U-13 Liqasının 2017/2018-ci il mövsümünə yekun vurulub

AFFA-nın təşkil etdiyi futbol üzrə U-13 Liqasının 2017/2018-ci il mövsümünə yekun vurulub.Azərtac xəbər verir ki, Binə stadionunda keçirilən final oyununda “Neftçi” və “Qəbələ” komandaları qarşılaşıblar. Rəqibinə 2:0 hesabı ilə qalib gələn “Qəbələ” U-13 Liqasının qalibi olub. Üçüncü yeri isə “Səbail” komandası tutub.Final oyunu başa çatdıqdan sonra mükafatlandırma mərasimi təşkil olunub. Mükafatları AFFA-nın İcraiyyə Komitəsinin üzvü İskəndər Cavadov, baş katibin müavini Sərxan Hacıyev təqdim ediblər.“Füzuli” komandasının üzvü Azər Tağıyev liqanın bombardiri olub. Liqanın ən yaxşı oyunçusu “Qəbələ” komandasında çıxış edən Eşqin Əhmədov, ən yaxşı qapıçısı Məmməd Muradov (“Qəbələ”) seçilib. “Fair play” mükafatına isə “Neftçi” komandasının futbolçusu Ramiz Muradov layiq görülüb.Final oyununu idarə edən hakimlərə diplomlar təqdim edilib.İlk üç yeri tutan komandalar müvafiq olaraq qızıl, gümüş və bürünc medallarla təltif ediliblər.Sonda “Qəbələ” komandasına kubok təqdim olunub.xeber100.com

U-20 millisi makedoniyalı həmyaşıdları ilə qarşılaşacaq

Mayın 24-də və 27-də 20 yaşadək futbolçulardan ibarət Azərbaycan yığmasının Makedoniyanın U-21 komandası ilə yoldaşlıq oyunu keçirəcəyini xəbər vermişdik.Azərtac xəbər verir ki, Makedoniya yığmasının Bakıya gələn heyətinə 1998/1999-cu il təvəllüdlü futbolçular daxil olunub. Beləliklə, qeyd olunan yoldaşlıq oyunları hər iki ölkənin U-20 yığma komandası arasında keçiriləcək.xeber100.com  

“Barselona”nın yarımmüdafiəçisi “Vissel Kobe” klubuna keçib

İspaniyanın “Barselona” klubunun yarımmüdafiəçisi Andres İnyesta Yaponiyanın “Vissel Kobe” klubuna keçib.Azərtac oyunçunun rəsmi “Twitter” səhifəsinə istinadən xəbər verir ki, 34 yaşlı futbolçu Yaponiya klubunun prezidenti ilə paylaşdığı şəkildə “Mən dostum Xikaro Mikitani ilə yeni evə gedirəm” yazıb.İnyesta aprelin sonunda “Barselona”dan ayrılacağını açıqlamışdı. O, Katalonya klubunda 2002-ci ildən çıxış edib. “Barselona”nın yarımmüdafiəçisi səkkiz dəfə İspaniya çempionu olub, eləcə də beş dəfə İspaniya kubokunu, yeddi dəfə ölkənin Super Kubokunu və dörd dəfə Çempionlar Liqasını qazanıb.xeber100.com

“Napoli” klubu heyətində dəyişikliklər etmək fikrindədir

“Napoli”yə yeni təyin olunan baş məşqçi Karlo Ançelottinin ilk transfer edəcəyi futbolçunun adı bəlli olub.“AS” nəşrinə istinadən xəbər verir ki, Papa Karlonun siyahısında ilk transfer “Real Madrid” klubunun fransız hücümçusu Kərim Benzemadır.Ançelotti klubun prezidenti Aurelio De Laurentisə istədiyi oyunçuların siyahısını verib. İtalyan mütəxəssis ilk günlərdən komandanın heyətində müəyyən dəyişikliklər etmək fikrindədir. Digər oyunçuların adları hələ açıqlanmır. Ançelotti “Real” klubunu (2013-2015-ci illər) çalışdırarkən Benzema Madrid təmsilçisinin şərəfini qoruyub.Karlo Ançelotti “Napoli”də digər italiyalı mütəxəssis Maurizio Sarrini əvəz edib.Kərim Benzema 2017/2018-ci il mövsümündə 46 matçda 11 qol vurub və 12 məhsuldar ötürmə verib.xeber100.com

“Selta” futbol klubunun yeni baş məşqçisi müəyyənləşib

İspaniyanın “Selta” futbol klubunun yeni baş məşqçisi müəyyənləşib.Azərtac xəbər verir ki, Viqo təmsilçisini Antonio Mohamed çalışdıracaq. Argentinalı mütəxəssis La Liqa klubu ilə ikiillik müqavilə imzalayıb.Qeyd edək ki, 48 yaşlı məşqçinin son iş yeri Meksikanın “Monterrey” klubu olub.xeber100.com

“Summer Chess Classic 2018” beynəlxalq çempionatı keçirilir

ABŞ-ın Sent-Luis şəhərində dairəvi sistem üzrə iki turnirdən ibarət “Summer Chess Classic 2018” beynəlxalq çempionatı keçirilir. Turnirlərin hər birində 10 şahmatçı iştirak edir.Azərtac xəbər verir ki, yeddi turdan sonra “A” turnirində azərbaycanlı qrossmeyster Vasif Durarbəyli liderlik edir. Onun aktivində 5,5 xal var. Varujan Akopyan Vasifdən yarım xal, Samuel Sevyan (hər ikisi ABŞ) 1 xal geri qalırlar. “B” turnirində ən yaxşı nəticəni yenə də polşalı şahmatçı Kamil Draqun göstərib. Onun aktivində 5 xal var. Dörd şahmatçı ondan 1 xal geri qalır.Azərbaycan nümayəndəsi səkkizinci turda qara fiqurlarla yerli şahmatçı Yaroslav Jerebuxla oynayacaq.xeber100.com

İspaniya Futbol Federasiyası müqavilə müddətini uzadıb

İspaniya Futbol Federasiyası ölkənin milli yığma komandasının baş məşqçisi Xulen Lopeteqi ilə müqavilənin müddətini uzadıb.Azərtac İspaniya yığmasının rəsmi “Twitter” səhifəsinə istinadla xəbər verir ki, yeni müqavilənin şərtlərinə görə, bu məşqçi İspaniya milli komandası ilə 2020-ci ilin yayınadək işləyəcək.Lopeteqi İspaniya yığmasına 2016-cı ildən – Avropa çempionatından sonra rəhbərlik edib. Ondan əvvəl komandanın baş məşqçisi Visente del Boske olub. İspaniyalılar Lopeteqinin rəhbərliyi altında seçmə qrupda birinci yeri tutaraq 2018-ci ildə keçiriləcək dünya çempionatına vaxtından əvvəl vəsiqə qazanıblar.xeber100.com

AFFA-nın təşkil etdiyi Region Liqası başa çatıb

AFFA-nın təşkil etdiyi futbol üzrə Region Liqası başa çatıb.Azərtac xəbər verir ki, Bayıl stadionunda keçirilən final oyununda Sumqayıtın “Uğur” və Mingəçevirin “Energetik” komandaları qarşılaşıblar.Rəqibinə 2:0 hesabı ilə qalib gələn “Uğur” 2017/2018-ci il mövsümünün qalibi olub. Üçüncü yeri isə “Füzuli” komandası tutub.Oyun başa çatdıqdan sonra mükafatlandırma mərasimi təşkil olunub. Mükafatları AFFA-nın birinci vitse-prezidenti, Milli Məclisin deputatı Rauf Əliyev, baş katib Elxan Məmmədov, AFFA-nın İcraiyyə Komitəsinin üzvləri İskəndər Cavadov və Vaqif Sadıqov təqdim ediblər.Region Liqasının bombardiri 13 qolla Balazahir Əsədullayev (“Şağan”) olub. “Uğur” komandasının üzvü Nahid Mehrəliyev liqanın ən yaxşı futbolçusu, Şöhrət Rəhimov (“Füzuli”) ən yaxşı qapıçısı seçilib.xeber100.com

Futbol üzrə yoldaşlıq oyunu keçirilib

Bolqarıstanın Bansko şəhərində təlim-məşq toplanışında olan futbol üzrə 19 yaşadək qızlardan ibarət Azərbaycan yığma komandası yoldaşlıq oyunu keçirib.Azərtac xəbər verir ki, Bolqarıstanın müvafiq yaş qrupundan ibarət yığması ilə qarşılaşan komandamız məğlub olub - 1:2.Yığmamızın yeganə qolunu Sona Rəhimova vurub.Komandalar arasında növbəti oyun mayın 25-də keçiriləcək.xeber100.com

“Challenge Trophy” yarışı keçiriləcək

Mayın 29-dan iyunun 3-dək Bosniya və Herseqovinanın Tuzla şəhərində 2000-2001-ci il təvəllüdlü həndbolçu qızlar arasında “Challenge Trophy” yarışı keçiriləcək.Azərbaycan Həndbol Federasiyasından Azərtac-a bildirilib ki, Avropa ölkələri arasında keçirilən çempionatda 8 dövlətdən həndbolçular iki qrupda yarışacaqlar.Azərbaycan təmsilçiləri Böyük Britaniya, Bosniya və Herseqovina və Lüksemburq milli komandaları ilə birlikdə “B” qrupunda mübarizə aparacaq. Estoniya, Moldova, Belçika və Kipr yığmaları isə “A” qrupunda yer alıblar.Qrup oyunları mayın 29-dan 31-dək keçiriləcək. İyunun 2-də yarımfinal, bir gün sonra isə final matçları oynanılacaq.Xatırladaq ki, 2002-ci ildə Bakıda qadınlar arasında keçirilən həmin yarışda Azərbaycan həndbolçuları qızıl medallara sahib olublar.xeber100.com