“Akhisarspor” ilə “Fənərbağça” üz-üzə qəlib

Mayın 10-da Türkiyə kubokunun finalı keçirilib.Azərtac xəbər verir ki, “Yeni Diyərbəkir” stadionunda “Akhisarspor” “Fənərbağça” ilə üz-üzə qəlib. Qarşılaşmanın favoriti sayılan “Fənərbağça” 2:3 hesabı ilə məğlub olub.Oyunda hesabı “Akhisarspor” komandası açıb. Qarşılaşamanın 32-ci dəqiqəsində Mişel Lopes fərqlənib - 1:0. Hər iki komandanın qarşılıqlı hücumları olsa da, hesab dəyişilməyib. Fasilədən sonra fənərlilər hesabı bərabərləşdirməyə nail olublar. Fernandao adını tabloya yazdırıb - 1:1. Oyunun 70-ci dəqiqəsində A.Sissoko dəqiq zərbə ilə “Akhisarspor”u hesabda yenidən irəli çıxarıb - 2:1. Qoldan on dəqiqə sonra Helder Barboza hesab arasındakı fərqi iki topa çatdırıb - 3:1. Matçın son nöqtəsini isə Aykut Kocamanın yetirmələri Souzanın sayəsində qoyub - 3:2. İrəli atılan “Fənərbağça” klubu hesabı dəyişə bilməyib. Beləliklə, “Akhisarspor” klubu 3:2 hesabı ilə qələbə qazanıb. Tarixində ilk dəfə Türkiyə kubokunu qazanan “Akhisarspor” komandası növbəti mövsümdə Avropa Liqasında çıxış etmək hüququ da qazanıb.xeber100.com

Gimnastika Federasiyasının məlumatı

İspaniyanın Quadalaxara şəhərində bədii gimnastika üzrə “Challenge” seriyasına aid dünya kuboku yarışı başa çatıb.Azərbaycan Gimnastika Federasiyasından Azərtac-a bildiriblər ki, son günlər uğurlu çıxışları ilə yadda qalan Azərbaycanın yeniyetmə gimnastları bu turnirdə də mükafat qazanıblar. Komanda hesabında təmsilçilərimiz Nərminə Səmədova və Arzu Cəlilova yığmamızın ümumi hesabına 88,550 xal yazdırmaqla üçüncü pilləyə yüksəliblər. İdmançılarımız bu uğurlu nəticə sayəsində turnirin bürünc medalına layiq görülüblər. Azərbaycan gimnastları Dərya Farşbafşəhriyari və Yelizaveta Luzan isə 86,950 xal toplayaraq dördüncü pillədə qərarlaşıblar.Gimnastlarımız fərdi yarışların finalında da inamlı təsir bağışlayıblar. Final mərhələsində A.Cəlilova gürzlərlə hərəkətlərdə dördüncü, lentlə çıxışda isə yeddinci olub. Y.Luzan isə halqa ilə çıxışına görə altıncı yeri tutub.xeber100.com

İdman kapoeyrası üzrə dünya çempionatına start verilib

Mayın 11-də Bakı İdman Sarayında idman kapoeyrası üzrə dünya çempionatına start verilib.Azərtac xəbər verir ki, Ümumdünya Kapoeyra Federasiyasının (WCF), Gənclər və İdman Nazirliyinin və Azərbaycan Kapoeyra Federasiyasının təşkilatçılığı ilə keçirilən yarış Azərbaycanın Braziliyadakı və Braziliyanın Azərbaycandakı səfirlikləri tərəfindən dəstəklənir.Dünya çempionatında 40-dan çox ölkədən idmançılar iştirak edirlər. Yarışa, həmçinin dünyanın 12 ən iri kapoeyra qrupu və onların qrand masterləri də qatılıb.Azərbaycan çempionatda müxtəlif yaş kateqoriyaları üzrə 25 idmançı ilə təmsil olunur.Yarışın ilk günündə azyaşlılar və yeniyetmələr bacarıqlarını nümayiş etdiriblər.Çempionata mayın 12-də yekun vurulacaq.xeber100.com

Rusiya kuboku yarışlarının qalibi müəyyənləşib

Futbol üzrə Rusiya kuboku yarışlarının qalibi müəyyənləşib. “Tosno” komandası finalda “Avanqard”ı 2:1 hesabı ilə məğlubiyyətə uğradıb.Azərtac xəbər verir ki, Volqoqradda keçirilən oyunda qazanılan qələbə Leninqrad vilayətinin komandası üçün tarixində ilk uğur olub. Buna baxmayaraq komanda Avropa Liqasında iştirak edə bilməyəcək. Buna səbəb isə klubun vaxtında lisenziya ala bilməməsidir. Belə olan halda ölkəni Avropa Liqasında Rusiya çempionatını 6-cı pillədə bitirən komanda təmsil edəcək. Hazırda buna ən yaxın “Ufa” komandasıdır.xeber100.com  

Həndbol Federasiyasının məlumatına görə…

Beynəlxalq həndbol turnirinin ikinci günündə növbəti oyunlar keçirilib.Azərbaycan Həndbol Federasiyasından Azərtac-a bildirilib ki, ölkə çempionu “Bakı” ilə “Batumi”nin görüşü daha böyük maraqla gözlənilirdi. Gərgin idman mübarizəsi şəraitində keçən oyun 42:40 hesabı ilə qonaqların xeyrinə nəticələnib. Digər təmsilçimiz “Məhsul” isə Gürcüstanın U-20 komandasını məğlubiyyətə uğradıb - 30:26.Xatırladaq ki, turnirin ilk günündə keçirilən oyunlar həndbolçularımızın qələbəsi ilə başa çatmışdı. “Bakı” Gürcüstanın U-20 komandasına 36:34, “Məhsul” isə “Batumi”yə 37:28 hesabı ilə qalib gəlmişdi.Xatirə turnirinə mayın 11-də yekun vurulacaq. Yarışın sonuncu günü “Batumi” kollektivi Gürcüstanın U-20 komandası ilə, “Bakı” həndbolçuları isə “Məhsul”la üz-üzə gələcəklər.xeber100.com

“Manchester Yunayted” klubunun qapıçısı mükafata layiq görülüb

“Manchester Yunayted” klubunun qapıçısı David De Xeya karyerasında ilk dəfə “Qızıl əlcək” mükafatına layiq görülüb.Azərtac xəbər verir ki, “Qırmızı şeytanlar”ın ispaniyalı qolkiperi mövsüm ərzində 18 oyunda qapısını toxunulmaz saxlamağı bacarıb.Onun ən yaxın izləyicisi “Mançester Siti”nin braziliyalı qapıçısı Edersondur. O, 16 oyunda qoruduğu qapıdan top buraxmayıb.xeber100.com

Həndbol üzrə beynəlxalq turnirə start verilib

Bakıda həndbol üzrə beynəlxalq turnirə start verilib.Azərbaycan Həndbol Federasiyasından Azərtac-a bildiriblər ki, yarışda Azərbaycan və Gürcüstanın kişi həndbol komandaları mübarizə aparırlar. Ölkəmizi turnirdə “Bakı” və “Məhsul” kollektivləri təmsil edir. Həndbolçularımızın rəqibləri isə Gürcüstanın U-20 və “Batumi” komandalarıdır."Bakı" komandası Gürcüstanın U-20 kollektivini 36:34, "Məhsul" isə "Batumi"ni 37:28 hesabı ilə məğlub edib.Bu gün "Batumi" həndbolçuları nominal ev sahibi kimi "Bakı"nı, Gürcüstanın U-20 komandası isə "Məhsul"u qəbul edəcək.Turnirə mayın 11-də yekun vurulacaq.xeber100.com

İspaniya Çempionatında 36-ci turun oyunları keçirilib

Futbol üzrə İspaniya Çempionatının 36-ci turun oyunları keçirilib.Azərtac xəbər verir ki, günün ilk qarşılaşması "Nou Kamp" stadionunda keçirilib. Vaxtından əvvəl çempion olmuş "Barselona" altıncı yerdə qərarlaşan "Villyareal"ı qəbul edib. Hesabı meydan sahibləri erkən qolla açıb. Oyunun 11-ci dəqiqəsində Filip Koutinyo fərqlənib - 1:0. Dörd dəqiqə sonra Paulinyo hesabı artırıb - 2:0. Birinci hissənin axırıncı dəqiqəsində Leo Messi hesab arasındakı fərqi üç topa çatdırıb - 3:0. Birinci hissə bu hesabla başa çatıb.Fasilədən sonra qonaqlar qollardan birinin əvəzin çıxıblar. N.Sansone adını tabloya yazdırıb - 3:1. Oyunda son nöqtəni Osman Dembele (87,90) qoyub - 5:1. Beləliklə "katalonya"lılar 5:1 hesabı ilə qələbə qazanıb.Digər görüşdə "Real Madrid" klubu "Sevilya"nın qonağı olub. Matçın 26-ci dəqiqəsində meydan sahibləri hesabı Ben Yaderin sayəsində açıblar - 1:0. Birinci hissənin əlavə olunmuş birinci dəqiqəsində Latın fərqlənərək hesabı artırıb - 2:0. Birinci hissə bu hesabla başa çatıb.Oyunun əsas vaxtına altı dəqiqə qalmış üç qol vurulub. Meydan sahiblərinin heyətində Serxiyo Ramosun avtoqolu, qonaqların isə heyətində Borja Mayoral və 11 metrlik cərimə zərbəsindən Serxiyo Ramos fərqlənərək oyunda son nöqtəni qoydular - 3:2.Qeyd edək ki, matçın 58-ci dəqiqəsində madridlilərin kapitanı Serxiyo Ramos 11 metrlik cərimə zərbəsini yerinə yetirə bilməyib.xeber100.com

“Yuventus” klubu ilə “Milan” üz-üzə qəliblər

İtaliyanın paytaxtı Romanın "Olimpiko" stadionunda ölkə kubokunun final oyunu keçirilib.Azərtac xəbər verir ki, İtaliyanın iki nəhəng klubu "Yuventus" və "Milan" üz-üzə qəliblər. Qarşılıqlı hücumlar şəraitində keçən birinci hissədə qapılara qol vurulmayıb.İkinci hissənin 56-ci dəqiqəsində üstünlüyü ələ alan "Yuventus" klubu künc zərbəsindən sonra Benatiyanın sayəsində hesabı açıb - 1:0. Bundan beş dəqiqə sonra Duqlas Kosta hesabı artırıb - 2:0. Matçın 64-ci dəqiqəsində Benatiya özünün ikinci komandanın üçüncü qolunu vurub - 3:0. Oyunda son nöqtəni "Yuventus"un künc zərbəsindən sonra avtoqola imza atan Kaliniç qoyub - 4:0. Beləliklə "Yuventus" 4:0 hesabı ilə qələbə qazanaraq tarixində 13-cü kubokuna sahib olub.xeber100.com

Çimərlik voleybolu üzrə turnir keçirilib

Pirşağıdakı “Həyat” İstirahət Mərkəzində çimərlik voleybolu üzrə turnir keçirilib.Azərtac xəbər verir ki, Olimpiya sistemi üzrə keçirilən yarışda 20 kişi, 11 qadın komandası qüvvəsini sınayıb.Xanımların mübarizəsində “İl Azero” çempion tituluna yiyələnib. Kəmalə Əsgərova və Lyubov Qaluşkodan ibarət cütlük həlledici görüşdə Səbinə və Kameyla Mustafayevalardan ibarət “Sofi”yə qalib gəlib. İlk üçlüyü AVF (Dünya Vəliyeva və Fidan Ağaməmmədova) qapayıb.Kişi voleybolçuların oyunu daha gərgin alınıb. Yarışda əsas yığmamızın üzvləri Pərviz Səmədov və Tural Həsənlidən ibarət “Taleh-1” bütün rəqiblərindən güclü olub. İkinci yeri “Sərhədçi” (Cavid Süleymanov və Aqil Ağayev), üçüncü pilləni isə “Taleh-2” (Purya Yazdenpenah və Asif Əliyev) tutub.xeber100.com