2018-ci ilin ən yaxşı on idmançısının adı açıqlanıb

Azərbaycan Milli Paralimpiya Komitəsi (AMPK) 2018-ci ilin ən yaxşı on idmançısının adını açıqlayıb.AMPK-dan Azərtac-a bildiriblər ki, paracüdoçular Bayram Mustafayev, İlham Zəkiyev və Şəhanə Hacıyeva ilin ən yaxşısı seçiliblər. Fərqlənənlər arasında parataekvondoçu Aynur Məmmədova, atletlər Oloxan Musayev və Samir Nəbiyev də yer alıblar. Eləcə də Pərvin Məmmədov, Elşən Hüseynov (hər ikisi pauerliftinq), Raman Salei (üzgüçülük) və Bəhruz Mirzəyev (boccia) cari ildəki çıxışlarına görə fərqləniblər.xeber100.com

Şahmat üzrə rapid yarışlarında növbəti oyunları keçirilib

Rusiyanın Sankt-Peterburq şəhərində şahmat üzrə rapid yarışlarında ikinci günün oyunları keçirilib.Azərtac xəbər verir ki, kişilər arasında 206, qadınların yarışında isə 124 şahmatçının mübarizə apardığı çempionatda 10 turun nəticələrinə əsasən Azərbaycan şahmatçıları Şəhriyar Məmmədyarov və Qədir Hüseynov hərəyə 6,5 xal toplayıblar. Rauf Məmmədovun isə 5,5 xalı var.Qadınların yarışında səkkiz turdan sonra Gülnar Məmmədova 5,5 xalla 13-cü pillədədir. Günay Məmmədzadənin aktivində 4,5 xal var. Zeynəb Məmmədyarova 4, Türkan Məmmədyarova isə 3,5 xal toplayıb.Dekabrın 28-dək keçiriləcək kişilərin yarışları 15, qadınların turniri isə 12 turdan ibarətdir.Blits üzrə dünya çempionatı isə dekabrın 29-30-da keçiriləcək.xeber100.com

Taekvondo üzrə respublika çempionatının ikinci gününə start verilib

Dekabrın 28-də Azərbaycan Boks Federasiyasının idman zalında böyüklər arasında taekvondo üzrə respublika çempionatının ikinci gününə start verilib.Azərtac xəbər verir ki, yarışın sonuncu günündə kişilər arasında 58, 68 və 74, qadınların mübarizəsində 53 və 73 kiloqram çəki dərəcələrində qaliblər müəyyənləşəcək.Azərbaycan Taekvondo Federasiyasının (ATF) təşkilatçılığı, Gənclər və İdman Nazirliyinin dəstəyi ilə keçirilən turnirdə paytaxtda və bölgələrdə fəaliyyət göstərən taekvondo bölmələrinin və klublarının 2001-ci il təvəllüdlü və daha böyük yaş qruplarının idmançıları mübarizə aparırlar.Yüzədək taekvondoçunun iştirak etdiyi çempionatda şəxsi və komanda hesabında qaliblər müəyyənləşəcək.Yarışın məqsədi Azərbaycanda taekvondonun təbliği və inkişaf etdirilməsi, respublikada fəaliyyət göstərən taekvondo bölmələrinin işinin təkmilləşdirilməsi, böyüklər arasında kişilər və qadınlar üzrə yığma komandanın tərkibinin müəyyənləşdirilməsi, idmançıların təcrübəsinin və ustalığının artırılmasıdır.Çempionatın şəxsi birincilik yarışında fəxri yerləri tutmuş idmançılara müvafiq dərəcəli diplom və medallar, komanda birinciliyində fəxri yer tutmuş klublara isə kuboklar təqdim olunacaq.DAEDO beynəlxalq taekvondo qaydaları üzrə keçirilən yarışlarda “videotəkrar” sistemi tətbiq edilir.xeber100.com

İtaliya A Seriyasında 18-ci turun oyunları keçirilib

Dekabrın 26-da İtaliya A Seriyasında 18-ci turun oyunları keçirilib.Azərtac xəbər verir ki, turun gözlənilməz hesabı “Atleti Azzurri İtalia” stadionunda qeydə alınıb. Son çempion “Yuventus” səfərdə “Atalanta” komandasının qonağı olub. Görüş 2:2 hesabı ilə başa çatıb. Gərgin keçən qarşılaşmada hesabı erkən qolla Turin təmsilçisi açıb. Miralim Pyaniçin ötürməsindən sonra top “Atalanta” klubunun müdafiəçisi Berat Djimsitinin ayağına dəyərək qapıdan keçib – 0:1. Qoldan sonra irəli atılan meydan sahibləri matçın 24-cü dəqiqəsində hesaba tarazlıq gətirib. Duvan Sapata fərdi ustalığı sayəsində rəqibin iki müdafiəçisini keçərək qapıya qüvvətli zərbə endirib – 1:1.Fasiləyə komandalar heç-heçə ilə yollanıb.Qarşılaşmanın ikinci hissəsinin 56-cı dəqiqəsində “Atalanta” klubu hesabda önə keçib. Duvan Zapata adını tabloya yazdıraraq oyunda dublun rəsmiləşdirib – 2:1. Matçın 78-ci dəqiqəsində “qoca sinyora” hesabı bərabərləşdirməyə nail olub. Belə ki, Miralim Pyaniçin künc ötürməsindən sonra “Atalanta”nın cərimə meydançasında yaranmış qarışıqlıqdan Kriştino Ronaldo dəqiq baş zərbəsi ilə istifadə edib. Bu, “Yuventus”un ulduz oyunçusunun cari mövsümdə vurduğu 12-ci qoldur. Qalan dəqiqələrdə hər iki komandanın cəhdlərinə baxmayaraq, hesab dəyişməyib.xeber100.com

Şahmat üzrə rapid yarışlarına start verilib

Rusiyanın Sankt-Peterburq şəhərində şahmat üzrə rapid yarışlarına start verilib.Azərtac xəbər verir ki, kişilər arasında 206, qadınların yarışlarında 124 şahmatçının mübarizə apardığı yarışların ilk günündə 5 turun oyunları keçirilib. Azərbaycanın tanınmış şahmatçısı Şəhriyar Məmmədyarov 5 turun nəticəsinə görə 4 xal toplayıb. O, bu nəticəyə görə turnir cədvəlində 5-ci yerdədir. Qədir Hüseynovun aktivində 3,5, Rauf Məmmədovun isə 3 xalı var. 4-cü turun nəticələrinə görə Gülnar Məmmədova 3, Günay Məmmədzadə 2,5, Zeynəb və Türkan Məmmədyarova bacıları isə hərəyə 2 xal qazanıblar.Turnir cədvəlinin lideri 4,5 xalla iranlı Alireza Firoujadır. Qadınların turnirində isə 4 xalla Çin şahmatçısı Vencun Cu liderlik edir.Yarışlar dekabrın 28-dək keçiriləcək. Kişilərin yarışları 15, qadınların turniri isə 12 turdan ibarətdir.Blits üzrə dünya çempionatı isə dekabrın 29-30-da təşkil ediləcək.xeber100.com

Taekvondo üzrə respublika çempionatına start verilib

Dekabrın 27-də Azərbaycan Boks Federasiyasının idman zalında böyüklər arasında taekvondo üzrə respublika çempionatına start verilib.Azərtac xəbər verir ki, Gənclər və İdman Nazirliyinin dəstəyi, Azərbaycan Taekvondo Federasiyasının (ATF) təşkilatçılığı ilə keçirilən çempionatda respublikamızda fəaliyyət göstərən taekvondo bölmələrinin və klublarının 2001-ci il və ondan böyük yaş qruplarının idmançıları mübarizə aparır.Çempionat Azərbaycanda taekvondonun təbliği və inkişaf etdirilməsi, respublikada fəaliyyət göstərən taekvondo bölmələrinin işinin təkmilləşdirilməsi, böyüklər arasında kişilər və qadınlar üzrə yığma komandanın tərkibinin müəyyənləşdirilməsi, ATF mütəxəssislərinin və hakimlərinin peşəkarlığının, idmançıların yarış təcrübəsinin və ustalığının artırılması məqsədi daşıyır.İki gün davam edəcək yarışa ATF-in hakimlər komitəsi rəhbərlik edir.“DAEDO” beynəlxalq taekvondo qaydaları üzrə keçirilən çempionatın sonunda hər çəki üzrə ilk üç yeri tutan idmançılar Gənclər və İdman Nazirliyinin təsis etdiyi müvafiq dərəcəli diplom və medallarla mükafatlandırılacaqlar.Kişi və qadın idmançıların 14 çəki dərəcəsində mübarizə apardığı yarışda 100-ə yaxın taekvondoçu iştirak edir.xeber100.com  

Fransanın PSJ futbol klubu yeni müqavilə imzalayıb

Fransanın PSJ futbol klubu italyan qapıçı Canluici Buffon ilə müqaviləni uzadıb.TASS xəbər verir ki, Buffon PSJ klubu ilə “1+1” illik müqavilə imzalayıb. Qapıçı cari mövsüm klubda 13 oyundan 8-də qol buraxmayıb.PSJ Fransa çempionatında liderliyini qoruyub saxlayır və ən yaxın izləyicisini 13 xalla qabaqlayır.Paris təmsilçisi Çempionlar Liqasının “C” qrupunda birinci olaraq 1/8 finala yüksəlib. Növbəti turda isə onlar İngiltərənin “Mançester Yunayted” klubuna qarşı oynayacaqlar.Qeyd edək ki, Buffon İtaliya millisinin heyətində 176 oyuna çıxıb və 2006-cı ildə Almaniyada keçirilən XVIII dünya çempionatının qalibi olub. Buffon “Yuventus” klubunun heyətində dörd dəfə İtaliya çempionluğunu bayram edib.xeber100.com

“Pari Sen-Jermen”in hücumçusu ilin futbolçusu seçilib

“Pari Sen-Jermen”in (PSJ) və Fransa milli komandasının hücumçusu Kilian Mbappe ölkəsində ilin ən yaxşı futbolçusu seçilib.“France Fottball” nəşri xəbər verir ki, 20 yaşlı hücumçu Rusiyada keçirilən futbol üzrə XXI dünya çempionatında milli komandasının tərkibində dünya çempionu olub və dünyanın ən yaxşı gənc futbolçusu elan edilib.K.Mbappe ötən mövsüm “PSJ”nin heyətində Fransa çempionu adını qazanıb. Bu mövsüm isə futbolçu bütün turnirlərdə 26 oyunda 19 qol və 4 məhsuldar ötürmənin müəllifi olub.xeber100.com

Rapid və blits üzrə açıq dünya çempionatı start götürəcək

Dekabrın 26-da Sankt-Peterburqdakı “Manej” sərgi salonunda rapid və blits üzrə açıq dünya çempionatı start götürəcək.Azərtac xəbər verir ki, dekabrın 30-dək davam edəcək çempionatda hər gün beş turun partiyaları oynanılacaq. Açıq çempionatda kişilərin mübarizəsində 204 şahmatçı (144 qrossmeyster), qadınların yarışında isə 123 (70 qrossmeyster) zəka ustası iştirak edəcək.Dünya çempionatında ölkəmizi yeddi şahmatçı təmsil edir. Azərbaycanlı qrossmeyster Şəhriyar Məmmədyarov (2786) turnirin favoritlərindən biridir. Kişilərin yarışında digər şahmatçılarımız Rauf Məmmədov (2739) və Qədir Hüseynov (2732) da iştirak edəcəklər. Qadın şahmatçılarımızdan isə Gülnar Məmmədova (2832), Türkan Məmmədyarova (2357), Zeynəb Məmmədyarova (2330) və Günay Məmmədzadə (2261) nüfuzlu turnirdə mübarizə aparırlar.Açıq çempionatın reytinq cədvəlinə norveçli dünya çempionu Maqnus Karlsen (2903) başçılıq edir. ABŞ təmsilçisi Hikaru Nakamura (2844) ikinci, rusiyalı Vladislav Artemiyev (2812) üçüncüdürlər.Qadınlar arasında reytinq üzrə favorit şahmatçı ukraynalı Anna Musiçukdur (2595). İkinci və üçüncü yerlərdə Çin şahmatçıları Vencun Cu (2584) və Tinqcie Lei (2545) qərarlaşıblar.xeber100.com

Milli Karate Federasiyasının məlumatına görə…

Azərbaycan Milli Karate Federasiyasında (AMKF) 2018-ci ilin yekunlarına dair yığıncaq keçirilib.Federasiyadan Azərtac-a bildiriblər ki, yığıncaqda çıxış edən AMKF-in prezidenti Yaşar Bəşirov, birinci vitse-prezident Fərid Əsgərov, vitse-prezident Rəhman Hətəmov, idarə heyətinin üzvləri Füzuli Musayev, Oqtay Məmmədov, məşqçilər heyətindən Bahəddin Kandaz, Şahin Xudaverdiyev, Anar Allahverdiyev, Vahid Ayvazov və baş hakim Cahangir Babayev qazanılan uğurlar münasibətilə kollektivi təbrik ediblər. Natiqlər ölkəmizdə idmanın, o cümlədən karatenin inkişafına göstərilən diqqət və qayğıya, idmançılarımız üçün yaradılan şəraitə görə dövlətimizin başçısı, Milli Olimpiya Komitəsinin prezidenti İlham Əliyeva minnətdarlıq ifadə olunub.Çıxışlarda cari ildə karateçilərimizin rəsmi beynəlxalq yarışlarda, dünya və Avropa çempionatlarında, eləcə də dünya kuboku, premyer liqa, A seriyası və yeniyetmələr liqası kimi vacib yarışlarda 29-u qızıl, 38-i gümüş və 47-si bürünc olmaqla 132 medal qazandıqları qeyd olunub. Soçidə keçirilən Avropa çempionatında yeniyetmə və gənclərin rekord nəticə göstərməsi, İrina Zaretskanın ilk dəfə qadınlar arasında dünya çempionu olması, Rafael Ağayevin öz medal rekordunu yeniləməsi, Sahib Əhədovun para-karate dünya çempionatında ikinci yeri tutması və digər nəticələrə görə karateçilərimizin dünya reytinqində daha üstün mövqelərə yüksəlməsi ilin əhəmiyyətli idman hadisələrindən biri kimi qiymətləndirilib.xeber100.com