Stolüstü Tennis Federasiyasının məlumatı

Budapeştdə keçirilən stolüstü tennis üzrə yeniyetmələr arasında beynəlxalq turnirə yekun vurulub.Stolüstü Tennis Federasiyasından Trend-ə verilən məlumata görə, turnirdə qızlardan ibarət komandamız uğurla çıxış edərək iki medal qazanıb. Yarışların ikinci günündə fərdi birincilikdə mübarizə aparan Arzu Aslanova gümüş medala sahib olub. Bundan əvvəl isə Arzu Aslanovanın, Mərziyyə Nurmətovanın və Aysu Ağayevanın yer aldığı komanda fəxri kürsünün üçüncü pilləsində qərarlaşıb.Turnirdə oğlanlardan və qızlardan ibarət komandalarımız məşqçilər Elnur Hidayətzadənin və Ramil Cəfərovun rəhbərliyi ilə mübarizə aparıb.xeber100.com

“Qarabağ” klubu 5 yoxlama oyununda qüvvəsini sınayacaq

“Qarabağ” futbol klubu bu gün səhər saatlarında Türkiyəyə yola düşüb. Qurban Qurbanovun kollektivi qardaş ölkədə 3 həftəlik hazırlıq keçəcək. Milli.az bildirir ki, "Qarabağ" Antalyada olduğu müddətdə 5 yoxlama oyununda qüvvəsini sınayacaq. Qurban Qurbanovun komandası yanvarın 12-də Rumıniyanın "Botoşani", 16-sı Özbəkistanın "Paxtakor", 19-u Çexiyanın "Bohemians", 23-ü Polşanın "Piast" və 26-sı Ukraynanın "Şaxtyor" (Donetsk) klublarıyla qarşılaşacaq. Ağdamlılar bir gün sonra isə Bakıya dönəcək.xeber100.com

“Real Madrid” futbol klubunun qərarına əsasən…

"Real Madrid" yarımmüdafiəçisi Luka Modriçlə vidalaşmaq fikrindədir.Milli.az xəbər verir ki, xorvatiyalı orta sahə oyunçusunun oyunundakı geriləmə rəhbərliyin qərarına təsir göstərib. "Qızıl top"un son qalibinin zəif çıxışını klub prezidenti Florentino Peres yaşı ilə əlaqələndirib. Bu səbəbdən o, yayda 33 yaşlı oyunçunu satmağı planlaşdırır. "Kral klubu"nun Modriçə yeni müqavilə təklif etməməsi də məhz bununla bağlıdır.Qeyd edək ki, Luka Modriçin Real-la müqavilə müddəti 2020-ci ilin yayına qədərdir.xeber100.com

“Yuventus” futbol klubu yeni müqavilə imzalayacaq

"Yuventus"un hücumçusu Mario Mandzukiç Turin klubundan ayrılmayacaq.Milli.az xəbər verir ki, xorvatiyalı futbolçu "qoca sinyora" ilə müqaviləsinin müddətini uzatmağa yaxındır. Tərəflər arasında bir müddətdir davam edən danışıqlar yekunlaşmaq üzrədir. 32 yaşlı forvardın yaxın günlərdə İtaliya klubu ilə 2 illik sözləşmə imzalayacağı gözlənilir. Yeni anlaşmaya əsasən, onun illik maaşı 7,5 milyon avro olacaq.Qeyd edək ki, Mandzukiçin hazırkı müqaviləsi 2020-ci ilə qədərdir və futbolçu ilinə 4,5 milyon avro qazanır.xeber100.com

Şahmat üzrə altıncı turun oyunlarına yekun vurulub

İtaliyanın Villorba şəhərində şahmat üzrə üçüncü “Vergani Cup” festivalında altıncı turun oyunlarına yekun vurulub.Azərtac xəbər verir ki, Azərbaycan şahmatçısı Ülviyyə Fətəliyeva (2301) sonuncu turda Rusiya təmsilçisi Yekaterina Dyakonova üzərində qələbə qazanaraq xalların sayını 3-ə çatdırıb. O, bu nəticə ilə turnir cədvəlində 34-cü yerdən 25-ci pilləyə yüksəlib.40 iştirakçının (13 qrossmeyster) qatıldığı turnirə yanvarın 6-da yekun vurulacaq.xeber100.com

“Bournemouth” futbol klubu iki futbolçu transfer edib

İngiltərənin “Bournemouth” klubu “Liverpul”un iki futbolçusunu transfer edib.Azərtac “Bournemouth” klubunun saytına istinadla xəbər verir ki, 27 yaşlı müdafiəçi Nataniel Klayn icarə əsasında yeni komandada forma geyəcək. İyirmi bir yaşlı hücumçu Dominik Solanke ilə isə birdəfəlik müqavilə imzalanıb. “Bournemouth” bu futbolçunun transferi üçün “Liverpul”a 19 milyon funt sterlinq ödəyib.Xatırladaq ki, D.Solanke cari mövsümdə “Liverpul”un heyətində 27, N.Klayn isə 5 oyunda meydana çıxıb.Hər iki futbolçu İngiltərə millisinin də heyətində yer alıb.xeber100.com

“Mançester Siti” klubu “Liverpul” komandasını qəbul edib

Yanvarın 4-də İngiltərə Premyer Liqasının 21-ci turuna yekun vurulub.Azərtac xəbər verir ki, turun mərkəzi qarşılaşması "Etihad" stadionunda olub. Son çempion "Mançester Siti" doğma meydanda turnir cədvəlinin hazırkı lideri “Liverpul” komandasını qəbul edib. Görüşə hər iki komanda qarşılıqlı hücumlarla başlayıb. Matçın 16-cı dəqiqəsində “Liverpul” komandasının braziliyalı hücumçusu Roberto Firmino qapıçı ilə təkbətək qalsa da, vurduğu top qapı dirəyindən qayıdıb. Birinci hissənin sonlarında meydan sahibləri qol vurmağa nail olublar. Bernardo Silvanın ötürməsindən sonra Serxio Aquera qapı çərçivəsinin yaxın küncünə qüvvətli zərbə endirib - 0:1.İkinci hissənin 64-cü dəqiqəsində qonaqların hücumu qolla nəticələnib. Aleksander Arnoldun cərimə meydançasına diaqonal ötürməsini Roberto Firmino dəqiq zərbə ilə tamamlayıb - 1:1. Qarşılaşmanın 70-ci dəqiqəsində "şəhərli"lər yenidən hesabda önə keçib. Rəhim Sterlinqin meydanın mərkəzindən verdiyi ötürmə Leroy Saneni qapıçı ilə təkbətəkə çıxardıb. Sonuncu fürsəti əldən verməyərək adını tabloya yazdırıb - 2:1. Qalan dəqiqələrdə hər iki komandanın cəhdlərinə baxmayaraq hesab dəyişilməyib. Beləliklə, “Liverpul” cari mövsümün ilk məğlubiyyətin qazanıb. Növbəti turda “Liverpul” səfərdə “Brayton”la qarşılaşacaq, “Mançester Siti” isə doğma meydanda “Vulverhempton” komandasını qəbul edəcək.xeber100.com  

İspaniya La Liqasının 17-ci turunun oyunu keçirilib

Yanvarın 4-də İspaniya La Liqasının 17-ci turunun təxirə salınmış oyunu keçirilib.Azərtac xəbər verir ki, “Villyareal” doğma meydanda “Real Madrid” komandasını qəbul edib. Görüş 2:2 hesablı heç-heçə ilə başa çatıb. Meydan sahiblərinin heyətində hər iki qolu Santi Kazorla (4, 82) vurub, “kral” klubunun heyətində isə Kərim Benzema (7) və Rafael Varan (20) fərqləniblər. Bu heç-heçədən sonra “Real Madrid” turnir cədvəlində 30 xalla dördüncü, “Villyareal” isə 16 xalla 17-ci yerdə qərarlaşıb.xeber100.com

UEFA Avropa Liqasının hazırlıq kampaniyası çərçivəsində

Bakı Olimpiya Stadionunda keçiriləcək UEFA Avropa Liqasının final oyununa hazırlıq kampaniyası çərçivəsində millimizin və “Neftçi”nin hücumçusu Mirabdulla Abbasovun azarkeşlərlə görüşü təşkil olunub.Azərtac xəbər verir ki, “Avropa Liqası Muzeyi”ndə təşkil olunan görüşdə ziyarətçilər futbolçu ilə yaxından tanış olub, ondan imza alıb, eləcə də şəkil çəkdiriblər.Qeyd edək ki, 2017-ci il sentyabrın 20-də UEFA İcraiyyə Komitəsi tərəfindən 2019-cu ildə futbol üzrə UEFA Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.Final oyunu bu il mayın 29-da keçiriləcək.xeber100.com

Şahmat üzrə dördüncü tura yekun vurulub

İtaliyanın Villorba şəhərində keçirilən şahmat üzrə üçüncü “Vergani Cup” festivalında dördüncü tura yekun vurulub.Azərtac xəbər verir ki, 40 iştirakçının (13 qrossmeyster) qatıldığı elit turnirdə Azərbaycan təmsilçisi Ülviyyə Fətəliyeva (2301) sonuncu turda daha bir xal qazanıb. Hazırda təmsilçimiz 1,5 xalla turnir cədvəlində 35-ci pillədədir.Turnirə 3,5 xalla İtaliya təmsilçisi Pier Luigi Basso (2522) başçılıq edir.Festivala yanvarın 6-da yekun vurulacaq.xeber100.com