Türkiyə Superliqasının XXXI turunda

Aprelin 29-da futbol üzrə Türkiyə Superliqasının XXXI turunda İstanbul derbisi oynanılıb.Azərtac xəbər verir ki, turun maraqla gözlənilən mərkəzi qarşılaşmasında 63 xalla lider olan “Qalatasaray” komandası əzəli rəqiblərindən olan, çempionatda 62 xalla üçüncü pillədə yer alan “Beşiktaş”ı qəbul edib.Oyunda “Qalatasaray” son çempion “Beşiktaş”ı 2:0 hesabı ilə məğlub edərək çempionatın başa çatmasına üç tur qalmış Türkiyə Superliqasının qalibi olmağa daha da yaxınlaşıb. “Beşiktaş” isə bu məğlubiyyətlə turnir cədvəlində dördüncü pilləyə enib.Qarşılaşmada hesabı matçın 23-cü dəqiqəsində ev sahibi komandanın yaponiyalı futbolçusu Yuto Nagatomonun ötürməsindən sonra braziliyalı yarımmüdafiəçisi Fernando Reges açıb - 1:0. İlk hissə bu hesabla başa çatıb.İkinci hissədə “Qalatasaray”ın hücumçusu Bafetimbi Qomis 66-cı dəqiqədə rəqib qapısına təyin olunan penalti zərbəsindən istifadə edə bilməyib. Həmin vəziyyətdə baş hakim Fırat Aydınus "Beşiktaş"ın futbolçusu Dusko Toşici qırmızı vərəqə ilə cəzalandırıb. Bu üstünlükdən yararlanan meydan sahibləri 70-ci dəqiqədə hesab arasındakı fərqi artırıblar. "Qalatasaray"lı Qery Rodriqes komanda yoldaşı Martin Linnesin məhsuldar ötürməsini qola çevirib - 2:0. Bu, onun cari çempionatda vurduğu 7-ci qol olub.xeber100.com

Həndbol Federasiyasının məlumatına görə…

Həndbol üzrə Azərbaycan çempionatında mövsümə yekun vurulub.Qadın həndbolçuların yarışının ardınca aprelin 29-da kişilərin çempionatında da həlledici görüşlər olub.Azərbaycan Həndbol Federasiyasından Azərtac-a bildirilib ki, pley-off mərhələsinin həlledici oyunlarında qalib və mükafatçıların adlarına aydınlıq gəlib. Daha böyük maraqla gözlənilən “Məhsul” - “Bakı” matçı gərgin mübarizə şəraitində keçib. Qızıl medallara iddialı rəqiblərin oyununda əsas vaxt 32:32 hesabı ilə bitdiyindən qalib penaltilər seriyasında müəyyənləşib. Yeddi metrlik zərbələri daha dəqiq yerinə yetirən “Bakı" 35:32 hesablı qələbə ilə Azərbaycan çempionu adına sahib çıxıb.Digər qarşılaşmada “Təhsil” komandası Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) yetirmələrini 45:28 hesabı ilə asanlıqla məğlub edərək bürünc medala yiyələnib.Fəxri kürsüyə qalxan komandalara, həmçinin fərdi nominasiyalar üzrə fərqlənən idmançılara federasiyanın fəxri diplom və mükafatları təqdim olunub.xeber100.com

Şahmat turnirinə start verilib

KİV nümayəndələri arasında ulu öndər Heydər Əliyevin anadan olmasının 95 illiyinə həsr edilən şahmat turnirinə start verilib.Azərtac xəbər verir ki, turnir “Azərbaycan” nəşriyyatının təşkilatçılığı, Azərbaycan Şahmat Federasiyasının və Azərbaycan İdman Jurnalistləri Assosiasiyasının dəstəyilə təşkil edilib.xeber100.com

Futbol üzrə İspaniya La Liqasında çempion müəyyənləşib

Futbol üzrə İspaniya La Liqasında 35-ci çempionatın bitməsinə üç tur qalmış çempion müəyyənləşib.Azərtac xəbər verir ki, "Municipal de Riazor" stadionunda keçirilən qarşılaşmada hesabı kataloniyalılar açıb. 7-ci dəqiqədə Koutinyo fərqlənib - 0:1. Matçın 38-ci dəqiqəsində Messi hesab arasındakı fərqi artırıb - 0:2. Fasiləyə beş dəqiqə qalmış meydan sahibləri qollardan birinin əvəzini çıxıb. Lukas Perez adını tabloya yazdırıb - 1:2. Birinci hissə bu hesabla başa çatıb.Matçın 64-cü dəqiqəsində Emre Colak hesabı bərabərləşdirib - 2:2. Qoldan sonra hücuma atılan "Barselona" klubu 82-ci və 85-ci dəqiqələrdə Messinin vurduğu iki qol ilə qarşılaşmanın taleyini həll edib. - 2:4. Görüş bu hesabla da başa çatıb. Bu qələbədən sonra 82 xal toplayan "Barselona" çempionatın bitməsinə üç tur qalmış çempionluğunu bayram edib.Turun digər oyunlarında aşağıdakı nəticələr qeydə alınıb: “Levante” – “Sevilya” - 2:1 “Espanyol” – “Las Palmas” - 1:1 “Real Sosyedad” – “Atletiko Bilbao” - 3:1 “Villyareal” – “Selta Viqo” - 4:1 “Real Madrid” – “Leganes” - 2:1 “Alaves” – “Atletiko Madrid” - 0:1 “Valensiya” – “Eybar” – 0:0 Tura aprelin 30-da “Real Betis”-“Malaqa” oyunu ilə yekun vurulacaq.xeber100.com

İtaliya Futbol Federasiyasında danışıqlar aparılıb

Karlo Ançelotti futbol üzrə İtaliya milli komandasına rəhbərlik etməkdən imtina edib.Azərtac xəbər verir ki, mütəxəssis İtaliya Futbol Federasiyasının nümayəndələri ilə danışıqlar aparıb və nəticədə imtina edib.Bu vəzifəyə namizədlər arasında Rusiyanın “Zenit” klubunun baş məşqçisi Roberto Mançini, İngiltərənin “Çelsi” komandasının baş məşqçisi Antonio Konte və hazırda milli komandanın baş məşqçisi vəzifəsini müvəqqəti icra edən Luigi Di Biadgo var.İtaliya komandasının əvvəlki məşqçisi Giampiro Ventura ötən il noyabrın 15-də İtaliya millisini dünya çempionatına çıxara bilmədiyi üçün vəzifəsindən azad edilmişdi.xeber100.com

Formula 1 Qran-Prisinin əsas mərhələsinə start verilib

Bu gün Formula 1 Azərbaycan Qran-Prisinin əsas mərhələsinə start verilib.Apa-nın məlumatına görə, Formula 1 Azərbaycan Qran-Prisinin paytaxtın Azadlıq meydanında keçirilən açılış mərasimi maraqlı anları ilə yadda qalıb. Paradda və himn mərasimində pilotları azyaşlılar müşayiət ediblər. Sonra Azərbaycan Respublikasının dövlət himni ifa edilib. Azərbaycanın dövlət himninin səsləndirilməsindən sonra saat 16:10-da 51 dövrədən ibarət Qran-Pri başlayıb.Final mərhələsində hər birində iki pilot olan on komandanın bir gün əvvəl keçirilən sıralanma yürüşünün nəticəsinə əsasən start xəttinə ən yaxın məsafədə “Ferrari” komandasının pilotu Sebastian Fettel, “Mercedes” komandasının sürücüləri Luis Hamilton və Valtteri Bottas dayanıblar.Bakı trekinin uzunluğu 6 kilometr, ümumu məsafəsi isə 306 kilometrdir. Təhlükəsizliyin ən yüksək səviyyədə təmin olunduğu Bakı treki ən sürətli yarışlar kateqoriyasına daxildir. Trekin ən geniş yerinin eni 13, ən dar hissəsinin eni isə İçərişəhər ətrafında, o cümlədən 7-ci və 8-ci döngələrdə 7,6 metr təşkil edir.Bakıda Formula 1 Azərbaycan Qran-Prisinə aprelin 27-də start verilib. Yarışın birinci günündə pilotlar Bakı trekində iki sərbəst yürüşdə güclərini sınayıblar. Ötən gün keçirilmiş sıralanma yürüşündən sonra isə Qran-Pridə pilotların düzülüşü müəyyənləşib.Formula 1 Azərbaycan Qran-Prisi çərçivəsində Bakıda Formula 2 yarışları da keçirilib.xeber100.com

“Sevilya” klubunun yeni baş məşqçisi bəlli olub

İspaniyanın “Sevilya” futbol klubunun yeni baş məşqçisi bəlli olub. Apasport.az saytının məlumatına görə, Vinçentso Montella ilə yollarını ayıran Əndəlüs klubunun yeni çalışdırıcısı Xoakin Kaparros olacaq.Bu barədə klub rəsmi açıqlama yayıb. 62 yaşlı mütəxəssis mövsümün sonuna kimi komandanı çalışdıracaq.Qeyd edək ki, “Sevilya” 34 turdan sonra 48 xalla 7-ci pillədə qərarlaşıb.xeber100.com

Dünya məşqçilərinin reytinq siyahısında

Dünya məşqçilərinin reytinq siyahısı açıqlanıb.Apasport.az saytının məlumatına görə, cədvəldə Azərbaycan Premyer Liqasında çalışan mütəxəssislər də yer alıb.Onlardan ən yaxşı nəticə “Qarabağ”ın və Azərbaycan millisinin baş məşqçisi Qurban Qurbanova məxsusduR. 46 yaşlı mütəxəssisin hesabında 1169 xal var. O, planetin 470-ci məşqçisidir. Həmyerlimiz son siyahı ilə müqayisədə 2 pillə irəliləyib. “Qəbələ”nin baş məşqçisi Roman Qriqorçuk isə 927-ci yerdədi. Aktivində 255 xalı olan ukraynalı 1 pillə geriləyib.Siyahıda “Zirə”nin baş məşqçisi Ayxan Abbasovun da adı var. 217 xala malik gənc mütəxəssis 3 çalışdırıcını qabaqlamaqla, 969-cu yerə qalxıb.Qeyd edək ki, reytinq siyahısına Zinəddin Zidan başçılıq edir. “Real”ın baş məşqçisinin hesabında 17118 xal var. “Barselona”nı çalışdıran Ernesto Valverde 15485 xalla ikincidir. “Üçlüy”ü “Qremio”ya rəhbərlik edən Renato Qauşo qapayır. O, 14202 xala malikdir.xeber100.com

BƏƏ çempionatının ikinci divizionunda…

Birləşmiş Ərəb Əmirliklərinin “Əl-Füceyrə” futbol komandasının baş məşqçisi, dünya futbolunun əfsanəsi Dieqo Armando Maradona istefaya getdiyini elan edib.Apa-nın BBC-yə istinadən verdiyi xəbərə görə, buna səbəb argentinalı mütəxəssisin rəhbərliyi altında komandanın uğursuz çıxış etməsi olub.BƏƏ çempionatının ikinci divizionunda çıxış edən “Əl-Füceyrə” yüksək liqaya vəsiqə qazana bilməyib.Qeyd edək ki, Maradona 2017-ci ilin mayında baş məşqçi vəzifəsinə təyin edilmişdi.xeber100.com

UEFA Avropa Liqasının yarımfinal mərhələsinin ilk oyunları keçirilib

Aprelin 26-da UEFA Avropa Liqasının yarımfinal mərhələsinin ilk oyunları keçirilib.Azərtac xəbər verir ki, bu mərhələnin daha maraqla gözlənilən matçı Londonda “Arsenal” ilə “Atletiko” klubları arasında oynanılıb.Oyunun birinci hissəsi gərgin idman mübarizə şəraitində keçsə də, hesab açılmayıb, lakin maraqlı hadisələrlə yadda qalıb. Matçın 10-cu dəqiqəsində isə “Atletiko”nun futbolçusu Vrsaljko meydandan qovulub. Bir qədər sonra isə hakimə kəskin etiraz etdiyinə görə qonaqların baş məşqçisi Simeone texniki zonadan uzaqlaşdırılıb.Oyunda hesab 61-ci dəqiqədə açılıb. “Arsenal”ın fransalı hücumçusu Aleksandr Lakazet başla topu rəqib qapısından keçirib - 1:0. Qoldan sonra meydan sahiblərinin hesabı artırmaq üçün bir sıra imkanları olsa da, bunlardan yararlana bilməyiblər. Əvəzində isə daha çox əks-hücumlara üstünlük verən ispanlar oyunun bitməsinə səkkiz dəqiqə qalmış istəklərinə çatıblar. Antuan Qrizman adını tabloya yazdırıb - 1:1.Beləliklə, görüş heç-heçə başa çatıb.Yarımfinal mərhələsinin digər oyunu isə Fransada keçirilib. “Marsel” klubu Avstriyanın “Zalsburq” kollektivini qəbul edib və 2:0 hesabı ilə qələbə qazanıb. Meydan sahiblərinin heyətində Florian Tauvən və Klinton NJie fərqləniblər.Yarımfinal mərhələsinin cavab oyunları mayın 3-də keçiriləcək.xeber100.com