“Sevilya” futbol klubu “Barselona”nı qəbul edib

İspaniya La Liqasının 25-ci turunun mərkəzi görüşündə “Sevilya” dogma meydanda “Barselona”nı qəbul edib. Trend-in məlumatına görə, matç 2:4 hesabı ilə qonaqların xeyrinə başa çatıb.Matçda hesabı Xesus Navas 22-ci dəqiqədə açıb. Lakin 4 dəqiqə sonra Messi hesabı bərabərləşdirib. 42-ci dəqiqədə müdafiəçi Merkado yenidən “Sevilya”nı yenidən hesabda irəli çıxarıb.İkinci hissədə 67-ci dəqiqədə Messi yenidən hesaba tarazlıq gətirib. 85-ci dəqiqədə Messi het-trik edərək komandasını hesabda irəli çıxarıb. 93-cü dəqiqədə isə Suares matçda son nöqtəni qoyub.Bununla da, “Barselona” 57 xalla birinci, “Sevilya” isə 37 xalla 5-ci pillədə qərarlaşıb.xeber100.com

İngiltərə Premyer Liqasının 27-ci turunun mərkəzi görüşü keçirilib

Bu gün İngiltərə Premyer Liqasının 27-ci turunun mərkəzi görüşü keçirilib.Trend-in məlumatına görə, "Mançester Yunayted" öz meydanında "Liverpul"u qəbul edib. Stadiondan oyunu 74519 insan izləyib.Oyun qarşılıqlı hücumlarla keçsədə, qapılara qol vurulmayıb - 0:0.Oyunun 75-ci dəqiqəsində "Liverpul"un müdafiəçisi Joel Matip topu öz qapısına göndərsədə, hakim Maykl Oliver oyundan kənar vəziyyətin olması ilə əlaqədar qolu saymayıb.Bundan əlavə, oyunun ilk hissəsində komandalar 4 dəfə məcburi əvəzetmə ediblər. "Mançester Yunayted" zədələnən Ander Errera, Xuan Mata və Cessi Linqardı, "Liverpul" isə Roberto Firminonu əvəz etmək məcburiyyətində qalıb.Hazırda "Liverpul" 66 xa ilə ən yaxın izləyicisi olan "Mançester Siti"dən 1 xal öndə olaraq turnir cədvəlinə liderlik edir. "Mançester Yunayted" aktivində 52 xalla 5-ci yerdə qərarlaşıb.İngiltərə Premyer Liqasının növbəti turunda, fevralın 27-si "Mançester Yunayted" səfərdə "Kristal Pelas" ilə, "Liverpul" isə doğma meydanında "Uotfordu" qəbul edəcək.xeber100.com

“Neftçi” futbol klubu müqavilənin müddətini artırıb

"Neftçi” PFK futbolçu Tural Axundovla bu mövsümün sonunda bitməli olan müqavilənin müddətini 1 illiyə artırıb.Trend klubun saytına istinadən məlumat verir ki, 30 yaşlı müdafiəçi 2019/2020-ci illər mövsümünün sonunadək paytaxt təmsilçisinin formasını geyinəcək.Qeyd edək ki, T.Axundov bu mövsüm 18 oyunda meydana çıxıb.xeber100.com

İtaliya A Seriyasında növbəti tura start verilib

İtaliya A Seriyasında 25-ci tura start verilib.Milli.az xəbər verir ki, "Milan" evdə "Empoli"ni 3-0 hesabı ilə məğlub edib.A Seriyasında turnir cədvəlinə 66 xalla "Yuventus" başçılıq edir. "Napoli" 53 xalla 2-ci, "İnter" 46 xalla 3-cü, "Milan" 45 xalla 4-cüdür. "Milan" - "Empoli" - 3:0 Qollar: Kriştof Pyontek, 49, Frank Kessi, 51, Samu Katilyexo, 67.xeber100.com

“Mançester Yunayted” klubunun məlumatına görə…

"Mançester Yunayted"in futbolçusu "Barselona"nın maraq dairəsindədir.Milli.az xəbər verir ki, Kataloniya klubu "Real"ın da maraq dairəsində olan Markus Reşfordun adını transfer siyahısına əlavə edib.İngiltərəli forvardın Joze Mourinyonun rəhbərliyi altında oynayarkən komandadan ayrılmaq istədiyi, amma Ole-Qunnar Sulşerin gəlişindən sonra xoşbəxt olduğu və karyerasını Premyer Liqa klubunda davam etdirmək istədiyi deyilir."Qırmızı şeytanlar"ın Reşford üçün 100 milyon avrodan aşağı təkliflərə baxmayacağı bildirilir."Mançester Yunayted"lə 2020-ci ilədək müqaviləsi olan 21 yaşlı futbolçu, bu mövsüm iştirak etdiyi 32 oyunda 10 qol vurub, 8 məhsuldar ötürmə edib.xeber100.com

UEFA Avropa Liqasının növbəti mərhələsinin püşkü atılıb

İsveçrənin Nyon şəhərində UEFA Avropa Liqasının 1/8 final mərhələsinin püşkü atılıb.Trend-in məlumatına görə, bu mərhələdə İspaniya 3, İngiltərə, İtaliya və Rusiya 2, Almaniya, Portuqaliya, Fransa, Ukrayna, Avstriya, Çexiya və Xorvatiya isə 1 komanda ilə təmsil olunacaq.Püşkün nəticəsi: "Çelsi" (İngiltərə) - "Dinamo" (Kiyev, Ukrayna) "Ayntraxt" (Almaniya) - "İnter" (İtaliya) "Dinamo" (Zaqreb, Xorvatiya) - "Benfika" (Portuqaliya) "Napoli" (İtaliya) - "Zalsburq" (Avstriya) "Valensiya" (İspaniya) - "Krasnodar" (Rusiya) "Sevilya" (İspaniya) - "Slaviya" (Çexiya) "Arsenal" (İngiltərə) - "Renn" (Fransa) "Zenit" (Rusiya) - "Vilyareal" (İspaniya) Qeyd edək ki, 1/8 final mərhələsinin ilk oyunları martın 7-si, cavab görüşləri isə 14-də keçiriləcək.Xatırladaq ki, Avropa Liqasının finalı mayın 29-da Bakı Olimpiya Stadionunda keçiriləcək.xeber100.com

Sərbəst və yunan-Roma güləşi üzrə Azərbaycan çempionatı başlayıb

“Sərhədçi” İdman Olimpiya Mərkəzində gənclər arasında sərbəst və yunan-Roma güləşi üzrə Azərbaycan çempionatı başlayıb.Azərtac xəbər verir ki, çempionatın ilk günündə 57, 61, 65, 70, 74, 79, 86, 92, 97 və 125 kiloqram çəki dərəcəsində sərbəst güləşçilər mübarizə aparırlar.Çempionata fevralın 23-də yekun vurulacaq.xeber100.com

“Aeroflot Open” şahmat turnirinin oyunları keçiriləcək

Bu gün Moskvada ənənəvi “Aeroflot Open” şahmat turnirinin üçüncü turunun oyunları keçiriləcək.Azərtac xəbər verir ki, fevralın 21-də keçirilən ikinci turda “A” qrupunda mübarizə aparan şahmatçımız Rauf Məmmədov rumın Boqdan Deakla heç-heçə edib. Digər təmsilçimiz Eltac Səfərli isə hindistanlı Çitanbaram Aravindxla məğlub olub. Şahmatçılarımızın hər ikisi birinci turu qələbə ilə başa vurmuşdular.“B” qrupunda isə 6 şahmatçımızdan ikisi, Azərbaycanın kişilər arasında hazırkı çempionu Məhəmməd Muradlı və gənc şahmatçı Aydın Süleymanlı qələbə qazanıblar. Hər iki şahmatçının birinci turdakı oyunları heç-heçə başa çatıb. İlk turda uğurla çıxış edən Vüqar Əsədli bu dəfə məğlub olub. Ülviyyə Fətəliyeva, Xanım Balacayeva və Read Səmədov üçün də ikinci tur uğursuz olub.xeber100.com

Futbol üzrə Avropa çempionatının seçmə mərhələsində

Futbol üzrə Avropa çempionatının seçmə mərhələsində iştirak edəcək qadınlardan ibarət Azərbaycan milli komandasının keçirəcəyi oyunların təqvimi müəyyənləşib.Azərtac AFFA-ya istinadla xəbər verir ki, millimiz oktyabrın 4-də səfərdə İspaniya, noyabrın 7-də Bakıda Çexiya, üç gün sonra isə yenidən səfərdə Moldova komandası ilə qarşılaşacaq. Yığmamız gələn il martın 11-də Polşanı qəbul edəcək. Komandalar arasında cavab oyunu aprelin 10-da təşkil olunacaq. Futbolçularımız iyunun 5-də Çexiya yığmasının qonağı olacaqlar. Komandamız sentyabrın 16-da Moldova, ayın 22-də isə İspaniya millisini qəbul edəcək.xeber100.com

Aerobika gimnastikası üzrə Avropa çempionatı keçiriləcək

Mayın 24-26-da Bakıda ilk dəfə aerobika gimnastikası üzrə Avropa çempionatı keçiriləcək.Azərtac Azərbaycan Gimnastika Federasiyasına istinadla xəbər verir ki, gimnastikanın müxtəlif növləri üzrə bir çox irimiqyaslı yarışlara ev sahibliyi edən Milli Gimnastika Arenası bu dəfə öz qapılarını Avropanın dinamik və enerjili gimnastika növünün təmsilçilərinə açacaq. Üç gün davam edəcək çempionatda aerobika gimnastları medallar uğrunda mübarizə apararaq, öz aralarında ən güclüləri müəyyənləşdirəcəklər.Böyük və gənc gimnastlar fərdi qadın və kişi, qarışıq cütlük, üçlük, qrup, həmçinin aero dans, aero step (yalnız böyüklər) proqramında yarışacaqlar. Qaydalara əsasən, bir iştirakçı bu kateqoriyaların maksimum 3-də çıxış edə biləcək. Komanda hesabında qaliblər isə 5 ən yaxşı çıxışa görə müəyyən ediləcək.On birinci Avropa çempionatda hər bir kateqoriya üzrə təsnifat və final mərhələləri baş tutacaq.xeber100.com