“Qalatasaray” italiyalı futbolçunu heyətinə qatmağa hazırlaşır

"Nitsa"nın futbolçusu Mario Balotellinin mövsümün sonunda komandanı tərk edəcəyini xəbər vermişdik.Milli.Az xəbər verir ki, "Qalatasaray" italiyalı futbolçunu heyətinə qatmağa hazırlaşır. Cari mövsümün sonunda Fransa təmsilçisi ilə müqaviləsi bitəcək 28 yaşlı hücumçu, yanvar ayından etibarən başqa klublarla danışıqlar apara və mövsümün sonunda azad agent kimi transfer oluna bilər. Amma "cim-bom" yanvar ayında az məbləğdə pul ödəyərək, futbolçunun keçidini yekunlaşdırmaq istəyir.İki klub rəsmilərinin gələn həftə danışıqlar masasına əyləşəcəkləri bildirilir.xeber100.com

“Yuventus” klubu yeni müqavilə bağlayıb

İtaliyanın “Yuventus” klubu futbolçu Aleks Sandro ilə yeni müqavilə bağlayıb.Azərtac klubun rəsmi saytına istinadla xəbər verir ki, 27 yaşlı futbolçu daha beş il “Yuventus”un şərəfini qoruyacaq. Klub müqavilənin maliyyə tərəflərini açıqlamayıb. Braziliyalı müdafiəçinin hazırda həftəlik məvacibi 110 min avrodur. Aleks İtaliyada Seria A-da ən yüksək məvacib alan futbolçulardan biridir.A.Sandro Fransanın PSJ və İngiltərənin “Mançester Yunayted” klublarının maraq dairəsindədir.Braziliyalı 2015-ci ildə Portuqaliyanın “Portu” klubundan 26 milyon avroya transfer olunub. O, Turin klubunun heyətində 132 oyunda 9 qol və 23 məhsuldar ötürmə ilə yadda qalıb.xeber100.com

Stolüstü tennis turniri təşkil ediləcək

Stolüstü Tennis Federasiyasının təşəbbüsü ilə dekabrın 8-də nazirlik, komitə və agentliklərin əməkdaşları arasında stolüstü tennis turniri təşkil ediləcək.Azərtac xəbər verir ki, “Şüa” İdman-Sağlamlıq Kompleksində keçiriləcək turnir şəxsi xarakter daşıyacaq.Yarışlar stolüstü tennisin təbliği, əməkdaşların sağlamlığının möhkəmləndirilməsi, asudə vaxtlarının səmərəli təşkili məqsədi daşıyır.Yarışın qalibləri Azərbaycan Stolüstü Tennis Federasiyasının diplom və mükafatları ilə təltif olunacaqlar.xeber100.com

“Bavariya” futbol klubu transfer rekordunu yeniləyə bilər

Almaniyanın “Bavariya” klubu yayda özünəməxsus transfer rekordunu yeniləyə bilər.Azərtac klubun rəsmi saytına istinadla xəbər verir ki, Münxen klubu Niderlandın “Ayaks” klubunun iki oyunçusuna görə, 150 milyon avrodan keçməyə hazırdır. Belə ki, klub 19 yaşlı müdafiəçi Mattisa de Luqte və 21 yaşlı yarımmüdafiəçi Frenki de Yonqu heyətinə qatmaq istəyir. Hər iki oyunçu Avropanın bir neçə aparıcı klubu tərəfindən izlənilir.Cari mövsüm Mattisa de Luqte 24 oyuna üç qolla, Frenki de Yonq isə 22 oyuna iki qolla yadda qalıb.Qeyd edək ki, “Bavariya”nın hazırkı rekordu Fransanın “Lion” klubundan 41 milyon avroya transfer etdiyi Korentena Tolissodur.xeber100.com

Fiqurlu konkisürmə üzrə Qran-Pri yarışlarının finalında

Fiqurlu konkisürmə üzrə Vankuverdə keçirilən Qran-Pri yarışlarının finalında yapon idmançı Rika Kixira qısa proqramda dünya rekorduna imza atıb. Hakimlər 16 yaşlı idmançı qızın çıxışını 82,51 balla qiymətləndiriblər.TASS agentliyi xəbər verir ki, bundan əvvəlki dünya rekordu 2018-ci ilin Olimpiya çempionu, 16 yaşlı rusiyalı Alina Zaqitovaya məxsus idi. O, bu rekordu noyabrda Moskvada keçirilən Qran-Pridə vurmuşdu. A.Zaqitova da Vankuver Qran-Prisində iştirak edir və öz qısa proqramını daha sonra təqdim edəcək.Kixira yüksək eşelonda ilk mövsümünü keçirir. O, Yaponiya və Fransa Qran-Prisində qazandığı qələbədən sonra finala vəsiqə alıb. Yapon idmançı fiqurlu konkisürmə tarixində üçlü aksel və üçlü tulup elementlərini yarışlarda yerinə yetirən ilk qadın atletdir.Məcburi proqram və balların sayına görə dünya rekordları (müvafiq olaraq 158,80 və 238,43 ballar) rusiyalı Zaqitovaya məxsusdur.xeber100.com

XIV turun oyunlarını idarə edəcək hakimlər açıqlanıb

Topaz Premyer Liqasının XIV turunun oyunlarını idarə edəcək hakimlər açıqlanıb.Azərtac Peşəkar Futbol Liqasının saytına istinadla xəbər verir ki, turun dörd oyunu da dekabrın 9-da keçiriləcək. Saat 16:00-da start götürəcək açılış matçını – “Sabah”-“Keşlə” görüşünü Orxan Məmmədov idarə edəcək. Qarşılaşma “Əlincə Arena”da oynanılacaq.Saat 17:00-da başlayacaq “Zirə” – “Qarabağ” matçında baş hakim funksiyasını Əliyar Ağayev yerinə yetirəcək.Turun digər oyunu “Bayıl Arena”da keçiriləcək. “Səbail” – “Qəbələ” qarşılaşmasında ədaləti təmin etmək Səbuhi Bayramova həvalə olunub. Matç saat 17:30-da başlayacaq.Günün və turun sonuncu matçı isə “Bakcell Arena” stadionunda saat 19:30-da baş tutacaq. Lider “Neftçi” klubu “Sumqayıt” komandasını qəbul edəcək. Matçı Rəvan Həmzəzadə idarə edəcək.Turun bütün görüşləri “CBC Sport” kanalı vasitəsilə canlı yayımlanacaq.Xatırladaq ki, 13 turdan sonra turnir cədvəlinə 32 xalla “Neftçi” komandası başçılıq edir. Ağdamın “Qarabağ” klubu 27 xalla ikinci, 20 xalı olan “Səbail” üçüncü, debütant “Sabah” isə 17 xalla dördüncü yerdə qərarlaşıblar. Digər pillələrdə müvafiq olaraq, “Qəbələ” (16), “Sumqayıt” (14), “Zirə” (10) və “Keşlə” (9) klubları yer alıblar.xeber100.com

“Elite Horse & Polo Club” kuboku turniri keçiriləcək

Azərbaycan Respublikası Atçılıq Federasiyasının (ARAF) təşkilatçılığı ilə dekabrın 7-8-də Binə Atçılıq Mərkəzinin qapalı manejində atçılığın konkur növü üzrə “Elite Horse & Polo Club” kuboku turniri keçiriləcək.Azərtac xəbər verir ki, yarışlar üç kateqoriyada təşkil olunacaq. E kateqoriyası üzrə yarışda 20 yaşadək yeniyetmə idmançılar hündürlüyü 80 santimetr olan maneələri dəf etmək üçün məharətlərini göstərəcəklər. Bütün yaş qruplarını əhatə edən M kateqoriyasında isə ən hündür maneə 120 santimetr nəzərdə tutulub.Turnirin ikinci günündə S kateqoriyası üzrə yarışlar keçiriləcək. Bu kateqoriya üzrə maneələrin hündürlüyü 130-140 santimetr olacaq.Yarışlar yerli hakimlər kollegiyası tərəfindən idarə ediləcək.xeber100.com

Beynəlxalq Şahmat Federasiyasının məlumatına əsasən…

Beynəlxalq Şahmat Federasiyasının (FIDE) mətbuat xidmətinin məlumatında bildirilir ki, 2018-ci ildə rapid və blits üzrə dünya çempionatına Sankt-Peterburq ev sahibliyi edəcək.Azərtac xəbər verir ki, əvvəl elan edilmiş məlumata görə, həmin turnirin dekabrın 25-dən 31-dək Rusiyada keçirilməsi nəzərdə tutulurdu. Turnir iştirakçıları üçün xüsusi viza rejimi təşkil olunacaq. Keçən il rapid və blits üzrə dünya çempionatı Səudiyyə Ərəbistanında keçirilib. İsrail şahmatçılarına viza verilməsindən imtina edildiyinə görə onlar turnirdə iştirak etməyiblər.Rapid üzrə hazırkı dünya çempionu hindistanlı qrossmeyster Vişvanatan Ananddır. Sonuncu turnirdə ikinci yeri rusiyalı Vladimir Fedoseyev, üçüncü yeri digər rusiyalı Yan Nepomnyaşşi tutub.Qadınlar arasında rapid üzrə turnirdə klassik şahmat üzrə dünya çempionu çinli Tszyuy Ventszyun qalib gəlib. İkinci yeri onun həmvətəni Ley Tintsze, üçüncü yeri Almaniya nümayəndəsi Elizabet Pelts tutub.Blits üzrə dünya çempionu şahmat tacının sahibi norveçli Maqnus Karlsendir. İkinci yeri rusiyalı Sergey Karyakin, üçüncü yeri hindistanlı Vişvanatan Anand tutub.Qadınlar arasında blits üzrə turnirdə birinci yeri gürcüstanlı Nana Dzaqnidze, ikinci yeri rusiyalı Valentina Qunina, üçüncü yeri Tszyuy Ventszyun tutub.xeber100.com

“Mançester Siti” Çempionlar Liqasında birinci yerdə qərarlaşıb

İngiltərənin “Mançester Siti” klubu maliyyə “Fair play” qaydalarını pozduğuna görə avrokuboklardan kənarlaşdırıla bilər.TASS agentliyi xəbər verir ki, UEFA növbəti mövsümdən komandanı Avropanın ən nüfuzlu klub turnirində iştirakdan məhrum edə bilər.UEFA “Leaks Football” nəşrinin İngiltərə təmsilçisinin 2014-cü ildə maliyyə pozuntularına yol verməsi barədə məlumat dərc etməsindən sonra qurum klubla bağlı araşdırmalara başlayıb. Həmin xəbərdə qeyd edilmişdi ki, sponsor mənfəəti olaraq göstərilən 60 milyon funt sterlinq əslində “Mançester Siti”yə klubun ərəb sahiblərindən daxil olub. Bu vəsaitin Riyad Mahrezin transferində istifadə olunduğu bildirilir. Məlumatda o da vurğulanır ki, klub 2014-cü ildə “Fair play” qaydalarını pozaraq 88 milyon avroluq maliyyə fırıldaqçılığına yol verib.Klubun bu və digər məsələlərdə maliyyə dələduzluğu etdiyi sübut olunarsa, UEFA komandanı avrokuboklardan kənarlaşdıracaq.Hazırki mövsümdə “Mançester Siti” Çempionlar Liqasının F qrupunda 5 matçdan 10 xal toplayaraq birinci yerdə qərarlaşıb. Qrup mərhələsinin sonuncu turunda “şəhərlilər” “Hoffenhaym” komandasını qəbul edəcəklər. Qarşılaşma dekabrın 12-də baş tutacaq.İngiltərə çempionatında isə 38 xalla birinci pillədə qərarlaşan “Mançester Siti” ən yaxın izləyicisini 2 xal qabaqlayır.xeber100.com

Bədii gimnastika üzrə kubok yarışları başlayacaq

Sabah Milli Gimnastika Arenasında bədii gimnastika üzrə 25-ci Azərbaycan birinciliyi və 5-ci bölgələrarası kubok yarışları başlayacaq.Azərtac Azərbaycan Gimnastika Federasiyasına istinadla xəbər verir ki, yarışların ilk üç günündə fərdi gimnastlar balacalar, yeniyetmələr, gənclər, qrup hərəkətləri komandaları isə balacalar və yeniyetmələr yaş kateqoriyalarında mübarizə aparacaqlar. İdmançılar arasında “Ocaq Sport” klubu, Bakı Gimnastika Məktəbi, Respublika Kompleks İdman Məktəbi, “AyUlduz” klubu, “Zirvə” beynəlxalq idman klubu, “Sərhədçi” İdman Olimpiya Mərkəzi, Bakı Su İdmanı Sarayı, “Zabrat” idman klubu, həmçinin Sumqayıt şəhərinin, Qusar, Gəncə, Mingəçevir, İsmayıllı, Kürdəmir, Şirvan və Göyçay rayonlarının yetirmələri çıxış edəcəklər.Turnirin sonuncu günündə bölgələrarası kubok yarışları start götürəcək. Sayca beşinci olan bu turnirdə bölgələri təmsil edən gimnastlar həm fərdi, həm də qrup hərəkətləri proqramında çıxışlarını yerinə yetirəcəklər.Yarışların ən maraqlı məqamı sonuncu günə təsadüf edəcək. Tamaşaçılar ötən il olduğu kimi, bu il də “Qızıl yaş” şousunda məşqçilərin iştirakı ilə maraqlı gimnastika nömrələrini izləyə biləcəklər.Yarışa dekabrın 9-da yekun vurulacaq.xeber100.com