Azərbaycan millisi beynəlxalq turnirdə iştirak edəcək

Çimərlik futbolu üzrə Azərbaycan milli komandası aprelin 4-dən 11-dək Çinin Haikou şəhərində təşkil olunacaq “2018 CFA Belt and Road İnternational Beach Soccer Cup” beynəlxalq turnirində iştirak edəcək.Azərtac xəbər verir ki, millimiz aprelin 6-da, 7-də və 8-də müvafiq olaraq Macarıstan, Çin və Çexiya yığma komandaları ilə qarşılaşacaq.Bu turnirdə iştirak üçün millinin heyətinə Vaqif Şirinbəyov, Elçin Qasımov, Comərd Baxşəliyev, İlkin Hacıyev, Amid Nəzərov, Orxan Məmmədov, Asif Zeynalov, Ramil Əliyev, Sabir Allahquliyev və Əbdül Əliyev cəlb edilib.xeber100.com

Bakı Şəhər Gənclər və İdman Baş İdarəsinin məlumatı

Bakı Şəhər Gənclər və İdman Baş İdarəsi (BŞGİBİ) tərəfindən Hövsan Olimpiya İdman Kompleksində 2004-2005-ci il təvəllüdlü idmançılar arasında sambo üzrə paytaxt birinciliyi keçirilib.BŞGİBİ-dən Azərtac-a bildiriblər ki, birincilikdə 11 çəki dərəcəsi üzrə 145 idmançı mübarizə aparıb.Yarışda Ziyəddin Zeynallı (32 kq), Nicat İsmayılov (35 kq), Əhməd Ağayev (38 kq), Taryel Şıxəliyev (42 kq), Kənan Həsənov (46 kq), Musaxan Gülməmmədov (50 kq), Sadiq Zeynallı (54 kq), Zahid Səfərzadə (59 kq), Nihad Şeyxov (65 kq), İsmayıl Kamilov (71 kq) və Orxan Məcidli (71 kq-dan yuxarı) fəxri kürsünün ən yüksək pilləsinə qalxıblar.İlk üç yeri tutmuş idmançılar Baş İdarə tərəfindən müvafiq dərəcəli diplom və xatirə hədiyyələri ilə təltif olunublar.xeber100.com

“Mançester Yunayted” klubu “Bavariya”ya 48 milyon avro təklif edib

“Mançester Yunayted” klubu “Bavariya”nın yarımmüdafiəçisi Arturo Vidal ilə maraqlanır.Azərtac xəbər verir ki, “Mançester Yunayted” transfer üçün 48 milyon avro, dördillik müqavilə və illik 14,4 milyon avro təklif edib.Otuz yaşlı çilili futbolçunun “Bavariya” ilə müqaviləsi 2019-cu ildə başa çatacaq. Münxen klubu yarımmüdafiəçini bu yay satmayacağı təqdirdə oyunçunun azad agent kimi transferi reallaşa bilər. Oyunçunun agenti Fernando Feliseviç artıq İngiltərəyə yollanaraq klub rəsmiləri ilə görüş keçirib.Qeyd edək ki, cari mövsümdə yarımmüdafiəçi bütün turnirlərdə 34 oyuna 6 qol vurub və 2 asist verib.xeber100.com

Azərbaycan millisinin Türk Universiadası üçün heyəti açıqlanıb

Aprelin 4-dən 11-dək Bakıda Birinci Türk Universitetləri İdman Oyunları (Türk Universiadası) keçiriləcək. Türk Universiadasının proqramına daxil edilən idman oyunları arasında futzal da var. Millimiz də Universiadada iştirak edəcək.Azərtac xəbər verir ki, millimizin Türk Universiadası üçün heyəti açıqlanıb.Heyətdə Rövşən Hüseynli, Ramiz Çovdarov, Oktay Rüstəmli (hər üçü “Araz”), Nihad İsmayılov (“FK.İD.Futsal”), Fərid Atakişiyev (EKOL), Kamran Hacıyev, İbrahim Zeynalov (hər ikisi “Marafon Futsal”), Tofik Əliyev, Rüstəm Bağırzadə (hər ikisi “Marafon Futsal”), Vladislav Vorobyov (“Yasamal”), Elçin Zeynalov, Əli Həsənov, Yamin Ağakərimzadə (hər üçü “Xəmsə”), Eşqin Tağıyev, Raqif Eyvazov (hər ikisi “İtaldizain”), Mirmehdi Rzayev (ADBTİA), Vüsal İsayev və Qüdrət İsmayılov (hər ikisi “Baku Fire”) yer alıblar.Qaydalara əsasən, yarışda turnirin startınadək 28 yaşı tamam olmamış idmançılar iştirak edə bilər. Millimiz qalib adı uğrunda Türkiyə, Qazaxıstan və Qırğızıstan yığmaları ilə mübarizə aparacaq.Oyunlar aprelin 5-də, 6-da və 8-də Azərbaycan Texniki Universitetin idman zalında keçiriləcək.Futzal üzrə milli komandamız bu gündən etibarən yarışın hazırlığına başlayıb. Joze Alesio da Silvanın rəhbərliyi ilə komanda məşqlərini Bakı İdman Sarayında həyata keçirir.xeber100.com

“Neftçi” klubu mövsümün transfer hazırlığına başlayıb

Bakının “Neftçi” klubu 2018-2019-cu il mövsümünün transfer hazırlığına başlayaraq heyətinə yeni futbolçu cəlb edib.Azərtac xəbər verir ki, Haiti milli komandasının 28 yaşlı yarımmüdafiəçisi Soni Mustivar ilə növbəti mövsümün sonunadək müqavilə imzalanıb.Fransada dünyaya gələn Mustivar bu ölkənin 20 yaşadək futbolçulardan ibarət yığmasında, “Bastiya” və “Orlean” klublarında çıxış edib. Rumıniyanın “Petrolul” və ABŞ-ın “Sportinq Kanzas Siti” klublarında legioner həyatı yaşayıb. O, “Petrolul”la Rumıniya kubokunun, "Sportinq Kanzas Siti” ilə isə ABŞ açıq kubokunun qalibi olub.Qeyd edək ki, Mustivar Liqa 1-də çıxış edən “Petrolul”un heyətində 94, MLS təmsilçisi olan sonuncu klubu “Sportinq Kanzas Siti”də isə 76 oyun keçirib.xeber100.com

Şahmat üzrə iddiaçılar turnirinin 14-cü turunda

Martın 27-də Berlində keçirilən şahmat üzrə iddiaçılar turnirinin 14-cü - sonuncu turunda Azərbaycan qrossmeysteri Şəhriyar Məmmədyarov Rusiya təmsilçisi Vladimir Kramnik ilə görüşüb.Azərtac xəbər verir ki, qara fiqurlarla oynayan Ş.Məmmədyarov oyunun 54-cü gedişində rəqibi ilə heç-heçəyə razılaşıb və şahmatçılar hərəyə 0,5 xalla kifayətlənməli olublar. Bununla da şahmatçımız turnir cədvəlində ikinci pillədəki mövqeyini qoruyub. Hər iki şahmatçının ilk dövrədəki qarşılaşması Ş.Məmmədyarovun qələbəsi ilə nəticələnmişdi. Bu görüşdən sonra hesabında 3 qələbə, 10 heç-heçə və 1 məğlubiyyət olan Azərbaycan şahmatçısı aktivindəki xalların sayını 8-ə çatdırıb.Digər görüşdə rusiyalı Aleksandr Qrişuk Fabiano Karuananı (ABŞ) məğlub edəcəyi təqdirdə Ş.Məmmədyarov turnirin qalibi olacaqdı. Lakin həmin oyunda turnirin lideri olan Fabiano Karuana Aleksandr Qrişuku məğlub edərək birinciliyi əldən verməyib.Tur çərçivəsində keçirilən Uesli So (ABŞ) - Levon Aronyan (Ermənistan) və Liren Dinq (Çin) - Sergey Karyakin (Rusiya) qarşılaşmalarında qalib müəyyənləşməyib.Beləliklə, iddiaçılar turnirinə martın 27-də yekun vurulub. 14-cü turdan sonra aktivində 9 xal olan Fabiano Karuana turnirin qalibi olub. Şəhriyar Məmmədyarov yarışı 8 xalla ikinci, eyni xala malik olan Sergey Karyakin üçüncü pillədə başa vurub. Liren Dinq 7,5 xalla dördüncü olub. Vladimir Kramnik və Aleksandr Qrişuk 6,5 xalla beşinci-altıncı yerləri bölüşüblər. Uesli So 6 xalla yeddinci yerdə qərarlaşıb. Aktivində 4,5 xalı olan Levon Aronyan isə sonuncudur.İddiaçılar turnirinin ümumi mükafat fondu 420 min avrodur. Berlin turnirinin qalibi olan Fabiano Karuana noyabrda Londonda dünya şahmat tacı uğrunda mübarizədə bu titulun hazırkı sahibi norveçli Maqnus Karlsen ilə oynayacaq.xeber100.com

Futbol üzrə milli komandalar yoldaşlıq oyunlarında

Dünyanın bir sıra futbol üzrə milli komandaları yoldaşlıq oyunlarında güclərini sınayıblar.Azərtac xəbər verir ki, bu ilin yayında dünya çempionatına ev sahibliyi etməyə hazırlaşan Rusiya yığması Fransa millisini qəbul edib. Matçın 40-cı dəqiqəsində Kyilan Mbapenin qolu ilə fransızlar hesabı açıblar. Komandalar bu hesabla fasiləyə yollanıblar. Oyunun 49-cu dəqiqəsində Paulo Poqba ikinci topu Rusiyanın qapısından keçirib. Görüşün 68-ci dəqiqəsində Fedor Smolov buraxılan toplardan birinin əvəzini çıxıb. Qarşılaşmanın sonlarında Fransa millisi hesab arasındakı fərqi yenidən iki topa çatdırıb. Matçın 83-cü dəqiqəsində K.Mbape dubl edib -1:3. Oyun bu hesablada yekunlaşıb.Türkiyə yığmasının Monteneqro ilə keçirdiyi matçda qalib müəyyənləşməyib -2:2. Qolları Türkiyənin heyətindən Cengiz Ünder (11-ci dəq) və Okay Yokuslu (23-cü dəq) vurublar. Monteneqronun futbolçularından Mirko İvaniç (45-ci dəq) və Stefan Muqosa (87-ci dəq) adlarını tabloya yazdırıblar.Günün digər qarşılaşmasında İspaniya yığması Argentinanı 6:1 hesabı ilə darmadağın edib. Almaniya millisi isə Braziliyaya minimal hesabla məğlub olub -0:1. İngiltərə və İtaliya oyunu isə 1:1 hesabı ilə yekunlaşıb.

“Qəbələ” futbol klubu “Ankona” ilə qarşılaşacaq

“Qəbələ”nin 13 yaşadək futbolçulardan ibarət komandası İtaliyada təşkil olunacaq Qallini dünya kuboku yarışlarında iştirak edəcək.Azərtac xəbər verir ki, “qırmızı-qaralar” martın 29-dan aprelin 3-dək davam edəcək turnirə “E” qrupunda mübarizə aparmaqla start verəcək. Komandamız qrupda “Ankona”, “Liventina” (hər ikisi İtaliya), “Sofiya Sport B” (Bolqarıstan) ilə üz-üzə gələcək.“Qəbələ” martın 30-da bolqarıstanlılarla, ertəsi gün öncə “Liventina”, ardınca “Ankona” ilə qarşılaşacaq.“Qırmızı-qaralar” səfərə 18 futbolçu ilə yollanıb. Akademiyanın meneceri Nail Kərimov və baş məşqçisi Halim Fıçıcının rəhbərlik etdiyi nümayəndə heyətində məşqçilər Anar Surxayev və Namiq Əliyev, həmçinin 18 futbolçu - Uğur Əzizli, Eşqin Əhmədov, Murad Musayev, Mirimran Musayev, Sənan Ağalarov, Sənan Kərimov, Elvin Qarayev, Elmir Hüseynli, Bəxtiyar Quliyev, Murad Ələkbərov, Rüfət Bədəlzadə, Məmməd Muradov, Ravil Qafarov, Şahin Şahniyarov, Zöhrab Bayramov, Sadıq Şəfiyev, Okan Təhməzli və Hüseynağa Səlimov yer alıb.xeber100.com

Cüdo üzrə Azərbaycan Ordusunun birinciliyi başlayıb

Silahlı Qüvvələrin Təlim və Tədris Mərkəzində sərbəst və yunan-Roma güləşi, eləcə də cüdo üzrə Azərbaycan Ordusunun birinciliyi başlayıb.Müdafiə Nazirliyinin mətbuat xidmətindən Azərtac-a bildiriblər ki, Azərbaycan Güləş Federasiyasının beynəlxalq və respublika dərəcəli hakimləri tərəfindən idarə olunan yarışlar martın 31-dək davam edəcək.xeber100.com

UEFA Çempionlar Liqasının final mərhələsində

AFFA-nın Beynəlxalq əlaqələr şöbəsinin müdiri Könül Mehtiyeva UEFA tərəfindən yeni təyinat alıb.Azərtac AFFA-ya istinadla xəbər verir ki, o, qadınlardan ibarət komandalar arasında UEFA Çempionlar Liqasının dörddəbir final mərhələsi çərçivəsində keçiriləcək “Linköpings” (İsveç)–“Mançester Siti” (İngiltərə) oyununun UEFA nümayəndəsi olacaq.Qeyd edək ki, “Linköpings”–“Mançester Siti” futbol matçı martın 28-də İsveçin Linköping şəhərində keçiriləcək.xeber100.com