Futbol üzrə Türkiyə Superliqasının XXXII turuna yekun vurulub

Mayın 13-də futbol üzrə Türkiyə Superliqasının XXXII turuna yekun vurulub.Azərtac xəbər verir ki, turnir cədvəlinin üçüncü pilləsində yer alan “Beşiktaş” “Vodafon Park Stadionu”nda “Alanyaspor”u qəbul edib.Çempionluq uğrunda mübarizə aparan İstanbul komandası qarşılaşmada rəqibinə 2:1 hesabı ilə qalib gəlib.Oyunda hesabı 11-ci dəqiqədə Adem Lyajiçin vurduğu qolla meydan sahibləri açıblar. 45-ci dəqiqədə isə beşiktaşlı Caner Erkin topu öz qapısından keçirib. Birinci hissə 1:1 hesabı ilə heç-heçə başa çatıb.İkinci hissədə hücumlarını çoxaldan meydan sahibləri hesab arasındakı fərqi artırıblar. Matçın 55-ci dəqiqəsində portuqaliyalı futbolçu Rikardo Qvarejma komandasının qələbə topunu vurub.Beləliklə, bu oyundan sonra xallarının sayını 62-yə çatdıran baş məşqçi Şenol Günəşin yetirmələri Türkiyə çempionatında üçüncü sıradakı mövqelərini möhkəmləndiriblər. “Beşiktaş” komandası növbəti həftə səfərdə “Trabzonspor”la oynayacaq.Hazırda turnir cədvəlində “Qalatasaray” və “Başakşəhər” 66 xalla birinci-ikinci yerləri bölüşürlər.xeber100.com

Paracüdo üzrə beynəlxalq yarışların ikinci gününə start verilib

Mayın 14-də Bakıda paracüdo üzrə beynəlxalq Qran-Pri yarışlarının ikinci gününə start verilib.Azərtac xəbər verir ki, Heydər Əliyev adına İdman Sarayında keçirilən yarışda 35 ölkədən 214 cüdoçu birincilik uğrunda mübarizə aparır. Turnirdə ölkəmizi 21 cüdoçu təmsil edir. Kişilərin yarışında 11, qadınların mübarizəsində isə 10 idmançımız tatami üzərinə çıxacaq.Yarışın ikinci günündə kişilər 90, 100 kiloqram və 100 kiloqramdan yuxarı, qadınlar isə 63, 70 kiloqram və 70 kiloqramdan yuxarı çəki dərəcələrində mübarizə aparacaqlar.Qran-Prinin birinci günündə 9 paralimpiyaçımız tatami üzərinə çıxacaq. Onların ilk rəqibləri də müəyyənləşib. Belə ki, kişilərin yarışında Rövşən Səfərov Oleq Kretul (Moldova)-Mark Milano (Almaniya) cütünün qalibi, Ramin Əliyev (hər ikisi 90 kq) rusiyalı Vladimir Fedin, Kənan Abdulxanlı Özbəkistan təmsilçisi Şarif Xalilov, Kamil Ağayev (hər ikisi 100 kq) fransalı Yann Qoarnisson, ikiqat Paralimpiya çempionumuz İlham Zəkiyev (100 kq-dan yuxarı) Kento Masaki (Yaponiya) - Heydər Heydərov (Rusiya) cütünün qalibi ilə qarşılaşacaqlar.Qadınların mübarizəsində isə Xanım Hüseynova (63 kq) özbəkistanlı Nafisa Şeripboeva, Zülfiyyə Hüseynova (70 kq) Rusiya idmançısı Olqa Zabrodskaya, Xatirə İsmiyeva türkiyəli Mesme Tasbağ, Dürsədəf Kərimova (hər ikisi 100 kq-dan yuxarı) isə Fransa paracüdoçusu Pressillia Leze ilə üz-üzə gələcəklər.Turnirin birinci günündə Azərbaycan millisi 3 qızıl, 3 gümüş və 3 bürünc medala sahib olub.Qran-Pri “Tokio 2020” XVI Yay Paralimpiya Oyunlarına lisenziya xalları qazandırır.Azərtac paracüdo üzrə Qran-Prinin rəsmi media tərəfdaşıdır.xeber100.com

“YARAT” Müasir İncəsənət Mərkəzi təqdim edir

Mayın 16-17-də “YARAT” Müasir İncəsənət Mərkəzində “İnsan: özünü dərk et” proqramı çərçivəsində tanınmış amerikalı tədqiqatçı- ekspert Aleks Sucunq-Kim Penqin mühazirəsi dinləniləcək.Bu barədə “YARAT”dan Azərtac-a məlumat verilib.Bildirilib ki, futurist, yazıçı Silikon Vadisinin biznes məsləhətçisi Aleks Penq nə qədər çox işləsək, nəticə bir o qədər yaxşı olacağı mifini dağıdır. O, şüurlu istirahətin zehni və fiziki enerjini bərpa etmək və bununla yanaşı, düzgün istifadə edildikdə innovativ düşüncəni stimullaşdırmaq və yaradıcı həyatı inkişaf etdirmək imkanına malik olduğunu kəşf edib. Hamımız istirahət edirik, amma biz bunu daha yaxşı edib daha çox fayda əldə edə bilərik.Müasir dövrdə qəribə fikirlərlə rastlaşırıq: “az yatsaq daha çox iş görə bilərik” və yaxud böyük şirkətlər daxili resursları bərpa etmək üçün işçiləri məzuniyyətlərindən istifadəyə təşviq etmək məqsədilə lotereyalar keçirmək məcburiyyətində qaldıqları halları ilə üzləşirik. Aleks Penq neyrobioloji tədqiqatlar və uğurlu, məhsuldar insanların tərcümeyi-hallarının öyrənilməsi sayəsində şüurlu istirahəti adət etdiyimizdən daha ciddi qəbul etməyimizin zəruri olduğunu izah edir. “İnsan: özünü dərk et” inkişaf proqramının direktoru Arstarulsmirus Tarus öz fikirlərini bölüşərək deyib: “O, istirahətin əhəmiyyətinin digər tərəflərini görməyə, insanları həyatın mövcud ritmini sağlamlıq, yaradıcılıq və real məhsuldarlıq baxımından gözdən keçirməyə çağırır”.xeber100.com

Çimərlik futbolu üzrə milli komandamız Yunanıstan yığması ilə qarşılaşıb

İspaniyanın Salou şəhərində təşkil olunmuş “ANOC World Beach Soccer Games ” turnirində çimərlik futbolu üzrə Azərbaycan milli komandası Yunanıstan yığması ilə qarşılaşıb.Azərtac xəbər verir ki, 5:3 hesabı ilə qalib gələn komandamızın heyətində Amid Nəzərov dubl edib, Orxan Məmmədov, Asif Zeynalov və Ramil Əliyev hərəyə bir qol vurublar.xeber100.com

UEFA Avropa Liqasının final oyununa hazırlıq çərçivəsində

UEFA Avropa Liqasının Bakı Olimpiya Stadionunda keçiriləcək final oyununa hazırlıq çərçivəsində finalçı matçının iştirakçıları - “Arsenal” və “Çelsi” klublarının, eləcə də UEFA nümayəndələrinin Bakıya səfəri başlayıb.AFFA-dan Azərtac-a bildiriblər ki, mayın 15-dək davam edəcək səfər proqramında 20-yə yaxın nümayəndə Bakı Olimpiya Stadionunda təhlükəsizlik, azarkeş zonasında hazırlıq prosesi, komandaların üzvlərinin məskunlaşacaqları otellərlə tanış olacaqlar.Səfər çərçivəsində final oyununun təşkili barədə fikir mübadiləsi aparılacaq.Qeyd edək ki, mayın 29-da keçiriləcək final oyunu saat 23:00-da başlayacaq.xeber100.com

Futbol üzrə 2018-2019-cu il mövsümünün sonuncu turunda

Peşəkar Futbol Liqası (PFL) futbol üzrə Azərbaycan çempionatının 2018-2019-cu il mövsümünün sonuncu – 28-ci turunda qeydə alınan bir sıra statistik göstəriciləri açıqlayıb.Azərtac Peşəkar Futbol Liqasının saytına istinadla xəbər verir ki, sonuncu turdakı dörd matçdan yalnız birində meydan sahibləri qələbə qazanıblar. Üç görüşdə isə qonaqlar qalib gəliblər. Bu da mövsümün ümumi statistikasını səfərdə oynayan komandaların lehinə dəyişib. Çempionatın 112 qarşılaşmasında ev sahibləri 43, qonaqlar 44 dəfə qalib gəliblər, 25 matçda heç-heçə qeydə alınıb.1992-ci ildən keçirilən Azərbaycan çempionatları tarixində ilk dəfə meydan sahiblərinin məğlubiyyəti qələbəsindən çoxdur. Əvvəlki 26 mövsümün hamısında üstünlük ev komandalarında olub. Əksər hallarda isə bu üstünlük nəzərə çarpacaq dərəcədə böyük olub.Cari mövsümün nəticələrinə əsasən, “Qarabağ”, “Neftçi”, “Səbail”, “Sabah” və “Keşlə” səfər matçlarında ev oyunlarından çox xal qazanıb. Üç komanda – “Qəbələ”, “Zirə” və “Sumqayıt” isə öz meydanında daha uğurlu çıxış edib. Ümumilikdə isə “Qarabağ” həm ev, həm səfər görüşlərində topladığı xalların saytına görə birinci olub. “Neftçi” komandası isə hər iki göstərici üzrə ikinci yerdədir.xeber100.com

“Grand Prix 2019” seriyasının birinci mərhələsi start götürəcək

Mayın 17-də Moskvada Beynəlxalq Şahmat Federasiyasının (FIDE) və “World Chess” şirkətinin birgə təşkilatçılığı ilə “Grand Prix 2019” seriyasının birinci mərhələsi start götürəcək.Azərtac xəbər verir ki, bu ildən başlayaraq yeni formatda keçiriləcək seriya turnirində Azərbaycanı qrossmeysterlərimiz Şəhriyar Məmmədyarov və Teymur Rəcəbov təmsil edəcəklər.Qeyd edək ki, Şəhriyar Məmmədyarov “Grand Prix 2019” seriyasının birinci mərhələsinin reytinq favoritidir. Şahmatçımız 2017-ci ildə keçirilən sonuncu “Grand Prix” seriyasının qalibi olub.Digər təmsilçimiz Teymur Rəcəbov isə ötən seriyanı üçüncü pillədə başa vurub.xeber100.com

“Barselona”nın futbolçusu Çempionlar Liqasının yarımfinalında

"Barselona"nın futbolçusu Lionel Messi Çempionlar Liqasının yarımfinalında "Liverpul"a məğlubiyyətdən (0:4) sonra imicini dəyişib.Milli.az bildirir ki, argentinalı hücumçu saqqalını qırxıb. Onun komandasının son məşqindən dərc edilən şəkillərdə artıq saqqalsız olduğu görülüb.xeber100.com

Almaniya Bundesliqasında növbəti turun oyunları keçirilir

Almaniya Bundesliqasında 33-cü turun oyunları keçirilir.Milli.az xəbər verir ki, lider "Bavariya" səfərdə "Leyptsiq"lə qarşılaşıb. Münhen klubu qələbə qazansa, sona bir tur qalmış çempionluğunu rəsmiləşdirəcəkdi. Lakin görüç qolsuz başa çatıb.Çempion komanda sonuncu - 34-cü turda müəyyənləşəcək."Leyptsiq" - "Bavariya" - 0:0.Bundesliqada turnir cədvəlinə 75 xalla "Bavariya" başçılıq edir. Dortmund "Borussiya"sı 73 xalla 2-ci, "Leyptsiq" 66 xalla 3-cü, Münhenqladbax "Borussiya"sı 55 xalla 4-cüdür.xeber100.com

Bosniyalı hücumçu PSJ-nin diqqət mərkəzində…

"Roma"nın futbolçusu Edin Dzeko karyerasını Fransada davam etdirə bilər.Milli.az xəbər verir ki, bosniyalı hücumçu PSJ-nin diqqət mərkəzinə düşüb. Bu barədə İtaliya mətbuatı məlumat yayıb.Məlumatda, PSJ-nin Dzekonun meneceriylə danışıqlar apardığı, ancaq "Roma" ilə hələ əlaqələrin qurulmadığı bildirilir. PSJ Dzekonun transferini 23 milyon avroya həll etmək niyyətindədir.33 yaşlı hücumçu bu mövsüm "Roma" ilə 37 qarşılaşmada iştirak edərək, 13 qol vurub və 10 məhsuldar ötürmə edib.xeber100.com