UEFA Avropa Liqasının növbəti final qarşılaşmasında

Londonun “Arsenal” klubunun braziliyalı müdafiəçi David Luisin transferi məsələsində “Çelsi” ilə 8 milyon funt sterlinq qarşılığında razılığa gəldiyi bildirilir.Azərtac BBC-yə istinadla xəbər verir ki, 32 yaşlı futbolçu ilə iki illik müqavilənin imzalanması nəzərdə tutulur. Cari ilin mayında “Çelsi” ilə iki illik müqavilə imzalayan futbolçunun bu gün tibbi müayinədən keçməsi planlaşdırılır.David Luis “Çelsi”nin heyətində keçirdiyi altı ilyarım müddətdə Premyer Liqada meydana çıxdığı 160 oyunda 11 qol vurub. O, 2011-ci ilin yanvarında 21 milyon funt sterlinqə “Benfika”dan London təmsilçisinə keçid edib. 2014-cü ilin iyununda 40 milyon funt sterlinqə “Paris Sen-Jermen”ə transfer olunan müdafiəçi iki ildən sonra 34 milyon funt sterlinq müqabilində yenidən “Çelsi”yə qayıdıb.İki gün əvvəl “Arsenal” klubu müdafiəçi Lorent Koşielnini 5 milyon avroya “Bordo” klubuna satıb. Klub rəhbərliyi “Seltik”in sol cinah müdafiəçisi Kieran Tierninin 25 milyon funt sterlinq müqabilində transferi ilə bağlı da danışıqlar aparır.On səkkiz yaşı tamam olmamış əcnəbi futbolçularla müqavilə imzaladığı üçün “Çelsi” klubu 2020-ci ilin yanvarına qədər transfer qadağası ilə cəzalandırılıb.Xatırladaq ki, “Arsenal” və “Çelsi” klubları mayın 29-da UEFA Avropa Liqasının 2018-2019-cu il mövsümünün Bakı Olimpiya Stadionunda keçirilən final qarşılaşmasında üz-üzə gəliblər. Görüş “Çelsi”nin 4:1 hesablı qələbəsi ilə başa çatıb.xeber100.com

“Fənərbağça” futbol klubu növbəti transferini reallaşdırıb

İstanbulun “Fənərbağça” klubu növbəti transferini reallaşdırıb.Azərtac xəbər verir ki, klub rəhbərliyi Danimarka millisinin müdafiəçisi Matias Yorgenseni heyətinə cəlb edib. Qambiya əsilli 29 yaşlı futbolçunun sonuncu klubu İngiltərə Premyer Liqasında çıxış edən “Haddersfild” olub. “Fənərbağça”nın futbolçunun transferi üçün 2 milyon avro ödədiyi bildirilir.2017-ci ildən “Haddersfild” klubunun şərəfini qoruyan Matias Yorgensen bu komandanın heyətində 61 oyunda 3 qol vurub. O, daha əvvəl Danimarkanın “Kopenhagen” və Hollandiyanın “PSV Eyndhoven” klublarında forma geyinib.xeber100.com

“Dinamo” İdman Cəmiyyətinin məlumatına görə…

Daxili İşlər Nazirliyinin (DİN) “Dinamo” İdman Cəmiyyəti 2019-cu ilin birinci yarısında idman və bədən tərbiyəsinin inkişafı istiqamətində görülən işləri davam etdirərək bir sıra uğurlara imza atıb. Cəmiyyətdə fəaliyyət göstərən idman bölmələrində təlim prosesinin təşkili, qarşıya qoyulan məqsədlərin səmərəli həyata keçirilməsi və idmançıların qarşıdakı yarışlara hazırlıqlarının təmin edilməsi məqsədilə bir sıra zəruri tədbirlər həyata keçirilib.“Dinamo” İdman Cəmiyyətindən Azərtac-a verilən məlumata görə, cari ilin 6 ayı ərzində daxili işlər orqanlarında xidmət edən 100-dən artıq əməkdaş tərəfindən ölkə və beynəlxalq miqyaslı yarışlarda qazanılmış 24 medaldan 15-i ölkənin milli komandalarının tərkibində beynəlxalq arenalarda, Avropa və dünya çempionatlarında əldə olunub. Bu ilin birinci yarısında DİN-in İdman Cəmiyyətinin təmsilçiləri tərəfindən ölkə və beynəlxalq miqyaslı yarışlarda 189 medal qazanılıb. Onların 77-si qızıl, 42-si gümüş, 70-i isə bürüncdür. Bu medalların 86-sı yeniyetmələrin, 43-ü gənclərin, 60-ı isə böyüklərin payına düşür. Medallardan 47-si beynəlxalq miqyaslı, 142-si isə respublika əhəmiyyətli birincilik və çempionatlarında qazanılıb.Ümumi nəticələrə gəldikdə, sərbəst güləş yeniyetmələrdən ibarət komanda Azərbaycan çempionatında birinci, gənclər isə ikinci yeri tutub. Yunan-Roma güləşi və cüdo üzrə böyüklərdən ibarət komandalar Azərbaycan çempionatında ikinci olublar. Cəmiyyətin boksçuları böyüklər arasında keçirilmiş yarışlarda birinci, gənclər və yeniyetmələrin ölkə birinciliyində ikinci yerləri tutublar. Kikboksinq üzrə Azərbaycan birinciliyində isə cəmiyyətin gənclərdən ibarət komandası birinci, yeniyetmələrin komandası ikinci olub.İyunun 21–30-da Minskdə keçirilən ikinci Avropa Oyunlarının sambo yarışlarında uğurla çıxış edən DİN idmançısı Mehman Xəlilov (57 kq) bürünc medal qazanıb.İyulun 21–27-də Bakıda keçirilən XV Avropa Gənclər Olimpiya Festivalında DİN-in İdman Cəmiyyətinin üzvləri də uğurla çıxış ediblər. Sərbəst güləşçi Sabir Cəfərov (60 kq), Kənan Heybətov (51 kq) qızıl, Mərziyyə Sadıqova (61 kq) gümüş, Nigar Mirzəzadə (65 kq) bürünc medal qazanıblar.xeber100.com  

“Qarabağ” futbol klubu APOEL komandasının qonağı olub

Avqustun 6-da UEFA Çempionlar Liqasının 2019-2020-ci il mövsümünün üçüncü təsnifat mərhələsinin oyunları keçirilib.Azərtac xəbər verir ki, Azərbaycan çempionu “Qarabağ” Liqanın III təsnifat mərhələsinin ilk oyununda Kiprdə APOEL-in qonağı olub. Ağdam təmsilçisi rəqibini 2:1 hesabı ilə məğlub edib.Günün digər oyunlarında aşağıdakı hesablar qeydə alınıb: PAOK (Yunanıstan) – “Ayaks” (Hollandiya) - 2:2 “Dinamo” (Zaqreb, Xorvatiya) – “Ferentsvaroş” (Macarıstan) - 1:1 “Brügge” (Belçika) – “Dinamo” (Kiyev, Ukrayna) - 1:0 “Srvena Zvezda” (Serbiya) – “Kopenhagen” (Danimarka) - 1:1.xeber100.com

Şahmat festivalı çərçivəsində blits turnirinə yekun vurulub

Əbu-Dabidə keçirilən 26-cı şahmat festivalı çərçivəsində blits turnirinə yekun vurulub.Azərtac xəbər verir ki, turnirdə Azərbaycan şahmatçılarından ən yaxşı nəticəni beynəlxalq usta Aydın Süleymanlı (2309) göstərib. Təmsilçimiz 11 turdan 8 xal toplayaraq doqquzuncu pillədə qərarlaşıb. Bu, 14 yaşlı şahmatçımız üçün yaxşı nəticədir. Çünki yarışın yekunlarına görə ilk onluqda reytinqi 2500-dən yuxarı olan qrossmeysterlər qərarlaşıblar.Atilla Eynullayev (1937) 6,5 xal, Altay Eynullayev (2174) 6 xal qazanıblar.Blits turnirinin qalibi 9,5 xal toplayan iranlı qrossmeyster Parham Maqsudlu (2729, İran) olub.xeber100.com

UEFA Çempionlar Liqası üçüncü təsnifat mərhələsi çərçivəsində

Avqustun 7-də UEFA Çempionlar Liqasının 2019-2020-ci il mövsümünün üçüncü təsnifat mərhələsi çərçivəsində daha beş oyun keçiriləcək.Azərtac xəbər verir ki, Türkiyə təmsilçisi “Başakşəhər” Yunanıstanın “Olimpiakos” klubunu qəbul edəcək. Portuqaliyanın “Portu” klubu isə səfərdə Rusiya Premyer Liqasını üçüncü pillədə başa vuran “Krasnodar” komandasının qonağı olacaq.İsveçrə çempionu “Bazel” doğma meydanda Avstriyanın “LASK” klubunu, “CFR Cluj” (Rumıniya) isə “Seltik”i (Şotlandiya) qəbul edəcək. Günün sonuncu oyununda “Rusenburq” (Norveç) səfərdə “Maribor” (Sloveniya) klubu ilə qarşılaşacaq.Xatırladaq ki, ötən gün Azərbaycan çempionu “Qarabağ” üçüncü təsnifat mərhələsinin ilk oyununda səfərdə Kiprin “APOEL” komandasını 2:1 hesabı ilə məğlub edib.xeber100.com

Şahmat festivalının yeddinci turuna yekun vurulub

Çində keçirilən “Belt and Road 2019” şahmat festivalının yeddinci turuna yekun vurulub.Azərtac xəbər verir ki, Azərbaycan təmsilçisi Arkadi Naydiç yeddinci turda çinli Xiangyu Xu ilə heç-heçə edib.Yeddi turdan sonra A.Naydiç 4 xalla 27-ci pillədədir. Turnir cədvəlinə hindistanlı Surya Şexar Ganguli başçılıq edir.İsveçrə sistemi üzrə keçirilən festival 9 turdan ibarətdir.xeber100.com

“Mançester Yunayted” klubu transferi üçün 80 milyon funt sterlinq ödəyib

“Mançester Yunayted” klubu müdafiəçi Harri Maquayrın “Lester Siti”dən transferi üçün 80 milyon funt sterlinq (87 milyon avro) ödəyib. Futbolçu ilə 6+1 il müddətə müqavilə imzalanıb.Azərtac xəbər verir ki, bununla da H.Maquayr tarixin ən bahalı müdafiəçisi olub. Belə ki, ötən il “Liverpul” klubu hollandiyalı Virgil van Diyk üçün 84,65 milyon, cari ilin yay transfer pəncərəsində isə “Yuventus” onun həmyerlisi Mathiys de Liqt üçün 85,5 milyon avro ödəyib.İyirmi altı yaşlı H.Maquayr 2017-ci ilin iyulunda 13,7 milyon avroya “Lester Siti” komandasına keçid edib. O, “Lester Siti”dən əvvəl “Hull Siti” və “Uiqan Atletik” klublarında forma geyinib. Müdafiəçi İngiltərə milli komandasının heyətində 20 oyunda meydana çıxıb.xeber100.com

Beynəlxalq Basketbol Federasiyasının təşkilatçılığı ilə…

“Zirvə-Astara” komandası Beynəlxalq Basketbol Federasiyasının (FIBA) təşkilatçılığı ilə basketbol 3x3 üzrə dünya turunda uğurla çıxış edib.Azərtac  xəbər verir ki, basketbolçularımız Xorvatiya, Polşa, Latviya, Belarus və İsveçrə mərhələlərində qüvvələrini sınayaraq uğur qazanmağa çalışacaqlar. “Zirvə-Astara”nın heyətində Amil Həmzəyev, Anar Hacıyev, Şarif Uilyams və Marşal Obrian Mozes kimi tanınmış basketbolçular yer alıblar.Artıq “Zirvə-Astara” ilk böyük qələbəsini qazanıb. İsveçrənin Sürix şəhərində keçirilən “Atupri 3×3 Swiss Tour Final Zurich” yarışına qatılan komandamız möhtəşəm oyun nümayiş etdirib. Onlar 6 görüşün hamısında qalib gələrək çempion adına layiq görülüblər.“Zirvə-Astara” komandası “Giannis”i 13:12, “Fulda Basket”i 18:16-ı hesabı ilə məğlub edərək F qrupunda birinci olub. Pley-off mərhələsində əvvəlcə “Endgame”i 20:12, sonra “Noname” 15:6, ardınca “Yakitori” 18:13 hesabı ilə məğlubiyyətə uğradan basketbolçularımız finalda “Fulda Basket”i yenidən 18:15 məğlubiyyətə uğradaraq bu turnirdə fəxri kürsünün ən yüksək pilləsinə qalxıb.Bununla yanaşı, oyunçumuz Anar Hacıyev üçlük yarışmasında qalib olub.xeber100.com

UEFA Avropa Liqasının pley-off mərhələsindəki rəqiblər müəyyənləşib

“Neftçi” və “Qarabağ” klublarının UEFA Avropa Liqasının pley-off mərhələsindəki potensial rəqibləri müəyyənləşib.Azərtac xəbər verir ki, UEFA Avropa Liqasının pley-off mərhələsinin püşkatma mərasimi keçirilib. Püşkün nəticələrinə əsasən, paytaxt təmsilçisi III təsnifat mərhələsində İsrailin “Bney Yehuda” komandasını mübarizədən kənarlaşdıracağı təqdirdə “Malmö” (İsveç)–“Zrinski” (Bosniya və Herseqovina) qarşılaşmasının qalibi ilə üz-üzə gələcək.“Qarabağ” isə UEFA Çempionlar Liqasının üçüncü təsnifat mərhələsindəki rəqibi Kiprin “APOEL” komandasına uduzarsa, “Sutyeska” (Monteneqro)–“Linfild” (Şimali İrlandiya) duelində qalib gələn komanda ilə qarşılaşacaq.UEFA Avropa Liqasının pley-off mərhələsində ilk oyunlar avqustun 22-də, cavab görüşləri isə avqustun 29-da oynanılacaq.xeber100.com