“Atletiko Madrid” futbol klubu yeni müqavilə imzalayıb

“Atletiko Madrid” futbol klubu müdafiəçi Şime Vrsalko ilə müqaviləni yeniləyib.Azərtac klubun rəsmi saytına istinadla xəbər verir ki, 26 yaşlı xorvatiyalı futbolçu ilə 2022-ci ilin yayınadək anlaşma imzalanıb.Qeyd edək ki, qış transferi dövründə “Napoli” futbolçu ilə maraqlanıb.xeber100.com

“Təxti Kuboku” beynəlxalq turniri keçiriləcək

Fevralın 8-dən 9-dək Təbrizdə sərbəst güləş üzrə böyüklər arasında ənənəvi “Təxti Kuboku” beynəlxalq turniri keçiriləcək.Azərbaycan Güləş Federasiyasından Azərtac-a verilən xəbərə görə, 23 ölkədən 190-a yaxın idmançının iştirak edəcəyi turnirdə təmsilçilərimiz də mübarizə aparacaqlar.Məşqçilər Arif Abdullayev və Nazim Əlicanovun rəhbərliyi altında qonşu ölkəyə 10 idmançımız yollanıb.Heyətdə Pərviz İbrahimov, Elçin Vəliyev (hər ikisi 61 kq), Pənah İlyaslı, Coşqun Əzimov (hər ikisi 70 kq), Murad Süleymanov (79 kq), Hacımurad Məhəmmədsəidov, İbrahim Yusubov (hər ikisi 86 kq), Cavid Sadıqov (92 kq), Roman Bəkirov (97 kq) və Umar İsrailov (125 kq) yer alıblar.Görüşlərin idarə edilməsində ölkəmizi beynəlxalq dərəcəli hakim Babək Allahverdiyev təmsil edəcək.xeber100.com

İspaniya çempionatının XXII turu çərçivəsində dörd oyun keçirilib

Fevralın 4-də futbol üzrə İspaniya çempionatının XXII turu çərçivəsində dörd oyun keçirilib.Azərtac xəbər verir ki, günün ilk matçında "Xetafe" doğma meydanda "Leqanes"i qəbul edib. Qarşılıqlı hücumlar şəraitində keçən oyunda hesab açılmayıb.Günün ikinci qarşılaşmasında "Barselona" komandası "Espanyol"un qonağı olub. Birinci hissədə komandalar fərqlənə bilməyiblər. Görüşün 66-cı dəqiqəsində meydan sahiblərinin heyətində Herard Moreno hesabı açıb. Matçın 82-ci dəqiqəsində Jerar Pike hesaba tarazlıq gətirib. Komandaların cəhdlərinə baxmayaraq, görüşdə qalib müəyyənləşməyib – 1:1."Jirona"-"Atletik" oyununda qələbəni meydan sahibləri qeyd ediblər. Belə ki, Kristian Stuaninin görüşün 7-ci və 65-ci dəqiqələrində vurduğu qollar "Jirona"nın qələbəsini rəsmiləşdirib – 2:0.Günün sonuncu qarşılaşmasında isə "Atletiko Madrid" və "Valensiya" komandaları üz-üzə gəliblər. Komandaların cəhdlərinə baxmayaraq, birinci hissədə hesab açılmayıb. İkinci hissəyə daha fəal başlayan Madrid təmsilçisi matçın 59-cu dəqiqəsində istəyinə çatıb. Anxel Korreanın qolu ilə "Atletiko Madrid" 1:0 hesablı qələbə qazanıb.Qeyd edək ki, hesabında 58 xal "Barselona" turnir cədvəlinin birinci pilləsində qərarlaşıb. "Atletiko Madrid" 49 xalla ikinci, "Valensiya" 40 xalla üçüncü, "Real Madrid" 39 xalla dördüncü, "Vilyareal" isə 37 xalla beşinci pillədə yer alıb.xeber100.com

2017-2018-ci il mövsümünün ikinci yarısında

2017-2018-ci il mövsümünün ikinci yarısına hazırlaşan “Qəbələ” futbol klubu Türkiyə toplanışını başa vurub.Azərtac xəbər verir ki, “qırmızı-qaralar” Antalya hazırlığının ikinci mərhələsinin 15-ci gününü bir məşqlə yekunlaşdırıb. Günün ilk yarısına təsadüf edən hazırlıq prosesi fiziki çalışmalardan ibarət olub. Fitnes zalında çalışan futbolçular qruplar şəklində müxtəlif təmrinləri icra ediblər. Bu məşqlə toplanışı yekunlaşdıran “Qəbələ” günün ikinci yarısında Vətənə dönüb.Xatırladaq ki, “qırmızı-qaralar” yanvarın 5-dən 17-dək və 21-dən fevralın 4-dək davam edən iki mərhələdən ibarət hazırlıq prosesində 6 yoxlama oyunu keçirib. Komandamız Antalya toplanışında Türkiyənin “Akhisar Bələdiyyəspor” (1:1), İsveçrənin “Sürix” (0:1), Makedoniyanın “Rabotniçki” (2:1), Rusiyanın “Arsenal” (3:3), Çexiyanın “Bohemians” (1:3) və Makedoniyanın “Şkendiya” (0:2) klubları ilə üz-üzə gəlib.xeber100.com

“Qarabağ” futbol klubu sonuncu yoxlama oyununu keçirib

“Qarabağ” futbol klubu Antalyada sonuncu yoxlama oyununu keçirib.Azərtac xəbər verir ki, komandamız Monteneqronun "Mladost" klubu ilə qarşılaşıb. Oyuna sürətli başlayan rəqib 3-cü dəqiqədə hesabı açıb. Bundan sonra nəzarəti əlinə keçirən komandamız 30-cu dəqiqədə hesabı bərabərləşdirib. Pedro Enrikenin yaddaqalan reydini Mahir Mədətov dəqiq tamamlayıb. Matçın qalan dəqiqələrində komandamız hesabı dəyişmək üçün qol epizodları yaratsa da, bunlardan istifadə edə bilməyib. Matç 1:1 hesablı heç-heçə ilə başa çatıb.Qeyd edək ki, “Qarabağ” hazırlıq çərçivəsində Rusiyanın “Kuban” (2:2), Polşanın “Lexiya” (1:1), Makedoniyanın “Şkupi” (0:0), Ukraynanın “Mariupol” (2:3) və Bosniya və Herseqovinanın “Sarayevo” (0:2) klubları ilə yoxlama oyunu keçirib.xeber100.com

2020-ci il Olimpiya Oyunlarının proqramında

Beynəlxalq Olimpiya Komitəsinin (BOK) rəhbəri Tomas Bax bildirib ki, BOK Beynəlxalq Həvəskar Boks Assosiasiyasına ünvanlanan ödənişləri dayandırır və 2020-ci ildə Tokioda keçiriləcək Olimpiya Oyunlarının proqramına boksun daxil edilib-edilməməsi məsələsinə yenidən baxmaq hüququnu özündə saxlayır.newsru.com saytı bildirir ki, T.Bax BOK-un İcraiyyə Komitəsinin iclasının yekunlarına həsr edilmiş mətbuat konfransında deyib: “Olimpiada-2020-yə kvota barəsində qərarlar qəti xarakter daşıyır. BOK Gənclər arasında Olimpiya Oyunlarının və Olimpiada-2020-nin proqramına boksun daxil edilib-edilməməsi məsələsinə yenidən baxmaq hüququnu özündə saxlayır”.T.Bax daha sonra deyib: “İcraiyyə Komitəsi federasiyanın (AİBA) idarəetmə sistemində təhqiqat başlanmasını təsdiq edir. BOK bu federasiyaya ünvanlanan ödənişləri dayandırır. BOK-un icraiyyə komitəsi həmin federasiya ilə zəruri əlaqələrdən başqa bütün əlaqələri dondurub”.Xatırladaq ki, 2017-ci il noyabrın əvvəlində AİBA İcraiyyə Komitəsi Çinq-Kuo Vunun bu təşkilatın prezidenti vəzifəsindən müvəqqəti kənarlaşdırılması barədə qərar qəbul edib. Ona qarşı maliyyə israfçılığı da daxil olmaqla bir sıra intizam xarakterli ittihamlar irəli sürülüb. 11 il AİBA-ya rəhbərlik etmiş bu məmur noyabrın axırlarında təşkilatın rəhbəri vəzifəsindən istefa verib. Bundan sonra prezident vəzifəsini müvəqqəti olaraq AİBA-nın vitse-prezidenti Franko Falçinelli icra edib, bu il yanvarın sonunda isə Qafur Raximov AİBA-nın prezidenti vəzifəsinin müvəqqəti icraçısı təyin edilib.BOK-un rəsmi saytında bildirilir ki, İcraiyyə komitəsi aprelin 30-dan gec olmayaraq AİBA-dan yeni məruzə gözləyir.Tomas Bax sonda deyib: “Biz bu problemləri hələ dekabr ayında görmüşdük, amma onlara dair izahat verilmədi. Bu, daxili qərarlar qəbul edilməsi proseduruna aiddir. Rəhbər işçilərin təyin edilməsi və seçilməsi ilə bağlı problemlər sizə də məlumdur. Federasiyanın yeni müvəqqəti prezidenti ilə bağlı, o cümlədən maliyyə məsələləri ilə əlaqədar problemlər də var. Biz bu federasiyada dopinqə qarşı mübarizə sahəsində heç bir yaxşılaşma görmədik”.xeber100.com

“Fajr Sabalan Cup” beynəlxalq şahmat turniri keçirilir

İranın Mazandaran əyalətinin Amol şəhərində 26-cı “Fajr Sabalan Cup” beynəlxalq şahmat turniri keçirilir. Turnirin “A” qrupunda 14 ölkədən 81 şahmatçı, o cümlədən 20 qrossmeyster yarışır.Azərtac xəbər verir ki, 3 turdan sonra “A” qrupunda rusiyalı Pavel Ponkratov, hindistanlı Himal Qusain, iranlılar Əmirrza Purramenazali, Amin Tabatabaey və Əlirza Firuzca hərəyə 3 xalla liderdirlər. Azərbaycan qrossmeysteri Azər Mirzəyevin aktivində 2 xal var.Dördüncü turun püşkatmasının nəticələrinə görə Azər Mirzəyev qara fiqurlarla iranlı FIDE ustası Əli Rastbod ilə qarşılaşacaq.İsveçrə sistemi üzrə keçirilən “Fajr Sabalan Cup” 11 turdan ibarət olacaq.xeber100.com

Güləşçilər arasında Azərbaycan çempionatı keçiriləcək

Fevralın 20-dən 21-dək sərbəst və yunan-Roma güləşi üzrə 2001-2002-ci il təvəllüdlü yeniyetmələr arasında Azərbaycan çempionatı keçiriləcək.Azərtac xəbər verir ki, çempionatın keçirilməsi yeniyetmələr arasında sərbəst və yunan-Roma güləşi idman növlərinin inkişafına və kütləviliyinə nail olmaq, ehtiyat qüvvələri aşkarlamaq, yeniyetmələrdən ibarət yığma komandanın heyətini formalaşdırmaq məqsədi daşıyır.Yeniyetmə güləşçilərin seçim yarışı iki mərhələdən ibarətdir. İlk mərhələdə Azərbaycan Güləş Federasiyasının regional nümayəndəliklərinin əhatə etdiyi ərazilərdə region birinciliyi uğrunda yarışlar keçirilib.Ümumilikdə, nümayəndəliklər üzrə Azərbaycan çempionatında iştiraka vəsiqə uğrunda keçirilən seçim yarışlarında mindən artıq yeniyetmə güləşçi mübarizə aparıb.İkinci mərhələdə isə regionlararası seçim yarışlarının nəticələrinə əsasən, yeniyetmələrin Azərbaycan çempionatı keçiriləcək. Çempionatda ilk üç yeri tutmuş idmançılar diplom, medal və pul mükafatı ilə təltif ediləcək və yığma komandanın heyətinə cəlb olunacaq.xeber100.com

“Sumqayıt” futbol klubu 4 yoxlama matçı keçirib

“Sumqayıt” futbol klubu Antalyada təlim-məşq toplanışını başa vuraraq Vətənə dönüb.Azərtac xəbər verir ki, Samir Abasovun yetirmələri bir günlük istirahətin ardından “Kapital Bank Arena”da Premyer Liqanın 15-ci turu çərçivəsində keçiriləcək “Zirə” ilə oyunun hazırlığına başlayacaqlar.Qeyd edək ki, “Sumqayıt” Antalyada 4 yoxlama matçı keçirib. Komandamız ilk oyununda Rumıniyanın ”Konkordiya" klubu ilə qarşılaşıb - 0:1. İkinci qarşılaşmada Samir Abasovun yetirmələri Makedoniya təmsilçisi “Akademiya Pandev” ilə sülh bağlayıblar - 1:1. Növbəti yoxlama oyununu Rusiyanın “Anji” klubuna qarşı keçirən “Sumqayıt” meydanı 0:1 hesablı məğlubiyyətlə tərk edib. Komandamız son matçını Serbiya “Mladost”una qarşı keçirib - 0:4.xeber100.com

Cüdo üzrə açıq Avropa Kubokuna yekun vurulub

Bolqarıstanın Sofiya şəhərində keçirilən cüdo üzrə açıq Avropa Kubokuna yekun vurulub. Apasport.az saytının məlumatına görə, Azərbaycan yığması son gündə daha bir medal əldə edib.+100 kq çəki dərəcəsində mübarizə aparan Uşanqi Kokauri yarışı 3-cü pillədə başa vurub. İspaniyalı Çelaru Qriqoras və ukraynalı Andrey Kolesnikə qalib gələn idmançımız yarımfinalda Belçika təmsilçisi Benjamin Harmenyisə məğlub olub. Təsəlliverici görüşdə Stanislav Bondarenkonu (Ukrayna) üstələyən Kakauri turnirin bürünc medalına layiq görülüb.Qeyd edək ki, qitə kuboku uğrunda turnirdə Avropanın 29 ölkəsindən 244 cüdoçu mübarizə aparıb. Azərbaycan cüdoçuları Sofiya turnirində 1 qızıl və 1 bürünc medal qazanıblar. Beynəlxalq turnirin ilk günündə Tofiq Məmmədov bütün rəqiblərinə qalib gələrək çempion olub.xeber100.com