Güləşçilər arasında Avropa çempionatı davam edir

İspaniyanın Pontevedra şəhərində gənc güləşçilər arasında Avropa çempionatı davam edir.Azərtac xəbər verir ki, çempionatın ikinci günündə 60, 67, 72, 82 və 97 kiloqram çəki dərəcələrində yunan-Roma güləşçiləri mübarizə aparacaqlar.Xalça üzərinə çıxacaq 4 güləşçimizin rəqibi müəyyənləşib. Belə ki, Əsgər Əlizadə (60 kq) rumıniyalı Manuel Stoika, Niyaz Ərzumanov (67 kq) Finlandiya idmançısı Coni Pekka Komppa, Ülvi Qənizadə (72 kq) Almaniya güləşçisi Erik Loser, Tarış Əbilov (97 kq) isə macar Aleks Gerqo Şoke ilə qarşılaşacaq.xeber100.com

Qılıncoynatma üzrə Azərbaycan çempionatına yekun vurulub

Azərbaycan Texniki Universitetinin İdman Sarayında keçirilən qılıncoynatma üzrə Azərbaycan çempionatına yekun vurulub.Azərtac xəbər verir ki, Azərbaycan Qılıncoynatma Federasiyası (AQF) ilə Gənclər və İdman Nazirliyinin birgə təşkilatçılığı ilə baş tutan yarışın ikinci günündə kişi və qadın sablyaçılar arasında qaliblərin adlarına aydınlıq gəlib.Kişilər arasında Cavanşir Ağakişiyev fəxri kürsünün ən yüksək pilləsinə qalxıb. Elvin Rzazadə ikinci olub. Murad Ələkbərov və Saleh Məmmədov isə bürünc medalla kifayətləniblər.Qadınlar arasında Vareriya Bolşakova Azərbaycan çempionu olub. Səbinə Kərimova fəxri kürünün ikinci pilləsində qərarlaşıb. Sevil Bünyatova və Anna Başta isə bürünc medal qazanıblar.Mükafatçılar diplom və medallarla təltif olunublar. Bundan əlavə ilk 3 yerin sahiblərinə AQF tərəfindən pul mükafatları da təqdim olunub.xeber100.com

“Altibox Norway Chess 2019” superturniri keçirilir

Norveçin Stavanger şəhərində “Altibox Norway Chess 2019” superturniri keçirilir.Azərtac xəbər verir ki, şahmat elitasının cəmləşdiyi nüfuzlu yarışda ölkəmizi Şəhriyar Məmmədyarov təmsil edir. Onun ilk turda rəqibi ABŞ şahmatçısı Fabiano Karuanadır.Turun digər oyunlarında Maqnus Karlsen (Norveç) Vişvanatan Anand (Hindistan), Din Lijen (Çin) Uesli So (ABŞ), Maksim Vaşe-Laqrav (Fransa) Yu Yangyi (Çin), Levon Aronyan (Ermənistan) Aleksandr Qrişukla (Rusiya) mübarizə aparacaq.xeber100.com

“İnter Mayami” klubu “Barselona”dan transfer edəcək

MLS-də çıxış edən “İnter Mayami”nin sahibi Devid Bekhem "Barselona"nın hücumçusu Luis Suaresi komandasına dəvət etməyi planlaşdırır.Azərtac xəbər verir ki, bu barədə “Mundo Deportivo” məlumat verib. Qırx dörd yaşlı Bekhem uruqvaylı futbolçuya dördillik müqavilə təklif etməyə hazırdır.Qeyd edək ki, L.Suares ötən mövsüm "Barselona"nın heyətində 29 oyun keçirib, 25 qol vurub və 13 məhsuldar ötürmə edib. Onun “Barselona” ilə müqaviləsinin müddəti 2021-ci il iyunun 30-dəkdir.xeber100.com

Ağır atletika üzrə dünya çempionatı davam edir

Ficinin paytaxtı Suvada gənclər arasında ağır atletika üzrə dünya çempionatı davam edir.Azərtac xəbər verir ki, 51 ölkədən 311 atletin (161 oğlan və 150 qız) mübarizə apardığı yarışda Azərbaycan yığma komandasının üzvləri də körpücük üzərinə çıxacaqlar.İlk olaraq Səbinə Əzimova mübarizəyə qoşulub. Çempionatda 55 kiloqram çəki dərəcəsində yarışan atletimiz toplam 177 kiloqram (78+99) nəticə ilə 8-ci yeri tutub.Digər təmsilçimiz Əliş Nəzərov (102 kq) iyunun 6-da körpücük üzərinə çıxacaq.xeber100.com

Cüdo üzrə Avropa çempionatı keçiriləcək

İyunun 27-29-da Polşanın paytaxtı Varşavada kadetlər arasında cüdo üzrə Avropa çempionatı keçiriləcək.Azərtac xəbər verir ki, qitə çempionatında Azərbaycanı 18 cüdoçu (10 oğlan, 8 qız) təmsil edəcək.Turnirdə 24 ölkədən 250-yə yaxın idmançı iştirakını təsdiqləyib.xeber100.com

Avropa çempionatının seçmə qrup mərhələsində

İyirmi bir yaşadək futbolçulardan ibarət Azərbaycanın millisinin Avropa çempionatının seçmə qrup mərhələsində Lixtenşteynlə səfərdə keçirəcəyi oyunun hakim təyinatları müəyyənləşib.Azərtac xəbər verir ki, iyunun 6-da keçiriləcək oyunun baş hakimi Şimali İrlandiya təmsilçisi Tim Marşal olacaq. Ona yan xətt hakimləri Pol Robinson və Stefen Donaldson kömək edəcəklər. Dördüncü hakim funksiyasını Şeyn Endryus yerinə yetirəcək.Qeyd edək ki, Lixtenşteyn-Azərbaycan oyunu Bakı vaxtı ilə saat 21:00-da “Sportpark Eşen-Mauren” stadionunda start götürəcək.xeber100.com

“Zirə” futbol klubu heyətini daha bir futbolçu ilə gücləndirib

“Zirə” heyətini daha bir futbolçu ilə gücləndirib.Azərtac kluba istinadla xəbər verir ki, komanda Elvin Camalovla anlaşıb. İyirmi dörd yaşlı yarımmüdafiəçi ilə ikiillik müqavilə bağlanıb.E.Camalov daha əvvəl “Qəbələ”də forma geyinib. Futbolçu, həmçinin Azərbaycanın müxtəlif yaş qrupu üzrə milli komandalarının da şərəfini qoruyub.“Zirə”nin yeni transferi deyib: “İlk olaraq futbolçu kimi inkişaf etməyimdə əməyi olan “Qəbələ” Futbol Akademiyasına, məşqçilər korpusuna və klub rəhbərliyinə təşəkkür edirəm. Çox sevinirəm ki, bu komanda ilə Azərbaycan kubokunu qazanıb, titulla ayrıldım. İndi isə iddialı “Zirə” ilə ikiillik müqavilə bağladığıma görə şadam. Bu komanda ilə yeni uğurlar qazanmağa çalışacağam. Karyeramda yeni səhifə açılır. Mənə inanıb dəvət etdiklərinə görə “Zirə”yə təşəkkür edirəm. Bu inamı doğrultmağa çalışacağam”.xeber100.com

“Çelsi” klubu baş məşqçisi ilə yollarını ayırmağa hazırlaşır

"Çelsi" baş məşqçisi Mauritsio Sarri ilə yollarını ayırmağa hazırlaşır.Milli.az xəbər verir ki, Sarri növbəti mövsümdən "Yuventus"u çalışdıracaq. Bu barədə İtaliya mətbuatı mətbuatı məlumat yayıb. "Çelsi"nin Sarri ilə müqaviləni yaxın günlərdə ləğv edəcəyi gözlənilir.2018-ci ilin yayında "Çelsi"yə baş məşqçi təyin olunan Sarrinin "zadəganlar"la 2021-ci ilin yayına qədər müqaviləsi var.O, ilk mövsümdən London təmsilçisi ilə Premyer Liqada 3-cü yeri tutub, Avropa Liqasının isə qalibi olub.xeber100.com

“Liverpul” və “Tottenhem” futbol klubları qarşılaşıb

İspaniyanın paytaxtı Madriddə UEFA Çempionlar Liqasının 2018-2019-cu il mövsümünün final görüşü keçirilib.Trend-in məlumatına görə, həmin görüşdə İngilərinin "Liverpul" və "Tottenhem" futbol klubları qarşılaşıb."Vanda Metropolitano" stadionunda keçirilən oyun "Liverpul"un 2:0 qələbəsi ilə bitib.Qollar: Mohammed Salah (2-ci dəqiqə) və Divok Oriqi (87-ci dəqiqə).Beləliklə, "Liverpul" altıncı dəfə turnirin qalibi olub.xeber100.com