digər oyunlarında "Leqanes" doğma meydanda "Malyorka"ya minimal hesabla qalib gəlib - 1:0. "Eybar" isə səfərdə "Real Valladolid"ə 2:0 hesabı ilə məğlub olub. Turun digər oyunları oktyabrın 27-28-də keçiriləcək.xeber100.com

Santyaqoda gənclərin Xl dünya çempionatı davam edir

Çilinin paytaxtı Santyaqoda yeniyetmə və gənclərin Xl dünya çempionatı davam edir.Azərtac xəbər verir ki, çempionatın son günü komandamızın daha bir üzvü gücünü sınayacaq. İkiqat dünya ikincisi Fidan Teymurova (50 kq) daha bir titul qazanmaq uğrunda mübarizə aparacaq.Qeyd edək ki, komandamızın aktivində 4 medal var. Belə ki, 16-18 yaşlı gənclərdən ibarət milli komandanın üzvləri Hüseyn Məmmədli (61 kq) gümüş, Sultan Hüseynov (55 kq), Hüseyn Hüseynzadə (76 kq) və Polina Qurenko (53 kq) isə bürünc medala sahib olublar.xeber100.com

Avropa çempionatının dördüncü turunun oyunlarına start verilir

Oktyabrın 27-də Batumidə komandalararası Avropa çempionatının dördüncü turunun oyunlarına start verilir.Azərtac xəbər verir ki, kişilərdən ibarət komandamız Çexiya, qadın yığmamız Rumıniya şahmatçıları ilə üz-üzə gələcəklər.Təmsilçilərimiz Şəhriyar Məmmədyarov David Navara, Rauf Məmmədov Jiri Stocek, Qədir Hüseynov Peter Miçalik, Arkadi Naydiç Viktor Laznicka ilə mübarizə aparacaqlar. Qadın şahmatçılarımız Xanım Balacayeva Korina-İzabela Peptan, Günay Məmmədzadə İrina Bulmaga, Ülviyyə Fətəliyeva Elena-Luminita Kosma, Türkan Məmmədyarova Miruna-Daria Lehaci ilə güclərini sınayacaqlar.Qeyd edək ki, kişilərdən ibarət komandamız birinci turda Serbiya (3,5:0,5), ikinci turda Fransa komandalarını (2,5:1,5) məğlub etsə də, III turda Ukrayna yığmasına (1,5:2,5) uduzub. Qadın yığmamız isə birinci turda Latviya şahmatçılarını (4:0), III turda Avstriya yığmasını (3,5:0,5) məğlub edib. İkinci turda İspaniya yığmasına (0,5:3,5) uduzub.Xatırladaq ki, kişilərdən ibarət komandamız hazırkı Avropa çempionudur. Yığmamız ümumilikdə üç dəfə Avropa çempionu olub.xeber100.com

İngiltərə Premyer Liqasının 10-cu turunun növbəti oyunu keçirilib

Oktyabrın 26-da İngiltərə Premyer Liqasının 10-cu turunun növbəti oyunu keçirilib.Azərtac xəbər verir ki, son çempion “Mançester Siti” doğma azarkeşlər önündə “Aston Villa” klubunu qəbul edib.Görüş Mançester təmsilçisinin 3:0 hesablı qələbəsi ilə başa çatıb. Pep Qvardiolanın yetirmələrindən Rahim Sterlinq (46-cı dəqiqə), Kevin De Brüyne (66-cı) və İlkay Gündoğan (70-ci) fərqləniblər. Qarşılaşmanın 87-ci dəqiqəsində “Mançester Siti”in futbolçusu Fernandinyo ikinci sarı vərəqəsini alaraq meydanı tərk edib.Bu qələbədən sonra xalların sayını 22-ə çatdıran “Mançester Siti” turnir cədvəlində ikinci pillədəkı yerini qoruyub. “Aston Villa” isə 11 xalla 12-ci yerdə qərarlaşıb. “Mançester Siti”nin çempionluq yolunda əzəli rəqibi sayılan “Liverpul” oktyabrın 27-də öz meydanında “Tottenhem” komandasını qəbul edəcək.Xatırladaq ki, tura oktyabrın 25-də “Southemton”–“Lester Siti” oyunu ilə start verilib. Həmin oyunda İngiltərə Premyer Liqasının tarixində ən böyük səfər qələbəsi qeydə alınıb. Görüş Lester təmsilçisinin 9:0 hesablı qələbəsi ilə başa çatıb.xeber100.com  

“Keşlə” futbol klubu “Qəbələ” komandasını qəbul edib

Oktyabrın 26-da futbol üzrə Azərbaycan Premyer Liqasının doqquzuncu turunun birinci görüşündə “Keşlə” doğma meydanda “Qəbələ”ni qəbul edib.Azərtac xəbər verir ki, “ASCO Arena”da keçirilən oyuna meydan sahibləri daha fəal başlayıblar. Görüşün 1-ci dəqiqəsində “Keşlə”nin hücumçusu Lorenzo Frutos hesabı açıb. Meydan sahibləri növbəti dəfə oyunun 42-ci dəqiqəsində fərqləniblər. “Keşlə”nin paraqvaylı yarımmüdafiəçisi Sezar Meza Kolli komandasının ikinci qolunu vurub. Birinci hissə elə bu hesabla bitib - 2:0.Matçın 58-ci dəqiqəsində qonaq komanda vurulan qollardan birinin əvəzini çıxıb. “Qəbələ”nin mərkəz hücumçusu Davit Volkov hesab arasındakı fərqi azaldıb. Lakin qonaqların bundan artığına gücləri çatmayıb.Beləliklə, “Keşlə” doğma meydanda “Qəbələ”ni 2:1 hesabı ilə məğlub edib.Günün digər matçı “Bank Respublika Arena”da baş tutacaq. Bu görüşdə “Sabah” və “Zirə” klubları üz-üzə gələcəklər.Oktyabrın 27-də “Kapital Bank Arena”da təşkil olunacaq “Sumqayıt”–“Neftçi” oyunu saat 17:30-da başlayacaq. Həmin gün Tofiq Bəhramov adına Respublika stadionunda keçiriləcək “Qarabağ”-“Səbail” oyunu ilə tura yekun vurulacaq. Qarşılaşma saat 19:00-da start götürəcək.Turun bütün görüşləri "CBC Sport" kanalı ilə birbaşa yayımlanacaq.Səkkiz turdan sonra turnir cədvəlinə 22 xalla “Qarabağ” klubu başçılıq edir. Hesabında 15 xal olan “Keşlə” ikinci, 14 xal olan “Neftçi” isə üçüncü yerdə qərarlaşıblar. Digər pillələrdə müvafiq olaraq “Səbail” (10), “Sumqayıt” (10), “Zirə” (8), “Qəbələ” (6) və “Sabah” (6) yer alıblar.xeber100.com

Futzal üzrə dünya çempionatının əsas mərhələsi çərçivəsində

Oktyabrın 26-da Bakı İdman Sarayında 2020-ci ildə keçiriləcək futzal üzrə dünya çempionatının əsas mərhələsinin üçüncü qrupu çərçivəsində növbəti oyun keçirilib.Azərtac xəbər verir ki, Bakıda təşkil olunan qrupun oyunlarında Azərbaycan ilə yanaşı, Slovakiya, Monteneqro və Moldova komandaları mübarizə aparırlar.Yarışın üçüncü turunda Monteneqro və Moldova yığmaları üz-üzə gəliblər. Qarşılıqlı hücumlar şəraitində keçən oyunda monteneqrolu futzalçılar 4:3 hesabı ilə qalib gəliblər.Günün ikinci qarşılaşması isə Azərbaycan və Slovakiya komandaları arasında təşkil olunacaq. Görüş saat 20:00-da start götürəcək.Millimiz ilk oyununda Moldovaya 3:1, Monteneqroya 3:2 hesabı ilə qalib gəlib. Slovakiya yığması isə Montoneqronu 5:0, Moldovanı 7:4 hesabı ilə məğlub edib.xeber100.com

Azərbaycan Aykido Federasiyasının məlumatına görə…

Oktyabrın 26-da Azərbaycan Aykido Mərkəzində Avrasiya Aykido Təşkilatını yaradıcısı və texniki direktoru Nəbi Vuralın rəhbərliyi altında beynəlxalq seminar keçirilib.Azərtac xəbər verir ki, seminara Bakı, Gəncə, Oğuz, Şəki, Göyçay, Lənkəran və Astaradan idmançı və məşqçilər qatılıblar. Ümumilikdə seminarda 200 nəfər iştirak edib.Azərbaycan Aykido Federasiyasının prezidenti, 6-cı dan Sensey Fərhad Ələsgərov deyib: “Ənənəvi olaraq hər il keçirdiyimiz seminara Avrasiya Aykido Təşkilatının yaradıcısı və texniki direktoru Nəbi Vural dəvət edilir. Seminarda Ukrayna, Rusiya, İrandan idmançı və məşqçilər iştirak edirlər. Eyni zamanda, ölkəmizin bir çox regionlarından seminara qatılanlar var. Seminarı keçirməkdə məqsədimiz Azərbaycanda aykidonun və özünümüdafiə fəlsəfəsinin inkişafıdır. Seminarda uşaqlar, gənclər, böyüklər və yaşlılar iştirak edirlər. Növbəti seminarın dekabrda keçirilməsi planlaşdırılır”.N.Vural 40 ildən artıqdır aykido ilə məşğul olur. O, Fransada ustad N.Tamuranın rəhbərliyi altında idmanın bu növünün sirlərini öyrənməyə başlayıb. Ustad N.Tamura aykidonun banisi O-Sensey Morihey Ueşibanın tələbəsi olub. N.Vuralı ölkəmizə Azərbaycan Aykido Federasiyasının prezidenti 6-cı dan Sensey Fərhad Ələsgərov dəvət edib.xeber100.com