Beynəlxalq Futbol Federasiyaları Assosiasiyasının məlumatı

Beynəlxalq Futbol Federasiyaları Assosiasiyasının (FIFA) rəsmi saytında verilən məlumata görə, Federasiya qadın futbolunda iki yeni illik mükafat təsis edib.Milli.az bildirir ki, 2019-cu ildən başlayaraq, FIFA-nın illik mükafatlarının təqdim edilməsi mərasimində iki yeni nominasiya yaranacaq: FIFA-nın və Beynəlxalq Peşəkar Futbolçular Federasiyasının (FIFPro) versiyası üzrə "İlin ən yaxşı qadın qapıçısı" və "İlin ən yaxşı 11 qadın futbolçusundan ibarət simvolik yığma".FIFA-nın illik mükafatlarının təqdim edilməsi mərasimi 2019-cu il sentyabrın 23-də Milanda, "La Skala" teatrının binasında keçiriləcək.xeber100.com

UEFA Çempionlar Liqasının yarımfinal mərhələsində

Bu gün UEFA Çempionlar Liqasının yarımfinal mərhələsinin ilk cavab görüşü keçirilib.Trend-in məlumatına görə, İngiltərənin "Liverpul" klubu doğma meydanda İspaniyanın "Barselona" klubunu qəbul edib.Oyun ev sahibinin 4:0 hesablı qələbəsi ilə yekunlaşıb. Qolar: D.Origi (7-ci və 79-cu dəqiqələr), C.Vaynaldum (54-cü və 56-cı dəqiqələr).Beləliklə, "Liverpul" ikinci il ardıcıl olaraq UEFA Çempionlar Liqasının final mərhələsinə yüksəlib.Qeyd edək ki, "Barselona"nın meydanında keçirilən görüş ev sahibinin 3:0 hesablı qələbəsi ilə yekunlaşmışdı.xeber100.com

İtaliya A Seriyasının 35-ci turuna yekun vurulub

Mayın 6-da İtaliya A Seriyasının 35-ci turuna yekun vurulub.Azərtac xəbər verir ki, turun sonuncu qarşılaşması “San Siro” stadionunda təşkil olunub. “Milan” doğma azarkeşlər önündə “Bolonya” klubunu qəbul edib.Görüş meydan sahiblərinin minimal hesabla qələbəsi ilə başa çatıb - 2:1.Oyunda hesabı Milan təmsilçisi açıb. Suso adını tabloya yazdırıb - 1:0. Qarşılaşmanın növbəti qolu ikinci hissəsinin 67-ci dəqiqəsində vurulub. Qapıçının qaytardığı topa hamıdan tez yetişən Fabio Borini bir toxunuşla qapıdan keçirdib 2:0. Oyunun 72-ci dəqiqəsində hesab arasındakı fərq azalıb. Meydana təzəlikcə girən Matias Destro adını tabloya yazdırıb - 2:1.Matçın 74-cü dəqiqəsində meydan sahiblərinin futbolçusu Lukas Paketa ikinci sarı vərəqəsini alaraq meydandan qovulub.Qalan dəqiqələrdə hər iki komandanın cəhdlərinə baxmayaraq hesab dəyişilməyib.Bu qələbə sayəsində “Milan” xalların sayını 59-a çatdıraraq turnir cədvəlində beşinci, “Bolonya” isə 37 xalla 15-ci yerdə qərarlaşıblar.xeber100.com

“Liverpul” İspaniyanın “Barselona” komandasını qəbul edəcək

Mayın 7-də UEFA Çempionlar Liqasının 2018-2019-cu il mövsümünün yarımfinal mərhələsinin cavab görüşü keçiriləcək.Azərtac xəbər verir ki, ilk cavab görüşü İngiltərədə təşkil olunacaq. Turnirin son finalçısı “Liverpul” İspaniyanın “Barselona” komandasını qəbul edəcək. “Mersisaydlılar” səfərdəki 0:3 hesablı məğlubiyyətin əvəzini çıxmağa çalışacaqlar.Amma “Liverpul” oyuna ciddi itkilərlə çıxacaq. İspaniyadakı qarşılaşmanın 24-cü dəqiqəsində zədələnən Nabi Keyta üçün mövsüm başa çatıb. Braziliyalı hücumçu Roberto Firminonun da eyni səbəbdən bugünkü matçı buraxacağı dəqiqdir. Baş məşqçi Yurgen Klopp həftəsonu İngiltərə Premyer Liqasında “Nyukasl” ilə görüşdə başından zədə alan Məhəmməd Salahın da meydana çıxmayacağını təsdiqləyib. Əzələsində problem olan Adam Lallananın iştirakı isə sual altındadır.Əvəzində qonaqların heyətində yeganə itki ötən həftəsonu “Selta” ilə İspaniya La Liqası matçında zədələnmiş Usman Dembeledir. Luis Suares və Filippe Koutinyo sabiq komandalarına qarşı ilk dəfə “Enfild 2”də çıxış edəcəklər.Cari mövsümdə “Liverpul” Çempionlar Liqasında doğma meydanda keçirdiyi 5 matçın 4-də qalib gəlib, 1-də isə heç-heçə edib. Kataloniyalılar isə ümumiyyətlə, məğlub olmayıb. “Liverpul” və “Barselona” komandaları “Enfild” stadionunda ümumilikdə 3 dəfə qarşılaşıblar. Bu görüşlərin 2-də kataloniyalılar, 1-də mersisaydlılar qələbə qazanıblar.xeber100.com

Badminton Federasiyasının məlumatına görə…

Azərbaycan badmintonçusu Edi Reski Dviçayo Braziliyanın Kampinas şəhərində keçirilən 34-cü “Brazil International Challenge” turnirində çıxış edib.Azərtac Azərbaycan Badminton Federasiyasına istinadla xəbər verir ki, mübarizəyə əsas mərhələdən qoşulan badmintonçumuz onaltıdabir finalda Kanada badmintonçusu Senkirslə qarşılaşıb. Görüş kanadalı badmintonçunun 2:0 hesablı qələbəsi ilə başa çatıb.Qeyd edək ki, turnirin qalibi israilli badmintonçu Mişa Zilberman olub.xeber100.com

“Böyük dəbilqə” beynəlxalq turniri start götürəcək

Mayın 10-da Bakıda cüdo üzrə “Böyük dəbilqə” beynəlxalq turniri start götürəcək.Azərtac xəbər verir ki, üç gün davam edəcək nüfuzlu yarışda 57 ölkədən 449 cüdoçu mübarizə aparacaq. Azərbaycan millisi bu turnirdə 43 idmançı (28 oğlan, 15 qız) ilə təmsil olunacaq.Xatırladaq ki, “Böyük dəbilqə” turniri Tokio Yay Olimpiya Oyunlarına lisenziya xalları qazanmaq imkanı verir. Heydər Əliyev adına İdman Sarayında baş tutacaq beynəlxalq yarışın təntənəli açılış mərasimi mayın 10-da keçiriləcək.xeber100.com

Futbol üzrə İtaliya çempionatının “B” seriyasında

Futbol üzrə İtaliya çempionatının “B” seriyasında çıxış edən “Breşiya” doğma meydanda “Askoli”yə 1-0 hesabla qalib gəlməklə ən azı ikinci yeri təmin edib.Azərtac ölkə mətbuatına istinadla xəbər verir ki, görüşdə Daniele Dessenanın vurduğu yeganə qol “B” seriyasının liderinin turnir cədvəlini ilk ikilikdə başa vurmasını və sona iki tur qalmış elitada iştirak etmək hüququnu təmin edib.Qeyd edək ki, “Breşiyə” gələn mövsüm səkkizillik fasilədən sonra İtaliya “A” seriyasında çıxış edəcək.xeber100.com

“Ayaks” futbol klubu müqavilənin müddətini uzadıb

Hollandiyanın “Ayaks” futbol klubu müdafiəçisi Nikolas Talyafiko ilə müqavilənin müddətini uzadıb.Azərtac klubun saytına istinadla xəbər verir ki, 26 yaşlı argentinalı müdafiəçinin yeni müqaviləsi 2022-ci ilin yayınadək nəzərdə tutulub.Qeyd edək ki, Talyafiko 2018-ci ildə Argentinanın “İndependente” klubundan “Ayaks”a transfer olunub. O, cari mövsümdə Hollandiya komandasında keçirdiyi 42 oyunda 5 qolun müəllifi olub və 6 məhsuldar ötürmə edib.xeber100.com

Danimarka Superliqasının XXXIII turunda

Futbol üzrə Danimarka və Avstriya çempionatlarında 2018-2019-cu il mövsümünün qalibləri müəyyənləşib.Azərtac xəbər verir ki, Danimarka Superliqasının XXXIII turunda “Bröndbi” komandasını 3:2 hesabı ilə məğlub edən “Kopenhagen” sona 3 tur qalmış ən yaxın izləyicisini 14 xal qabaqlayaraq çempionluğunu rəsmiləşdirib. Paytaxt təmsilçisi bu qalibiyyətlə, ümumilikdə 13-cü çempionluğunu qeyd edib.Avstriya Bundesliqasında isə XXIX turda “Austriya”ya 2:1 hesabı ilə qalib gələn “Zalsburq” birinciliyi təmin edib. Komanda ardıcıl 6-cı, ümumilikdə isə 13-cü çempionluğunu qazanıb.xeber100.com

“Gənclər kuboku” şahmat turniri keçiriləcək

“Xəzər Universiteti Şahmat Akademiyası”nın təşkilatçılığı ilə “Gənclər kuboku” şahmat turniri keçiriləcək.Azərtac xəbər verir ki, reytinq xarakterli komanda yarışı iyunun 3-dən 8-dək akademiyanın binasında təşkil ediləcək.Beynəlxalq Şahmat Federasiyasının (FIDE) qaydalarına əsasən, dairəvi sistem üzrə keçiriləcək yarış iki dövrədən ibarət olacaq. İlk dəfə keçiriləcək turnirdə hər birində iki şahmatçı olmaqla, 6 komanda iştirak edəcək.xeber100.com