Topaz Premyer Liqada sonuncu dövrəyə start veriləcək

Bu gün Topaz Premyer Liqada sonuncu dövrəyə start veriləcək.Milli.az xəbər verir ki, bu gün 22-ci turun 2 oyunu keçiriləcək. Açılış matçında "Zirə" "Səbail"i qəbul edəcək. Bu görüş qonaq komandanın yeni transferi Maykl Essyenin Azərbaycan çempionatında debütü ilə yadda qala bilər.Digər görüşdə isə lider "Neftçi" "Keşlə"nin qonağı olacaq. Hazırda "Qarabağ"la eyni xala malik olan Roberto Bordinin komandası qələbə qazanaraq mövqeyini qorumağa çalışacaq.xeber100.com

Ağır Atletika Federasiyasının məlumatı əsasında…

6-13 aprel tarixlərində Gürcüstanın Batumi şəhərində kişilər və qadınlar arasında ağır atletika üzrə Avropa çempionatı keçiriləcək.Azərbaycan Ağır Atletika Federasiyasından Trend-ə verilən məlumata görə, 42 ölkədən 401 atletin (187 qadın və 214 kişi) iştirak edəcəyi yarışda Azərbaycan yığma komandasının üzvləri də mübarizəyə qoşulacaq.Asif Məmmədovun rəhbərliyi altında körpücük üzərinə qalxacaq millimizin heyəti aşağıdakı kimidir:Kənan Xəlilov (73 kq), Kənan Əliquliyev (81 kq), Nailxan Nəbiyev, Kamran İsmayılov (hər ikisi – 96 kq), Əliş Nəzərov (102 kq).xeber100.com

Avropa Karate Federasiyasının növbəti konqresi keçirilib

İspaniyanın Qvadalaxara şəhərində Avropa Karate Federasiyasının (EKF) növbəti konqresi keçirilib.Azərtac xəbər verir ki, Avropanın 51 ölkəsindən karate rəsmilərinin iştirakı ilə konqresdə ötən dövrün hesabatları dinlənib, qarşıdakı qitə çempionatınadək planlar müzakirə olunub.Azərbaycan Milli Karate Federasiyasının (AMKF) prezidenti Yaşar Bəşirov, vitse-prezident Rəhman Hətəmov və baş katib Mirhəsən Seyidov konqresdə iştirak ediblər.Konqresi açan EKF-nin prezidenti Antonio Espinos cari məsələlərə toxunmaqla yanaşı, karatenin Yay Olimpiya Oyunlarının proqramında qalması istiqamətində işlərin aparıldığını söyləyib. Konqresin gündəliyindəki əsas məsələ 2020-ci ildə böyüklərin 55-ci Avropa çempionatının təqdimat mərasimi olub.AMKF-nin prezidenti Yaşar Bəşirov çıxışında Azərbaycanda beynəlxalq yarışların yüksək səviyyədə təşkil edildiyini, digər idman növləri ilə yanaşı, karateyə də dövlət tərəfindən böyük dəstək göstərildiyini diqqətə çatdırıb. Y.Bəşirov bildirib ki, EKF-nin prezidenti Antonio Espinosun söylədiyi kimi, karatenin Tokio Olimpiadasının proqramına daxil edilməsində Azərbaycan Prezidenti və Milli Olimpiya Komitəsinin rəhbəri İlham Əliyev tərəfindən bu idman növünün Avropa Oyunlarına salınması təşəbbüsünün böyük rolu olduğunu nəzərə çatdırıb.Federasiya prezidenti 55-ci Avropa çempionatı ilə bağlı ətraflı məlumat verib, məsul yarışa hazırlıq işlərindən danışıb. A.Espinos 2012-ci ildə yeniyetmə və gənclərin qitə çempionatını yüksək səviyyədə təşkil edən Azərbaycanın növbəti ciddi sınaqdan da uğurla çıxacağına inandığını söyləyib.Həmin gün, həmçinin EKF-nin İcraiyyə Komitəsinin yığıncağı olub. EKF-nin İcraiyyə Komitəsinin üzvü Yaşar Bəşirov tədbirdə iştirak edib. İclasda gündəlikdə duran məsələlər müzakirə olunub, müəyyən məsələlərin həlli yolları araşdırılıb.xeber100.com

Beynəlxalq Cüdo Federasiyasının məlumatı

Martın 29-da Tbilisidə qadın və kişi cüdoçular arasında Qran-Pri turniri başlayıb.Azərtac Beynəlxalq Cüdo Federasiyasının saytına istinadla xəbər verir ki, kişilərin yarışında ölkəmizi Tofiq Məmmədov, Balabəy Ağayev (60 kq), İlkin Babazadə, İsmayıl Əliyev (66 kq), Fəqan Quluzadə, Afiq Səfərli (81 kq), Əbdülhaqq Rəsullu, Aliumar Tumayev (90 kq) təmsil edirlər.Qadınların mübarizəsində isə Aişə Qurbanlı, Leyla Əliyeva (48 kq), Gültac Məmmədəliyeva (52 kq), İçinkorloo Munxtsedev (57 kq), Rikiye Fatma Ozerdem (70 kq) güclərini sınayacaqlar.Yarışların birinci günündə səkkiz cüdoçumuz mübarizəyə qoşulub. Balabəy Ağayev gürcüstanlı Temur Nozadze, Tofiq Məmmədov rusiyalı İvan Dolqix, İlkin Babazadə kubalı Osnielyu Solis, İsmayıl İbrahimov braziliyalı Çarlz Çiban ilə gücünü sınayacaq. Qadınların yarışlarında Leyla Əliyeva, Aişə Qurbanlı, Gültac Məmmədəliyeva və İçinkorloo Munxtsedev mübarizəni dayandırıblar.xeber100.com

“Paris Sen-Jermen” futbol klubu yeni müqavilə imzalayıb

Fransanın “Paris Sen-Jermen” futbol klubu baş məşqçisi Tomas Tuxellə yeni müqavilə imzalayıb.Azərtac “L’Еquipe” nəşrinə istinadla xəbər verir ki, 45 yaşlı almaniyalı mütəxəssisin Paris təmsilçisi ilə yeni müqaviləsi 2021-ci ilin yayınadək nəzərdə tutulub.Tomas Tuxelin hazırkı müqaviləsinin müddəti 2020-ci ilin yayında başa çatır. O, Paris klubunu 2018-ci ilin yayından çalışdırır.Qeyd edək ki, “Paris Sen-Jermen” komandası hazırda Fransa çempionatında 28 oyundan sonra 77 xalla turnir cədvəlinə başçılıq edir.xeber100.com

“Montsa” komandası voleybol yarışlarının qalibi olub

İtaliyanın “Montsa” komandası qadın voleybolçular arasında Çağırış kuboku yarışlarının qalibi olub.Azərtac xəbər verir ki, həlledici oyunda “Montsa” komandası Türkiyənin “Aydın BBSK” klubu ilə qarşılaşıb.Türkiyədə təşkil olunan ilk oyunda “Montsa” 3:0 hesabı ilə qalib gəlib. İtaliyada keçirilən cavab qarşılaşması da meydan sahiblərinin 3:1 hesablı üstünlüyü ilə yekunlaşıb. İki oyunun nəticəsinə görə, “Montsa” komandası Çağırış kuboku yarışlarının 2018-2019-cu il mövsümünün qalibi olub.xeber100.com

Stolüstü Tennis üzrə komandalar arasında liqa çempionatı keçiriləcək

Azərbaycan Stolüstü Tennis Federasiyasının təşkilatçılığı ilə klub və həvəskar komandalar arasında liqa çempionatı keçiriləcək.Federasiyadan Azərtac-a bildiriblər ki, liqanın beşinci turuna martın 30-da federasiyanın idman zalında start veriləcək. Pilot layihə olan liqa çempionatı klub sisteminin inkişaf etdirilməsi məqsədilə təşkil olunur.xeber100.com

Milli Karate Federasiyasının mnəlumatına görə…

Karate üzrə böyüklərdən ibarət milli komandamız martın 28-də İspaniyanın Qvadalaxara şəhərində start götürən 54-cü Avropa çempionatında mübarizəyə qoşulub.Azərbaycan Milli Karate Federasiyasından Azərtac-a bildiriblər ki, Azərbaycan komandasının tərkibində 19 idmançı həm fərdi, həm də komanda yarışlarında tatami üzərinə çıxacaq.Kişilərin fərdi yarışlarında Firdovsi Fərzəliyev (60 kq), Rafiz Həsənov (67 kq), Rafael Ağayev (75 kq), Ayxan Mamayev (84 kq) və Asiman Qurbanlı (+84 kq) gücünü sınayır. Qadınlardan isə Nuranə Əliyeva (50 kq), İlahə Qasımova (55 kq), Fəridə Abiyeva (61 kq), İrina Zaretska (68 kq) və Fəridə Əliyeva (+68 kq) mübarizə aparırlar. Komanda yarışlarında Şahin Atamov, Turqut Həsənov və Pənah Abdullayev çıxış edirlər.Kata üzrə fərdi yarışlarda Roman Heydərov, parakarate yarışında Sahib Əhədov, komanda turnirində isə İsmayıl Quliyev, Tural Balcanlı və Rövşən Əliyevdən ibarət heyət mübarizə aparır.Avropa çempionatında 51 ölkədən 508 idmançı iştirak edir. Karateçilər hər qələbə və medallara görə dünya reytinqində mövqelərini gücləndirməkdən əlavə, Olimpiya və Avropa oyunlarına vəsiqə əldə etmək uğrunda reytinq xalları qazanmağa çalışacaqlar.Yarışların idarə olunmasında beynəlxalq dərəcəli hakimlər Cahangir Babayev, Vüqar Kərimov və Anar Allahverdiyev də iştirak edirlər.xeber100.com

Azərbaycan millisi Latviya və Serbiya yığmaları ilə qarşılaşacaq

Futzal üzrə Azərbaycan milli komandasının aprelin 8-9-da Bakıda, 10-dan 12-dək Latviyada, 13-dən 17-dək isə Serbiyada təlim-məşq toplanışı olacaq.Azərtac AFFA-ya istinadla xəbər verir ki, hazırlıq prosesi çərçivəsində milli komandamız aprelin 11-də və 12-də Latviya, 15-də və 16-da isə Serbiya yığması ilə yoldaşlıq oyunları keçirəcək.xeber100.com

“San Paulo” futbol klubu yeni transfer edib

Braziliyanın “San Paulo” futbol klubu Aleksandr Patonu transfer edib.Azərtac “NTV Spor”a istinadla xəbər verir ki, 29 yaşlı hücumçu Braziliya klubu ilə 2022-ci ilədək müqavilə imzalayıb.Aleksandr Pato İtaliyanın “Milan”, İngiltərənin “Çelsi” və İspaniyanın “Vilyarreal” klublarının formasını geyinib.Qeyd edək ki, braziliyalı müdafiəçi bir müddət əvvəl Çinin “Tianjin Quanjian” komandasından ayrılıb. Pato keçən mövsüm klubun heyətində keçirdiyi 34 oyunda 19 dəfə fərqlənməyi bacarıb.xeber100.com