Portuqaliya yığmasının ilkin heyəti açıqlanıb

Qadın voleybolçulardan ibarət Azərbaycan millisi ilə Qızıl Avropa Liqasının “A” qrupunda mübarizə aparacaq Portuqaliya yığmasının ilkin heyəti açıqlanıb.Azərtac xəbər verir ki, Portuqaliya millisinin baş məşqçisi Manuel Almeyda ilkin heyətdə Beatriş Baştu, Ana Foneşka, Daniela Lureyru, Joana Resende, Ana Koutu, Eliana Durau, Mariana Lopeş, Vanessa Rodriqeş, Eduarda Duarte, Nuria Lopeş da Silva, Karina Moura, Neuşa Netu, Alin Rodriqeş, Juliana Antuneş, Barbara Qomeş, Fabiola Qomeş, Ana Quveya, Marta Hurst, Yuliya Kovalenko, Patrisiya Leal, Maria Lopeş, Maria Mayyu və Ana Valeyə yer verib.Turnirin “A” qrupunda Azərbaycan və Portuqaliya yığmalarından başqa, Ukrayna və Bolqarıstan milliləri də mübarizə aparacaq.Qeyd edək ki, qrup qalibləri, həmçinin ən yaxşı ikinci yerin sahibi iyunun 14-15-də “Dördlər finalı”nda mübarizəni davam etdirəcək. “B” qrupunda Xorvatiya, Finlandiya, Macarıstan, Fransa, “C” qrupunda isə Slovakiya, Belarus, İspaniya və Çexiya milliləri yarışacaqlar.xeber100.com

Sambo üzrə Avropa çempionatı keçiriləcək

Mayın 17-dən 21-dək Yunanıstanın paytaxtı Afinada sambo üzrə Avropa çempionatı keçiriləcək.Azərtac xəbər verir ki, yarışda ölkəmizi Ağasif Səmədov (52 kq), Mehman Xəlilov (57 kq), Cavidan Qarayev (62 kq), Emil Həsənov (68 kq), Kamran Əsgərov (74 kq), Ceyhun Hüseynov (82 kq), Nizami Məmmədov (100 kq) və Vasif Səfərbəyov (100 kq-dan yuxarı) təmsil edəcəklər.Döyüş sambosu yarışlarında isə Ramil Vəliyev (74 kq) və Nəbi Məmmədov (100 kq) birincilik uğrunda mübarizə aparacaqlar.Millimiz çempionatda Azərbaycan Sambo Federasiyasının prezidenti Ceyhun Məmmədovun rəhbərliyi altında yarışacaq.xeber100.com  

Türkiyə Superliqasının 33-cü turunun sonuncu oyununda

Futbol üzrə Türkiyə Superliqasının 33-cü turunun sonuncu oyununda “Fənərbağça” səfərdə “Karabükspor” ilə qarşılaşıb.Azərtac xəbər verir ki, “Fənərbağça” çempionluq uğrunda mübarizədə böyük əhəmiyyət kəsb edən vacib üç xalı rəqib qapısından keçirdiyi 7 cavabsız qol sayəsində təmin edib. Matç İstanbul təmsilçisinin 7:0 hesablı qələbəsi ilə başa çatıb.“Fənərbağça” matçın ikinci dəqiqəsində hesabı açıb. Meydan sahiblərinin heyətində Anton Kravçenko topu öz qapısına vurub – 1:0. Görüşün 20-ci və 29-cu dəqiqələrində “Fənərbağça”nın futbolçusu Fernandao dubla imza atıb. 38-ci dəqiqədə Aatif Çaheçoue hesab arasındakı fərqi artırıb - 4:0. İlk hissə bu hesabla başa çatıb.Fasilədən sonra “Fənərbağça” daha üç qol vuraraq “Karabükspor”un darmadağınını rəsmiləşdirib. Oyunun 47-ci dəqiqəsində Roberto Soldado, 77-ci dəqiqədə Nabil Dirar, 90-cı dəqiqədə isə Vinsent Yanssen adlarını tabloya yazdırıblar – 7:0.Bu qələbədən sonra “Fənərbağça” xallarının sayını 69-a çatdıraraq ikinci pillədəki yerini qoruyub. Çempionatın lideri “Qalatasaray” ilə “Fənərbağça”nın arasında üç xallıq fərq var. “Fənərbağça” ilə eyni xala malik “Başakşəhər” üçüncü, hesabında 68 xal olan “Beşiktaş” dördüncüdür.Tur çərçivəsində ötən gün keçirilmiş digər görüşdə “Beşiktaş” komandası səfərdə “Osmanlıspor”u 3:2 hesabı ilə məğlub edib.Türkiyə Superliqasının sonuncu - 34-cü turu gələn həftə oynanılacaq və çempion müəyyənləşəcək. “Beşiktaş” komandasının çempion olmaq şansı qalmayıb. Çempionluğun bir addımlığında olan “Qalatasaray”la yanaşı, “Fənərbağça” və “Başakşehir”in də Superliqada ilk sırada olmaq şansları davam edir.Mayın 20-də keçiriləcək və maraqla gözlənilən qarşılaşmalardan “Qalatasaray” səfərdə “Göztəpə”, “Fənərbağça” doğma meydanda “Konyaspor” ilə üz-üzə gələcək. “Başakşəhər” isə “Kasımpaşa”nı qəbul edəcək.xeber100.com

Sambo üzrə Avropa çempionatı keçiriləcək

Mayın 18-20-də Yunanıstanın paytaxtı Afinada sambo üzrə Avropa çempionatı keçiriləcək.Azərtac xəbər verir ki, “Ano Liosiya” idman kompleksində keçiriləcək çempionatda 30 ölkəni təmsil edən 300 idmançı mübarizə aparacaq.Yarışda Azərbaycan milli komandasının da iştirakı nəzərdə tutulur.Yunanıstan bu yarışlarda 15 idmançı ilə təmsil olunacaq.Sambo üzrə Avropa çempionatları 1972-ci ildən keçirilir. Yunanıstan, Çexiya, Belarus, Litva, Bolqarıstan, Rusiya, Serbiya, Böyük Britaniya və Avropanın digər ölkələri mütəmadi olaraq sambo çempionatlarına ev sahibliyi edirlər.xeber100.com

Argentina millisinin ilkin heyəti açıqlanıb

Futbol üzrə Argentina millisinin dünya çempionatı üçün ilkin heyəti açıqlanıb. Baş məşqçi Xorxe Sampaoli 35 oyunçuya dəvət yollayıb.Azərtac xəbər verir ki, heyətdə qapıçılar - Serxio Romero (“Mançester Yunayted”), Nauel Qusman (“Tiqres”), Villi Kabalyero (“Çelsi”), Franko Armani (“River Pleyt”), müdafiəçilər - Markos Roxo (“Mançester Yunayted”), Herman Petselya (“Betis”), Kristian Ansaldi (“Torino”), Ramiro Funes Mori (“Everton”), Federiko Fazio (“Roma”), Nikolas Otamendi (“Mançester Siti”), Markos Akunya (“Sportinq”), Eduardo Salvio (“Benfika”), Nikolas Talyafiko (“Ayaks”), Qabriel Merkado (“Sevilya”), yarımmüdafiəçilər - Pablo Peres (“Boka Xuniors”), Adrian Senturion (“Rasinq”), Maksimiliano Mesa (“İndependiente”), Qido Pisarro (“Sevilya”), Enzo Peres (“River Pleyt”), Rodriqo Battalya (“Sportinq”), Xavier Masçerano (“Xebey Çayna Forçun”), Leandro Parades (“Zenit”), Manuel Lanzini (“Vest Hem”), Covanni Lo Selso, Anxel Di Mariya (hər ikisi PSJ), Lukas Bilya (“Milan”), Ever Baneqa (“Sevilya”), hücumçular - Qonzalo İquayn, Pablo Dibala (hər ikisi “Yuventus”), Lionel Messi (“Barselona”), Serxio Aquero (“Mançester Siti”), Dieqo Perotti (“Roma”), Kristian Pavon (“Boka Xuniors”), Lautaro Martinez (“Rasinq Avelyaneda”) və Mauro İkardi (“İnter”) yer alıblar.Qeyd edək ki, Argentina yığması Rusiyada keçiriləcək dünya çempionatında İslandiya, Nigeriya və Xorvatiya ilə eyni qrupda mübarizə aparacaq.xeber100.com

Karate Federasiyasının məlumatına görə…

Kyokşin karate üzrə Azərbaycan yığma komandası Polşanın Vroslav şəhərinə növbəti Avropa çempionatında iştirak edib.Azərbaycan Kyokşin Karate Federasiyasından Azərtac-a bildirilib ki, 28 ölkədən 400-dən çox idmançının qatıldığı mötəbər yarışda komandamız 15 nəfərlik heyətlə təmsil olunub.Gənc karateçilərimizdən Alikismət Həsənov (60 kq), Seyfəddin Namazov (70 kq) və Solmaz Zeynallı (60 kq) yarışın bürünc medalını qazanıblar. Böyüklərin yarışında isə Emin İsmayıllı (65 kq) və Səlahət Həsənov (85 kq) finalda məğlub olaraq çempionatın gümüş medalına layiq görülüblər.Qeyd edək ki, Emin İsmayıllı və Səlahət Həsənov mayın 19-20-də Yaponiyanın Osaka şəhərində “Full Kontakt Karate” beynəlxalq turnirində ölkəmizi təmsil edəcəklər.xeber100.com

AFFA-nın Lisenziya Komissiyasının iclası keçirilib

Mayın 15-də AFFA-nın Lisenziya Komissiyasının iclası keçirilib. İclasda 2018-2019-cu il mövsümündə UEFA-nın klub turnirlərində iştirak etmək üçün müraciət etmiş “Keşlə”nin sənədlərinə baxılıb.Azərtac xəbər verir ki, AFFA “Keşlə”yə istisna yanaşmanın tətbiq olunması ilə bağlı UEFA-ya müraciət etmişdir. UEFA müraciətin baxılması üçün prosesə başlayaraq həm AFFA, həm də “Keşlə” tərəfindən müvafiq sənədlərin toplanmasını və vaxtında UEFA-ya təqdim olunmasını tələb etmişdi. Tələb olunmuş bütün sənədlər UEFA-ya qaydasında və vaxtında təqdim olunub və UEFA müraciəti müsbət cavablandırıb. Bu qərara əsasən, “Keşlə” 2018-2019-cu il mövsümündə UEFA lisenziyasını almaq hüququna malikdir.AFFA-nın Lisenziya Komissiyası klubların lisenziyalaşdırılması üzrə qaydalarına əsaslanmış müzakirələrdən sonra UEFA-nın klub yarışlarında iştirak etmək üçün “Keşlə”yə lisenziya verib.xeber100.com

Kolumbiya millisinin dünya çempionatı üçün heyəti açıqlanıb

Futbol üzrə Kolumbiya millisinin dünya çempionatı üçün ilkin heyəti açıqlanıb. Baş məşqçi Xose Nestor Pequerman 35 oyunçuya dəvət yollayıb.Azərtac xəbər verir ki, heyətdə qapıçılar - İvan Arboleda ("Benfild", Argentina), Xose Cuadrado ("Caldas"), David Ospina (“Arsenal”, İngiltərə), Camilo Vargas (“Deportivo Kali”), müdafiəçilər - Santiaqo Arias (“PSV”, Hollandiya), Farid Diaz (“Olimpiya”, Paraqvay), Frank Fabra (“Boka Xuniors”, Argentina), Stefan Medina (“Monterre”, Meksika), Erri Mina (“Barselona”, İspaniya), Bernardo Espinosa, Joan Mojika (hər ikisi – “Girona”, İspaniya), Oskar Murillo (“Pacuka”, Meksika), Davinson Sancez (“Tottenxem”, İngiltərə), Villiam Tecillo (“Leon”, Meksika), Kristian Zapata (“Milan”, İtaliya), yarımmüdafiəçilər - Abel Aguilar (“Deportivo Cali”), Vilmar Barrios, Edvin Kardona, Sebastian Perez (hamsı – “Boka Xuniors”, Argentina), Juan Kuadrado (“Juventus”, İtaliya), Gustavo Cuellar (“Flamenqo”, Braziliya), Cefferson Lerma (“Levante”, İspaniya), Giovanni Moreno (“Şanqai Şenxua”, Çin), Juan Quintero (“River Pleyt”, Argentina), Xames Rodriqez (“Bavariya”, Almaniya), Karlos Sancez (“Espanyol”, İspaniya), Mateus Uribe (“Amerika”, Meksika ), hücumçular - Karlos Bakka (“Villarreal”, İspaniya), Miqel Borja (“Palmeyras”, Braziliya), Radamel Falkao (“Monako” Fransa), Xose Isquerdo (“Brayton”, İngiltərə), Luis Muriel (“Sevilla”, İspaniya), Cimmi Xara, Teofilo Qutyerrez (hər ikisi “Atletiko Junior” Braziliya) və Duvan Zapata (“Sampdoria”, İtaliya) yer alıblar.Qeyd edək ki, Kolumbiya yığması Rusiyada keçiriləcək dünya çempionatında Polşa, Seneqal və Yaponiya ilə eyni qrupda mübarizə aparacaq.xeber100.com

Formula 1 yarışması Şanxayda keçiriləcək

Gələn il Formula 1 yarışmasının 1000-ci yürüşü Şanxayda keçiriləcək.Azərtac xəbər verir ki, Formula 1 rəhbərliyi yubiley yarışmasını birinci Qran-Prinin (1950) keçirilmiş olduğu Silverstounda təşkil etmək istəsə də, hava şəraitinə görə bu ideyadan imtina etmək qərarına gəlib.“Əlbəttə, biz istərdik ki, yubiley yarışması Silverstounda keçirilsin. Bu, çox gözəl və rəmzi olardı. Lakin bu ilin aprel ayında Böyük Britaniyada bizi bu ideyadan əlverişsiz hava şəraitinə görə daşındırdılar”, - deyə Formula 1-in kommersiya direktoru Şon Bratçes bildirib.Böyük Britaniya Qran-Prisi aprel ayında yalnız bir dəfə - 2000-ci ildə keçirilib və o zaman təşkilatçılar çətin hava şəraiti ilə qarşılaşıblar: güclü yağış trası, demək olar, yuyub aparmışdı.Bratçes Şanxayda yubiley yürüşünün uğurlu olacağına əminliyini də bildirib. Vurğulayıb ki, Çin gələcək Formula 1-in bir hissəsidir.xeber100.com

İspaniya La Liqasının 37-ci turu çərçivəsində

İspaniya La Liqasının 37-ci turu çərçivəsində növbəti oyunlar keçirilib.Azərtac xəbər verir ki, turun gözlənilməz hesabı "Estadio Valensiya" stadionunda qeydə alınıb. "Levante" "Barselona" klubunu 5:4 hesabı ilə məğlub edib. Hesabı meydan sahibləri 9-cu dəqiqədə açıblar. Boatenq fərqlənib- 1:0. Qarşılaşmanın 30-cu dəqiqəsində Boatenq dublun rəsimləşdirib -2:0. Birinci hissəyə yeddi dəqiqə qalmış qonaqlar hesabı minimuma endirə biliblər. Filip Koutinyo adını tabloya yazdırıb -2:1. Birinci hissə elə bu hesabla başa çatıb.Fasilədən dərhal sonra 46-cı dəqiqədə katalonyalıları əks hücümda yaxalayan meydan sahibləri hesab arasındakı fərqi üç topa çatdırıb. Enis Barthi fərqlənib - 3:1. Qoldan üç dəqiqə sonra Boatenq özünün üçüncü komandasının dördüncü qolun vurub - 4:1. Matçın 56-cı dəqiqəsində Enis Barthidə dublun rəsimləşdirib- 5:1. Qalan dəqiqələrdə "Barselona" klubu üç qol vursada məğlubiyyətdən qaça bilməyib. Qolları F.Koutinyon (2), Luis Suarez vurub- 5:4. Beləliklə 36 oyunu meydandan qələbə ilə ayrılan "Barselona" səfərdə "Levante"ya 5:4 hesabı ilə məğlub olub."Real Madrid" isə doğma meydanda "Selta Viqo" komandasının qapısından altı cavabsız top keçirib. Oyunda 13-cü və 30-cu dəqiqəsində Qaret Bayl, İsko (32), Əşrəf Həkimi (52), S.Qomez (74-avtoqol) və Toni Kros (81) fərqləniblər."Atletiko" isə səfərdə "Xetafe" klubuna minimal hesabla qalib gəlib. Oyunda yeganə qolun müəllifi Koke olub.Turun digər oyunlarında aşağıdakı nəticələr qeydə alınıb: “Real Sosyedad” – “Leganes” - 3:2 “Alaves” – “Atletik Bilbao” - 3:1 “Deportivo” – “Villyareal” - 2:4 “Eybar” – “Las Palmas” - 1:0 “Girona” – “Valensiya” - 0:1 “Real Betis” – “Sevilya” - 2:2 “Espanyol” – “Malaqa” – 4:1. Beləliklə 37 turdan sonra İspaniya La Liqasının turnir cədvəlinə çempionluğunu vaxtından əvvəl təmin edən “Barselona” 90 xalla başçılıq edir. “Atletiko Madrid” 78 xalla ikinci, “Real Madrid” 75 xalla üçüncü, “Valensiya” isə 70 xalla dördüncü sırada qərarlaşıblar.Qeyd edək ki, İspaniya çempionatının son turu mayın 19-da və 20-də keçiriləcək.xeber100.com