Şahmat üzrə 48-ci turnir start götürəcək

Mayın 5-də Bosniya və Herseqovinanın paytaxtı Sarayevoda şahmat üzrə 48-ci turnir start götürəcək. Turnirə 19 ölkədən 164 şahmatçı, o cümlədən 15 qrossmeyster qoşulacaq.Azərtac xəbər verir ki, Azərbaycanı bu yarışlarda beynəlxalq usta Ülvi Sadıqov təmsil edəcək. O, turnirin start cədvəlində 2473 reytinqlə 13-cü yerdədir. Yarışın reytinq-favoriti türkiyəli qrossmeyster Mustafa Yılmazdır (2621). Rusiyalı Aleksandr Predke (2603) ikinci, xorvatiyalı Ante Brkiç (2598) üçüncü yerdədir.İsveçrə sistemi üzrə keçiriləcək “Bosna” beynəlxalq şahmat yarışı 9 turdan ibarət olacaq.xeber100.com

Topaz Premyer Liqasının XXVI turuna start veriləcək

Mayın 4-də “Kəpəz” - “Sumqayıt” oyunu ilə futbol üzrə Topaz Premyer Liqasının XXVI turuna start veriləcək.Azərtac xəbər verir ki, üç günü əhatə edəcək turun açılış matçı Gəncə şəhər stadionunda oynanılacaq. Çempionatın XXV turunda “Kəpəz” səfərdə “Qəbələ”yə, “Sumqayıt” isə öz meydanında “Səbail”ə məğlub olub. Rəhim Həsənovun idarə etdiyi oyun saat 16:00-da başlayacaq.Turun ikinci günündə - mayın 5-də “Keşlə” klubu səfərdə “Qəbələ” ilə qarşılaşacaq. Günün digər oyununda isə “Zirə” səfərdə “Səbail”in qonağı olacaq.Mayın 6-da isə “Qarabağ” və “Neftçi” klubları üz-üzə gələcəklər. Bu oyundan sonra tura yekun vurulacaq.Qeyd edək ki, hazırda 62 xalı olan “Qarabağ” çempionluğu vaxtından əvvəl bayram edib. “Qəbələ” klubu 45 xalla ikinci, “Sumqayıt” isə 39 xalla üçüncü pillədədir.Digər pillələrdə isə müvafiq olaraq, “Neftçi” (37), “Zirə” (35 xal), “Keşlə” (24), “Səbail” (23) və “Kəpəz” (13) klubları qərarlaşıblar.xeber100.com

UEFA Çempionlar Liqasında ən yaxşı futbolçunun adı açıqlanıb

UEFA Çempionlar Liqasında həftənin ən yaxşı futbolçusunun adı açıqlanıb.Azərtac UEFA-nın saytına istinadla xəbər verir ki, azarkeşlər arasında keçirilən səsverməyə əsasən, “Real Madrid”ın qapıçısı Keylor Navas ən yaxşı oyunçu seçilib. Kosta-rikalı futbolçu “Liverpul” klubunun hüçümcüsu Sadio Maneni qabaqlayıb. “Real Madrid” və “Bavariya” arasında 2:2 hesablı heç-heçə ilə bitən görüşdə K.Navas oyun ərzində səkkiz seyv edərək “Real Madrid” klubunun finala vəsiqə qazanmasında böyük rolu olub.UEFA Çempionlar Liqasında həftənin komandasını da açıqlayıb. Komanda da Keylor Navas (“Liverpul”), Marselo, Karvaxal (hər ikisi “Real”), Kolarov, Radja Naigolan (hər ikisi “Roma”), Kimmix, Xames Rodrigez (hər ikisi “Bavariya”), Veynaldium, Salah, Firminyo (hər üçü “Liverpul”) və Dzeko (“Roma”) yer alıblar.xeber100.com

TASS agentliyinin məlumatına görə…

Tolmaçevo aeroportunun (Novosibirsk) mətbuat xidmətindən verilən məlumata görə, Futbol üzrə Dünya Çempionatının qızıl kuboku cümə günü Novosibirskə gətirilib.2018-ci ildə bu kubokun Rusiya boyunca marşrutunda Novosibirsk Vladivostokdan sonra ikinci dayanacaq olacaq. TASS agentliyi bildirir ki, kubokun marşrutunda növbəti dayanacaqlar Yekaterinburq, Samara, Kazan, Nijni Novqorod, Rostov-Don, Sankt-Peterburq və Moskva şəhərləri olacaq.Məlumatda deyilir: “Bu gün Tolmaçevo aeroportu futbol üzrə Dünya Çempionatı kubokunu Novosibirskə çatdırmış təyyarəni qəbul edib.Xalis qızıldan hazırlanmış, kütləsi 6,142 kq olan kubok mayın 5-də və 6-da Novosibirskdəki Mixaylovskaya sahil küçəsində nümayiş etdiriləcək.Novosibirsk meriyası bildirir: “Arzu edən hər kəs bu əfsanəvi kuboku öz gözləri ilə görə və onunla yanaşı xatirə fotoşəkli çəkdirə bilər. Buraya gələnlərin əyləncəli proqramda iştirak etmək və futbol dünyasında ən geniş əhatəli hadisənin intizarla gözləndiyi bayram ab-havasını hiss etmək imkanı da olacaq”.Dünya kubokunun ilk belə “səyahəti” 2016-cı ildə Almaniyada keçirilən dünya çempionatı ərəfəsində baş tutub. Bu il kubok 50 ölkəni gəzəcək, lakin Rusiyada daha çox dayanacaq edəcək”. 123 gün ərzində kubok 26 min məsafə qət edəcək, Vladivostokdan Kalininqrada qədər Rusiyanın 24 şəhərində olacaq. Turun milli hissəsi iki mərhələyə bölünüb. 2017-ci ildə kubok 15 şəhərdə olub, bu il isə may ayından turnirə start verilənə qədər daha doqquz şəhərdə olacaq və sonda Moskvada dayanacaq.xeber100.com

Kempo-karate döyüş növü üzrə dünya çempionatı keçirilib

Budapeştdə kempo-karate döyüş növü üzrə dünya çempionatı keçirilib.Fövqəladə Hallar Nazirliyindən (FHN) Azərtac-a bildiriblər ki, yarışda 70-ə yaxın ölkənin idmançıları qüvvələrini sınayıblar.FHN-in Xüsusi Riskli Xilasetmə Xidmətinin əməkdaşı gizir Rüstəm Müslümov yarışda ölkəmizi uğurla təmsil edib. O, 80 kiloqram çəki dərəcəsində gümüş mükafata sahib olub. İdmançımız Polşa və Əlcəzair təmsilçilərini məğlub edərək finala vəsiqə qazanıb. Finalda fransalı döyüşçüyə minimal hesabla məğlub olan R.Müslümov gümüş medala layiq görülüb.R.Müslimov bu döyüş növü üzrə dəfələrlə respublika çempionatının və beynəlxalq turnirlərin qalibi olub.xeber100.com

Kunq Fu Federasiyasının idarə heyətinin iclasında…

Mayın 2-də Azərbaycan Kunq Fu Federasiyasının idarə heyətinin iclası keçirilib.Azərtac xəbər verir ki, Federasiyanın prezidenti Nurlan Aslanov Federasiyanın qarşısında duran vəzifələrdən danışıb. Daha sonra idarə heyətinin qərarı ilə bir sıra vəzifələrə təyinatlar olub, yeni tərkib formalaşıb. Kikboksinq üzrə beşqat dünya çempionu Ehram Məcidov ümumi işlər üzrə, iş adamı Tural Alişanlı isə ictimaiyyətlə əlaqələr üzrə vitse-prezident vəzifələrinə təyin ediliblər. Həmçinin dünya və Avropa çempionu Emil Hacıyev peşəkarlar üzrə baş məşqçi, dünya və Avropa çempionu Ramin Allahverdiyev böyüklər üzrə baş məşqçi, dünya çempionatının mükafatçısı Aqil Mustafayev gənclərdən ibarət komandanın baş məşqçisi, İntizarə Məmmədova isə mətbuat xidmətinin rəhbəri vəzifəsinə təyin olunub. Yeniyetmə komandalar arasında baş məşqçi vəzifəsi dünya çempionu, idman ustası Ellər Orucova həvalə edilib.Sonda bu il keçiriləcək yerli və beynəlxalq yarışlara hazırlıq işləri müzakirə edilib.xeber100.com

UEFA Avropa Liqasında cavab görüşləri keçiriləcək

Mayın 3-də futbol üzrə UEFA Avropa Liqasında yarımfinal mərhələsinin cavab görüşləri keçiriləcək. İspaniyanın “Atletiko” klubu İngiltərənin “Arsenal”, Avstriyanın “Zalsburq” klubu isə Fransanın “Marsel” komandasını qəbul edəcək.Azərtac xəbər verir ki, “Atletiko” və “Arsenal” komandalarının arasında ilk oyunda Londonda 1:1 hesablı heç-heçə qeydə alınmışdı. Səfərdə 80 dəqiqə azlıqda oynamasına baxmayaraq, lazımi nəticəni qazanmağı bacaran Dieqo Simeonenin yetirmələri üstünlüyü əldən vermək istəmirlər. İspanlara hətta qolsuz bərabərlik də sərf edəcək. “Arsenal” səfərdə oynamasına baxmayaraq, hər hansı minimal hesablı qələbə Arsen Vengerın yetirmələrinə finala vəsiqə qazandıracaq. “Atletiko”nun heyətində ilk oyunda qırmızı kart alan Şime Vrsalko cəzalı olduğundan oyunu buraxmalı olacaq.Bakı vaxtı ilə saat 23:05-də başlayacaq oyunu italiyalı baş hakim Canluka Rokki idarə edəcək.Avropa Liqasında mövsümün sürprizi hesab olunan Avstriyanın “Zalsburq” klubu bu dəfə çətinliklə üzləşib. Fransada “Marsel”dən iki cavabsız qol buraxan avstriyalılar doğma meydanda ən azı 3 cavabsız qol vurmalıdır. Fransızlara isə hər hansı bir heç-heçə və minimal məğlubiyyət sərf edir.Bakı vaxtı ilə saat 23:05-də başlayacaq oyunu rusiyalı Sergey Korosyov idarə edəcək.xeber100.com

Avropa çempionatında yunan-Roma güləşi yarışları başa çatıb

Rusiyanın Kaspiysk şəhərində Avropa çempionatında yunan-Roma güləşi yarışları başa çatıb. Yığma komandamız çempionatı 1 qızıl, 2 gümüş və 2 bürünc medalla başa vurub.Azərtac xəbər verir ki, qızıl medalı yığmamıza Eldəniz Əzizli (55 kq) qazandırıb. Murad Məmmədov (60 kq) və Rəsul Çunayev (72 kq) gümüş medalla kifayətləniblər. Elvin Mürsəliyev (77 kq) və Rafiq Hüseynov (82 kq) isə bürünc medala sahib olublar.Bu nəticə ilə yığmamız komanda hesabında 113 xal toplayaraq Avropa üçüncüsü olub. Rusiya 169 xalla birinci, Gürcüstan 127 xalla ikinci olub.xeber100.com

“Liverpul” futbol klubu Çempionlar Liqasında

“Liverpul” futbol klubu Çempionlar Liqasında bir mövsümdə “məhsuldarlıq” göstəricisi üzrə rekord müəyyən edib.Azərtac xəbər verir ki, Yurgen Kloppun komandası “Roma” ilə cavab matçında iki qol vurub.Beləliklə, Çempionlar Liqasında cari mövsümün 14 matçında “qırmızılar”ın vurduğu qolların sayı 46-ya çatıb. Bu, həm turnirin, həm də ümumiyyətlə Avropa Kuboklarının tarixində ən yaxşı nəticədir.Çempionlar Liqasında bundan əvvəlki “məhsuldarlıq” rekordu “Barselona”ya məxsus idi. Bu komanda 1999-2000-ci illər mövsümündə 16 matçda 45 top vurmuşdu.xeber100.com

Futbol üzrə yoldaşlıq oyununun başlanma vaxtı müəyyənləşib

Futbol üzrə Azərbaycan milli komandasının mayın 29-da Bakı Olimpiya Stadionunda Qırğızıstan yığması ilə keçirəcəyi yoldaşlıq oyununun başlanma vaxtı müəyyənləşib.Azərtac AFFA-ya istinadla xəbər verir ki, qarşılaşma saat 20:00-da başlayacaq.xeber100.com