“Qarabağ” futbol klubu UEFA Avropa Liqasının pley-off mərhələsində

Avqustun 22-də Ağdamın “Qarabağ” futbol klubu UEFA Avropa Liqasının pley-off mərhələsində mübarizəyə başlayacaq.Azərtac xəbər verir ki, Belfastdakı “Windsor Park” stadionunda təşkil olunacaq oyun Bakı vaxtı ilə saat 22:45-də başlayacaq.Qarşılaşmanı isveçrəli hakimlər briqadası idarə edəcək. Baş hakim Sandro Sxarer olacaq.Qurban Qurbanovun rəhbərlik etdiyi kollektiv UEFA Çempionlar Liqasının birinci təsnifat mərhələsində Albaniya çempionu “Partizani”ni mübarizədən kənarlaşdırıb - 0:0, 2:0. Ağdam təmsilçisi ikinci təsnifat mərhələsində İrlandiyanın “Dundalk” komandasında güclü olub - 1:1, 3:0. “Qarabağ” üçüncü mərhələdə səfərdə Kiprin APOEL komandasına ilk oyunda 2:1 hesabı ilə qalib gəlsə də, Bakıdakı cavab matçında uduzaraq (0:2) qitənin ən nüfuzlu klub turniri ilə vidalaşıb və mübarizəni UEFA Avropa Liqasında davam etdirməli olub.Mübarizəyə UEFA Avropa Liqasının ikinci təsnifat mərhələsindən başlayan “Linfild” əvvəlcə Farer Adalarının “Torshavn” komandasına (2:2, 1:0), daha sonra “Sutyeska”nı (Monteneqro) məğlub edərək (2:1, 3:2) pley-off mərhələsinə vəsiqə qazanıb.“Qarabağ” komandası “Linfild” ilə oyuna itkilərlə çıxacaq. APOEL ilə Bakıda keçirilən oyunda müvafiq olaraq sarı və qırmızı vərəqə alan mərkəz müdafiəçisi Rahil Məmmədov və yarımmüdafiəçi Riçard Almeyda cəzalı duruma düşüblər. Digər mərkəz müdafiəçisi Bədavi Hüseynov ilə yarımmüdafiəçi Filip Ozobiçin də zədə üzündən meydana çıxmayacaqları bildirilib.Qeyd edək ki, görüş “CBC Sport” telekanalı vasitəsilə birbaşa yayımlanacaq. Bu komandalar arasında cavab görüşü avqustun 29-da Tofiq Bəhramov adına Respublika stadionunda olacaq.xeber100.com

U-17 komandası beynəlxalq turnirə hazırlaşır

On yeddi yaşadək futbolçulardan Azərbaycan yığma komandası avqustun 24-dən 31-dək Ukraynanın paytaxtı Kiyevdə təşkil olunacaq beynəlxalq turnirdə (Viktor Bannikov turniri) iştirak edəcək.Azərtac xəbər verir ki, Bakıda təlim-məşq toplanışında olan yığmamız Viktor Bannikov turnirində Ukrayna, Latviya və İsrail komandaları birgə A qrupunda mübarizə aparacaq.Millimiz avqustun 26-da İsrail, bir gün sonra Ukrayna, ayın 29-da isə Latviya yığması ilə qarşılaşacaq.Hazırlıq prosesində Elgün Bayramov (“Neftçi”), Eldar Tağızadə (“Fundacion Marcet”, İspaniya), Amin Ramazanov (“Lokomotiv Moskva”, Rusiya), Rəşad Həsənov (“Keşlə”), Cəlal Hüseynov (“Zirə”), Raqib Abışov (“Sabah”), Samir Həsənov (“Rubin Kazan”, Rusiya), Nikita Pesotski Çertanovo (“Moskva”, Rusiya), Ülvi Mədətov (“Qəbələ”), Zöhrab Əsədov (“Qarabağ”), Mirəli Əhmədov, Nihad Cəfərov (hər ikisi “Neftçi”), Elnur Mirzəyev (“Zirə”), Rauf Rüstəmli (“Qəbələ”), Əbil Əbilov (“Keşlə”), Vüsal Qəmbərov (“Sabah”), Musa Musazadə (“Qarabağ”), Arif Məmmədov (“Səbail”), Vüsal Əliyev (“Zirə”), Kamal Kazımov (“Keşlə”), Nicat Quliyev (“Səbail”), Nurəli Nurəliyev (“Zirə”), Mirmövsüm Canıyev (“Qarabağ”), Rəvan Nağıyev (“Neftçi”) və Vaqif Həsənov (“Keşlə”) iştirak edirlər.xeber100.com

Premyer Liqasının ikinci turuna hakim təyinatları açıqlanıb

Futbol üzrə Azərbaycan Premyer Liqasının ikinci turuna hakim təyinatları açıqlanıb.Azərtac Peşəkar Futbol Liqasının saytına istinadla xəbər verir ki, avqustun 24-də keçiriləcək “Sumqayıt”–“Səbail” oyununu Vüqar Həsənli idarə edəcək.Avqustun 25-də baş tutacaq “Sabah”–“Keşlə” matçına əsas referi Səbuhi Bayramov təyin olunub. Həmin gün keçiriləcək “Qarabağ”–“Qəbələ” oyununa İnqilab Məmmədov təyinat alıb.Turun sonuncu görüşü “Neftçi”–“Sabah” qarşılaşmasında baş hakim funksiyasını Əliyar Ağayev yerinə yetirəcək. Həmin görüş avqustun 26-da baş tutacaq.“Keşlə”–“Qarabağ”, “Qəbələ”–“Sumqayıt” oyunları saat 19:00-da, “Səbail”–“Zirə” və “Neftçi”-“Sabah” qarşılaşmaları isə saat 20:00-da başlayacaq.Turun bütün görüşləri “CBC Sport” kanalında canlı yayımlanacaq.xeber100.com

UEFA Çempionlar Liqasının növbəti mərhələsinə start verilib

Avqustun 20-də UEFA Çempionlar Liqasının play-off mərhələsinə start verilib.Azərtac xəbər verir ki, ilk oyun günündə üç oyun baş tutub. Azərbaycan çempionu “Qarabağ”ı üçüncü təsnifat mərhələsində mübarizədən kənarlaşdıran Kiprin APOEL klubu doğma azarkeşlər önündə Hollandiya təmsilçisi “Ayaks”ı qəbul edib. Görüş qolsuz yekunlaşıb.Digər oyunlarda Belçikanın “Brügge” klubu səfərdə LASK-ı (Avstriya), Çexiyanın “Slaviya” komandası isə Rumıniyada ÇFR-i eyni hesabla məğlub edib (0:1).xeber100.com

“Dünya məktəbi”ndə şahmat üzrə rapid turniri keçiriləcək

Avqustun 25-də Xəzər Universitetinin “Dünya məktəbi”ndə şahmat üzrə rapid turniri keçiriləcək.Azərtac xəbər verir ki, İsveçrə sistemi üzrə təşkil olunacaq turnir 7 turdan ibarət olacaq.Yarış FIDE-nin qaydaları əsasında baş tutacaq.xeber100.com

“Sabah” komandası heyətini yeni futbolçu ilə gücləndirib

“Sabah” klubu heyətini yeni futbolçu ilə gücləndirib. Komanda iyirmi doqquz yaşlı hücumçu Rocer Roxas ilə bir illik müqavilə imzalayıb.Azərtac klubun saytına istinadla xəbər verir ki, honduraslı futbolçu karyerası ərzində ölkəsinin “Olimpiya” (2008-2014, 2015-2016), Səudiyyə Ərəbistanının “Əl-İttifaq” (2014), Meksikanın “Nekaksa” (2014-2015) və “Simarrones” (2016-2017) komandalarında çıxış edib. O, sonuncu dəfə Kosta-Rikanın “Alaxuelense” klubunda forma geyinib.R.Roxas Honduras millisində 32 oyun keçirib və 3 qol vurub.xeber100.com

“Qarabağ”futbol klubu “Ayaks” komandasını qəbul edib

Avqustun 20-də UEFA Çempionlar Liqasının play-off mərhələsinə start verilib.Azərtac xəbər verir ki, ilk oyun günündə üç oyun baş tutub. Azərbaycan çempionu “Qarabağ”ı üçüncü təsnifat mərhələsində mübarizədən kənarlaşdıran Kiprin APOEL klubu doğma azarkeşlər önündə Hollandiya təmsilçisi “Ayaks”ı qəbul edib. Görüş qolsuz yekunlaşıb.Digər oyunlarda Belçikanın “Brügge” klubu səfərdə LASK-ı (Avstriya), Çexiyanın “Slaviya” komandası isə Rumıniyada ÇFR-i eyni hesabla məğlub edib (0:1).xeber100.com

UEFA Çempionlar Liqasında pley-off mərhələsinə start veriləcək

Bu gün UEFA Çempionlar Liqasında pley-off mərhələsinə start veriləcək.Azərtac xəbər verir ki, mərhələnin ilk oyun günündə üç qarşılaşma keçiriləcək.“Qarabağ”ı mübarizədən kənarlaşdıran Kiprin APOEL komandası ötən il UEFA Çempionlar Liqasının yarımfinalçısı Hollandiyanın “Ayaks” klubunu, LASK (Avstriya) isə “Brügge”ni (Belçika) qəbul edəcək.Çexiyanın “Slaviya” klubu səfərdə ÇFR (Rumıniya) komandası ilə qarşılaşacaq.Hər üç oyun Bakı vaxtı ilə saat 23:00-da başlayacaq.xeber100.com

Ukraynanın paytaxtı Kiyevdə təşkil olunacaq beynəlxalq turnirdə

On yeddi yaşadək futbolçulardan ibarət Azərbaycan yığma komandası avqustun 24-dən 31-dək Ukraynanın paytaxtı Kiyevdə təşkil olunacaq beynəlxalq turnirdə (Viktor Bannikov turniri) iştirak edəcək.Azərtac AFFA-ya istinadla xəbər verir ki, avqustun 20-dən 24-dək Bakıda təlim-məşq toplanışında olacaq yığmamız Viktor Bannikov turnirində Ukrayna, Latviya və İsrail komandaları birgə “A” qrupunda mübarizə aparacaq.Millimiz avqustun 26-da İsrail, bir gün sonra Ukrayna, ayın 29-da isə Latviya yığması ilə qarşılaşacaq.Hazırlıq prosesinə Elgün Bayramov (“Neftçi”), Eldar Tağızadə (“Fundacion Marcet”, İspaniya), Amin Ramazanov (“Lokomotiv Moskva”, Rusiya), Rəşad Həsənov (“Keşlə”), Cəlal Hüseynov (“Zirə”), Raqib Abışov (“Sabah”), Samir Həsənov (“Rubin Kazan”, Rusiya), Nikita Pesotski Çertanovo (“Moskva”, Rusiya), Ülvi Mədətov (“Qəbələ”), Zöhrab Əsədov (“Qarabağ”), Mirəli Əhmədov, Nihad Cəfərov (hər ikisi “Neftçi”), Elnur Mirzəyev (“Zirə”), Rauf Rüstəmli (“Qəbələ”), Əbil Əbilov (“Keşlə”), Vüsal Qəmbərov (“Sabah”), Musa Musazadə (“Qarabağ”), Arif Məmmədov (“Səbail”), Vüsal Əliyev (“Zirə”), Kamal Kazımov (“Keşlə”), Nicat Quliyev (“Səbail”), Nurəli Nurəliyev (“Zirə”), Mirmövsüm Canıyev (“Qarabağ”) və Vaqif Həsənov (“Keşlə”) dəvət olunub.xeber100.com  

Azərbaycan Futzal Federasiyasının məlumatı

Futzal üzrə Yüksək Liqanın 2019-2020-ci il mövsümündə iştirak etmək üçün 10 komanda müraciət edib.Azərtac Azərbaycan Futzal Federasiyasına istinadla xəbər verir ki, bunlardan dördü - “Araz”, EKOL, “Neftçi” və “Yasamal” ötən çempionatın iştirakçısıdır. “Marafon Futsal” isə bir illik fasilədən sonra yenidən Yüksək Liqada iştirak etmək üçün müraciət edib. Tələbə Futbol Federasiyasının yığma komandası TFF-55 də qüvvəsini ən güclülərlə sınayacaq.“Baku Fire”, “Record club”, “Xəzər” (Yardımlı) və “Quba Premyer” komandaları Yüksək Liqada debüt edəcəklər.xeber100.com