“Bakı Marafonu-2018” Bayraq Meydanından start götürəcək

Mayın 13-də keçiriləcək “Bakı Marafonu-2018”də qeydiyyat prosesi uzadılıb.Fonddan Apa-ya verilən məlumata görə, marafonda iştirak etmək istəyən 16 yaşdan yuxarı hər bir şəxs mayın 12-i saat 14:00-dək qeydiyyat məntəqələrinə və marafonun rəsmi saytına müraciət edə bilər.Qeydiyyat zamanı iştirakçı formasını doldurmaq, şəxsiyyət vəsiqəsinin surətini (tələbələr eyni zamanda tələbə vəsiqəsinin surətini) təqdim etmək və iştirak üçün müəyyən olunmuş vəsaiti ödəmək lazımdır.“Bakı Marafonu-2018” Dövlət Bayrağı Meydanından start götürərək Bakı Olimpiya Stadionuna qədər 21 kilometr məsafəni əhatə edəcək.xeber100.com

Amerika Kubokunun iştirakçılar siyahısında…

Cənubi Amerika Futbol Konfederasiyası (CONMEBOL) 2019-cu ildə keçiriləcək Amerika Kubokunun iştirakçılar siyahısına Qətər və Yaponiya milli komandalarını daxil edib.“Gazeta.ru”-nun verdiyi xəbərə görə, adıçəkilən ölkələr “Copa America”nın Asiya qitəsində populyar olduğu üçün turnirə cəlb ediliblər.Amerika Kuboku uğrunda turnir 1916-cı ildən keçirilir. 1993-cü ildən etibarən yarışlarda CONMEBOL-a üzv 10 ölkə (Braziliya, Argentina, Uruqvay, Çili, Peru, Ekvador, Kolumbiya, Venesuela, Paraqvay və Boliviya) və əksər hallarda Şimali, Mərkəzi Amerika və Karib dənizi hövzəsi ölkələrinin Futbol Konfederasiyasına (KONKAKAF) daxil olan 2 ölkənin yığma komandaları iştirak edir.Qeyd edək ki, 2019-cu ilin futbol üzrə Amerika kuboku Braziliyada keçiriləcək.xeber100.com

Güləş və boks üzrə respublika yarışları başa çatıb

“Təhsil” Respublika İdman Mərkəzinin 13-15 yaşlı oğlanlar arasında yunan-Roma güləşi üzrə respublika birinciliyi keçirilib.Təhsil Nazirliyindən Azərtac-a bildiriblər ki, Xaçmaz Olimpiya İdman Kompleksində təşkil olunan yarışda 22 komandadan 311 idmançı 10 çəki dərəcəsi üzrə mübarizə aparıb.Komanda hesabında birinci yerə “Təhsil” Respublika İdman Mərkəzinin Sumqayıt şəhər 1 nömrəli Uşaq-Gənclər İdman Şahmat Məktəbi, ikinci yerə Gəncə şəhər 1 nömrəli Uşaq-Gənclər İdman Şahmat Məktəbi, üçüncü yerə 2 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi (RİOEUGİM) layiq görülüblər.Daha bir yarış 13-14 yaşlı yeniyetmə boksçular arasında keçirilib. Şağan Olimpiya İdman Kompleksində təşkil olunan “Təhsil” Respublika İdman Mərkəzinin kuboku yarışına nazirliyin tabeliyində fəaliyyət göstərən uşaq-gənclər idman şahmat məktəblərinin, “Neftçi”, “Qarabağ”, “Zenit”, “Rabitə” idman klublarının komandaları qatılıblar.On doqquz çəki dərəcəsi üzrə 210 idmançının mübarizə apardığı yarışda komanda hesabında birinci yeri 1 nömrəli RİOEUGİM, ikinci yeri Sumqayıt şəhər 1 nömrəli Uşaq-Gənclər İdman Şahmat Məktəbi, üçüncü yeri Gəncə şəhər 1 nömrəli Uşaq-Gənclər İdman Şahmat Məktəbi tutublar.Qaliblər kubok və diplomlarla mükafatlandırılıblar.Qeyd edək ki, yarışların keçirilməsinin məqsədi müvafiq idman növləri üzrə mərkəzin yığma komandalarını formalaşdırmaq, idmançıların dostluq əlaqələrini yaratmaq, uşaq və yeniyetmələr arasında idman növlərini təbliğ etməkdir.xeber100.com

Güləş üzrə Avropa çempionatı keçirilir

Rusiyanın Kaspiysk şəhərində böyüklər arasında güləş üzrə Avropa çempionatı keçirilir.Azərtac xəbər verir ki, beşinci yarış günündə 57, 65, 70, 79 və 97 kiloqram çəki dərəcələrində sərbəst güləşçilər mübarizəyə qoşulurlar.Artıq güləşçilərimizin ilk rəqibləri müəyyənləşib. Belə ki, Georgi Edişeraşvili (57 kq) bolqarıstanlı Mikyay Salim Naimlə, Hacı Əliyev (65 kq) Avstriya güləşçisi Qabriel Yanatşla, Murtuz Müslümov (70 kq) almaniyalı Aleksandr Semisorovla, Cəbrayıl Həsənov (79 kq) Ukrayna təmsilçisi Rüstəm Dudayevlə, Nurməhəmməd Hacıyev (97 kq) isə ermənistanlı Georgi Ketoyevlə qarşılaşacaq.xeber100.com

Çempionlar Liqasının play-off mərhələsində

“Bavariya” klubu “Yuventus”un hücumçusu Paulo Dibalaya görə 100 milyon avrodan keçməyə hazırdır.Azərtac xəbər verir ki, Çempionlar Liqasının play-off mərhələsində zəif təsir bağışlayan və son beş oyununda qol vura bilməyən Robert Levandovskinin pis formada olması “Bavariya” rəhbərliyini yeni hücumçu axtarmağa məcbur edib. “Bavariya” klubu tarixində özü üçün rekord bir addım atmağa hazırdır və 24 yaşlı argentinalı Paulo Dibala üçün Turin klubuna 100 milyon avro təklif edib. Almanların transfer rekordu keçən ilin yayda 41,5 milyon avro əldə etdiyi Tolisso olub. Oyunçu ilə “Bavariya”dan başqa, “Real Madrid”, “Barselona” və “Atletiko” da maraqlanır.Qeyd edək ki, 2015-ci ildə “Yuventus” Dibalanı Palermo klubundan 40 milyon avroya transfer edib.xeber100.com

Şahmat üzrə 48-ci turnir start götürəcək

Mayın 5-də Bosniya və Herseqovinanın paytaxtı Sarayevoda şahmat üzrə 48-ci turnir start götürəcək. Turnirə 19 ölkədən 164 şahmatçı, o cümlədən 15 qrossmeyster qoşulacaq.Azərtac xəbər verir ki, Azərbaycanı bu yarışlarda beynəlxalq usta Ülvi Sadıqov təmsil edəcək. O, turnirin start cədvəlində 2473 reytinqlə 13-cü yerdədir. Yarışın reytinq-favoriti türkiyəli qrossmeyster Mustafa Yılmazdır (2621). Rusiyalı Aleksandr Predke (2603) ikinci, xorvatiyalı Ante Brkiç (2598) üçüncü yerdədir.İsveçrə sistemi üzrə keçiriləcək “Bosna” beynəlxalq şahmat yarışı 9 turdan ibarət olacaq.xeber100.com

Topaz Premyer Liqasının XXVI turuna start veriləcək

Mayın 4-də “Kəpəz” - “Sumqayıt” oyunu ilə futbol üzrə Topaz Premyer Liqasının XXVI turuna start veriləcək.Azərtac xəbər verir ki, üç günü əhatə edəcək turun açılış matçı Gəncə şəhər stadionunda oynanılacaq. Çempionatın XXV turunda “Kəpəz” səfərdə “Qəbələ”yə, “Sumqayıt” isə öz meydanında “Səbail”ə məğlub olub. Rəhim Həsənovun idarə etdiyi oyun saat 16:00-da başlayacaq.Turun ikinci günündə - mayın 5-də “Keşlə” klubu səfərdə “Qəbələ” ilə qarşılaşacaq. Günün digər oyununda isə “Zirə” səfərdə “Səbail”in qonağı olacaq.Mayın 6-da isə “Qarabağ” və “Neftçi” klubları üz-üzə gələcəklər. Bu oyundan sonra tura yekun vurulacaq.Qeyd edək ki, hazırda 62 xalı olan “Qarabağ” çempionluğu vaxtından əvvəl bayram edib. “Qəbələ” klubu 45 xalla ikinci, “Sumqayıt” isə 39 xalla üçüncü pillədədir.Digər pillələrdə isə müvafiq olaraq, “Neftçi” (37), “Zirə” (35 xal), “Keşlə” (24), “Səbail” (23) və “Kəpəz” (13) klubları qərarlaşıblar.xeber100.com

UEFA Çempionlar Liqasında ən yaxşı futbolçunun adı açıqlanıb

UEFA Çempionlar Liqasında həftənin ən yaxşı futbolçusunun adı açıqlanıb.Azərtac UEFA-nın saytına istinadla xəbər verir ki, azarkeşlər arasında keçirilən səsverməyə əsasən, “Real Madrid”ın qapıçısı Keylor Navas ən yaxşı oyunçu seçilib. Kosta-rikalı futbolçu “Liverpul” klubunun hüçümcüsu Sadio Maneni qabaqlayıb. “Real Madrid” və “Bavariya” arasında 2:2 hesablı heç-heçə ilə bitən görüşdə K.Navas oyun ərzində səkkiz seyv edərək “Real Madrid” klubunun finala vəsiqə qazanmasında böyük rolu olub.UEFA Çempionlar Liqasında həftənin komandasını da açıqlayıb. Komanda da Keylor Navas (“Liverpul”), Marselo, Karvaxal (hər ikisi “Real”), Kolarov, Radja Naigolan (hər ikisi “Roma”), Kimmix, Xames Rodrigez (hər ikisi “Bavariya”), Veynaldium, Salah, Firminyo (hər üçü “Liverpul”) və Dzeko (“Roma”) yer alıblar.xeber100.com

TASS agentliyinin məlumatına görə…

Tolmaçevo aeroportunun (Novosibirsk) mətbuat xidmətindən verilən məlumata görə, Futbol üzrə Dünya Çempionatının qızıl kuboku cümə günü Novosibirskə gətirilib.2018-ci ildə bu kubokun Rusiya boyunca marşrutunda Novosibirsk Vladivostokdan sonra ikinci dayanacaq olacaq. TASS agentliyi bildirir ki, kubokun marşrutunda növbəti dayanacaqlar Yekaterinburq, Samara, Kazan, Nijni Novqorod, Rostov-Don, Sankt-Peterburq və Moskva şəhərləri olacaq.Məlumatda deyilir: “Bu gün Tolmaçevo aeroportu futbol üzrə Dünya Çempionatı kubokunu Novosibirskə çatdırmış təyyarəni qəbul edib.Xalis qızıldan hazırlanmış, kütləsi 6,142 kq olan kubok mayın 5-də və 6-da Novosibirskdəki Mixaylovskaya sahil küçəsində nümayiş etdiriləcək.Novosibirsk meriyası bildirir: “Arzu edən hər kəs bu əfsanəvi kuboku öz gözləri ilə görə və onunla yanaşı xatirə fotoşəkli çəkdirə bilər. Buraya gələnlərin əyləncəli proqramda iştirak etmək və futbol dünyasında ən geniş əhatəli hadisənin intizarla gözləndiyi bayram ab-havasını hiss etmək imkanı da olacaq”.Dünya kubokunun ilk belə “səyahəti” 2016-cı ildə Almaniyada keçirilən dünya çempionatı ərəfəsində baş tutub. Bu il kubok 50 ölkəni gəzəcək, lakin Rusiyada daha çox dayanacaq edəcək”. 123 gün ərzində kubok 26 min məsafə qət edəcək, Vladivostokdan Kalininqrada qədər Rusiyanın 24 şəhərində olacaq. Turun milli hissəsi iki mərhələyə bölünüb. 2017-ci ildə kubok 15 şəhərdə olub, bu il isə may ayından turnirə start verilənə qədər daha doqquz şəhərdə olacaq və sonda Moskvada dayanacaq.xeber100.com

Kempo-karate döyüş növü üzrə dünya çempionatı keçirilib

Budapeştdə kempo-karate döyüş növü üzrə dünya çempionatı keçirilib.Fövqəladə Hallar Nazirliyindən (FHN) Azərtac-a bildiriblər ki, yarışda 70-ə yaxın ölkənin idmançıları qüvvələrini sınayıblar.FHN-in Xüsusi Riskli Xilasetmə Xidmətinin əməkdaşı gizir Rüstəm Müslümov yarışda ölkəmizi uğurla təmsil edib. O, 80 kiloqram çəki dərəcəsində gümüş mükafata sahib olub. İdmançımız Polşa və Əlcəzair təmsilçilərini məğlub edərək finala vəsiqə qazanıb. Finalda fransalı döyüşçüyə minimal hesabla məğlub olan R.Müslümov gümüş medala layiq görülüb.R.Müslimov bu döyüş növü üzrə dəfələrlə respublika çempionatının və beynəlxalq turnirlərin qalibi olub.xeber100.com