Boks üzrə beynəlxalq turnir start götürəcək

Mayın 1-də Rusiyanın Stavropol şəhərində boks üzrə beynəlxalq turnir start götürəcək.Azərtac xəbər verir ki, yarışda ölkəmizi 1 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin, “Qızıl Əlcək” idman klubunun və 7 saylı Uşaq-Gənclər İdman Məktəbinin boksçuları təmsil edəcəklər.Yeniyetmə və gənclərin mübarizə aparacaqları turnirə mayın 5-də yekun vurulacaq.xeber100.com

Dünya Kubokunun üçüncü yarış günü başlayıb

Bakıda keçirilən bədii gimnastika üzrə Dünya Kubokunda lentlə hərəkətlərdə 20.650 xalla birinci yeri belaruslu gimnast Anastasiya Salos qazanıb.Trend-in məlumatına görə, ikinci yerdə Arina Averina (Rusiya, 20.600), üçüncü yerdə Dina Averina (Rusiya, 20.250) qərarlaşıb.Qeyd edək ki, Bakıda Milli Gimnastika Arenasında bədii gimnastika üzrə Dünya Kubokunun üçüncü – sonuncu yarış günü başlayıb. Bu gün fərdi proqramda halqa, top, gürzlər və lentlə hərəkətlər üzrə finallar, eləcə də qrup hərəkətləri proqramında ayrı-ayrı alətlərlə (5 top, 3 halqa və 2 cüt gürz) hərəkətlər üzrə finallar keçirilir.xeber100.com

Formula 2 üzrə növbəti yarışın qalibləri müəyyən olunub

Bakıda Formula 1 SOCAR Azərbaycan Qran-Prisi çərçivəsində Formula 2 üzrə ikinci yarışın qalibləri müəyyən olunub.Trend-in məlumatına görə, yarışın qalibi DAMS komandasının pilotu Nikolas Latifi olub. İkinci və üçüncü yeri müvafiq olaraq “Charouz”un pilotu Juan Manuel Korrea və “Campos Racing” komandasının pilotu Jk Atiken qazanıb.Qeyd edək ki, Bakıda Formula 1 SOCAR Azərbaycan Qran Prisi çərçivəsində keçirilən Formula 2 yarışlarında hər biri iki pilotla təmsil olunan 10 komanda birincilik uğrunda mübarizə aparırdı.xeber100.com

İngiltərə Çempionşipində “Bolton” – “Brentford” oyunu baş tutmadı

İngiltərə Çempionşipində xoşagəlməz hadisə baş verib.Milli.az xəbər verir ki, bu gün keçirilməli olan "Bolton" - "Brentford" oyunu baş tutmayacaq. Buna səbəb "Bolton" futbolçularının meydana çıxmaqdan imtina etməsi olub.Belə ki, klub bir müddətdi futbolçuların maaşlarını ödəyə bilmir. Komanda üzvləri isə maaşları ödənilməyənə qədər meydana çıxmayacaqlarını açıqlayıblar. Oyunla bağlı İngiltərə Futbol Asossiyasının İntizam Komitəsi qərar verəcək.Qeyd edək ki, mövsüm başa çatmadan "Bolton"un aşağı liqaya düşməsi rəsmiləşib. Komanda 44 oyundan sonra 32 xalla 23-cü pillədə qərarlaşıb.xeber100.com

İran çempionatının “Persepolis” – “Sepehan” oyununda

İran çempionatının 27-ci turunun "Persepolis" - "Sepehan" oyununda iki komandanın azarkeşləri arasında dava baş verib.Milli.az xəbər verir ki, "Azadi" stadionundakı iğtişaşda 1 nəfər dünyasını dəyişib, 245 nəfər yaralanıb. Tehranın Təcili Yardım Qurumunun şöbə rəisi Peyman Sabiriyan məlumatı təsdiq edib.İran Futbol Federasiyasının Nizam-İntizam Komitəsinin sədri İsmayıl Həsənzadə baş vermiş hadisəyə görə müvafiq addımlar atılacağını deyib.Tehranda keçirilən oyun 0:0 hesablı heç-heçə ilə yekunlaşıb.xeber100.com

Bu gün Formula 1 Azərbaycan Qran Prisinin ikinci yarış günüdür

Bu gün Bakıda Formula 1 Azərbaycan Qran Prisinin ikinci yarış günü başlayır.Trend-in məlumatına görə, aprelin 27-də Bakı Şəhər Halqasında Formula 2 bolidlərinin paradı, sonra isə birinci yarışı keçiriləcək.Bundan başqa, Bakı trekində Formula 1 bolidlərinin üçüncü sərbəst yürüşü və sıralama turu baş tutacaq.Ümumilikdə şəhər trasında hər biri iki pilotla təmsil olunan 10 komanda yarışacaq. Bakıda yarışa qatılan sürətsevərlər arasında Lyuis Hemilton, Fernando Alonso, Sebastyan Fettel, Valtteri Bottas, Kimi Raikkonen, Maks Ferstappen kimi tanınmış pilotlar var.Azərbaycan paytaxtında 4-cü dəfə keçirilən Formula 1 yarışları aprelin 28-dək davam edəcək.Xatırladaq ki, Formula 1 Bakıda 2016-cı ildən keçirilir. Şəhər trasının uzunluğu 6 kilometrdən bir qədər çoxdur. Trekin ən geniş sahəsi 13 metr, ən dar hissəsi isə İçərişəhər yaxınlığında, yeddi və səkkizinci döngələrdir – 7,6 metr. Start və finiş xətti “Azadlıq” meydanındadır.2016-cı ildə “Williams” komandasının pilotu Valtteri Bottas tərəfindən Bakıda Formula 1 yarışlarının sürət rekordu qeydə alınıb – 378 km/saat.Azərbaycanda Qran Priyə tamaşa etmək üçün daha çox Rusiya, Böyük Britaniya, Gürcüstan, Niderland, Polşa, BƏƏ və Finlandiya vətəndaşları səfər edirlər.xeber100.com

İngiltərə premyer-liqasında çıxış edən futbolçuların məvacibi artıb

2017/2018-ci illər mövsümündə İngiltərə premyer-liqasında çıxış edən futbolçuların məvacibi 15 faiz artaraq rekord məbləğə - 2,9 milyard funta (3,75 milyard dollara) çatıb. Lakin “Deloitte” beynəlxalq auditor şirkətinin verdiyi məlumata görə, bu artım divizionun tarixində İngiltərə premyer-liqasının üzvü olan 20 klubun 4,8 milyard funt (6,2 milyard dollar) məbləğində ümumi gəlir əldə etməsinə mane ola bilməyib.Azərtac xəbər verir ki, futbolçulara ödənişlərin artması amili (bu ödənişlər ümumi gəlirlərin 60 faizinə çatıb) İngiltərə yüksək divizionunun əməliyyat mənfəətinə təsir göstərib: bu məbləğ vergilər tutulana qədər 100 milyon funt azalaraq 900 milyon funta (1,16 milyard dollara) bərabər olub. Müqayisə üçün bildirək ki, keçən il bu göstərici 1 milyard funta (təqribən 1,3 milyard dollara) çatırdı.Gəlirlərin 89 faizi “böyük altılıq” adlanan “Arsenal”, “Çelsi”, “Liverpul”, “Mançester-Siti”, “Mançester-Yunayted” və “Tottehem” klublarının payına düşür.“Deloitte” beynəlxalq auditor şirkətinin nümayəndəsi Tim Bricin sözlərinə görə, transfer bazarında yaranmış canlanma, habelə əsas mənfəət mənbələrindən birinin – teletranslayasiya hüquqlarının satışının cüzi artması nəzərə alınmaqla yaxın bir neçə mövsüm ərzində komandaların əməliyyat mənfəətinin vergilər tutulana qədər hesablanmış məbləği azalacaq.xeber100.com

Futbol üzrə Türkiyə kubokunun yarımfinal mərhələsində

Aprelin 25-də futbol üzrə Türkiyə kubokunun yarımfinal mərhələsinin sonuncu cavab qarşılaşması keçirilib.Azərtac xəbər verir ki, “Yeni Malatya” stadionunda baş tutan matçda “Yeni Malatyaspor” “Qalatasaray”ı qəbul edib. Görüş qonaqların böyükhesablı qələbəsi ilə başa çatıb - 2:5.Fatih Terimin yetirmələrindən Martin Linnes, Sofian Fequli, Henri Onyekuru (2 qol) və Kostas Mitroqlu fərqləniblər. Meydan sahiblərinin qollarına isə Daniel Aleksis və Arturo Mina imza atıblar.İlk oyunda qapılara qol vurulmadığından (0:0), bu hesab İstanbul təmsilçisini finala çıxarıb.Qeyd edək ki, “Qalatasaray”ın finaldakı rəqibi kubokun son qalibi “Akhisarspor” olacaq.xeber100.com

Bədii gimnastika üzrə dünya kuboku yarışlarına start verilib

Aprelin 26-da Milli Gimnastika Arenasında bədii gimnastika üzrə dünya kuboku yarışlarına start verilib.Azərtac xəbər verir ki, turnirdə 39 ölkədən 200-dən çox gimnast mübarizə aparır. Üç gün davam edəcək yarışlarda 25 qrup komandası və 70-dən çox gimnast çıxış edəcək.Yarışların birinci iki günündə təsnifat mərhələləri keçiriləcək və çoxnövçülükdə ən yüksək xal toplamış 8 fərdi gimnast, həmçinin qrup komandası final mərhələsinə adlayacaq. Aprelin 28-də isə final mərhələsinin qalibləri müəyyənləşəcək. Bununla yanaşı, ən çox icra xalını yığmış gimnast və qrup komandasına ənənəvi “AGF Trophy” Kuboku da təqdim olunacaq.Turnirin birinci günündə fərdi gimnastlar çoxnövçülük üzrə halqa və topla, komandalar isə beş topla hərəkətlərdə yarışırlar.xeber100.com

Formula 1 Qran-Prisi çərçivəsində pilotların avtoqraf sessiyası keçirilib

Aprelin 26-da Formula 1 SOCAR Azərbaycan Qran-Prisi çərçivəsində Bakıda pilotların avtoqraf sessiyası keçirilib.Azərtac xəbər verir ki, sessiya Dənizkənarı Milli Parkdakı fan-zonada təşkil olunub.Birinci sessiyada “Red bull Racing”, “Ferrai” və “Renault” komandalarının pilotları azarkeşlərlə görüşüb, onlara avtoqraf veriblər.Növbəti avtoqraf sessiyaları aprelin 27-də və 28-də baş tutacaq. Aprelin 27-də “Racing Point”, “Alfa Romeo” və “Mercedes”, ertəsi günü isə “Williams”, “McLaren”, “Haas” və “Toro Rosso” komandalarının pilotları avtoqraf sessiyalarında iştirak edəcəklər.xevber100.com