“Qalatasaray” italiyalı hücumçu ilə müqavilə imzalayacaq

"Nitsa"nın heyətdə düşünmədiyi Mario Balotelli karyerasını Türkiyədə davam etdirə bilər.Milli.az xəbər verir ki, 28 yaşlı forvardın xidmətində "Qalatasaray" maraqlıdır. Türkiyə mətbuatının yazdığına görə, "cim bom" italiyalı hücumçunu müqavilə imzalamaq üçün İstanbula gətirib.Qeyd edək ki, Balotellinin Fransa klubu ilə müqaviləsi yayda başa çatacaq. O, cari mövsümdə "Nitsa"nın heyətində 10 oyunda meydana çıxıb, qol vura bilməyib.xeber100.com

“Sivasspor” futbol klubu “Lester Siti”nin hücumçusunu heyətinə qatıb

Türkiyənin “Sivasspor” futbol klubu “Lester Siti” komandasının hücumçusu Fusseni Diabateni heyətinə qatıb.Azərtac “Sivasspor”un saytına istinadla xəbər verir ki, 23 yaşlı afrikalı hücumçu cari mövsümün sonuna qədər icarə əsasında “Sivasspor”da forma geyəcək.Cari mövsümdə F.Diabate “Lester Siti”nin heyətində dörd oyunda meydana çıxıb.xeber100.com

Azərbaycan yığma komandasının təlim-məşq toplanışı olacaq

Yanvarın 14-dən 20-dək Bakıda 2001-2002-ci il təvəllüdlü futbolçulardan ibarət Azərbaycan yığma komandasının təlim-məşq toplanışı olacaq.Azərtac xəbər verir ki, baş məşqçi Samir Əliyevin rəhbərlik etdiyi komanda toplanış müddətində 3 yoxlama oyunu keçirəcək. Yığma yanvarın 15-də Avropa çempionatının elit-raunduna hazırlaşan U-19-la, yanvarın 17-də və 20-də isə müvafiq olaraq “Baku City” və “Keşlə-2” komandaları ilə qarşılaşacaq.xeber100.com

Futzal üzrə 2018/2019-cu il mövsümünə start veriləcək

Bu gün futzal üzrə Azərbaycan kuboku yarışlarında 2018/2019-cu il mövsümünə start veriləcək. Bu dəfə mübarizə 1/32 final mərhələsindən başlayacaq.Azərtac Azərbaycan Futzal Federasiyasına istinadla xəbər verir ki, reqlamentə əsasən, Birinci və İkinci liqa komandaları bir-birinə rəqib olacaq. Oyunlar 3 gün ərzində - yanvarın 11-də, 12-də və 13-də “Olimpik Star”da keçiriləcək. Bu mərhələnin qalibləri daha sonra 1/16 finalda rəqib olacaqlar. Yüksək Liqa iştirakçıları 1/8 finaldan başlayaraq kubok oyunlarında iştirak edəcəklər.İlk oyun günündə “Green Log”-“Baker Tilly”, U-19–“Advokat”, “Şərq”–“Borçalı” və ADBTİA-“Baker Hughes” qarşılaşmaları keçiriləcək.Əvvəlki 24 kubok mövsümündə 10 komanda yarışın qalibi olub. Müxtəlif adlarla çıxış edən “Neftçi” hamıdan çox – 6 dəfə kuboku başı üzərinə qaldırıb. “Araz” 5 dəfə bu mükafata sahib olub. Digər kubok sahiblərindən EKOL 3, “Avtomobilçi”, “Azərneftyanacaq” və “Gömrükçü” hərəyə 2 dəfə kubokun qalibi adına yiyələnib. Dörd komanda isə bir dəfə belə uğura nail olub. “Nabspor”, “Turan AİR”, “Fənər” və “Marafon Futsal” mövsümündə kuboku qazanıb. Maraqlıdır ki, kubokun son qalibi, eləcə də finalçı komanda cari mövsümdə iştirak etmir.xeber100.com

Voleybol üzrə Avropa çempionatının püşkü atılacaq

Yanvarın 23-də İstanbulda qadın voleybolçulardan ibarət komandalar arasında Avropa çempionatının püşkü atılacaq.Azərtac xəbər verir ki, Azərbaycan millisi püşkatma zamanı üçüncü səbətdə yer alacaq. Azərbaycan ilə yanaşı, Belarus, Ukrayna və Fransa yığmaları da bu səbətdə qərarlaşıblar.Birinci səbətdə Serbiya, Hollandiya, İtaliya, Rusiya, ikinci səbətdə Almaniya, Belçika, Bolqarıstan, Xorvatiya, dördüncü səbətdə Rumıniya, Finlandiya, İspaniya, Sloveniya, beşinci səbətdə isə Portuqaliya, İsveçrə, Yunanıstan və Estoniya yığmaları yer alıblar.Püşkün nəticəsinə görə, milli komandalar beş qrupda mübarizə aparacaqlar.Avropa çempionatı avqustun 23-dən sentyabrın 8-dək Türkiyə, Polşa, Macarıstan və Slovakiyada təşkil olunacaq.xeber100.com  

UFC kateqoriyası üzrə yeni reytinq açıqlanıb

Qarışıq döyüş növlərinin (MMA) UFC kateqoriyası üzrə yeni reytinqi açıqlanıb.Azərtac xəbər verir ki, rusiyalı Həbib Nurmaqomedov reytinqində bir pillə geriləyib. Otuz yaşlı samboçu üçüncü pilləyə enib. O, yerini ABŞ idmançısı Con Consa verib. İlk sırada isə amerikalı Deniel Kormye qərarlaşıb.Konor Makqreqor da bir pillə geriləyib, o hazırda 9-cu yerdədir.Xatırladaq ki, H.Nurmaqomedov oktyabrın 7-də irlandiyalı Konor Makqreqoru məğlub edərək çempionluq kəmərini qoruyub. Rusiyalı döyüş ustası qarışıq döyüş növləri üzrə keçirdiyi 27 qarşılaşmanın hamısında qalib gəlib.xeber100.com  

“Qalatasaray” futbol klubu yeni müdafiəçi transfer edib

İstanbulun “Qalatasaray” futbol klubu müdafiəçi Markos Nasimento Teixeiranı transfer edib.Azərtac “Qalatasaray” klubunun saytına istinadla xəbər verir ki, 22 yaşlı müdafiəçi Braziliyanın “Atletiko Paranens” komandasından transfer olunub.Braziliyalı futbolçu cari mövsümdə “Atletiko Paranens”in heyətində 22 oyunda iştirak edib.xeber100.com  

“Bakı Şəhər Halqası” Əməliyyat Şirkətinin məlumatı

“Bakı Şəhər Halqası” Əməliyyat Şirkəti (BŞH) aprelin 26-28-də dördüncü dəfə keçiriləcək Formula 1 Azərbaycan Qran-Prisinə yerli media nümayəndələrinin akkreditasiyasına start verib.BŞH-dən Azərtac-a bildiriblər ki, Azərbaycan Qran-Prisi də daxil olmaqla bütövlükdə 2019-cu il Formula 1 dünya çempionatında yer alan hər bir yarış üçün media nümayəndələrinin akkreditasiyası Beynəlxalq Avtomobil Federasiyası (FIA) və “Formula One Management” (FOM) şirkəti tərəfindən kurasiya olunur.Yerli media nümayəndələrinin yarışa qeydiyyatı əməliyyat şirkətinin vasitəçiliyi ilə həyata keçirilir. Akkreditasiya prosesi fevralın 28-dək davam edəcək. Qeydiyyatdan keçmək istəyən jurnalistlər BŞH-nin rəsmi veb-səhifəsinə daxil olaraq müvafiq formanı doldurmalı və tələb olunan sənədləri sistemə yüklədikdən sonra onlayn qaydada müraciət etməlidirlər. Natamam və ya vaxtından gec göndərilmiş müraciət formaları nəzərə alınmayacaq.BŞH-nin marketinq və kommunikasiya şöbəsinin rəhbəri, milli mətbuat katibi Nigar Arpadarai yerli media nümayəndələrini qeydiyyatdan keçməyə çağıraraq deyib: “Formula 1 yarışlarında iştirak edən media nümayəndələri müəyyən rəsmi standartlara və kriteriyalara əməl etməlidirlər. Yalnız həmin göstəricilərə tam cavab verən jurnalistlər FIA və FOM-un təsdiqi ilə yarışa buraxılış vəsiqəsi əldə edəcəklər. Fürsətdən istifadə edərək yarışı işıqlandırmaq istəyən bütün jurnalistləri bu kriteriyalarla yaxından tanış olmağa və Formula 1 Azərbaycan Qran-Prisinə gecikmədən qeydiyyatdan keçməyə çağırırıq”.xeber100.com

Cüdoçular arasında Azərbaycan birinciliyi davam edir

“Sərhədçi” Olimpiya İdman Kompleksində yeniyetmə cüdoçular arasında Azərbaycan birinciliyi davam edir.Azərtac xəbər verir ki, yarışda 80 klubdan 612 cüdoçu medallar uğrunda mübarizə aparır. Birinciliyin ilk günündə qızlar və oğlanlar arasında üç çəki dərəcəsində qaliblər müəyyənləşib.Respublika birinciliyinin mükafatçılarına medallar, Gənclər və İdman Nazirliyinin, Azərbaycan Cüdo Federasiyasının fəxri fərmanları və diplomları təqdim olunub.Birinciliyə yanvarın 11-də yekun vurulacaq.xeber100.com

Güləş üzrə yeni ilin hazırlıqlarına start verilib

Sərbəst güləş üzrə Azərbaycan yığması yeni ilin hazırlıqlarına start verib. Millimizin ilk təlim-məşq toplanışını ölkə xaricində - Mahaçqalada təşkil olunub.Trend-in məlumatına görə, komandamız baş məşqçi Saypulla Absaidov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun rəhbərliyi ilə hazırlıq keçirlər.Yerli güləşçilərlə birgə baş tutan toplanış yanvarın 20-dək davam edəcək. Turnirlərə daha yaxşı hazırlaşmaq üçün təşkil olunan təlim-məşq toplanışı başa çatdıqdan sonra yığmamız bir sıra yarışlarda iştirak edəcək.xeber100.com