Azərbaycan Premyer Liqasının XIII turunda

Futbol üzrə Azərbaycan Premyer Liqasının XIII turunda keçirilən "Qəbələ" - "Zirə" matçı təxirə salınıb.Milli.az bildirir ki, buna Qəbələdəki havanın qatı dumanlı olması səbəb olub.Görüşün baş hakimi Vüqar Həsənli 15 dəqiqəlik fasilə elan etdikdən sonra, daha 10 dəqiqə gözləyib. Lakin hava şəraiti matçın davam etdirilməsinə imkan verməyib. Görüş sabah saat 14:00-da qaldığı yerdən davam etdiriləcək.Qeyd edək ki, 57-ci dəqiqədə dayandırılan oyunda hesab açılmayıb.xeber100.com

“Neftçi” futbol klubu yeni futbolçu transfer etdi

"Neftçi" heyətini yeni futbolçu ilə gücləndirib.Milli.az xəbər verir ki, qvineyalı Mamadu Kane ilə 3 illik müqavilə bağlanılıb. Oktyabrın 15-dən "Neftçi"də baxışda olan 21 yaşlı Kane mərkəz yarımmüdafiəçisidir. O, yeni komandasında 36 nömrəli formanı geyinəcək.Qeyd edək ki, bundan əvvəl Qvineyanın "Kalum Star" klubunun üzvü olmuş Mamadu bu ölkənin 20 yaşadək futbolçulardan ibarət milli komandasının formasını geyinib və dünya çempionatında iştirak edib.xeber100.com

“Minsk-2019” oyunları üçün bilet satışına start verilib

"Minsk-2019" II Avropa Oyunları üçün bilet satışına start verilib.Milli.az bildirir ki, istənilən ölkənin vətəndaşları bu gündən www.minsk2019.ticketpro.by saytı vasitəsilə biletləri öz adlarına rəsmiləşdirə bilərlər. Bundan başqa, biletləri Belarusda rəsmi bilet operatoru "Tiketpro", Avropada rəsmi resellerlər vasitəsilə əldə etmək mümkündür. Rusiyada isə satış rəsmi bilet agenti ponominalu.ru saytında dekabrın 15-dən başlanacaq.Qiymətlər 5 Belarus rublundan 50 belarus rublunadək (əcnəbi vətəndaşlar üçün 2 avrodan 20 avroyadək) qoyulub. Biletlər bir neçə kateqoriyada - "Standard", VIP, açılış və bağlanış mərasimləri üçün hazırlanıb. Açılışa 150 - 300 rubla, bağlanışa 70 - 150 rubla tamaşa etmək mümkündür.II Avropa Oyunları oturacaq yerlərinin ümumi sayı 375 min olacaq. Lakin tələb və idman növünün populyarlığından asılı olaraq, sayı 535 minədək artırmaq mümkündür. Biletlərin satılacağı idman sessiyalarının ümumi sayı isə 111-dir.Qeyd edək ki, II Avropa Oyunları 21 - 30 iyun 2019-cu ildə təşkil olunacaq. Belarusun paytaxtı Minskdə 50 ölkənin 4000-dən çox idmançısı 15 növ üzrə 200 dəst medal uğrunda mübarizə aparacaq. 9 növ üzrə yarışlar 2020-ci il Tokio Yay Olimpiya Oyunlarına lisenziya xarakteri daşıyacaq. Badminton, boks, cüdo, kayak və kanoe qayıqlarında avarçəkmə yarışları Avropa çempionatı səviyyəsində keçiriləcək.xeber100.com

“Azərreyl” voleybol klubu cavab oyunu keçirib

Bakının qadın voleybolçulardan ibarət “Azərreyl” klubu “Challenge Cup”da cavab oyununu keçirib.Azərtac xəbər verir ki, Bakı təmsilçisi 1/16 final mərhələsində növbəti dəfə Belçikada yerli “Hermes Ostende” klubu ilə qarşılaşıb.“Mister V-Arena”da keçirilən görüş Belçika təmsilçisinin 3:0 hesablı qələbəsi ilə yekunlaşıb.Komandalar arasında Belçikada təşkil olunan ilk oyunda da “Azərreyl” eyni hesabla məğlub olub. Beləliklə, iki oyunun nəticəsində görə, Bakı təmsilçisi “Challange Cup”da mübarizəni dayandırıb.xeber100.com

Badminton Federasiyasının reytinq cədvəli açıqlanıb

Beynəlxalq Badminton Federasiyasının yeni reytinq cədvəli açıqlanıb.Azərtac xəbər verir ki, cədvəldə 7 pillə irəliləyən Edi Reski Dviçayo 18 min 500 xalla 92-ci sıradadır.Reytinqdə ən çox irəliləyən badmintonçular arasında təmsilçimiz Ezmi Qovimuramadhoni də var. İyirmi bir pillə irəliləyən Ezmi 185-ci sırada qərarlaşıb. Badmintonçumuzun aktivində 8 min 950 reytinq xalı var.Badmintonçularımızın kişilərin qoşa yarışları üzrə reytinq cədvəlində də dəyişiklik baş verib. Mövqeyini 4 pillə yaxşılaşdıran Edi Reski Dviçayo - Ezmi Qovimuradhoni tandemi 76-cı sıradadır. Badmintonçularımızın aktivində 17 min 990 reytinq xalı var.xeber100.com

Güləş Federasiyasının məlumatına görə…

Dekabrın 1-2-də Moskvada sərbəst və yunan-Roma güləşi üzrə ikiqat Olimpiya çempionu İvan Yarıginin xatirəsinə “Alrosa” kuboku yarışları keçiriləcək.Azərbaycan Güləş Federasiyasından Azərtac-a bildiriblər ki, “Dinamo” İdman Sarayında təşkil olunacaq turnir Olimpiya çəkilərində çıxış edən güləşçilərdən ibarət komanda yarışıdır.Sərbəst güləşçilərin turnirində məşqçi Nazim Əlicanovun rəhbərliyi altında İslam Bazarqanov (57 kq), Ənvərbəy Dalqatov (65 kq), Hacımurad Ömərov (74 kq), Kənan Əliyev (86 kq), Roman Bəkirov (97 kq) və Rahid Həmidlidən (125 kq) ibarət komanda mübarizə aparacaq. Rəqiblər Rusiya, İran, Gürcüstan və Özbəkistan komandaları olacaq.Yunan-Roma güləşi üzrə yığmamızın heyətində isə Ramiz Məmmədov (60 kq), Kərim Cəfərov (67 kq), İslambek Dadov (77 kq), Rafiq Hüseynov (87 kq), Zamir Məhəmmədov (97 kq) və Türmən Eyyubov (130 kq) yer alıblar. Onlar məşqçilər Turac Hüseynli və Zöhrab Abbasovun tapşırıqlarını icra edəcəklər. Rəqiblər Rusiya, Özbəkistan və Gürcüstandır.Qeyd edək ki, görüşlərin idarə edilməsində ölkəmizi birinci dərəcəli beynəlxalq hakim Natiq Hacıyev təmsil edəcək.xeber100.com

Ağır atletika üzrə Azərbaycan kuboku yarışları davam edir

Şüvəlandakı Ağır Atletika Akademiyasında ağır atletika üzrə Azərbaycan kuboku yarışları davam edir.Azərbaycan Ağır Atletika Federasiyasından Azərtac-a bildiriblər ki, bu dəfə kişilər arasında 81 kiloqram çəki dərəcəsində qaliblər müəyyənləşib. Kənan Əliquliyev 290 kiloqram (130+160) nəticə ilə qızıl medala sahib çıxıb. İsmayıl Baxışov 249 kiloqram (111+138) nəticə ilə gümüş, Həmid Qocayev isə 248 kiloqram (118+130) göstərici ilə bürünc medala sahib olub.Azərbaycan kuboku yarışlarının keçirilməsində məqsəd atletlərin hazırlıq səviyyəsinin yoxlanılması, ehtiyat qüvvənin nəzərdən keçirilməsi, güclü idmançıların seçilməsidir. Turnirdə şəhər və rayonların, idman cəmiyyət, klub və mərkəzlərinin, Uşaq-Gənclər İdman mərkəzlərinin dərəcə normalarını yerinə yetirən və tibbi müayinədən keçən yüzə yaxın atleti qüvvəsini sınayır.Xatırladaq ki, turnirin birinci günündə körpücük üzərinə ilk olaraq qadınlar çıxıblar. Sinkleyr cədvəli üzrə mütləq qalibi müəyyən edən zərif cinsin nümayəndələrinin mübarizəsindən Səbinə Əzimova qalib ayrılıb. On səkkiz yaşlı atlet toplam 172 kiloqram (75+97) nəticə və 253,22 Sinkleyr xalı ilə təcrübəli rəqiblərini üstələməyi bacarıb. İkinci yerə 171 kiloqram (78+93) nəticə və 233,29 xalla Boyanka Kostova, üçüncü yerə isə 164 kiloqram (72+92) nəticə və 213,11 xalla Firuzə İbrahimova çıxıblar.Kişilərdən isə ilk olaraq 49, 55 və 61 kiloqram çəki dərəcələrində atletlər qüvvələrini sınayıblar. Bu çəki dərəcələrində müvafiq olaraq, Əvəz Tağıyev (toplam 152 kiloqram), Ömər Cavadov (198 kiloqram) və Elməddin Hüseynov (228 kiloqram) qalib olublar.Körpücük üzərinə son olaraq 67 və 73 kiloqram çəki dərəcələrində mübarizə aparan kişilər çıxıblar. Məhəmməd Məmmədli (67 kq) toplam 267 kiloqram (116+151) nəticə ilə qızıl medala sahib çıxıb. Ondan cəmi 1 kiloqram geri qalan Rüstəm Qasımov (120+146) gümüş medal əldə edib. Fəxri kürsünün üçüncü pilləsinə isə 255 kiloqram (120+135) nəticə ilə Kənan Xəlilov qalxıb.Paşa İbrahimli (73 kiloqram) isə toplam 291 kiloqram (132+159) nəticə ilə bütün rəqiblərini geridə qoyaraq fəxri kürsünün ən yüksək pilləsinə qalxıb. İkinci pillədə toplam 260 kiloqram (120+140) nəticə ilə Füqan Əliyev, üçüncü yerdə isə 248 kiloqram (112+136) nəticə ilə Elşən Şərifov qərarlaşıblar.xeber100.com

Dünyanın ən yaxşı klub məşqçilərinin siyahısı dərc edilib

Beynəlxalq Futbol Tarixi və Statistikası Federasiyası (IFFHS) 2018-ci ilin yekunlarına dair dünyanın ən yaxşı klub baş məşqçilərinin siyahısını dərc edib.Azərtac təşkilatın rəsmi saytına istinadla xəbər verir ki, 296 xal toplayan Madridin “Real” klubunun keçmiş baş məşqçisi Zinədin Zidan ilin ən yaxşı məşqçisi seçilib. Siyahıya görə, ikinci yeri alman mütəxəssis Yurgen Klopp (“Liverpul”, 109 xal), üçüncü yeri isə Xosep Qvardiola (“Mançester Siti”, 105 xal) tutublar. İlk beşliyi argentinalı Dieqo Simeone (“Atletiko”, 48 xal) və italiyalı Massimiliano Alleqri (“Yuventus” 33 xal) qapadıblar.2018-ci ildə Zidan “Real”la birlikdə ard-arda üçüncü dəfə UEFA Çempionlar Liqasının qalibi olub. Fransalı məşqçinin bu göstəricisi futbol tarixində bir ilkdir. 2017/18 mövsümünün sonunda Zidan “Real” klubunun baş məşqçisi postunu tərk edib.xeber100.com

FIFA futbol üzrə növbəti reytinq cədvəlini açıqlayıb

FIFA futbol üzrə milli komandaların növbəti reytinq cədvəlini açıqlayıb.Azərtac AFFA-ya istinadla xəbər verir ki, ötən ayla müqayisədə Azərbaycan milli komandasının mövqeyində dəyişiklik olmayıb. Millimiz 1206 xalla 107-ci pillədə qərarlaşıb.FIFA-nın reytinq siyahısında ilk üçlük də dəyişməyib. Belə ki, Belçika 1727 xalla birinci, Fransa 1726 xalla ikinci, Braziliya isə 1676 xalla üçüncü yerdədir.xeber100.com

Sambo üzrə açıq Bakı çempionatına yekun vurulub

Abşeron Olimpiya İdman Kompleksində sambo üzrə açıq Bakı çempionatına yekun vurulub.Azərtac xəbər verir ki, 9 çəki dərəcəsi üzrə keçirilən yarışda “Neftçi İdman Klubu”nun samboçuları uğurla çıxış ediblər. Belə ki, klubun yetirmələri çempionatın 9 qızıl, 4 gümüş və 4 bürünc medalına sahib olublar.Nurlan İsmayılov (52 kq), Mehman Mehdizadə (57 kq), Əkbər Qarayev (62 kq), Fuad Məmmədov (68 kq), Heydər Həşimov (74 kq), Nicat Orucov (82 kq), Qurban Qurbanov (90 kq), Məhərrəm Zeynalov (100 kq) və Nadir Hüseynov (100 kq-dan yuxarı) bütün rəqiblərini məğlub edərək fəxri kürsünün ən yüksək pilləsinə qalxıblar.xeber100.com