Transferə ən çox pul xərcləyən klublar müəyyənləşib

Son 10 ildə transferə ən çox pul xərcləyən 10 klub müəyyənləşib.Milli.az həmin siyahını təqdm edir: 1. Mançester Siti (İngiltərə) 1 milyard 500 milyon avro 2. Çelsi (İngiltərə) - 1 milyard 250 milyon avro 3. Barselona (İspaniya) - 1 milyard 200 milyon avro 4. PSJ (Fransa) - 1 milyard 90 milyon avro 5. Yuventus (İtaliya) - 1 milyard 140 milyon avro 6. Mançester Yunayted (İngiltərə) - 1 milyard 60 milyon avro 7. Liverpul (İngiltərə) - 1 milyard 50 milyon avro 8. Real (İspaniya) - 1 milyard 50 milyon avro 9. İnter (İtaliya) - 770 milyon avro 10. Atletiko (İspaniya) - 744 milyon avro.xeber100.com

Ən çox qol vuran futbolçuların siyahısı açıqlanıb

2018-ci ildə ən çox qol vuran futbolçular müəyyənləşib.Milli.Az fanat.az-a istinadən xəbər verir ki, siyahıya Kriştiano Ronaldo başçılıq edir. O, başa vurmaqda olduğumuz ildə həm "Real"ın, həm də "Yuventus"un heyətində fərqlənib.İkinci pillədə qərarlaşan "Barselona"lı Lionel Messi Ronaldodan iki qolla geri qalır. İlk "üçlüy"ü sürpriz şəkildə "Kasımpaşa"nın futbolçusu Mbaye Diangne qapayır. 1. Kriştiano Ronaldo (Real, Yuventus) - 36 2. Lionel Messi (Barselona) - 34 3. Mbaye Diangne (Kasımpaşa) - 32 4. Məhəmməd Salah (Liverpul) - 28 5. Luis Suares (Barselona) - 26 6. Harri Keyn (Tottenhem), Florian Thauvin (Marsel) - 25 7. Robert Levandovski (Bavariya) - 24 8. Pyer-Emerik Aubamenyanq (Arsenal), Siro İmmobile (Latso), Kristian Stuani (Jirona) - 23 9. Nikolas Pepe (Lill), Mauro İkardi (İnter), İaqo Aspas (Selta), Antoine Qrizmann (Atletiko) - 21 10. Alassane Plea (Nitsa, Borussiya Münhenqladbax) – 20/xeber100.com

“Mançester Siti” futbol klubunun futbolçusu transfer edildi

"Real" "Mançester Siti"dən futbolçu transfer edir.Milli.az xəbər verir ki, Madrid klubu Brahim Diazı heyətinə qatmağa hazırlaşır. Artıq tərəflərin 13,5 milyon funt-sterlinqə (təxminən 15 milyon avro) transferi razılaşdırdığı bildirilir. "Real" Diazla 6 illik müqavilə imzalayacaq.Qeyd edək ki, "Mançester Siti" Diazı 2014-cü ildə - 15 yaşında "Malaqa"dan 350 min avroya transfer edib. İspaniya U-21-nin Mərakeş əsilli yarımmüdafiəçisi bu mövsüm Premyer Liqa klubunun əsas heyətində 4 oyuna çıxıb və 2 qol vurub.xeber100.com

Beynəlxalq Şahmat Federasiyası barışıq sazişi imzalayıb

Beynəlxalq Şahmat Federasiyası (FIDE) ilə bu təşkilatın keçmiş rəhbəri, rusiyalı Kirsan İlyumjinov arasında barışıq sazişi imzalanıb.FIDE-nin mətbuat xidmətinin bu barədə məlumatında qeyd edilir ki, tərəflər arasında saziş İlyumjinovun vəzifədən müvəqqəti kənarlaşdırılmasının müddətinə aiddir. Bu il iyulun 13-də FIDE-nin etika komissiyası həmin dövrdə təşkilatın prezidenti olan İlyumjinovu 18 ay müddətinə bu təşkilatda hər hansı vəzifə tutmaq hüququndan məhrum edib. Avqust ayında İlyumjinov bu qərardan İdman Arbitraj Məhkəməsinə (CAS) apellyasiya şikayəti verib. Noyabrın 27-də tərəflər arasında barışıq sazişi əldə edilib. Bu saziş FIDE-nin etika komissiyası və prezident şurası tərəfindən bəyənilib.Azərtac bildirir ki, dekabrın 21-də CAS həmin sazişi ratifikasiya edib. Əldə edilmiş razılaşmaya görə, İlyumjinovun vəzifədən kənarlaşdırılması barədə qərarın qüvvədə olma müddəti bu sənədin CAS-ın müstəqil qrupu tərəfindən ratifikasiya edildiyi gündə başa çatır.FIDE-nin mətbuat xidmətinin məlumatında deyilir: "FIDE vurğulamaq istəyir ki, bu saziş FIDE ilə İlyumjinov arasında mübahisəni tamamilə və qəti şəkildə nizamlayır. Bundan əlavə, İlyumjinov onun istər bu mübahisə ilə əlaqədar, istərsə də təşkilatdakı digər işləri çərçivəsində FIDE-yə heç bir iddiası olmadığını təsdiqləyir".xeber100.com

İtaliya A Seriyasında 19-cu turun oyunlarında…

İtaliya A Seriyasında 19-cu turun oyunları davam edir. Milli.az xəbər verir ki, daha 7 qarşılaşma keçirilib. "İnter" və "Roma" turu və ili qələbə ilə başa vurublar. Milan təmsilçisi səfərdə "Empoli"ni, paytaxt klubu isə "Parma"nı məğlub edib. "Atalanta" isə qonağı olduğu "Sassuolo"nun qapısından 6 top keçirib. Qeyd edək ki, tura bu gün keçiriləcək "Napoli" - "Bolonya" və "Milan" - SPAL görüşləri ilə yekun vurulacaq. Xatırladaq ki, günün ilk oyununda "Yuventus" evdə Kriştiano Ronaldonun vurduğu qollarla "Sampdoriya"nı 2:1 hesabı ilə məğlub edib.xeber100.com

Qılıncoynatma Federasiyasında ümumi yığıncaq keçirilib

Azərbaycan Qılıncoynatma Federasiyasında (AQF) ilin idman yekunu ilə bağlı ümumi yığıncaq keçirilib.Trend-in məlumatına görə, kollektivi Dünya Azərbaycanlılarının Həmrəylik Günü və Yeni il münasibətilə təbrik edən baş katib V.Məmmədov cari ildə qılıncoynadanlarımızın müxtəlif beynəlxalq turnirlərdə, dünya və Avropa çempionatlarında, dünya kuboku kimi məsul yarışlarda iştirak etdiklərini, həmçinin mütəmadi olaraq xarici ölkələrdə keçirilən təlim-məşq toplanışlarına yollandığını bildirib.Vasif Məmmədov çıxışında növbəti ildə yerli məşqçilərlə yanaşı, beynəlxalq təcrübəyə malik mütəxəssislərin də federasiya ilə əməkdaşlığa cəlb olunacaqlarını deyib.İnteraktiv şəkildə keçirilən iclasda məşqçilərlə müxtəlif məsələlər ətrafında fikir mübadiləsi aparılıb, gələcək üçün hədəflər müəyyənləşdirilib.xeber100.com

2018-ci ilin ən yaxşı on idmançısının adı açıqlanıb

Azərbaycan Milli Paralimpiya Komitəsi (AMPK) 2018-ci ilin ən yaxşı on idmançısının adını açıqlayıb.AMPK-dan Azərtac-a bildiriblər ki, paracüdoçular Bayram Mustafayev, İlham Zəkiyev və Şəhanə Hacıyeva ilin ən yaxşısı seçiliblər. Fərqlənənlər arasında parataekvondoçu Aynur Məmmədova, atletlər Oloxan Musayev və Samir Nəbiyev də yer alıblar. Eləcə də Pərvin Məmmədov, Elşən Hüseynov (hər ikisi pauerliftinq), Raman Salei (üzgüçülük) və Bəhruz Mirzəyev (boccia) cari ildəki çıxışlarına görə fərqləniblər.xeber100.com

Şahmat üzrə rapid yarışlarında növbəti oyunları keçirilib

Rusiyanın Sankt-Peterburq şəhərində şahmat üzrə rapid yarışlarında ikinci günün oyunları keçirilib.Azərtac xəbər verir ki, kişilər arasında 206, qadınların yarışında isə 124 şahmatçının mübarizə apardığı çempionatda 10 turun nəticələrinə əsasən Azərbaycan şahmatçıları Şəhriyar Məmmədyarov və Qədir Hüseynov hərəyə 6,5 xal toplayıblar. Rauf Məmmədovun isə 5,5 xalı var.Qadınların yarışında səkkiz turdan sonra Gülnar Məmmədova 5,5 xalla 13-cü pillədədir. Günay Məmmədzadənin aktivində 4,5 xal var. Zeynəb Məmmədyarova 4, Türkan Məmmədyarova isə 3,5 xal toplayıb.Dekabrın 28-dək keçiriləcək kişilərin yarışları 15, qadınların turniri isə 12 turdan ibarətdir.Blits üzrə dünya çempionatı isə dekabrın 29-30-da keçiriləcək.xeber100.com

Taekvondo üzrə respublika çempionatının ikinci gününə start verilib

Dekabrın 28-də Azərbaycan Boks Federasiyasının idman zalında böyüklər arasında taekvondo üzrə respublika çempionatının ikinci gününə start verilib.Azərtac xəbər verir ki, yarışın sonuncu günündə kişilər arasında 58, 68 və 74, qadınların mübarizəsində 53 və 73 kiloqram çəki dərəcələrində qaliblər müəyyənləşəcək.Azərbaycan Taekvondo Federasiyasının (ATF) təşkilatçılığı, Gənclər və İdman Nazirliyinin dəstəyi ilə keçirilən turnirdə paytaxtda və bölgələrdə fəaliyyət göstərən taekvondo bölmələrinin və klublarının 2001-ci il təvəllüdlü və daha böyük yaş qruplarının idmançıları mübarizə aparırlar.Yüzədək taekvondoçunun iştirak etdiyi çempionatda şəxsi və komanda hesabında qaliblər müəyyənləşəcək.Yarışın məqsədi Azərbaycanda taekvondonun təbliği və inkişaf etdirilməsi, respublikada fəaliyyət göstərən taekvondo bölmələrinin işinin təkmilləşdirilməsi, böyüklər arasında kişilər və qadınlar üzrə yığma komandanın tərkibinin müəyyənləşdirilməsi, idmançıların təcrübəsinin və ustalığının artırılmasıdır.Çempionatın şəxsi birincilik yarışında fəxri yerləri tutmuş idmançılara müvafiq dərəcəli diplom və medallar, komanda birinciliyində fəxri yer tutmuş klublara isə kuboklar təqdim olunacaq.DAEDO beynəlxalq taekvondo qaydaları üzrə keçirilən yarışlarda “videotəkrar” sistemi tətbiq edilir.xeber100.com

İtaliya A Seriyasında 18-ci turun oyunları keçirilib

Dekabrın 26-da İtaliya A Seriyasında 18-ci turun oyunları keçirilib.Azərtac xəbər verir ki, turun gözlənilməz hesabı “Atleti Azzurri İtalia” stadionunda qeydə alınıb. Son çempion “Yuventus” səfərdə “Atalanta” komandasının qonağı olub. Görüş 2:2 hesabı ilə başa çatıb. Gərgin keçən qarşılaşmada hesabı erkən qolla Turin təmsilçisi açıb. Miralim Pyaniçin ötürməsindən sonra top “Atalanta” klubunun müdafiəçisi Berat Djimsitinin ayağına dəyərək qapıdan keçib – 0:1. Qoldan sonra irəli atılan meydan sahibləri matçın 24-cü dəqiqəsində hesaba tarazlıq gətirib. Duvan Sapata fərdi ustalığı sayəsində rəqibin iki müdafiəçisini keçərək qapıya qüvvətli zərbə endirib – 1:1.Fasiləyə komandalar heç-heçə ilə yollanıb.Qarşılaşmanın ikinci hissəsinin 56-cı dəqiqəsində “Atalanta” klubu hesabda önə keçib. Duvan Zapata adını tabloya yazdıraraq oyunda dublun rəsmiləşdirib – 2:1. Matçın 78-ci dəqiqəsində “qoca sinyora” hesabı bərabərləşdirməyə nail olub. Belə ki, Miralim Pyaniçin künc ötürməsindən sonra “Atalanta”nın cərimə meydançasında yaranmış qarışıqlıqdan Kriştino Ronaldo dəqiq baş zərbəsi ilə istifadə edib. Bu, “Yuventus”un ulduz oyunçusunun cari mövsümdə vurduğu 12-ci qoldur. Qalan dəqiqələrdə hər iki komandanın cəhdlərinə baxmayaraq, hesab dəyişməyib.xeber100.com