“Qəbələ” futbol klubu növbəti oyununu keçirəcək

Bu gün “Qəbələ” futbol klubu UEFA Gənclər Liqasında növbəti oyununu keçirəcək.Azərtac xəbər verir ki, komandamız səfərdə Almaniyanın “Herta” klubunun qonağı olacaq.Çempionlar yolunun ikinci mərhələsinin cavab qarşılaşmaları çərçivəsində baş tutacaq matçı Macarıstandan olan hakimlər briqadası idarə edəcək. Berlindəki “Vurfplats” stadionunda təşkil olunacaq görüşün baş hakimi Ferens Karako olacaq. Ona həmyerliləri Tibor Çatari və Norbert Bornemissa kömək edəcək. Qarşılaşmanın dördüncü hakimi funksiyasını Almaniya təmsilçisi Lasse Kozlovski yerinə yetirəcək.Oyun Bakı vaxtı ilə saat 16:00-da başlayacaq. Üç həftə əvvəl Qəbələdə baş tutan ilk oyunda Almaniya çempionu 3:1 hesabı ilə qalib gəlib.xeber100.com

Dünya şahmat tacı uğrunda matçın 12-ci partiyasında

Dünya şahmat tacı uğrunda matçın 12-ci partiyasında qara fiqurlarla oynayan norveçli Maqnus Karlsen amerikalı Fabiano Karuano ilə heç-heçə oynayıb.Londonda keçirilən şahmat üzrə dünya çempionatı 12 partiyadan ibarət olmaqla 40 gediş üçün 100 dəqiqə, sonrakı 20 gedişə 50 və hər gedişə 30 saniyə əlavə edilərək oyunun sonunadək 15 dəqiqə klassik vaxt nəzarəti ilə keçirilir.Azərtac xəbər verir ki, 12 partiyadan sonra matçın hesabı 6:6-dır. Beləliklə, matçın qalibi noyabrın 28-də keçiriləcək tay-breykin nəticələrinə görə müəyyən olunacaq.xeber100.com

Yunan-Roma güləşi üzrə “Martyrs Cup” turniri keçiriləcək

Noyabrın 28-dən 30-dək İranın Urmiya şəhərində gənclər arasında sərbəst və yunan-Roma güləşi üzrə “Martyrs Cup” turniri keçiriləcək.Azərtac xəbər verir ki, komanda yarışında əvvəlcə sərbəst, daha sonra isə yunan-Roma güləşçiləri xalça üzərinə çıxacaqlar.Sərbəst güləşçilərin mübarizəsində məşqçilər Rövşən Hacıyev və Əşrəf Əliyevin rəhbərliyi altında Şahin Muxtarov, Mahir Məmmədzadə (hər ikisi 57 kq), Əsgər Məmmədəliyev, Tural Hüseynov (hər ikisi 61 kq), Elmar Kazımov (65 kq), Əşrəf Aşurov (70 kq), Davud İbrahimov (74 kq), Rəşad Yusifli (79 kq), İslam İlyasov (86 kq), Asxab Həmzətov (92 kq), Sənan Əlizadə (97 kq) və Aydın Əhmədovdan (125 kq) ibarət heyət qüvvəsini sınayacaq.Yunan-Roma güləşi üzrə komandamızda isə Zaur Əliyev (55 kq), Həsən Məmmədli, Əsgər Əlizadə (hər ikisi 60 kq), Zaur Nuriyev (63 kq), Ruslan Hədisov (67 kq), Niyaz Ərzumanov (72 kq), Cavid Miralayev (77 kq), Aslan Məmmədov (82 kq), Nəzərşah Fətullayev (87 kq), Rüfət Məmmədov (97 kq) və Sərxan Məmmədov (130 kq) yer alıb. Onlar böyük məşqçi Nurəddin Rəcəbov və məşqçi Akif Əliyevin tapşırıqlarını yerinə yetirəcək.İkinci dərəcəli beynəlxalq hakim Vaqif Zeynallı “Martyrs Cup”da ədaləti qoruyacaq.xeber100.com

Bynəlxalq turnirdə Azərbaycan təmsilçiləri üz-üzə gəliblər

Badmintonçularımız Edi Reski Dviçayo və Ezmi Qovimuramadhoni Botsvananın paytaxtı Qaboronedə keçirilən “Botswana International-2018” turnirində 3 medal qazanıblar.Azərtac xəbər verir ki, ilk dəfə beynəlxalq turnirin finalında Azərbaycan təmsilçiləri üz-üzə gəliblər. Kişilərin şəxsi yarışında mübarizəyə 1/16 finaldan start verən Edi və Ezmi yarımfinala gedən yolda bütün rəqiblərinə set vermədən - 2:0 hesabı ilə qalib gəliblər.Həlledici görüşdə Ezmini 2:0 hesabı ilə məğlub edən Edi Reski Dviçayo kişilərin şəxsi yarışında turnirin qalibi adını qazanıb. Finalda həmkarına məğlub olan Ezmi Qovimuramadhoni isə gümüş medala layiq görülüb.Edi-Ezmi tandemi kişilərin qoşa yarışında da turniri medalla başa vurublar. Bu kateqoriyada yarışa 1/8 finaldan start verən təmsilçilərimiz asanlıqla yarımfinala yüksəliblər. Bu mərhələdə zambiyalı Mark Banda-Nakanda Çezva üzərində 2:0 hesabı ilə qalib gələn təmsilçilərimiz həlledici görüşdə Donald Mabo – Mulenqa Kalombonu eyni hesabla məğlub ediblər.Beləliklə, Azərbaycan badmintonçuları həm şəxsi, həm də qoşa yarışda turnirin qalibi adını qazanıblar.xeber100.com

Futbol üzrə Türkiyə Superliqasının XIII turunda

Noyabrın 25-də futbol üzrə Türkiyə Superliqasının XIII turunda “Trabzonspor” komandası öz meydanında “Fənərbağça”nı qəbul edib.Azərtac xəbər verir ki, maraqlı keçən qarşılaşmada meydan sahibləri rəqibini 2:1 hesabı ilə məğlub ediblər. Oyunda hesab ikinci hissədə açılıb. Əllinci dəqiqədə “Trabzonspor”un heyətində Filip Novak komandasını hesabda irəli çıxardıb. 75-ci dəqiqədə isə Jose Sosa hesab arasındakı fərqi ikiyə çatdırıb. Bundan yeddi dəqiqə sonra İstanbul təmsilçisi bu qollardan birinin əvəzini çıxıb. “Fənərbağça”nın isveçrəli hücumçusu Mixael Frey fərqlənib.Matçda başqa qol olmayıb və “Trabzonspor” 2010-cu ildən bəri qalib gələ bilmədiyi İstanbul komandasını, nəhayət, məğlub etməyi bacarıb. Bu qələbədən sonra hesabındakı xallarının sayını 19-a çatdıran Ünal Karamanın komandası turnir cədvəlində yeddinci pilləyə yüksəlib.Qeyd edək ki, “Bordo-mavililər” səkkiz il əvvəl öz meydanında “Fənərbağça”ya 3:2 hesabı ilə qalib gəldikdən sonra rəqibi ilə aralarında oynanılan 18 matçdan 10-da uduzub. Səkkiz qarşılaşma isə heç-heçə yekunlaşıb.Tura noyabrın 26-da keçiriləcək "Göztəpə" – "Başakşəhər" matçı ilə yekun vurulacaq.On üç turdan sonra "Başakşəhər" komandası 27 xalla çempionata liderlik edir. Bu gün oynanılan matçda "Yeni Malatyaspor"dan 3:0 hesabı ilə üstün olan və 25 xal toplayan "Kasımpaşa" ikinci yerə yüksəlib. Hesabında 24 xal olan "Qalatasaray" üçüncü sırada qərarlaşıb. 21 xala malik "Beşiktaş" komandası dördüncüdür.xeber100.com

Həndbolçuların ölkə çempionatında iki oyun keçirilib

Qadın həndbolçuların ölkə çempionatında iki oyun keçirilib.Azərtac Azərbaycan Həndbol Federasiyasını rəsmi saytına istinadla xəbər verir ki, “Gənclər Birliyi” komandası ilə qarşılaşan “Azərsu” klubu böyük hesablı qələbə qazanıb – 40:15.Günün digər matçında “Azəryol” kollektivi “Qarabağ” komandasını qəbul edib. “Azəryol” həndbolçularının üstünlüyü ilə keçən görüş 26:19 hesabı ilə başa çatıb.xeber100.com

“Fənərbağça” klubu heyətində dəyişikliklər edəcək

"Fənərbağça" gələn yay heyətində ciddi dəyişikliklər edəcək.Milli.az xəbər verir ki, İstanbul nəhənginin transfer siyahısı indidən hazırlanır. "Sarı-lacivərdlilər"in heyətə qatmaq istədiyi ilk oyunçu isə "Çelsi"nin yarımmüdafiəçisi Sesk Fabreqasdır. London klubu ilə müqavilə müddəti mövsümün sonuna qədər olan ulduz futbolçu "Fənərbağça"ya havayı keçə bilər. Klubun idman direktoru Damien Komolli ispaniyalının meneceri Darren Deinlə görüşərək, keçidin detallarını müzakirə edib. Həm Komolli, həm də "Fənərbağça"nın prezidenti Ali Koçla dost olan Dein müştərisinin Türkiyədə yalnız "Fənərbağça"nın formasını geyinəcəyinə söz verib. Çünki onunla Galatasaray da yaxından maraqlanır.Qeyd edək ki, Sesk Fabreqası "Milan" da transfer etmək niyyətindədir.xeber100.com

“Lester Siti” futbol klubu müqavilənin müddətini artırıb

İngiltərənin "Lester Siti" klubu yarımmüdafiəçisi Hamza Çudhurinin müqaviləsinin müddətini artırıb.Milli.az xəbər verir ki, "tülkülər" 21 yaşlı futbolçuyla müddəti 2022-ci ilə qədər olan yeni sözləşmə imzalayıb.Qeyd edək ki, "Lester Siti"nin öz yetirməsi olan Çudxuri cari mövsümdə 8 qarşılaşmada iştirak edib və 2 məhsuldar ötürmə verib.xeber100.com

Azərbaycan Premyer Liqasında 12-ci tura start verilib

Bu gün Azərbaycan Premyer Liqasında 12-ci tura start verilib.Milli.az bildirir ki, turun ilk görüşündə "Keşlə" ilə "Qəbələ" üz-üzə gəlib. Ötən turda doğma meydanda "Qarabağ"a uduzan "Qəbələ" Bakı səfərindən azı heç-heçəylə qayıtmağı hədəfləmişdi. Amma bölgə klubu daha inamlı çıxış edərək, bu oyundan qələbə ilə ayrılıb.Günün son matçında "Qarabağ" debütant "Sabah"ı sınağa çəkib. "Köhlən atlar"ı noyabrın 29-da "Sportinq"lə Avropa Liqasının matçı gözləyir. Bəlkə də, həmin oyuna görə Qurban Qurbanovun komandası özünü çox yormamağa çalışıb. Amma "Sabah"ın asan rəqib olmadığını da unutmaq olmaz. Qarşılaşma isə heç-heçə başa çatıb.Turun qalan iki oyunu bazar günü keçiriləcək.Lider "Neftçi" bu turda "qardaş"ı "Səbail"lə münasibətlərinə aydınlıq gətirəcək. Hazırda hər iki komandanın turnir cədvəlindəki mövqeyi yaxşıdır. "Neftçilər" zirvədə yer alıbsa, "Səbail" 3-cü pillədə qərarlaşıb. Amma bu oyunda "qardaşlar"dan biri, ya da ikisi də xal itirməyə məcburdur.Tura "Zirə" - "Sumqayıt" matçı ilə yekun vurulacaq. Nazim Süleymanovun qalmaqallı şəkildə "kimyaçılar"dan ayrılmasından sonra "sükan arxasına" Ayxan Abbasov keçib. Abbasov "Sumqayıt"ın baş məşqçi postunda ilk "imtahan"ını məhz keçmiş komandası "Zirə"yə qarşı matçda verəcək.xeber100.com

“Barselona” La Liqanın 13-cü turu çərçivəsində

"Barselona" La Liqanın 13-cü turu çərçivəsində səfərdə "Atletiko"yla qarşılaşacaq.Milli.az bildirir ki, Kataloniya klubu braziliyalı futbolçu Filippe Koutinyonun adını matçın iştirak ərizəsinə daxil etməyib. Bu barədə İspaniya mətbuatı məlumat yayıb.Xəbərdə 12-ci turda keçirilən "Betis" matçında da iştirak etməyən Koutinyonun zədəsinin olduğu bildirilib."Atletiko" - "Barselona" matçı bu gün, saat 23:45-də start götürəcək.xeber100.com