“Zirə” komandası heyətini yeni futbolçu ilə gücləndirib

"Zirə" yay transfer pəncərəsində heyətini yeni futbolçu ilə gücləndirib.Milli.az-ın klubun rəsmi saytına istinadən yaydığı xəbərə görə, paytaxt təmsilçisi "Qəbələ"dən ayrılan Cavid Hüsynovla anlaşıb. 31 yaşlı yarımmüdafiəçi ilə 2 illik müqavilə bağlanılıb.Bu, "Zirə"nin mövsümlərarası fasilədə ikinci rəsmi transferidir. "Qartallar" daha öncə "Sumqayıt"dan Elvin Məmmədovu heyətinə qatıb.Qeyd edək ki, Hüseynov indiyə qədər "Turan", MOİK, "Olimpik", "İnter", "Neftçi", "Adana Demirspor" (Türkiyə), "Bakı" və "Qəbələ"də forma geyinib. Cavid həmçinin Azərbaycan yığmasında da meydana çıxdığı 52 oyunda 2 dəfə fərqlənib.xeber100.com

“Barselona” klubu heyətlə bağlı dəyişikliklərə hazırlaşır

"Barselona" heyətlə bağlı ciddi dəyişikliklərə hazırlaşır.Milli.az xəbər verir ki, Kataloniya təmsilçisi başda baş məşqçi Ernesto Valverde olmaqla, 12 futbolçu ilə yollarını ayıracaq. Qapıçı Yasper Silessen, müdafiəçilər Samuel Umtiti, Ceyson Murilyo, Jan-Kler Todibo, Tomas Vermalen, yarımmüdafiəçilər Filipe Koutinyo, Denis Suarez, Rafinya, Andre Qomeş, İvan Rakitiç, hücumçular Kevin-Prins Boatenq və Malkomun ispan klubunu tərk edəcəyi gözlənilir.Qeyd edək ki, geridə qalan mövsümdə La Liqanı qazanan "Barselona", Çempionlar Liqasında yarımfinalda, İspaniya Kral Kubokunda isə finalda uduzub.xeber100.com

Avropa Liqasının final oyunundan sonra…

Bakıda Avropa Liqasının qalibi olan İngiltərənin "Çelsi" klubunun qapıçısı Robert Qrin karyerasını başa vurub.Milli.az xəbər verir ki, bu barədə 39 yaşlı qolkiper "Twitter" hesabında məlumat yayıb:"Bakıda möhtəşəm bir axşam və 23 illik karyeramdan sonra futbolla vidalaşmağa qərar verdim. Bütün məşqçilərə və azarkeşlərə təşəkkür edirəm".Robert Qrin "Çelsi"nin üçüncü qapıçısı idi. 2018-ci ilin yayında azad agent kimi London təmsilçisinə keçən ingilis qolkiper heç bir rəsmi qarşılaşmada iştirak etməyib. Qrin 12 dəfə İngiltərə millisinin də formasını geyinib.Xatırladaq ki, "Çelsi"nin 4:1 hesablı qələbəsiylə yekunlaşan Avropa Liqasının final oyunundan sonra "Arsenal"ın qapıçısı Petr Çex də karyerasını başa vurub.xeber100.com

“Beşiktaş” klubunda daha bir ayrılıq qeydə alınıb

Baş məşqçisi Şenol Günəşlə yollarını ayıran Türkiyənin "Beşiktaş" klubunda daha bir ayrılıq qeydə alınıb.Milli.az xəbər verir ki, İstanbul klubunun ispaniyalı məşqçisi Quti də "qara qartallar"la yollarını ayırıb. Bu barədə İspaniya mətbuatı məlumat yayıb.Bu xəbər hələlik klub tərəfindən rəsmən təsdiqlənməsə də, Qutinin artıq İspaniyaya döndüyü və özünə ölkəsində klub axtardığı iddia olunur.Qutinin "Beşiktaş"dan getməsində klubun son dövrlərdə maliyyə problemləri ilə üzləşməsi səbəb göstərilir.Karyerası ərzində yalnız Madrid "Real"ı ilə "Beşiktaş"da forma geyinən İspaniya yığmasının sabiq yarımmüdafiəçisi, məşqçi kimi də məhz bu iki kluba xidmət edib. O, 2013-2018-ci illər aralığında "Real"da gənclərdən ibarət komandalarda məşqçi kimi fəaliyyət göstərdikdən sonra, ötən ildən "Beşiktaş"da Şenol Günəşin köməkçisi kimi işləyirdi.xeber100.com

“Neftçi” futbol klubunun rəqibləri müəyyənləşib

Azərbaycanı Avropa Liqasında təmsil edəcək "Neftçi" və "Səbail"in bütün potensial rəqibləri müəyyənləşib.Milli.az xəbər verir ki, I təsnifat mərhələsindən mübarizəyə başlayacaq Azərbaycan klublarının səpələnmişlər səbətində yer alacaq və səpələnməmişlərdən biri ilə üz-üzə gələcək. Səpələnməmişlər səbətinin 40 iştirakçısı isə dəqiqləşib. Onlara ilkin mərhələdən daha 7 komanda qoşulacaq.Bu səbətdə yer alanlardan ikisi Ermənistan klubu olduğu üçün onlar Azərbaycan təsmilçiləri üçün mümkün rəqib hesab edilmir. Çünki UEFA-nın qərarına əsasən, siyasi səbəblərə görə bu iki ölkənin komandaları üz-üzə gələ bilməz."Neftçi" və "Səbail"in mümkün rəqibləri:"Universitatea Krayova" (Rumıniya), "Dunayska Ştreda", "Rujomberok" (hər ikisi Slovakiya), "B-36 Torsxavn" (Farer adaları), "Çixura", "Torpedo" (hər ikisi Gürcüstan), "Mura" (Sloveniya), "Debretsen", "Honved" (hər ikisi Macarıstan), "Milsami", "Petrokub", "Speranta" (hamısı Moldova), "Trans", "Flora" (hər ikisi Estoniya), "Liepaya", "Riqa" (hər ikisi Latviya), "Qzira Yunayted", "Baltzan", "Hibernians" (hamısı Malta), "Reykyavik", "Breydablik" (hər ikisi İslandiya), "Şemrok Rovers", "Sent-Patriks" (hər ikisi İrlandiya), "Şiroki Briyeq", "Radnik" (hər ikisi Bosniya və Herseqovina), "Konnaxs Kuey" (Uels), "Şkupi", "Akademiya Pandev", "Makedoniya Qörçe Petrov" (Makedoniya), "Kuopio", "Rovaniemi", "İnter" (hamısı Finlandiya), "Ştumbras" (Litva), "Zeta", "Titoqrad" (Çernoqoriya), "Teuta", "Laçi" (hər ikisi Albaniya), "Yenneş" (Lüksemburq), ilkin mərhələnin 7 qalibi.xeber100.com

“Tottenhem”lə “Liverpul”un final oyunu 1 iyun baş tutacaq

"Tottenhem"in Çempionlar Liqasının finalına yüksəlməsində böyük əməyi olan Lukas Moura "Liverpul"la həlledici oyuna bilet tapa bilmir.Milli.az xəbər verir ki, "Ayaks"la yarımfinal mərhələsinin cavab matçında het-trik edərək komandasını Madrid finalına aparan braziliyalı hücumçu dostları üçün bilet tapa bilmədiyindən şikayətlənir:"Final üçün 40 biletə ehtiyacım var. Ailəm, dostlarım və mənim üçün çox şey edən insanları finala aparmaq istəyirəm. Ancaq mənə, sadəcə, 24 bilet verildi. "Liverpul"dan Alisson ve Fabinyoya belə yazdım, amma mənə kömək edə bilmədilər".Qeyd edək ki, "Tottenhem"lə "Liverpul" arasındakı Çempionlar Liqası finalı 1 iyun saat 23:00-da baş tutacaq.xeber100.com

Türkiyə yığması yoxlama oyunu keçirib

Futbol üzrə Türkiyə yığması yoxlama oyunu keçirib.Milli.az xəbər verir ki, qardaş ölkə millisi doğma meydanda Yunanıstan yığmasıyla qarşılaşıb.Antalyada baş tutan qarşılaşma "ay-ulduzlular"ın qələbəsiylə başa çatıb - 2:1. Türklərin heyətində 11-ci dəqiqədə Cengiz Ünder, 17-ci dəqiqədə isə Kənan Karaman fərqlənib. Yunanlar isə yalnız əlavə vaxtın son saniyələrində Dimitrios Kurbelislə təsəlli qoluna imza atıblar.Türkiyə millisi iyunun 2-də Özbəkistan yığmasıyla da yoxlama matçında qüvvəsini sınayacaq. "Ay-ulduzlular" iyunun 8-də AÇ-2020-nin seçmə mərhələsi çərçivəsində doğma meydanda Fransayla, Yunanıstan isə İtaliya ilə üz-üzə gələcək. Ayın 11-də isə Türkiyə səfərdə İslandiyanın qonağı olacaqsa, yunanlar evdə Ermənistanla münasibətlərinə aydınlıq gətirəcək.xeber100.com

İRNA dövlət informasiya agentliyi yazır…

İranın İRNA dövlət informasiya agentliyi UEFA Avropa Liqasının final oyunun Bakda keçilməsi barədə yazıb.Azərtac xəbər verir ki, “Londonluların Bakıdakı coşqunluğu” başlıqlı yazıda “Çelsi” və “Arsenal”ın əbədi rəqiblər olduğu göstərilib. Diqqətə çatdırılıb ki, oyuna baxmaq üçün hər iki komandanın çoxsaylı azarkeşləri Bakıya gəliblər.Agentlik qeyd edir ki, Azərbaycan irimiqyaslı beynəlxalq idman tədbirlərini keçirmək təcrübəsinə malikdir. Final qarşılaşması Bakıdakı möhtəşəm Olimpiya Stadionunda oynanılıb.xeber100.com

“Çelsi”futbol klubu “Arsenal”ı 4:1 hesabı ilə məğlub edib

Mayın 29-da UEFA Avropa Liqasının 2018-2019-cu il mövsümünün Bakı Olimpiya Stadionunda keçirilən final qarşılaşmasında “Çelsi” komandası “Arsenal”ı 4:1 hesabı ilə məğlubiyyətə uğradaraq tarixində ikinci dəfə bu turnirin qalibi adını qazanıb.Azərtac xəbər verir ki, italiyalı referi Canluka Rokkinin idarə etdiyi oyunun birinci hissəsində komandaların cəhdlərinə baxmayaraq qapılara top vurulmayıb.Lakin fasilədən sonra azarkeşlər meydanda beş qol izləyiblər. Oyunda hesabı ikinci hissənin əvvəlində - matçın 49-cu dəqiqəsində “Çelsi” komandası hesabı açıb. Emerson Palmierinin ötürməsindən sonra fransalı hücumçu Olivye Jiru dəqiq baş zərbəsi ilə komandasını hesabda irəli çıxarıb - 1:0.Matçın 60-cı dəqiqəsində “Çelsi” komandası ikinci topu “Arsenal”ın qapısından keçirib. “Arsenal”ın cərimə meydançasına daxil olan Eden Hazardın ideal ötürməsindən sonra Pedro Rodriges topu saxlamadan qapıya göndərib – 2:0.“Çelsi” komandası 65-ci dəqiqədə hesab arasındakı fərqi üç topa çatdırıb. “Arsenal”ın qapısına təyin olunan 11 metrlik cərimə zərbəsini dəqiq yerinə yetirən Eden Hazard komandasının üçüncü topunu qapıdan keçirib.Lakin bu qoldan 4 dəqiqə sonra “Arsenal” vurulan toplardan birinin əvəzini çıxıb. Müdafiəçilərdən qayıdan topa cərimə meydançasından kənarda qüvvətli zərbə vuran Aleks Ayvobi hesab arasındakı fərqi azaldıb – 3:1Ancaq bu, oyunda sonuncu qol olmayıb. Görüşün 72-ci dəqiqəsində “Çelsi”nin sürətli əks-hücumu zamanı Eden Hazard Olivye Jiru ilə qısa ötürmələrlə qurduqları gözəl kombinasiyanı qolla tamamlayıb – 4:1.Qalan dəqiqələrdə qapılara top vurulmayıb və oyunda 4:1 hesabı ilə qələbə qazanan “Çelsi” komandası tarixində ikinci dəfə UEFA Avropa Liqasının qalibi olub.Matçda dubl edən Eden Hazard final qarşılaşmasının ən yaxşı futbolçusu seçilib.“Çelsi”nin fransalı hücumçusu Olivye Jiru isə vurduğu qol sayəsində UEFA Avropa Liqasının 2018-2019-cu il mövsümünün ən məhsuldar futbolçusu olub. O, cari mövsümdə bu turnirdə 11 dəfə fərqlənib.Final matçından sonra qaliblər mükafatlandırılıb.Beləliklə, “Çelsi” 2012-2013-cü il mövsümündən sonra ikinci dəfə UEFA Avropa Liqasının qalibi adını qazanıb. “Arsenal” isə ikinci dəfə UEFA Avropa Liqasının finalında məğlub olub. “Topçular” 2000-ci ildə turnirin finalında “Qalatasaray”a uduzub.xeber100.com

Avropa çempionatının ilkin seçmə mərhələsində

Avropa çempionatının ilkin seçmə mərhələsinin oyunlarına hazırlaşan 21 yaşadək futbolçulardan ibarət Azərbaycan milli komandasının mayın 30-da Bakıda təlim-məşq toplanışı başlayıb.Azərtac AFFA-ya istinadla xəbər verir ki, iyunun 3-dək davam edəcək toplanışda Kamran İbrahimov (“Neftçi”), Şahin Zəkiyev (“Keşlə”), Murad Popov (“Qəbələ”), Amin Seydiyev (“Qəbələ”),Turan Manafov (“Zaqatala”), Ricat Qarayev (“Sumqayıt”), Murad Qayalı (“Keşlə”), Hüseyin Seyligli(“Beşiktaş”, Türkiyə), Nihad Tamazov (“Qarabağ”), Elçin Mustafayev (“Sabah”), Arziman Rizvanov(“Bohemians”, Çexiya), Baris Ekincier (“Bochum”, Almaniya), Nicat Süleymanov, Hacıağa Hacılı, İsmayıl İbrahimli (hamısı “Qarabağ”), Rövlan Muradov (“Qəbələ”), Süleyman Əhmədov (“Sumqayıt”), Ziya Əzizov(“NEC Nijmegen”, Hollandiya), Şakir Seyidov (“Sabah”), Tural Bayramlı (“Daugavpils”, (Latviya), Elvin Cəfərquliyev (“Qarabağ”), Rafael Məhərrəmli (“Zirə”), Musa Qurbanlı (“Qarabağ”) və Emil Qasımov (“Sabah”) iştirak edirlər.Qeyd edək ki, “Daugavpils” klubunun üzvü T.Bayramlı komandasının çempionatdakı oyununa görə toplanışa iyunun 2-dən qoşulacaq.xeber100.com