“Mançester Siti” futbol klubu yeni müqavilə imzalayıb

"Mançester Siti" futbolçusu Rahim Sterlinqlə yeni müqavilə imzalayıb.Milli.az xəbər verir ki, 23 yaşlı hücumçu ilə müqavilənin müddəti 2023-cü ilin iyununa kimi uzadılıb.Qeyd edək ki, R.Sterlinq 2015-ci ildən "Mançester Siti"də oynayır. O, bu mövsüm 14 matçda 7 qol vurub, 5 qolun ötürməsini verib.xeber100.com

“Bayrağımız qürur mənbəyimizdir” devizi altında veloyürüş keçirilib

9 noyabr – Dövlət Bayrağı Günü münasibətilə “Bayrağımız qürur mənbəyimizdir” devizi altında veloyürüş keçirilib.Azərbaycan Velosiped İdmanı Federasiyasından Trend-ə verilən məlumata görə, tədbirdə Dövlət Təhlükəsizliyi Xidmətinin rəisi, general-polkovnik Mədət Quliyev, DTX Velosiped İdman Klubunun üzvləri, peşəkar və həvəskar velosipedçilər, o cümlədən ilk dəfə olaraq “Azərbaycan Əlil Velosipedçilər Klubu”nun nümayəndələri də iştirak edib.100-dən artıq velosipedçi Azneft dairəsindən start götürməklə Neftçilər prospekti ilə hərəkət ediblər və Heydər Əliyev Mərkəzinin qarşısında bayram yürüşünü başa çatdırıblar.Qeyd edək ki, Azərbaycan Velosiped İdmanı Federasiyası təkcə paytaxtda deyil, həmçinin bölgələrdə də bu cür tədbirlərin keçirilməsinə dəstək verir. Belə bir yürüş noyabr ayının 8-də Cəlilabad rayonunda da təşkil edilib.xeber100.com

“Qarabağ” futbol klubu “Vorskla” qarşılaşacaq

Noyabrın 8-də Ağdamın “Qarabağ” klubu UEFA Avropa Liqasının qrup mərhələsinin dördüncü turunda Poltavada Ukraynanın “Vorskla” komandası ilə qarşılaşacaq.Azərtac xəbər verir ki, Aleksey Butovski adına stadionda keçiriləcək oyun Bakı vaxtı ilə gecə saat 12-də başlayacaq. Görüş “CBC Sport” kanalında birbaşa yayımlanacaq.Matçı İsveçrədən olan hakimlər briqadası idarə edəcək. Görüşün baş hakimi Sandro Şörer olacaq. Bekim Zoqay və Ştefan De Almeyda isə yan xətt hakimi funksiyasını yerinə yetirəcəklər.Qrupun digər görüşündə “Arsenal” doğma meydanda Portuqaliyanın “Sportinq” klubunu qəbul edəcək.Üç turdan sonra E qrupuna 9 xalla “Arsenal” liderlik edir. “Sportinq”in 6, “Vorskla”nın 3 xalı var. Ağdam təmsilçisi qrupda keçirdiyi hər üç görüşdə uduzub.UEFA Avropa Liqasının 2018-2019-cu il mövsümünün final oyunu gələn il mayın 29-da Bakı Olimpiya Stadionunda keçiriləcək.xeber100.com

Cüdo üzrə Qran-Pri yarışları keçiriləcək

Noyabrın 9-11-də Özbəkistanın paytaxtı Daşkənddə cüdo üzrə Qran-Pri yarışları keçiriləcək.Azərtac xəbər verir ki, turnirdə kişilərin yarışında ölkəmizi Əhməd Yusifov (60 kq), Nicat Şıxəlizadə (66 kq), Rüstəm Orucov (81 kq), Tural Səfquliyev, Məmmədəli Mehdiyev (hər ikisi 90 kq), Elmar Qasımov (100 kq) və Şahin Qəhrəmanov (100 kq-dan yuxarı) təmsil edəcəklər.Qadın cüdoçuların yarışında Aişə Qurbanlı (48 kq), Gültac Məmmədəliyeva (52 kq) və İrina Kindzerskaya (78 kq-dan yuxarı) birincilik uğrunda mübarizə aparacaqlar.xeber100.com

Güləş Federasiyasının məlumatına görə…

Hövsan Olimpiya İdman Kompleksində Bakı Şəhər Gənclər və İdman Baş İdarəsi tərəfindən sərbəst və yunan-Roma güləşi üzrə paytaxt çempionatı keçirilib.Azərbaycan Güləş Federasiyasından Azərtac-a verilən xəbərə görə, yarışda 200-dən artıq pəhləvan qüvvəsini sınayıb.Müxtəlif çəki dərəcələri üzrə fəxri kürsünün ən yüksək pilləsinə sərbəst güləşçilər arasında Tofiq Əliyev (57 kq), Mahir Əmiraslanov (61 kq), Orxan Nəsirov (65 kq), Vurğun Əliyev (70 kq), Fərid Nəsibov (74 kq), Fərman Həsənov (79 kq), Elçin Məmmədov (86 kq), Cavid Sadıqov (92 kq), Xəyal Xanmuradov (97 kq) və Aydın Əhmədov (125 kq) qalxıblar.Yunan-Roma güləşi üzrə isə qızıl medallarla Zaur Əliyev (55 kq), Fərdi Hümbətov (60 kq), Sakit Quliyev (63 kq), Kamran Mirzəliyev (67 kq), Elcan Məmmədov (72 kq), Cavid Miralayev (77 kq), Tuncay Vəzirzadə (82 kq), Aslan Məmmədov (87 kq), Arif Niftullayev (97 kq) və Sərxan Məmmədov (130 kq) təltif olunublar.xeber100.com

Azərbaycan yığması hazırlıq çərçivəsində yoxlama oyunu keçirib

Bakıda təlim-məşq toplanışında olan 19 yaşadək futbolçulardan ibarət Azərbaycan yığması hazırlıq çərçivəsində yoxlama oyunu keçirib.Azərtac xəbər verir ki, “Keşlə”nin U-17 komandası ilə qarşılaşan yığmamız 7:1 hesablı qələbə qazanıb.Emil Qasımovun het-trik etdiyi oyunda digər qolları Xəqani Sadıqov, Turan Vəlizadə, Murad Mahmudov və Kamran Quliyev vurublar.xeber100.com

Premyer Liqasında XI turun oyunlarına hakim təyinatları açıqlanıb

Noyabrın 6-da Azərbaycan Premyer Liqasında XI turun oyunlarına hakim təyinatları açıqlanıb.Azərtac Peşəkar Futbol Liqasının rəsmi saytına istinadla xəbər verir ki, noyabrın 10-da “Əlincə Arena”da “Sabah”–“Səbail” qarşılaşmasını hakim Rəşad Əhmədov idarə edəcək. Həmin gün “Bakcell Arena”da keçiriləcək “Neftçi”–“Zirə” görüşünün əsas hakimi İnqilab Məmmədov olacaq.Noyabrın 11-də “Bayıl Arena” stadionunda “Sumqayıt”–“Keşlə” matçına əsas referi Əliyar Ağayev təyin olunub.Turun sonuncu və mərkəzi qarşılaşması Qəbələ şəhər stadionunda keçiriləcək. İki əzəli rəqib “Qəbələ” və “Qarabağ” üz-üzə gələcəklər. Oyununda baş hakim funksiyasını Rauf Cabbarov yerinə yetirəcək.Qeyd edək ki, “Sabah”–“Səbail”, “Qəbələ”-“Qarabağ” oyunları saat 17:30-da, “Neftçi”–“Zirə” və “Sumqayıt”–“Keşlə” qarşılaşmaları isə 19:30-da başlayacaq.Turun bütün görüşləri “CBC Sport” kanalı vasitəsilə canlı yayımlanacaq.Qeyd edək ki, Premyer Liqanın 10-cu turundan sonra turnir cədvəlinə 25 xalla “Neftçi” klubu başçılıq edir. Son çempion “Qarabağ” 20 xalla ikinci, “Səbail” isə 17 xalla üçüncü yerdə qərarlaşıb. Digər pillələrdə müvafiq olaraq “Sabah” (16), “Qəbələ” (12), “Sumqayıt” (11), “Keşlə” (6) və “Zirə” (6) yer alıblar.xeber100.com

Milli Karate Federasiyasının məlumatına görə…

İspaniyanın paytaxtı Madriddə Dünya Karate Federasiyasının (WKF) növbəti konqresi keçirilib.Azərbaycan Milli Karate Federasiyasından Azərtac-a bildiriblər ki, Konqresdə ötən iki ilin hesabatı dinlənilib, qarşıdakı dövrün planları müzakirə olunub və bir sıra məsələlər həlini tapıb.Azərbaycan Milli Karate Federasiyasının prezidenti Yaşar Bəşirov, vitse-prezident Rəhman Hətəmov və baş katib Mirhəsən Seyidov konqresdə iştirak ediblər.Konqresin əvvəlində WKF-in prezidenti Antonio Espinosa Yaponiyanın ən yüksək mükafatlarından olan “Gümüş və Qızıl ulduzlu Doğan Günəş” ordeni təqdim olunub. O, bu ordenə dünyada karatenin inkişafı, Tokio Olimpiadasının proqramına daxil edilməsi və beynəlxalq əlaqələrdə gərgin zəhmətinə görə layiq görülüb.Buenos-Ayresdə Yeniyetmələrin III Olimpiya Oyunlarında karatenin uğurlu debütündən danışan WKF prezidenti A.Espinos Tokio Olimpiadasına hazırlıq işləri, rəhbərlik etdiyi təşkilatın fəaliyyətində bir sıra irəliləyişlər və yeniliklər olduğunu diqqətə çatdırıb. O, həmçinin karatenin 2022-ci ildə Dakarda Yeniyetmələrin IV Olimpiadasının və 2024-cü ildə Paris Yay Olimpiya Oyunlarının proqramına daxil edilməsi istiqamətində işlərə başlanıldığını, eləcə də WKF-in parlaq gələcəyi olduğunu və bu nailiyyətlərin bütün milli federasiyalarla birgə fəaliyyət nəticəsində əldə edildiyini söyləyib.Polşa və Filippin karate federasiyaları işlərində ciddi nöqsanlara görə, səsvermə yolu ilə WKF-dən uzaqlaşdırılıblar. Bundan başqa WKF-in müxtəlif komitələri təşkilatın 200-dək ölkədən rəsmi üzvləri qarşısında hesabat verib.Konqresdə böyüklərin 25-ci dünya çempionatının 2020-ci ildə Birləşmiş Ərəb Əmirliklərinin Dubay şəhərində, 2022-ci ildə isə Macarıstanın paytaxtı Budapeştdə keçirilməsi, 2019-cu ildə yeniyetmə və gənclərin növbəti dünya çempionatının Çilinin paytaxtı Santyaqoda təşkil edilməsi də təsdiqlənib. 2021-ci ildə isə yeniyetmə və gənclərin dünya çempionatının Cənubi Afrika Respublikasının Keyptaun şəhərində keçirilməsinin namizədliyi qeydə alınıb. Konqresdə, həmçinin səsvermə ilə WKF-in İcraiyyə Komitəsinin üzvləri seçilib.xeber100.com

Həndbol üzrə Azərbaycan çempionatında bir oyun keçirilib

Noyabrın 6-da həndbol üzrə Azərbaycan çempionatında bir oyun keçirilib.Azərtac Azərbaycan Həndbol Federasiyasının rəsmi saytına istinadla xəbər verir ki, qadın həndbolçuların mübarizəsində “Azəryol” və “İdman Akademiyası” komandaları üz-üzə gəliblər.“ABU Arena”da keçirilən görüşdə “Azəryol” komandası 38:18 hesabı ilə qalib gəlib.xeber100.com

UEFA Gənclər Liqasında növbəti oyun keçiriləcək

Bu gün “Qəbələ”nin 19 yaşadək futbolçulardan ibarət komandası UEFA Gənclər Liqasında növbəti oyununu keçirəcək.Azərtac xəbər verir ki, Çempionlar yolunda mübarizə aparan “qırmızı-qaralar” II mərhələnin ilk oyununda Almaniya çempionu “Herta” ilə qarşılaşacaqlar. Berlin klubu ilə ilk görüş Qəbələ şəhər stadionunda keçiriləcək.Matçı Qazaxıstandan olan hakimlər briqadası idarə edəcək. Görüşün baş hakimi Daniyar Saxi olacaq. Ona həmyerliləri Rustam Matyakubov və Maral Abdikerov kömək edəcəklər. Qarşılaşmanın dördüncü hakimi funksiyasını azərbaycanlı İnqilab Məmmədov yerinə yetirəcək.Qarşılaşmanın hakim-inspektoru AFFA-nın Hakimlər Departamentinin sədri Frits Ştuxlik, UEFA nümayəndəsi isə monteneqrolu Aleksandra Ana Raspopoviç olacaqlar.Görüş saat 17:00-da başlayacaq.Komandalar arasında cavab oyunu noyabrın 28-də Belində baş tutacaq. Qalib komanda pley-off mərhələsinə yüksələcək.Xatırladaq ki, “Qəbələ” birinci mərhələdə Moldova “Şerfi”ini mübarizədən kənarlaşdırıb – 1:1, 3:1.xeber100.com