Futbolçular arasında dünya kuboku yarışlarına yekun vurulub

İtaliyada keçirilən 13 yaşadək futbolçular arasında Qallini dünya kuboku yarışlarına yekun vurulub.Azərtac xəbər verir ki, “Qəbələ” turnirin sonuncu günündə 3-cü yer uğrunda matçda qüvvəsini sınayıb. “Qırmızı-qaralar” Sloveniyanın “Bravo” komandası ilə görüşüb. Matçın taleyini 1 qol həll edib. Sloveniya təmsilçisi 1:0 hesablı qələbə ilə 3-cü yeri tutub. “Qəbələ” isə turniri 4-cü pillədə başa vurub.Yarışın qalibi adına İtaliya “Udineze”si yiyələnib. Onlar 1:1 hesabı ilə başa çatan final matçının penaltilər seriyasında İngiltərə “Uimbldon”undan üstün olublar.Xatırladaq ki, “Qəbələ” 3-cü yer uğrunda oyunadək keçirdiyi 6 oyunda 5 qələbə qazanıb və 1 heç-heçə edib. Komandamız qrupda “Sofiya Sport B”yə (Bolqarıstan) 14:0, “Livintana”ya (İtaliya) 11:0, “Ankona”ya (İtaliya) 3:1, səkkizdəbir finalda “Hayduk”a (Xorvatiya) 3:2, növbəti mərhələdə “Mendrisiotto Selection”a (İsveçrə) 5:1 hesabı ilə qalib gəlib və yarımfinalda İngiltərə “Uimbldon”una penaltilər seriyasında uduzub (1:1, penalti 4:5).xeber100.com

İngiltərə Premyer Liqasının növbəti görüşləri keçirilib

Bu gün futbol üzrə İngiltərə Premyer Liqasının 31-ci turunun növbəti görüşləri keçirilib.Azərtac xəbər verir ki, turun mərkəzi qarşılaşması Londonda “Çelsi” ilə “Tottenhem” klubları arasında olub. Bu qarşılaşmada hesabı meydan sahiblərinin açmasına baxmayaraq, qonaqlar qalib ayrılıblar 3:1. Meydan sahiblərinin heyətində Alvaro Morata fərqlənib. “Tottenhem”in qollarını isə Eriksen və Dele Alli (2) vurublar.Günün digər oyununda “Arsenal” klubu öz meydanında “Stok Siti” kollektivini 3:0 hesabı ilə məğlubiyyətə uğradıb.Turnir cədvəlinə “Mançester Siti” başçılıq edir. “Mançester Yunayted” ikinci, “Liverpul” isə üçüncü pillədir.xeber100.com

“Alain Dauliac” beynəlxalq fiqurlu konkisürmə kubokunda

Azərbaycanlı idmançı Orxan Məmmədov Fransanın Paris şəhəri yaxınlığındakı Sent-Uen kommunasında keçirilən 35-ci “Alain Dauliac” beynəlxalq fiqurlu konkisürmə kubokunda 2-ci yeri tutub.Azərtac xəbər verir ki, fiqurlu konkisürmə kubokunda Almaniya, Hollandiya, İsveç, İsveçrə, Danimarka, Rusiya, İtaliya, İngiltərə, Qazaxıstan, Cənubi Afrikadan 400 konkisürən iştirak edib.İdman karyerasına 4 yaşında Bakıda gimnastika ilə başlayan Orxan Məmmədov 2013-cü ildə ailəsi ilə birlikdə Fransaya köçüb və fiqurlu konkisürmə ilə məşğul olub.O, 2014 və 2015-ci illərdə Vitri (Vitry) kubokunun qalibi olub. 2016-cı ildə Qarjuaz (Gargeoise) və 2017-ci ildə Fontöne (Fontenay), Qarjuaz (Gargeoise), Fransua lö Komt (François le Compte), Bor dö Marn (Bords de Marne) kuboklarının qalibi olub və Kot dö Nakre (Cote de Nacre) mükafatını qazanıb.2018-ci ilin yanvarında keçirilən Fontöne (Fontenay), Bor dö Marn (Bords de Marne) kuboklarında qalib gəlib. 2018-ci ilin mart ayında keçirilən fiqurlu konkisürmə üzrə ölkə çempionatında komanda hesabına qalib gələrək Fransa yığmasının heyətinə cəlb edilib.Qeyd edək ki, ölkəmizin Fransadakı səfirliyi Orxan Məmmədovun Sent-Uen kommunasında keçirilən 35-ci “Alain Dauliac” beynəlxalq fiqurlu konkisürmə kubokunda iştirakına kömək göstərib.xeber100.com

Boksçular arasında Avropa çempionatı başa çatıb

Rumıniyanın Tırqu-Jiu şəhərində 22 yaşadək boksçular arasında Avropa çempionatı başa çatıb. Azərbaycan millisi yarışı 1 gümüş və 1 bürünc medalla başa vurub.Azərtac xəbər verir ki, çempionatın sonuncu günündə yığmamızın üzvü Tayfur Əliyev (56 kq) rumıniyalı Robert Eusebi Jitarunu sınağa çəkib. Gərgin keçən final döyüşü rəqibin qələbəsi ilə başa çatıb. Nəticədə Avropa Oyunlarının mükafatçısı yarışı ikinci pillədə bitirib.Qeyd edək ki, T.Əliyevdən öncə Məhəmməd Abdullayev (91 kq-dan yuxarı) bürünc medalı rəsmiləşdirmişdi.xeber100.com

21-ci “Zəfər Kuboku” beynəlxalq turniri başa çatıb

Türkiyənin Gebze şəhərində yeniyetmələr arasında sərbəst, yunan-Roma və qadın güləşi üzrə 21-ci “Zəfər Kuboku” beynəlxalq turniri başa çatıb.Azərtac xəbər verir ki, dörd gün davam edən yarışın yekununda sərbəst, yunan-Roma və qadın güləşçilərimiz, ümumilikdə 7 qızıl, 5 gümüş və 8 bürünc medal olmaqla 20 medal qazanıblar.Yarışda Əlihəsən Əmirli (48 kq), Əbülfəz Nəsirov (55 kq), Turan Bayramov (65 kq) qızıl, Fuad Mayılov (80 kq), İslam Abuyev (110 kq) gümüş, Riyad Aslanov (51 kq) və Sabir Cəfərov (60 kq) bürünc medalla yarışları başa vuran sərbəst güləş yığmamız komanda hesabında ikinci olub. Türkiyə birinci, Rusiya yığması isə üçüncü nəticə göstərib.Birgül Sultanova (57 kq), Jalə Əliyeva (61 kq) Nigar Mirzəzadə (65 kq) birinci, Şahanə Nəzərova (43 kq) ikinci, Ayşən Yusifova (46 kq), Sevinc Əhədova (49 kq), Elnur Məmmədova (61 kq) isə üçüncü olublar. Yeniyetmə qızlarımız da komanda hesabında Türkiyədən sonra ikinci pillədə qərarlaşıblar. Rumıniya güləşçiləri isə üçüncü yeri tutublar.Yunan-Roma güləşçilərinin yarışlarında Həzrət Cəfərov (51 kq) qızıl, Qurban Qurbanov (45 kq), Röyal Mirzəliyev (51 kq) gümüş, Murad Abbasov (55 kq), Ruslan Hədisov (65 kq) və Laçın Vəliyev (92 kq) bürünc medalla Vətənə dönüblər. Yunan-Roma güləşçilərimiz isə komanda hesabında üçüncü yeri tutublar. Türkiyə birinci, Gürcüstan komandası ikinci olub.Türkiyənin Gebze şəhərində keçirilmiş "Zəfər Kuboku" beynəlxalq turnirində qazanılmış nəticə aprelin 23-29-da Kiyevdə keçiriləcək Avropa çempionatı öncəsi məşqçilər korpusunun yığma komanda üzvlərini sınaqdan keçirməsi və heyətin müəyyənləşdirilməsi baxımından mühüm əhəmiyyətə malik olub.Qeyd edək ki, bu ilin oktyabrında Argentinanın paytaxtı Buenos-Ayres şəhərində keçiriləcək yeniyetmələrin 3-cü Olimpiya Oyunlarına lisenziyalar Avropa çempionatında qazanılacaq. Belə ki, yunan-Roma güləşi üzrə 45, 51, 60, 71, 92, sərbəst güləş üzrə 48, 55, 65, 80, 110, qadın güləşi üzrə 43, 49, 57, 65 və 73 kiloqram çəki dərəcələrində çempion olacaq güləşçilər Olimpiya Oyunlarına birbaşa vəsiqə qazanacaqlar. Reqlamentə əsasən qazanılmış lisenziyaların sayından asılı olmayaraq, hər bir ölkə hər bir güləş növü üzrə maksimum 2 idmançı ilə təmsil oluna bilər.xeber100.com

Futbolçular arasında yarımfinal oyunları keçirilib

İtaliyada keçirilən 13 yaşadək futbolçular arasında Qallini dünya kubokunda yarımfinal oyunları keçirilib.Azərtac xəbər verir ki, ardıcıl 5 qələbə ilə bu mərhələyə yüksələn “Qəbələ” İngiltərənin “Uimbldon” klubunun müvafiq yaş qrupundan ibarət komandası ilə görüşüb. Qarşılaşma 1:1 hesabı ilə başa çatıb. “Qırmızı-qaralar”ın qoluna Elmir Hüseynli imza atıb. Finalçının adına penaltilər seriyası aydınlıq gətirib. Zərbələri daha dəqiq yerinə yetirən ingiltərəlilər 5:4 hesablı qələbə qazanıblar.“Qəbələ” aprelin 2-də keçiriləcək 3-cü yer uğrunda oyunda Sloveniyanın “Bravo” komandası ilə üz-üzə gələcək. Yarışın qalibi adı uğrunda matçda isə “Uimbldon” və İtaliya “Udineze”si mübarizə aparacaq.xeber100.com

VI Beynəlxalq “Bahar kuboku – 2018” turniri keçirilib

Budapeştdə bədii gimnastika üzrə VI Beynəlxalq “Bahar kuboku - 2018” turniri keçirilib.Turnirdə 17 ölkədən 43 idman klubunun heyətində 380 gimnast mübarizə aparıb.Həmyerlimiz yeddi yaşlı Mina Abbasova çoxnövçülük yarışında yalnız ukraynalı rəqibindən geri qalaraq ikinci yeri tutub. O, həmçinin alətsiz və halqa ilə hərəkətlərdə də ikinci pillədə qərarlaşıb. Beləliklə, Mina Abbasova turnirdə üç gümüş medal qazanmağa müvəffəq olub.Yarışın qalibləri “Rio-2016” Olimpiadasının və birinci Avropa Oyunlarının qalibi, yeddiqat dünya, dördqat Avropa çempionu Marqarita Mamunun və üçqat Asiya çempionu Yelizaveta Nazarenkonun ustad dərslərində iştirak hüququ qazanıblar.Beş yaşından başlayaraq iştirak etdiyi bütün beynəlxalq yarışlarda parlaq çıxışı ilə fərqlənən Mina Abbasova iki ildən çoxdur Budapeştdə fəaliyyət göstərən “Rus RG Sport” klubunda gimnastika ilə məşğul olur. O, Macarıstandan başqa, Almaniya, Serbiya, Xorvatiya, İtaliya və Sloveniyada keçirilən beynəlxalq turnirlərdə də fəxri kürsünün yüksək pillələrinə qalxaraq qızıl və gümüş medallara sahib olub.Həmin yarışlarda Mina ailəsinin hazırda müvəqqəti olaraq yaşadığı ölkəni – Macarıstanı təmsil etsə də, ən böyük arzusu iştirak etdiyi bütün gimnastika turnirlərində Azərbaycan bayrağını dalğalandırmaqdır.xeber100.com

“PSJ” futbol klubu ölkə kubokunun finalında

Fransanın “PSJ” futbol klubunun ölkə kubokunun finalında “Monako”nu (3:0) məğlub edərək bu titula layiq görülməsi parislilərin braziliyalı legioneri Dani Alveş üçün əlamətdar olub.Azərtac xəbər verir ki, 34 yaşlı futbolçu bu qələbə sayəsində karyerasında 36-cı kuboka sahib olub. O, bu göstərici üzrə futbol tarixində yeni rekord müəyyənləşdirib.Braziliya millisinin üzvü bu göstərici üzrə sabiq futbolçular uelsli Rayan Giqqsi və şotlandiyalı Kenni Dalqlişi geridə qoyub. Dani Alveş titullarının 23-nü “Barselona”nın heyətində qazanıb. O, digər kubokları isə “Bahia” (1), “PSJ” (2), “Yuventus” (2), “Sevilla” (5) klublarında forma geydiyi dövrdə aktivinə yazdırıb. Braziliya milli komandasının heyətində isə D.Alves bir dəfə Amerika kubokunu, iki dəfə isə Konfederasiyalar kubokunu başı üzərinə qaldırıb.xeber100.com

“Qarabağ” klubu Çempionlar Liqasının qrup mərhələsində

Bildirilir ki, “Qarabağ” 29 yaşlı mərkəz müdafiəçisinin xidmətində maraqlıdı. Xəbərdə Ağdam təmsilçisinin nümayəndələrinin onunla danışıq aparmaq üçün İsrailə yollanmaq niyyətində olduqları da yazılıb. Cari mövsümü yüksək səviyyədə keçirən Nissonun Azərbaycana köçmək ehtimalı yüksək qiymətləndirilir. Belə ki, “Qarabağ”ın bu mövsüm Çempionlar Liqasının qrup mərhələsində iştirak etməsi və hazırda Premyer Liqaya başçılıq etməsi müdafiəçinin qərarına təsir edə bilər.Qeyd edək ki, karyerası ərzində “Makkabi” (Təl-Əviv), “Hapoel” (Akko), “Aşdod”, “Beytar”, “Alki” (Kipr) və “Sent-Qallen” (İsveçrə) klublarında çıxış etmiş Nisso Kapiloto 2016-cı ildən “Hapoel”in formasını geyinir. İsrailin gənclər millisində çıxış etmiş müdafiəçinin Hayfa təmsilçisi ilə müqavilə müddəti mövsümün sonuna qədərdi.xeber100.com

“Skenderbeu”nin çempionluğu ləğv edilib

UEFA “Skenderbeu”ya tarixin ən ağır cəzasını verib.Apasport.az saytının məlumatına görə, qitənin ali futbol qurumu Albaniya təmsilçisini oyun alqı-satqısı səbəbindən cəzalandırıb.2011-ci ildən bu yana müxtəlif yarışların nəticəsini qanunsuz üsullarla müəyyənləşdirən kluba 10 il Avropa kuboklarından kənarlaşdırılma və 1 milyon avro pul cəriməsi kəsilib.Həmçinin “Skenderbeu”nin 2015/16 mövsümündəki çempionluğu da ləğv edilib.Bu, bir Avropa klubuna verilən ən ağır cəza kimi tarixə düşüb.Qeyd edək ki, klub prezidenti Ardian Takay Avropa Arbitraj Məhkəməsinə (CAS) müraciət edəcəyini bildirib.xeber100.com