Martın 15-də Bakı Olimpiya Stadionunda Azərbaycan Cüdo Federasiyasının (ACF) konfransı və İcraiyyə Komitəsinin iclası keçirilib.Azərtac xəbər verir ki, tədbirdə iştirak edən ACF-in prezidenti Rövnəq Abdullayev ölkədə idmanın bütün növlərində inkişafın pik nöqtəyə çatdığını bildirib. O, 2016-cı il Rio-de-Janeyro Yay Olimpiya Oyunlarındakı nailiyyəti buna bariz nümunə göstərib.Mandat Komissiyasının tərkibi müəyyənləşdikdən sonra konfransda yetərsay elan olunub.ACF-in baş katibi Elmar Babanlı bildirib ki, 2015-ci il sentyabrın 10-da keçirilmiş konfransdan sonra cüdonun inkişafında yeni mərhələ başlayıb. Onun sözlərinə görə, yeniyetmə, gənc, böyüklər və paralimpiya komandaları yüksək nailiyyətlər göstərib. O, medalların illər üzrə artdığını (2015-ci ilin son 3 ayında 25, 2016-cı ildə 140, 2017-ci ildə 191 medal), “Rio-2016”da 2 gümüş medal, paracüdoçuların isə 1 qızıl, 1 gümüş, 1 bürünc medal qazandıqlarını söyləyib.Baş katib cüdoçularımız “Bakı-2017” IV İslam Həmrəyliyi Oyunlarında, Avropa və dünya çempionatlarında da tarixi nailiyyətlərə imza atdıqlarını vurğulayıb. O, ACF prezidentinin Beynəlxalq Cüdo Federasiyasının İcraiyyə Komitəsinə üzv seçildiyini və 2018-ci il dünya çempionatının Bakıya həvalə olunduğunu xatırladıb. E.Babanlı respublika üzrə seleksiya xarakterli yarışlara 2000-dək cüdoçunun qatıldığını və kütləviliyin yüksəldiyini diqqətə çatdırıb.Sonra maliyyə hesabatı dinlənilib.Hesabatlar səsverməyə qoyularaq qəbul edilib.Daha sonra Azər Əsgərov ACF İcraiyyə Komitəsinə, DİN İC, MOİK, “Sərhədçi”, FHN, “Judo Club”, “Qəbələ”, “Turan”, 1 nömrəli RİOEUGİM ACF üzlüyünə qəbul olunub.Sonda çıxış edən R.Abdullayev əldə olunan uğurlara görə federasiya üzvlərinə minnətdarlığını bildirib. O, qarşıda ACF-i vacib yarışların gözlədiyini deyib: "Bakıdakı dünya çempionatı pik yarışımız olacaq. Biz bu yarışa saatbasaat yaxşı hazırlaşmalıyıq. Cüdoictimaiyyətini prosesə cəlb etməli, ilk dəfə Bakıda keçiriləcək mundialda yüksək nəticə göstərməliyik. Bu, bizim vicdan borcumuz olmalıdır”.xeber100.com