“CİES Football Observatoru” araşdırma mərkəzi təqdim edir

“Pari Sen-Jermen”in və Fransa yığmasının hücumçusu Kilian Mbappe “CİES Football Observatoru” araşdırma mərkəzinin təqdim etdiyi dünyanın ən bahalı futbolçuları siyahısında ilk pillədə qərarlaşıb.Azərtac qurumun rəsmi saytına istinadla xəbər verir ki, 2018-ci il dünya çempionatının qalibinin dəyəri 216,5 milyon avro təşkil edir. Mbappedən sonra ən bahalı oyunçu “Tottenham Hotspur” və İngiltərə yığmasının hücumçusu Harri Keyn hesab edilir (197, 3 milyon avro). İlk üçlüyü Paris klubunun hücumçusu Neymar qapayır (197 milyon avro).CİES-in siyahısında ən bahalı futbolçular arasında ilk 10-luqda Məhəmməd Salah (“Liverpul”, 173 milyon avro), Filipp Koutinyo (“Barselona”, 171,3 milyon), Lionel Messi (“Barselona”, 170,6 milyon), Rahim Sterlinq (“Mançester Siti”, 164,6 milyon), Romelu Lukaku (“Mançester Yunayted”, 164,3 milyon), Dele Alli (“Tottenham”, 163,4 milyon) və Antuann Qrizman (“Atletiko”, 157,7 milyon) yer alıblar.xeber100.com

Qılıncoynatma Federasiyasının məlumatı

Qılıncoynatma üzrə milli komandamızın üzvləri Muzey Mərkəzində keçirilən moda sərgisində iştirak ediblər.Azərbaycan Qılıncoynatma Federasiyasından Azərtac-a bildiriblər ki, Mədəniyyət Nazirliyinin dəstəyi ilə reallaşan “Azerbaijan Fashion Week”də əcnəbi modelyer-dizaynerlərin yeni kolleksiyası nümayiş olunub. Yeni kolleksiyada qılıncoynatmanın elementlərini özündə əks etdirən geyimlər də yer alıb.xeber100.com

UEFA Çempionlar Liqasının dördüncü turuna start veriləcək

Bu gün UEFA Çempionlar Liqasının qrup mərhələsinin dördüncü turuna start veriləcək.Azərtac xəbər verir ki, turun mərkəzi qarşılaşması İtaliyanın “San Siro” stadionunda keçiriləcək. “İnter” klubu İspaniyanın “Barselona” komandasını qəbul edəcək. Üçüncü turda bu komandalar artıq üz-üzə gəliblər. Həmin görüşdə kataloniyalılar rəqibin qapısından iki cavabsız top keçirib.Bu komandalar UEFA Çempionlar Liqasinda, ümumilikdə, 7 dəfə qarşılaşıblar. Onların 4-də “Barselona”, 1-də isə “İnter” klubu qalib gəlib. İki oyun heç-heçə yekunlaşıb. Qrupun digər oyununda PSV (Niderland) İngiltərənin “Tottenhem” klubunun qonağı olacaq (ilk oyun – 2:2).Üç turdan sonra B qrupuna 9 xalla “Barselona” klubu başçılıq edir. Aktivində 6 xalı olan “İnter” ikinci yerdə qərarlaşıb. Hərəyə bir xal toplayan “Tottenhem” və PSV üçüncü və dördüncü yerləri bölüşürlər.Turun digər maraq doğuran oyunu isə İtaliyanın Neapol şəhərində oynanılacaq. “Napoli” (İtaliya) Fransanın PSG klubu ilə üz-üzə gələcək. Komandalar arasında Fransada baş tutan ilk matçda qalib müəyyənləşməyib - 2:2.C qrupuna üç turdan sonra 6 xalla “Liverpul” liderlik edir. Beş xalı olan “Napoli” ikinci, dörd xala malik PSG isə üçüncü yerdə qərarlaşıb. “Crevena Zvezda” 1 xalla dördüncü yerdədir.xeber100.com

Həndbol Federasiyasının məlumatı əsasında…

Qadın həndbolçuların Azərbaycan çempionatında növbəti turun oyunları keçirilib.Azərtac Azərbaycan Həndbol Federasiyasının rəsmi saytına istinadla xəbər verir ki, çempionatın lideri “Azərsu” “İdman Akademiyası” komandasını sınağa çəkib. Nominal meydança sahibinin üstünlüyü ilə keçən qarşılaşmada sürpriz qeydə alınmayıb. Daha inamlı oyun göstərən “Azərsu” 20 top fərqi ilə qalib gəlib – 38:18.Yarışın autsayderi – “Gənclər Birliyi”nin “qara zolaqdan” qurtulmaq cəhdi bu dəfə də alınmayıb. “Qarabağ”ın kəskin həmlələrini dəf etməkdə çətinlik çəkən “Gənclər Birliyi” 22:44 hesabı ilə uduzub.“Azərsu” 6 oyundan maksimum nəticə ilə çempionatın vahid lideridir. Ondan 3 oyun az keçirən “Azəryol” 4 xalla ikinci pillədə qərarlaşıb. Eyni xalı 4 oyuna qazanan “Qarabağ” 3-cü yerdədir. “Olimpiya” ilə “İdman Akademiyası” hərəyə 3 xalla 4-cü–5-ci yerləri bölüşür. Aktivinə hələ ki, xal yazdıra bilməyən “Gənclər Birliyi” yarışın autsayderidir.xeber100.com

“Milan” futbol klubu “Udineze”nin qonağı olub

Noyabrın 4-də İtaliya A Seriyasının 11-ci turuna yekun vurulub.Azərtac xəbər verir ki, turun sonuncu qarşılaşması “Daçia Arena”da keçirilib. “Milan” “Udineze”nin qonağı olub. Görüş “rossoneri”lərin 1:0 hesablı qələbəsi ilə başa çatıb. Oyunun taleyini həll edən qol qarşılaşmanın 97-ci dəqiqəsində vurulub. “Milan” klubunun kapitanı Alesio Romanyoli əks hücum zamanı müdafiəçilərin səhvini bağışlamayıb. Bu gənc müdafiəçinin artıq ikinci həlledici qolu olub.Xatırladaq ki, çempionatın 10-cu turunda “Genoa” ilə oyunda A.Romanyoli sonuncu dəqiqələrdə vurduğu qolla milanlılara qələbə qazandırıb (2:1).“Milan” ardıcıl üçüncü qələbəsini qazanaraq turnir cədvəlində dördüncü yerini qoruyub saxlayıb.İtaliya A Seriyasının 12-ci turunda "Milan" doğma meydanda “Yuventus” klubunu qəbul edəcək. "Udineze" isə səfərdə "Empoli"nin qonağı olacaq.Turun digər oyunlarında növbəti nəticələr qeydə alınıb: "Napoli"-"Empoli" - 5:1 "İnter"-"Genoa" - 5:0 "Fiorentino"-"Roma" - 1:1 "Yuventus"-"Kalyari" - 3:1 "Lazio"- SPAL- 4:1 "Kyevo"-Sassuolo" - 0:2 "Parma"-"Frosinone" - 0:0 "Sampdoriya"-"Torino" - 1:4 "Bolonya"-"Atalanta" - 1:2.xeber100.com

Futzalçılardan ibarət Azərbaycan yığması yoldaşlıq oyunu keçirəcək

On doqquz yaşadək futzalçılardan ibarət Azərbaycan yığması noyabrın 10-da və 11-də Tbilisi şəhərində Gürcüstanın müvafiq yaş qrupundan ibarət komandası ilə iki yoldaşlıq oyunu keçirəcək.Azərtac xəbər verir ki, oyunlar müvafiq olaraq saat 19:00-da və 13:00-da başlayacaq.Millimizin heyətində Rauf Rüstəmov, Rəfael Mütəllimov, Ceyhun Nuriyev, Turan Əhmədov, Sabir Həsənov, Nurlan Mehdizadə, Niyaz Əhmədov, Nicat Quluzadə, Kənan Əsədli, Fuad Məmmədzadə, Tofiq Hüseynov, Vladislav Reznov, İqbal Pənahov və Hüseyn Qarayev yer alıblar.xeber100.com

“Bahrain International Series-2018” turnirinə yekun vurulub

Bəhreynin Madinat-İsa şəhərində badminton üzrə “Bahrain International Series-2018” turnirinə yekun vurulub. Turnirdə iştirak edən badmintonçularımız Edi Reski Dviçayo və Ezmi Qovimuramadhoni uğurlu çıxışla yadda qalıblar.Azərtac xəbər verir ki, kişilərin şəxsi yarışında mübarizəyə 1/16 finaldan start verən Ezmi Qovimuramadhoni yarımfinala kimi məğlubiyyətsiz irəliləyib. Yarımfinala kimi Bəhreyn, Pakistan, İordaniya badmintonçularına qalib gələn Ezmi bu mərhələdə ABŞ təmsilçisi Timoti Lamla qarşılaşıb. Üç set davam edən görüş amerikalı badmintonçunun 2:1 hesablı qələbəsi ilə başa çatıb. Mübarizəni yarımfinalda dayandıran Qovimuramadhoni kişilərin şəxsi yarışında bürünc medal qazanıb.Mübarizəyə 1/8 finaldan qoşulan Edi Reski Dviçayo isə yarımfinala kimi İngiltərə və Bəhreyn badmintonçularına qalib gəlib. Yarımfinalda Yaponiya idmançısı Haruki Fukuda üzərində 2:1 hesablı qələbə qazanan Edi finalda ABŞ badmintonçusu Timoti Lamla üz-üzə gəlib. Amerikalı rəqibini 2:0 hesabı ilə məğlub edən Dviçayo “Bahrain International Series-2018” turnirinin qızıl medalını qazanıb.Badmintonçularımız eyni uğuru kişilərin qoşa yarışında da təkrarlayıblar. Bu kateqoriya üzrə yarışda mübarizəyə 1/4 finalda başlayan badmintonçularımız finala kimi Bəhreyn və Pakistandan olan həmkarlarına qalib gəliblər. Həlledici görüşdə yerli idmançılar Adnan və Cəfər İbrahim tandeminə 2:0 hesabı ilə qalib gələn Edi-Ezmi cütlüyü badmintonçuların qoşa yarışında qızıl medala sahib çıxıb.Beləliklə, ilk dəfə badmintonçularımız beynəlxalq turnirdə ümumilikdə 3 medal qazanıblar.

BATE futbol komandası Belarus çempionatının 27-ci turunda

BATE futbol komandası Belarus çempionatının 27-ci turunda “Neman”a qarşı oyundan sonra növbəti dəfə ölkə çempionu olub.Azərtac xəbər verir ki, Borisov təmsilçisi çempionatın bitməsinə üç tur qalmış 69 xalla çempionluğunu rəsmiləşdirib.BATE-“Neman” oyunu meydan sahiblərinin minimal hesablı qələbəsi ilə yekunlaşıb – 1:0.Qeyd edək ki, Belarus klubu ardıcıl 13-cü, ümumilikdə isə 15-ci dəfə ölkə çempionu adını qazanıb.xeber100.com

“Rayo Valekano” komandası “Barselona”ya məğlub olub

İspaniyanın "Rayo Valekano" komandası öz meydanında 2:3 hesabı ilə "Barselona"ya məğlub olub.Milli.az bildirir ki, oyun İspaniya Çempionatının 11-ci turu çərçivəsində keçirilib."Rayo Valekano"nun heyətində qolları Xose Anxel Poso (35-ci dəqiqə) və Alvaro Qarsiya (57-ci dəqiqə) vurublar. Kataloniyalılardan isə Luis Suares (11 və 90-cı dəqiqələr) və Usman Dembele (87-ci dəqiqə) fərqlənib.Beləliklə, "Barselona" turnir cədvəlində 24 xalla birincidir, "Rayo Valekano" isə 6 xalla 19-cudur.xeber100.com

“Qəbələ” futbol klubu “Sabah”la qarşılaşacaq

Bu gün Topaz Premyer Liqada 10-cu tura yekun vurulacaq.Milli.az xəbər verir ki, son oyun günündə iki görüş keçiriləcək."Qəbələ" öz meydanında Premyer Liqamızın debütantı "Sabah"la qarşılaşacaq.Günün digər matçında isə "Səbail" "Zirə"nin qonağı olacaq. 4 noyabr (bazar) 17:00. "Qəbələ" - "Sabah" Hakimlər: Rəvan Həmzəzadə, Mübariz Haşımov, Vüqar Bayramov, Mahir Məmmədov Qəbələ şəhər stadionu 19:00. "Zirə" - "Səbail" Hakimlər: Rəhim Həsənov, Zeynal Zeynalov, Rza Məmmədov, Nahid Xasıyev "Bakcell Arena".xeber100.com