ABŞ-lı iş adamı A seriyası təmsilçisinin səhmlərini alıb

İtaliyanın "Fiorentina" klubunun sahibi dəyişib.Milli.Az qol.az-a istinadən xəbər verir ki, ABŞ-lı iş adamı Rokko Kommisso A seriyası təmsilçisinin səhmlərini Della Valle ailəsindən alıb.İtaliya mətbuatı "Nyu-York Kosmos"un da sahibi olan 69 yaşlı Komissonun "Fiorentina"üçün 160 milyon avro ödədəyini yazıb.xeber100.com

İngiltərə Premyer Liqasında 36 oyuna 22 qol…

"Arsenal"ın futbolçusu Pyer-Emerik Obameyanq Çin klublarının diqqət mərkəzinə düşüb.Milli.az xəbər verir ki, Super Liqa təmsilçisi "Quançjou Everqrand" və "Şanxay SİPQ" qabonlu hücumçunu transfer etmək niyyətindədir. Bu barədə İngiltərə mətbuatı məlumat yayıb.Çin təmsilçiləri Obameyanqa həftəlik 300 min funt-sterlinq qazanacağı uzunmüddətli sözləşmə təklif ediblər. Hazırda "Arsenal"da həftəlik 190 min funt-sterlinq qazanan Obameyanqın bu təkliflərə necə cavab verəcəyi bilinmir.29 yaşlı hücumçu geridə qalan mövsümdə İngiltərə Premyer Liqasında 36 oyuna 22 qol vurub.xeber100.com

Millətlər Liqası turnirində final mərhələsinə start veriləcək

Bu gün UEFA Millətlər Liqası turnirində ilk mövsümün final mərhələsinə start veriləcək.Milli.az xəbər verir ki, yarışın mükafatçıları Portuqaliyada müəyyənləşəcək.Qrup mərhələsinin oyunları ötən ilin payızında baş tutan 2018/19 mövsümünün qalibi adına 4 iddiaçı qalıb. Bunlar A liqasında qrup qalibi olan Portuqaliya, İngiltərə, Hollandiya və İsveçrə yığmalarıdı.Final mərhələsinin görüşlərinə iki şəhər - Gimaraynş və Portu ev sahibliyi edəcək. İlk qarşılaşmada Portunun "Draqao" stadionunda keçiriləcək. Meydan sahibləri İsveçrəni qəbul edəcək. Ertəsi gün Gimaraynşda İngiltərə ilə Hollandiya üz-üzə gələcək.Final və III yer uğrunda matç iyunun 9-da keçiriləcək. Turnirin qalibi kubokun ilk sahibi olmaqla yanaşı, pul mükafatı da əldə edəcək. Millətlər Liqasının çempionu 10,5, finalçı isə 9 milyon avro əldə edəcək. Üçüncü yerin sahibi 8, mükafatçılar sırasına düşə bilməyən komanda 7 milyon qazanacaq.xeber100.com

Güləş Federasiyasının məlumatına görə…

Azərbaycan güləşçisi Zaur Əliyev İspaniyanın Pontevedra şəhərində keçirilən gənc güləşçilər arasında Avropa çempionatında bürünc medal qazanıb.Azərbaycan Güləş Federasiyasından Trend-ə verilən məlumata görə, çempionatında 55 kiloqram çəki dərəcəsində çıxış edən yunan-Roma güləşçimiz turnirə iddialı başlayıb. Güləşçimiz ilk görüşdə Bolqarıstan idmançısına birinci hissə başa çatmadan qalib gəlib. Z.Əliyev növbəti görüşü də vaxtından əvvəl qələbə ilə başa vurub. Təmsilçimiz dörddəbir finalda Danimarka təmsilçisinə gücünü göstərərək adını yarımfinala yazdırıb. Finalın bir addımlığında Gürcüstan təmsilçisi ilə qarşılaşma gərgin idman mübarizəsi şəraitində keçib. Həmyerlimiz hesabda öndə olsa da, son dəqiqədə müdafiədə buraxdığı səhv ucbatından görüşdən məğlub ayrılıb.Z.Əliyev bürünc medal uğrunda prinsipial qarşılaşmada Ermənistan güləşçisi ilə üz-üzə gəlib. Rəqibini məğlub edən güləşçimiz Avropa çempionatının bürünc medalına sahib olub. İdmançımız bu qələbə sayəsində qitə birinciliyində komandamızın aktivinə ilk medalı yazdırıb.xeber100.com

Milli Parkda pulsuz idman dərsləri keçiriləcək

Bulvarda pulsuz fitnes, yoqa, krosfitnes dərsləri keçiriləcək.Trend-in məlumatına görə, bunu Dənizkənarı Bulvar İdarəsinin mətbuat xidmətinin rəhbəri Günay Yelmarqızı bidirib.Onun sözlərinə görə, Dənizkənarı Bulvar İdarəsi iyunun 8-dən "Yay gəlir" kampaniyasına start verir:"Layihə çərçivəsində həftə sonları Bulvarda açıq havada ödənişsiz fitnes, yoqa, krosfitnes dərsləri təşkil olunacaq. Məşqlər şənbə və bazar günləri gündə iki dəfə - saat 09:00-da və 19:00-da keçiriəcək. Şənbə günləri saat 10.00-da yoqa, axşam saat 19.00-da fitnes, bazar günləri saat 09.00-da krosfitness, axşam saat 19.00-da fitnes məşqlərinə qatıla bilərsiniz. Ağ Şəhər bulvarı ərazisində, açıq havada baş tutacaq məşqlərə giriş sərbəstdir".Xeber100.com

Güləşçilər arasında Avropa çempionatı davam edir

İspaniyanın Pontevedra şəhərində gənc güləşçilər arasında Avropa çempionatı davam edir.Azərtac xəbər verir ki, çempionatın ikinci günündə 60, 67, 72, 82 və 97 kiloqram çəki dərəcələrində yunan-Roma güləşçiləri mübarizə aparacaqlar.Xalça üzərinə çıxacaq 4 güləşçimizin rəqibi müəyyənləşib. Belə ki, Əsgər Əlizadə (60 kq) rumıniyalı Manuel Stoika, Niyaz Ərzumanov (67 kq) Finlandiya idmançısı Coni Pekka Komppa, Ülvi Qənizadə (72 kq) Almaniya güləşçisi Erik Loser, Tarış Əbilov (97 kq) isə macar Aleks Gerqo Şoke ilə qarşılaşacaq.xeber100.com

Qılıncoynatma üzrə Azərbaycan çempionatına yekun vurulub

Azərbaycan Texniki Universitetinin İdman Sarayında keçirilən qılıncoynatma üzrə Azərbaycan çempionatına yekun vurulub.Azərtac xəbər verir ki, Azərbaycan Qılıncoynatma Federasiyası (AQF) ilə Gənclər və İdman Nazirliyinin birgə təşkilatçılığı ilə baş tutan yarışın ikinci günündə kişi və qadın sablyaçılar arasında qaliblərin adlarına aydınlıq gəlib.Kişilər arasında Cavanşir Ağakişiyev fəxri kürsünün ən yüksək pilləsinə qalxıb. Elvin Rzazadə ikinci olub. Murad Ələkbərov və Saleh Məmmədov isə bürünc medalla kifayətləniblər.Qadınlar arasında Vareriya Bolşakova Azərbaycan çempionu olub. Səbinə Kərimova fəxri kürünün ikinci pilləsində qərarlaşıb. Sevil Bünyatova və Anna Başta isə bürünc medal qazanıblar.Mükafatçılar diplom və medallarla təltif olunublar. Bundan əlavə ilk 3 yerin sahiblərinə AQF tərəfindən pul mükafatları da təqdim olunub.xeber100.com

“Altibox Norway Chess 2019” superturniri keçirilir

Norveçin Stavanger şəhərində “Altibox Norway Chess 2019” superturniri keçirilir.Azərtac xəbər verir ki, şahmat elitasının cəmləşdiyi nüfuzlu yarışda ölkəmizi Şəhriyar Məmmədyarov təmsil edir. Onun ilk turda rəqibi ABŞ şahmatçısı Fabiano Karuanadır.Turun digər oyunlarında Maqnus Karlsen (Norveç) Vişvanatan Anand (Hindistan), Din Lijen (Çin) Uesli So (ABŞ), Maksim Vaşe-Laqrav (Fransa) Yu Yangyi (Çin), Levon Aronyan (Ermənistan) Aleksandr Qrişukla (Rusiya) mübarizə aparacaq.xeber100.com

“İnter Mayami” klubu “Barselona”dan transfer edəcək

MLS-də çıxış edən “İnter Mayami”nin sahibi Devid Bekhem "Barselona"nın hücumçusu Luis Suaresi komandasına dəvət etməyi planlaşdırır.Azərtac xəbər verir ki, bu barədə “Mundo Deportivo” məlumat verib. Qırx dörd yaşlı Bekhem uruqvaylı futbolçuya dördillik müqavilə təklif etməyə hazırdır.Qeyd edək ki, L.Suares ötən mövsüm "Barselona"nın heyətində 29 oyun keçirib, 25 qol vurub və 13 məhsuldar ötürmə edib. Onun “Barselona” ilə müqaviləsinin müddəti 2021-ci il iyunun 30-dəkdir.xeber100.com

Ağır atletika üzrə dünya çempionatı davam edir

Ficinin paytaxtı Suvada gənclər arasında ağır atletika üzrə dünya çempionatı davam edir.Azərtac xəbər verir ki, 51 ölkədən 311 atletin (161 oğlan və 150 qız) mübarizə apardığı yarışda Azərbaycan yığma komandasının üzvləri də körpücük üzərinə çıxacaqlar.İlk olaraq Səbinə Əzimova mübarizəyə qoşulub. Çempionatda 55 kiloqram çəki dərəcəsində yarışan atletimiz toplam 177 kiloqram (78+99) nəticə ilə 8-ci yeri tutub.Digər təmsilçimiz Əliş Nəzərov (102 kq) iyunun 6-da körpücük üzərinə çıxacaq.xeber100.com