Milli komandalar yoldaşlıq oyunlarında

Dünyanın bir sıra milli komandaları yoldaşlıq oyunlarında öz güclərini sınayıblar.Apasport.az saytının məlumatına görə, azərbaycanlı azarkeşlərin bir çoxunun diqqəti millimizin Belarusla matçından sonra Türkiyə yığmasında olub. Qardaş ölkə təmsilçisi İrlandiya ilə üz-üzə gəlib. Mirça Luçeskunun komandası minimal hesablı qələbəyə sevinib. DÇ-2018-ə ev sahibliyi edəcək Rusiya doğma meydanda Braziliyaya uduzub.Almaniya – İspaniya, Argentina – İtaliya, Hollandiya – İngiltərə və Portuqaliya – Misir matçları da diqqət mərkəzində olub.xeber100.com

İsveçrə çempionatının 24-cü turunda…

Türk əsilli isveçrəli baş məşqçi Murat Yakın ağır cəza alıb. Apasport.az saytının məlumatına görə, “Qrasshopers”in çalışdırıcısı hakimi söydüyü üçün cəzalandırılıb.İsveçrə çempionatının 24-cü turunun “Lozanna” ilə oyununda insident zamanı hakimi təhqir edən Yakın 3 matçda texniki zonadan komandasını idarə edə bilməyəcək.Maraqlıdı ki, həmin görüşdə eyni səbəbdən Muradın kiçik qardaşı və köməkçisi Hakan Yakın da cəzalandırılıb. Onun uzaqlaşdırılma müddəti isə 5 matç olub.xeber100.com

Şahmat turnirində II dövrəyə start verilib

Berlində şahmat tacına iddiaçıların turnirində II dövrəyə start verilib. Apasport.az saytının məlumatına görə, yarışın VIII turunda azərbaycanlı qrossmeyster Şəhriyar Məmmədyarov Sergey Karyakinlə qarşılaşıb. İddiaçılar turniri: VIII tur Aleksandr Qrişuk (2767, Rusiya) - Vladimir Kramnik (2800, Rusiya) - 1:0 Şəhriyar Məmmədyarov (2809, Azərbaycan) - Sergey Karyakin (2763, Rusiya) - 0.5:0.5 Liren Dinq (2769, Çin) - Levon Aronyan (2794, Ermənistan) - 0.5:0.5 Uesli So (2799, ABŞ) - Fabiano Karuana (2784, ABŞ) - 0.5:0.5 Turnir cədvəli: Karuana - 5.5 xal; Məmmədyarov – 5; Qrişuk - 4.5; Dinq - 4; Kramnik, Karyakin - 3.5; Aronyan, So – 3 İlk turda rəqibini qara fiqurlarla məğlub edən təmsilçimiz bu dəfə “ağ”larla oynayıb. Lider Fabiano Karuananın Uesli So ilə heç-heçəsindən yararlana bilməyən Şəhriyar da matçı bərabərə bitirərək liderlik şansını əldən verib.xeber100.com

SGS şirkəti yoxlamanın nəticələrini açıqlayıb

İsveçrənin SGS şirkəti 2017-ci ildə AFFA-nın Lisenziyalaşdırma qrupunun fəaliyyəti ilə bağlı apardığı yoxlamanın nəticələrini açıqlayıb. Apasport.az-ın assosiasiyanın rəsmi saytına istinadən məlumatına görə, şirkət bununla bağlı təbrik məktubu göndərib.Məktubda qeyd olunub ki, AFFA-nın Lisenziyalaşdırma qrupunun fəaliyyəti UEFA-nın Klubların Lisenziyalaşdırma üzrə keyfiyyət standartlarına uyğundu. Həmçinin o da vurğulanıb ki, Lisenziyalaşdırma qrupu 2018-19-cu il Lisenziyalaşdırma mövsümü çərçivəsində Azərbaycan klublarının UEFA yarışlarında iştirakı ilə bağlı lisenziyalaşdırma prosesini həyata keçirmək hüququna malikdi.Qeyd edək ki, SGS şirkəti müvafiq yoxlamaları UEFA-nın sifarişi əsasında həyata keçirir.xeber100.com

İtaliya A seriyasında 29-cu turun növbəti oyunları keçirilib

Martın 18-də futbol üzrə İtaliya A seriyasında 29-cu turun növbəti oyunları keçirilib.Azərtac xəbər verir ki, “Milan” doğma meydanda “Kiyevo”nı qəbul edib. Gərgin mübarizə şəraitində keçən oyun meydan sahiblərinin 3:2 hesablı qələbəsi ilə yekunlaşıb. Beləliklə, “Milan” 11 oyundur ki, məğlub olmur.“Roma” isə səfərdə “Krotone”nın qapısına iki cavabsız qol vurub.“Yuventus” səfərdə “Spal”ın qonağı olub, matç gərgin anlarla yadda qalıb. Oyunda hesab açılmayıb - 0:0.Tura "Lazio" - "Bolonya" və "Napoli" - "Genoya" oyunlarından sonra yekun vurulacaq.Turun digər oyunlarında aşağıdakı nəticələr qeydə alınıb: “Sampdoriya” – “İnter” - 0:5. “Bonevento” – “Kalyari” - 1:2. “Verona” – “Atalanta” - 0:5. “Torino” – “Fiorentino” - 1:2 “Udineze” – “Sasuolo” - 1:2.xeber100.com

Şahmat üzrə iddiaçılar turnirinin yeddinci turunda

Almaniyanın paytaxtı Berlində şahmat üzrə iddiaçılar turnirinin yeddinci turunda Azərbaycan qrossmeysteri Şəhriyar Məmmədyarov Rusiya idmançısı Aleksandr Qrişukla qarşılaşıb.Azərtac xəbər verir ki, oyun heç-heçə yekunlaşıb. Bununla da, azərbaycanlı qrossmeyster görüşdə xalları yarı bölüb. Hazırda onun aktivində 4,5 xal var.Turun digər görüşlərində isə ABŞ şahmatçısı Fabiano Karuana Ermənistan təmsilçisi Levon Aronyana, Sergey Karyakin (Rusiya) Uesli Soya (ABŞ) qalib gəlib. Vladimir Kramnik (Rusiya) - Din Lijen (Çin) qarşılaşmasında şahmatçılar xalları yarı bölüblər.Yeddi turdan sonra azərbaycanlı şahmatçı turnir cədvəlində 2-ci pilləni tutur. ABŞ təmsilçisi Fabiano Karuana 1-ci, rusiyalı qrossmeyster Vladimir Kramnik 3-cü yerdədir.Növbəti turda Ş.Məmmədyarovun rəqibi rusiyalı Sergey Karyakin olacaq.Turnir martın 28-dək davam edəcək.xeber100.com

“Karate-1” Premyer Liqa turnirində

Karate üzrə Azərbaycan milli komandasının üç üzvü martın 16-18-də Hollandiyada keçirilən "Karate-1" Premyer Liqa turnirində bürünc medal qazanıb.Azərtac xəbər verir ki, turnirin yarımfinal mərhələsində türkiyəli güclü rəqibi ilə mübarizədə qələbəni əldən verən Firdovsi Fərzəliyev (60 kq) təsəlliverici görüşünü keçirib.Digər idmançımız, sonuncu "Dubay" Premyer Liqa turnirinin qalibi Rafael Ağayev (75 kq) isə iki rəqibini məğlub edərək bürünc medal uğrunda son döyüşünə çıxıb. Səksən dörd kiloqram dərəcəsində yarışan Ayxan Mamayev də yarımfinal mərhələsində məğlub olaraq təsəlliverici görüşlərə qatılıb. Bürünc mükafatlar uğrunda həlledici görüşlərdə karateçilərimizdən Firdovsi Fərzəliyev qazaxıstanlı idmançı Kaysar Alpısbaya 1:0, Rafael Ağayev Xorvatiya təmsilçisi Enes Qariboviçə 5:0, Ayxan Mamayev isə iranlı Purşab Zabiollaha 5:2 hesabı ilə qalib gələrək turnirdə üçüncü olub.Mötəbər turnirdə milli komandamızın baş məşqçisi Şahin Xudaverdiyev dünya reytinq cədvəlinin ilk əlli pilləsində olan idmançılarımızın yarışda mübarizə aparmasına qərar verib.Turnirdə ümumilikdə 74 ölkədən 683 idmançı iştirak edib.xeber100.com

Azərbaycan milli komandası yoldaşlıq oyunu keçirib

Kiyevdə təlim-məşq toplanışı çərçivəsində futbol üzrə 19 yaşadək qızlardan ibarət Azərbaycan milli komandası yoldaşlıq oyunu keçirib.Azərtac xəbər verir ki, yığmamız Ukraynanın müvafiq yaş qrupundan ibarət komandası ilə qarşılaşıb və 1:1 hesablı heç-heçə edib.Komandamızın heyətində Nino Qurqenidze fərqlənib.xeber100.com

“Ukrayna Open” beynəlxalq turnirinə yekun vurulub

Taekvondo üzrə “Ukrayna Open” beynəlxalq turnirə yekun vurulub.Azərtac xəbər verir ki, 23 idmançı ilə G1 kateqoriyalı yarışa qatılan böyüklərdən ibarət milli komandamız 3 qızıl, 1 gümüş və 6 bürünc medal qazanıb.Turnirin ilk günü Qaşım Maqomedov (58 kq) yarışın qalibi, Məcid Sofiyev (54 kq) və Şəms Həsənova (62 kq) isə bürünc medala sahib olublar.Yarışın sonuncu günü də millimiz üçün uğurlu olub. Komandamızın yeddi üzvü fəxri kürsüyə qalxıb. Qadın taekvondoçularımızdan Fəridə Əzizova (67 kq) və Patimat Abakarova (53 kq) yarışı qızıl medalla başa vurublar. Radik İsaev (87 kq-dan yuxarı) isə həlledici döyüşdə məğlub olaraq gümüş medalla kifayətlənib. Millinin digər üzvlərindən Məhəmməd Məmmədov (68 kq), Ramin Əzizov (87 kq), Rufina Əlizadə (53 kq) və Elvarə Cəlilova (73 kq-dan yuxarı) bürünc medal qazanıblar.xeber100.com

Futbol üzrə dünya çempionatı Peruda keçiriləcək

Futbol üzrə gənclər arasında (20 yaşadək) 2019-cu il dünya çempionatı Polşada, yeniyetmələr arasında (17 yaşadək) dünya çempionatı isə Peruda keçiriləcək.Azərtac xəbər verir ki, bunu Beynəlxalq Futbol Federasiyaları Assosiasiyasının prezidenti Canni İnfantino təşkilatın şurasının Boqotada keçirilən iclasının yekunları ilə bağlı şərhində söyləyib. O deyib: “Polşa futbol üzrə gənclər arasında 2019-cu il dünya çempionatına, Peru isə yeniyetmələr arasında dünya çempionatına ev sahibliyi edəcək”.Yeniyetmələr arasında 2017-ci il dünya birinciliyi Hindistanda keçirilib, İngiltərə yığması qalib olub. Elə həmin il gənclər arasında dünya çempionatı Cənubi Koreyada təşkil olunub. İngiltərəlilər burada da qələbə qazanıblar.xeber100.com