İtaliya A seriyasında 36-cı turun oyunları keçirilib

Futbol üzrə İtaliya A seriyasında 36-cı turun oyunları keçirilib.Azərtac xəbər verir ki, bu turda Milan şəhərinin təmsilçiləri böyükhesablı qələbə qazanıblar. “İnter” səfərdə “Udineze”ni 4:0, “Milan” isə öz meydanında “Verona”nı 4:1 hesabı ilə məğlubiyyətə uğradıb.Turnir cədvəlinin lideri “Yuventus” doğma meydanda “Boloniya”nı 3:1 hesabı ilə məğlub edib.Turun digər oyunlarında aşağıdakı nəticələr qeydə alınıb: “Kyevo” – “Krotone” – 2:1. “Cenoa” – “Fiorentina” – 2:3. “Latsio” – “Atalanta” – 1:1. “Spal” – “Benevento” – 2:0. “Napoli” – “Torino” – 2:2 “Sassuolo” – “Sampdoria” – 1:0 “Kalyari” – “Roma” – 0:1. Qeyd edək ki, 36 turdan sonra turnir cədvəlinə 91 xalla “Yuventus” başçılıq edir. “Napoli” 85 xalla ikinci, “Roma” isə 73 xalla üçüncü pillələrdə qərarlaşıblar.xeber100.com

İspaniya La Liqasının 37-ci turu çərçivəsində

Mayın 6-da İspaniya La Liqasının 37-ci turu çərçivəsində “Barselona” ilə “Real Madrid” klubları qarşı-qarşıya gəlib.Azərtac xəbər verir ki, 176-cı “El Klassiko”da meydana dünyanın ən bahalı futbolçularına malik iki komanda çıxıb. “Barselona” klubu 963 milyon avro ilə dünyada ən bahalı futbol komandası hesab edilir. “Real Madrid” isə 962,5 milyon avro ilə Kataloniya təmsilçisindən sonra bu göstəriciyə görə ikinci yeri tutur. İki komandanın oyunçularının hazırkı bazar qiyməti, ümumilikdə, 1 milyard 955 milyon avrodur. Dünyanın ən bahalı iki klubu “Nou Kamp” stadionunda qarşılaşıblar.“El Klassiko”da hesabı meydan sahibləri açıblar. Əks hücum zamanı Serxi Robertonun cinah ötürməsini Luis Suarez dəqiq zərbə ilə tamamlayıb - 1:0. Qoldan dörd dəqiqə sonra Kriştiano Ronaldo hesaba tarazlıq gətirib - 1:1. Kərim Benzemanın ötürməsini qola çevirən portuqaliyalı cari mövsümdə 25-ci qolunu vurub. Birinci hissənin bitməsinə bir dəqiqə qalmış Serxi Roberto qayda pozuntusuna görə qırmızı vərəqə alaraq meydandan kənarlaşdırılıb.Gərginliyi ilə yadda qalan birinci hissədə baş hakim Alexandro Hernandez beş sarı və bir qırmızı vərəqə göstərib.Fasilədən dərhal sonra hücuma atılan meydan sahibləri 53-cü dəqiqədə yenidən hesabda irəli çıxıblar. Çempionatın bombardiri Leo Messi baxımlı qolla adını tabloya yazdırıb -2:1.Qarşılıqlı hücumlar şəraitində keçən görüşün 73-cü dəqiqəsində Marko Asensionun ötürməsindən sonra Garet Beyl dəqiq zərbə ilə topu qapıdan keçirdib - 2:2.97 min 939 nəfərin birbaşa stadiondan izlədiyi qarşılaşma elə bu hesabla başa çatıb.Əzəli rəqiblər bu oyunadək ölkə çempionatında 175 dəfə qarşılaşmışdılar. Bu matçların 70-də “Barselona”, 72-də isə “Real Madrid” qələbə qazanıb, 33 matç isə heç-heçə yekunlaşmışdı.Çempionluğunu vaxtından əvvəl rəsmiləşdirən “Barselona” 87 xalla turnir cədvəlinin zirvəsində qərarlaşıb. “Atletiko Madrid” 75 xalla ikinci, “Real Madrid” 72 xalla üçüncü, “Valensiya” isə 67 xalla dördüncüdür.Turun digər oyunlarında aşağıdakı nəticələr qeydə alınıb: “Sevilya” – “Real Sosyedad” - 1:0 “Jirona” – “Eybar” - 1:4 “Atletik Bilbao” – “Real Betis” - 2:0 “Selta” – “Deportivo” - 1:1 “Villyareal” – “Valensiya” - 1:0 “Malaqa” – “Alaves” - 0:3 “Atletiko Madrid” – “Espanyol” - 0:2 “Las Palmas” – “Xetafe” - 0:1. Tura mayın 7-də “Leganes” – “Levante” oyunu ilə yekun vurulacaq.xeber100.com

Triatlon Federasiyasının məlumatına görə…

Triatlon üzrə Azərbaycan yığmasının üzvü Rostislav Pevstov Çinin Çenqdu şəhərində keçirilən Dünya Kubokunda qızıl medal qazanıb.Azərbaycan Triatlon Federasiyasından Azərtac-a bildirilib ki, yarış iki mərhələdən ibarət olub. Əvvəlcə idmançılar yarımfinalda mübarizə aparıblar. Rostislav yarımfinalda 5-ci olub və finala yüksəlib.İdmançımız finalda 500 metrlik su məsafəsini 6 dəqiqə 29 saniyəyə başa vurub. Sonra 10 kilometrlik veloyürüşü 13 dəqiqə 43 saniyəyə qət edib. Yarışın sonuncu mərhələsi – 2,5 kilometr məsafəyə qaçış üzrə isə R.Pevtsov 7 dəqiqə 03 saniyəlik nəticə göstərib. Ümumi hesablamada 28 dəqiqə 18 saniyə vaxt göstəricisi ilə R.Pevtsov birinci yerə layiq görülüb.Xatırladaq ki, Pevtsov cari mövsümdə Las Palmasda keçirilən Avropa Kubokunda ikinci olub və Misirin Şarm əş-Şeyx şəhərində təşkil olunan Açıq Afrika Kuboku yarışlarında gümüş medal qazanıb.xeber100.com

“Moskvanın 5 halqası” veloturuna yekun vurulub

Rusiyanın paytaxtı Moskvada Beynəlxalq Velosipedçilər İttifaqının (UCI) 2.2 kateqoriyalı “Moskvanın 5 halqası” (Five Rings of Moscow) veloturuna yekun vurulub.Azərtac xəbər verir ki, ümumilikdə 23 kollektivin mübarizə apardığı yarışın sonuncu, 4-cü mərhələsi Elit yığmamız və “Synergy Baku” kontinental komandamızın üzvü Kiril Pozdnyakovun qələbəsi ilə başa çatıb.122 km-lik mərhələni 3 saat, 1 dəqiqə, 40 saniyəyə başa vurmaqla hamını qabaqlayan təmsilçimiz, bununla da 4 mərhələnin yekununa əsasən ümumi təsnifatda qalibdən 43 saniyə geri qalmaqla 2-ci yeri tutub. Xatırladaq ki, Pozdnyakov yarışın 1-ci mərhələsində finişi 3-cü keçmişdi."Synergy Baku" Rusiya paytaxtında Musa Mikayılzadə, Ənvər Asanov, Kiril Pozdnyakov, Kərim Şirəliyev, Samir Cəbrayılov və Telman Vəliyevlə təmsil olunub.xeber100.com

Velosipedlərin XXVIII Beynəlxalq sərgisi açılıb

Bu gün Şanxaydakı Milli Sərgi Mərkəzində Çində istehsal edilmiş velosipedlərin və motonəqliyyatın XXVIII Beynəlxalq sərgisi açılıb. Sahəsinə və iştirakçılarının sayına görə əvvəlki sərgiləri geridə qoymuş budəfəki sərgidə 10 ən yaxşı mal “Çin velosiped sənayesində innovasiyalar” mükafatı ilə təltif edilib.“Sinxua” Agentliyi xəbər verir ki, “İntellektual istehsal – dünya ilə bölüşürük” şüarı altında keçən sərgi mayın 9-dək davam edəcək.Sərginin sahəsi təxminən 180 min kvadratkilometrdir ki, bu da ötən ildəkindən 20 faiz böyükdür. 7500 stendin nümayiş etdirildiyi sərginin 2000-dək iştirakçısı var. Bu, gözəçarpan artımdır.Mükafatların təqdimatı artıq 7 ildir ki, keçirilir. 10 ən yaxşı məhsul Çində velosipedlər üçün layihələndirmə, istehsal texnologiyası və materiallar sahəsi üzrə tədqiqat fəaliyyətində innovasiya və transformasiyanı nümayiş etdirir.xeber100.com

Futbol üzrə Azərbaycan-Qırğızıstan yoldaşlıq oyununda…

Mayın 29-da Bakı Olimpiya Stadionunda keçiriləcək futbol üzrə Azərbaycan-Qırğızıstan yoldaşlıq oyununu Türkiyədən olan hakimlər idarə edəcəklər.Azərtac xəbər verir ki, görüşün baş hakimi Ali Palabıyık olacaq. Ona həmyerliləri Serkan Olğuncan və İbrahim Çağlar Uyarcan kömək edəcəklər. Dördüncü hakim funksiyasını Alper Ulusoy yerinə yetirəcək.Qeyd edək ki, Azərbaycan-Qırğızıstan yoldaşlıq oyunu saat 20:00-da start götürəcək.xeber100.com

Topaz Premyer Liqasının XXVI turunda

“Qarabağ”dan sonra daha bir komandanın gələn mövsüm avrokuboklarda iştirakı rəsmiləşib.Apasport.az saytının məlumatına görə, bu, Topaz Premyer Liqasının XXVI turunda keçirilən “Qəbələ” – “Keşlə” matçından sonra müəyyənləşib.Ölkə kubokunun finalçılarının Qəbələdə üz-üzə gəldiyi görüş 1:1 hesabı ilə nəticələnib. Bir gün əvvəl “Sumqayıt” büdrədiyindən, “Qəbələ” ilə arasındakı 6 xallıq fərq qalıb. Bu isə o deməkdi ki, “qırmızı-qaralar” mövsümü ən pis halda 3-cü pillədə tamamlayacaqlar. Bu da Avropa Liqasına vəsiqə üçün yetərlidi.Sabah “Neftçi” “Qarabağ”la görüşdə qələbə qazana bilməsə, o zaman “Qəbələ” sona 2 tur qalmış gümüş medalı təmin edəcək.xeber100.com

“Bakı Marafonu-2018” Bayraq Meydanından start götürəcək

Mayın 13-də keçiriləcək “Bakı Marafonu-2018”də qeydiyyat prosesi uzadılıb.Fonddan Apa-ya verilən məlumata görə, marafonda iştirak etmək istəyən 16 yaşdan yuxarı hər bir şəxs mayın 12-i saat 14:00-dək qeydiyyat məntəqələrinə və marafonun rəsmi saytına müraciət edə bilər.Qeydiyyat zamanı iştirakçı formasını doldurmaq, şəxsiyyət vəsiqəsinin surətini (tələbələr eyni zamanda tələbə vəsiqəsinin surətini) təqdim etmək və iştirak üçün müəyyən olunmuş vəsaiti ödəmək lazımdır.“Bakı Marafonu-2018” Dövlət Bayrağı Meydanından start götürərək Bakı Olimpiya Stadionuna qədər 21 kilometr məsafəni əhatə edəcək.xeber100.com

Amerika Kubokunun iştirakçılar siyahısında…

Cənubi Amerika Futbol Konfederasiyası (CONMEBOL) 2019-cu ildə keçiriləcək Amerika Kubokunun iştirakçılar siyahısına Qətər və Yaponiya milli komandalarını daxil edib.“Gazeta.ru”-nun verdiyi xəbərə görə, adıçəkilən ölkələr “Copa America”nın Asiya qitəsində populyar olduğu üçün turnirə cəlb ediliblər.Amerika Kuboku uğrunda turnir 1916-cı ildən keçirilir. 1993-cü ildən etibarən yarışlarda CONMEBOL-a üzv 10 ölkə (Braziliya, Argentina, Uruqvay, Çili, Peru, Ekvador, Kolumbiya, Venesuela, Paraqvay və Boliviya) və əksər hallarda Şimali, Mərkəzi Amerika və Karib dənizi hövzəsi ölkələrinin Futbol Konfederasiyasına (KONKAKAF) daxil olan 2 ölkənin yığma komandaları iştirak edir.Qeyd edək ki, 2019-cu ilin futbol üzrə Amerika kuboku Braziliyada keçiriləcək.xeber100.com

Güləş və boks üzrə respublika yarışları başa çatıb

“Təhsil” Respublika İdman Mərkəzinin 13-15 yaşlı oğlanlar arasında yunan-Roma güləşi üzrə respublika birinciliyi keçirilib.Təhsil Nazirliyindən Azərtac-a bildiriblər ki, Xaçmaz Olimpiya İdman Kompleksində təşkil olunan yarışda 22 komandadan 311 idmançı 10 çəki dərəcəsi üzrə mübarizə aparıb.Komanda hesabında birinci yerə “Təhsil” Respublika İdman Mərkəzinin Sumqayıt şəhər 1 nömrəli Uşaq-Gənclər İdman Şahmat Məktəbi, ikinci yerə Gəncə şəhər 1 nömrəli Uşaq-Gənclər İdman Şahmat Məktəbi, üçüncü yerə 2 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi (RİOEUGİM) layiq görülüblər.Daha bir yarış 13-14 yaşlı yeniyetmə boksçular arasında keçirilib. Şağan Olimpiya İdman Kompleksində təşkil olunan “Təhsil” Respublika İdman Mərkəzinin kuboku yarışına nazirliyin tabeliyində fəaliyyət göstərən uşaq-gənclər idman şahmat məktəblərinin, “Neftçi”, “Qarabağ”, “Zenit”, “Rabitə” idman klublarının komandaları qatılıblar.On doqquz çəki dərəcəsi üzrə 210 idmançının mübarizə apardığı yarışda komanda hesabında birinci yeri 1 nömrəli RİOEUGİM, ikinci yeri Sumqayıt şəhər 1 nömrəli Uşaq-Gənclər İdman Şahmat Məktəbi, üçüncü yeri Gəncə şəhər 1 nömrəli Uşaq-Gənclər İdman Şahmat Məktəbi tutublar.Qaliblər kubok və diplomlarla mükafatlandırılıblar.Qeyd edək ki, yarışların keçirilməsinin məqsədi müvafiq idman növləri üzrə mərkəzin yığma komandalarını formalaşdırmaq, idmançıların dostluq əlaqələrini yaratmaq, uşaq və yeniyetmələr arasında idman növlərini təbliğ etməkdir.xeber100.com