“Azərreyl” voleybol klubu Ukrayna millisinin üzvünü heyətinə cəlb edib

Bakının qadınlardan ibarət “Azərreyl” voleybol klubu Ukrayna millisinin üzvünü heyətinə cəlb edib.Azərtac xəbər verir ki, Bakı təmsilçisi Alla Politanskaya ilə mövsümün sonunadək müqavilə imzalayıb.Otuz yaşlı voleybolçu “Azərreyl”ə “Ximik” klubundan transfer olub.Qeyd edək ki, Alla Politanskaya 2013-cü ildən milliyə dəvət olunur.xeber100.com

“Barselona” klubunun müdafiəçisi karyerasını Çində davam etdirəcək

İspaniyanın “Barselona” futbol klubunun müdafiəçisi Maskerano karyerasını Çinin “Xebey Çayna Forçun” klubunda davam etdirəcək.Azərtac xarici KİV-lərə istinadən xəbər verir ki, transferin rəsmi müqaviləsi yanvarın 26-da 10 milyon avro müqabilində imzalanacaq.Qeyd edək ki, argentinalı futbolçu 2010-cu ildən Kataloniya klubunun şərəfini qoruyur. O, bu müddət ərzində 334 rəsmi oyuna çıxıb və “Barselona” ilə 18 mükafat qazanıb.xeber100.com

“Təxti Kuboku” beynəlxalq turniri keçiriləcək

Yanvarın 25-26-da İranın Mehşəhr şəhərində yunan-Roma güləşi üzrə böyüklər arasında ənənəvi “Təxti Kuboku” beynəlxalq turniri keçiriləcək. Turnir yunan-Roma güləşçilərinin reytinq xallarının hesablanacağı ilk yarışdır.Azərtac xəbər verir ki, yunan-Roma güləşi üzrə yığmamızın üzvləri yarışda baş məşqçi Şaban Donat və məşqçi Nurəddin Rəcəbovun rəhbərliyi altında iştirak edəcəklər. Heyətdə Ziyad Zeynalov, İbrahim Nurullayev (hər ikisi 55 kq), Sakit Quliyev, Murad Bazarov (hər ikisi 60 kq), Taleh Məmmədov (63 kq), Elman Muxtarov (67 kq), Ülvi Qənizadə, Sənan Süleymanov (72 kq), Nəsir Həsənov (77 kq), Türmən Eyyubov və Orxan Nuriyev (hər ikisi 97 kq) yer alıblar.Görüşlərin idarə edilməsində ölkəmizi beynəlxalq dərəcəli hakim Xəzər Allahverdiyev təmsil edəcək.2018-ci ilin təqvim planında nəzərdə tutulan qitə və dünya çempionatları ilə yanaşı, hər bir güləş növündə seçilmiş 4 turnirin nəticəsinə əsasən reytinq xalları hesablanacaq. Reytinq yarışlarında iştirakçıların sayı və güləşçilərin qazandığı nəticələr üzrə xallar toplanaraq sıralamanı müəyyənləşdirəcək.xeber100.com

Millətlər Liqasının püşkatma mərasimi başlayıb

Yanvarın 24-də UEFA-nın yeni təsis etdiyi Millətlər Liqasının püşkatma mərasimi başlayıb.Azərtac xəbər verir ki, İsveçrənin Lozanna şəhərində keçirilən mərasimdə Azərbaycan milli komandasının da rəqibləri müəyyənləşib.“D” liqasında mübarizə aparacaq Azərbaycan milli komandası püşkün nəticələrinə görə III qrupda yer alıb. Yığma komandamızın rəqibləri Farer Adaları, Malta və Kosovo milliləridir.Bu liqada çıxış edəcək digər komandalardan Gürcüstan, Latviya, Qazaxıstan, Andorra birinci, Belarus, Lüksemburq, Moldova və San-Marino yığmaları ikinci qrupda yer alıblar. Makedoniya, Ermənistan, Lixtenşteyn və Cəbəllütariq seçmələri isə dördüncü qrupda mübarizə aparacaqlar.UEFA Millətlər Liqasında çıxış edəcək 55 milli komanda dörd divizionda yarışacaq. “A” və “B” liqalarının hər birinə 12, “C” liqasına 15, “D” liqasına isə 16 komanda daxil edilib.Qrup mərhələsinin görüşləri bu ilin sentyabr-noyabr aylarında oynanılacaq.xeber100.com

“Milan” futbol klubu İtaliya çempionatının 21-ci turunda

“Milan” futbol klubu İtaliya çempionatının 21-ci turunda səfərdə “Kalyari”yə qalib (2:1) gəlib.Azərtac xəbər verir ki, sentyabr ayından “rossoneri” ilk dəfə ardıcıl olaraq iki matçda qalib gəlib. Bundan əvvəlki turda “Milan” klubu “Krotone” üzərində üstünlük (1:0) qazanıb.Cennaro Qattuzonun komandası 21 matçdan sonra A seriyası cədvəlində yeddinci yeri tutur.xeber100.com

Avtomobil Federasiyasının məlumatı

Cari ilin Dakar ralli yarışı başa çatıb.Azərtac Azərbaycan Avtomobil Federasiyasının saytına istinadla xəbər verir ki, motosikletçilərin mübarizəsində qələbəni “Red Bull KTM Factory” komandasının təmsilçisi Mattias Valkner qazanıb. Avstriyalı idmançı və MX3 seriyasında motokross üzrə dünya çempionu rallinin 14 mərhələsini ümumilikdə 43 saat 6 dəqiqə 1 saniyəyə qət edərək karyerasında ilk dəfə Dakar ralli çempionu tituluna sahib olub. Digər iki yerdə müvafiq olaraq “Monster Energy Honda Team”dən Kevin Benavides (16 dəqiqə 53 saniyə) və “Red Bull”un daha bir təmsilçisi Tobi Prays (23 dəqiqə 1saniyə) qərarlaşıblar.Çilili İqnasio Kasale isə kvadrasiklların mübarizəsində birinciliyin qalibi adını qazanıb. “Casale Racing” komandasının təmsilçisi ilə digər iki yeri tutan pilotlar arasında vaxt məsafəsinin kifayət qədər böyük olması ən çox müzakirə olunan mövzulardandır. Belə ki, İ.Kasale “Team Al Desert” komandasından argentinalı Nikolas Kavilyassonu ümumi nəticədə 1 saat 38 dəqiqə 52 saniyə “Consultores De Empresas” təmsilçisi Xeremias Qonsales Feriolini isə 2 saat 8 dəqiqə 14 saniyə üstələyib.Avtomobillərin yarışında ispaniyalı Karlos Saynz birinci yeri tutub. Ralli üzrə ikiqat dünya çempionu, “Team Peugeot Total” kollektivini təmsil edən pilot 14 mərhələdə 49 saat 16 dəqiqə 18 saniyə nəticə göstərib. O, bununla da 2010-cu ildə əldə etdiyi nəticəni təkrarlayıb. Digər iki yeri “Toyota Gazoo Racing Sa” komandasının nümayəndələri Nasser Al-Attiya (43 dəqiqə 40 saniyə) və Jiniel De Villers (1 saat 16 dəqiqə 41 saniyə) tutublar.Yük avtomobillərinin mübarizəsində Rusiyanın “Kamaz” ekipajı bu dəfə də bütün rəqiblərini geridə qoyub. Eduard Nikolayevin başçılıq etdiyi kollektiv yekunda 54 saat 57 dəqiqə 37 saniyəlik göstərici ilə Dakar tarixində 14-cü qələbəsini rəsmiləşdirib. Belarusun “Maz-Sportauto” komandası (3 saat 57 dəqiqə 17 saniyə) ikinci, Rusiyanın daha bir təmsilçisi Ayrat Mardeyevin rəhbərlik etdiyi “Kamaz - Master” kollektivi (5 saat 22 dəqiqə 34 saniyə) isə üçüncü yerlə kifayətlənib.xeber100.com  

Beynəlxalq dərəcəli hakimlərlə görüş keçirilib

Azərbaycan Güləş Federasiyasında (AGF) milli və beynəlxalq dərəcəli hakimlərlə görüş keçirilib.Azərtac xəbər verir ki, Federasiyanın birinci vitse-prezidenti Firdovsi Umudovun sədrliyi ilə keçirilən görüşdə güləş hakimlərinin hazırlıq səviyyəsindən, qarşıda duran məqsəd və hədəflərdən danışılıb.AGF-in birinci vitse-prezidenti Firdovsi Umudov bu günlərdə Slovakiyanın Samorin şəhərində keçirilən I-S kateqoriyalı hakimlərin seminarında imtahan verərək dərəcələrini təsdiqlədən hakimləri təbrik edərək deyib: “Dövlətimiz tərəfindən təkcə müxtəlif idman növləri üzrə yığma komanda üzvlərinin deyil, həm də hakimlərin beynəlxalq arenada ölkəmizi layiqincə təmsil etməsi üçün lazımi şərait yaradılır. Bu günədək beynəlxalq arenalarda güləşçilərimizlə yanaşı, bir çox tanınmış hakimlərimiz də ölkəmizi uğurla təmsil ediblər. Bu gün isə Olimpiya Oyunlarını idarə etmək hüququna malik iki nəfər I-S, üç nəfər I, 7 nəfər II, 8 nəfər isə III dərəcəli beynəlxalq kateqoriyalı hakimimiz var. Beynəlxalq dərəcəli hakimlərimizin sayı və kateqoriyası daha yüksək ola bilər. Bunun üçün hər bir hakim öz üzərində çalışmalı, nəzəri və praktiki biliklərini artırmalı və nizam-intizamlı olmalıdır. Azərbaycan Güləş Federasiyasının rəhbərliyi güləşçilərlə yanaşı, hakimlərin hazırlığına, mütəmadi olaraq onların yerli və beynəlxalq seminarlarda iştirak etməsinə də daim diqqət yetirir. Bu diqqət bundan sonra da davam edəcək”.Görüşdə, həmçinin AGF Hakimlər Kollegiyasının yeni sədri elan edilib. Hakimlər Kollegiyasına sədrlik beynəlxalq dərəcəli hakim Qərib Əliyevə həvalə olunub.

Cüdo üzrə “Böyük Dəbilqə” yarışları keçiriləcək

Gələn ay Fransanın paytaxtı Parisdə və Almaniyanın Düsseldorf şəhərində cüdo üzrə “Böyük Dəbilqə” yarışları keçiriləcək. Bu mötəbər turnirlərdə Azərbaycan milli komandası da mübarizə aparacaq.Bu barədə Azərtac-a Azərbaycan Cüdo Federasiyasından məlumat verilib.Baş məşqçi Ruslan Maşurenkonun rəhbərliyi ilə cüdoçularımız hazırda Bakı Olimpiya Stadionundakı təlim-məşq bazasında beynəlxalq yarışlara hazırlaşırlar.Ölkəmizi “Böyük Dəbilqə” turnirində Tərlan Kərimov, İlqar Müşkiyev (hər ikisi 66 kq), Fəqan Quluzadə (81 kq), Rüfət İsmayılov, Əbdülhəqq Rəsullu (hər ikisi 90 kq), Zelim Kotsoyev (100 kq), Bazarakça Erdenabat (48 kq), Buyankişiq Purevsuren (52 kq), İçinkorlo Munktsedev (57 kq), İrina Kindzerska (+78 kq) təmsil edəcəklər.xeber100.com

“Kəpəz” futbol klubu ilk yoxlama oyununa çıxıb

Türkiyədə təlim-məşq toplanışında olan Gəncənin “Kəpəz” futbol klubu ilk yoxlama oyununa çıxıb.Azərtac xəbər verir ki, “sarı-göylər”in rəqibi Rumıniyanın “Viitorul” klubu olub. Matç 1:1 hesabı ilə yekunlaşıb. Rumıniya təmsilçisi ilə görüşdə gəncəlilərin qolunu kapitan Şəhriyar Rəhimov vurub.Komandamız növbəti yoxlama matçında Koreya Respublikasının “Daejeon Citizen” klubu ilə qarşılaşacaq. Bu oyun yanvarın 25-də keçiriləcək.xeber100.com

Beynəlxalq Cüdo Federasiyasının təşkilatçılığı ilə…

Avstriyanın Mittersil şəhərində Beynəlxalq Cüdo Federasiyasının təşkilatçılığı ilə hakimlər və məşqçilər üçün beynəlxalq seminar keçirilib.Azərtac xəbər verir ki, seminarda iştirak edən Azərbaycan Cüdo Federasiyasının Hakimlər Komitəsinin sədri, beynəlxalq dərəcəli referi Fariz Hüseynov və regionlarda cüdonun inkişafı sektorunun müdiri, məşqçi Tərlan Poladov cüdoçularımızı yeni qaydalarla tanış etmək üçün Bakıda seminar keçiriblər.Hər iki mütəxəssis Bakı Olimpiya Stadionundakı təlim-məşq bazasında cüdonun yeni qayda və qanunlarının tədbiqini əyani şəkildə göstəriblər. Yeni qaydalar cüdoçulara ətraflı izah edilib.xeber100.com