“Qarabağ” futbol klubu 2017/2018-ci il mövsümündə

Ağdamın “Qarabağ” futbol klubu 2017/2018-ci il mövsümünün startında icarə əsasında komandaya qoşulan Tarik Elyunussi ilə yollarını ayırıb.Azərtac klubun saytına istinadən xəbər verir ki, futbolçu mövsümün sonunadək İsveçin “AİK” klubunda forma geyinəcək.Qeyd edək ki, Tarik Elyunussi “Qarabağ”ın heyətində səkkiz matçda iştirak edib.xeber100.com

Çempionlar Liqasının qrup mərhələsinə yekun vurulub

İspaniyanın Alcalа de Henares şəhərində eşitməqüsurlu əlillərdən ibarət komandalar arasında təşkil edilən Çempionlar Liqasının qrup mərhələsinə yekun vurulub.Azərtac AFFA-nın saytına istinadən xəbər verir ki, eşitməqüsurlu əlillərdən ibarət komandalar arasında Azərbaycan çempionatının qalibi “Ulduz” futzal klubu qrup mərhələsinin son oyun günündə əvvəlcə yerli “Alcala De Henares” komandası ilə qarşılaşıb və 6:1 hesabı ilə qələbə qazanıb.Növbəti oyunda Belçikanın “Zebre Çarleroi” komandası ilə üz-üzə gələn təmsilçimiz meydanı növbəti dəfə qalib tərk edib – 4:2.Beləliklə, keçirdiyi dörd oyunun üçündə qələbə qazanan və bir qarşılaşmada məğlub olan “Ulduz” dörddəbir final mərhələsinə vəsiqə qazanıb.Qeyd edək ki, təmsilçimiz fevralın 1-də Fransanın “Reims” komandası ilə görüşəcək.xeber100.com

“Sumqayıt” futbol klubu növbəti yoxlama oyununu keçirib

“Sumqayıt” futbol klubu təlim-məşq toplanışı çərçivəsində Antalyada növbəti yoxlama oyununu keçirib.Azərtac xəbər verir ki, komandamız Rusiya təmsilçisi “Anji” ilə qarşılaşıb.“Sumqayıt” meydanı 0:1 hesablı məğlubiyyətlə tərk edib.Qeyd edək ki, “Sumqayıt” Antalyada sonuncu yoxlama görüşünü fevralın 3-də Serbiya “Mladost”una qarşı keçirəcək.xeber100.com

“Qəbələ” futbol klubu təlim-məşq toplanışında…

Tbilisidə təlim-məşq toplanışında olan “Qəbələ” futbol klubunun əvəzediciləri növbəti yoxlama oyununu keçiriblər.Azərtac xəbər verir ki, “qırmızı-qaralar” qonşu ölkədəki ikinci sınağında “Saburtalo”nun əvəzediciləri ilə görüşüblər. Qarşılıqlı hücumlarla və gərgin idman mübarizəsi şəraitində keçən matçın taleyini 1 qol həll edib. Matçın 62-ci dəqiqəsində meydan sahiblərinin qapısına yol tapan Vüsal Rzayev “Qəbələ”yə qələbə qazandırıb – 1:0.Baş məşqçi Emin İmaməliyevin baş məşqçisi olduğu komanda Gürcüstanda növbəti oyununu fevralın 1-də keçirəcək. “Qırmızı-qaralar” Tbilisi “Lokomotiv”inin əvəzediciləri ilə qarşılaşacaqlar.Xatırladaq ki, komandamız qonşu ölkədəki ilk yoxlama oyununda “VİT-Corciya” ilə qarşılaşıb və 0:2 hesabı ilə uduzub.xeber100.com

Milli Olimpiya Komitəsinin məlumatı

Fevralın 7-25-də Koreya Respublikasının Pxençan şəhərində Qış Olimpiya Oyunları keçiriləcək.Azərtac Milli Olimpiya Komitəsinə istinadla xəbər verir ki, Azərbaycan nümayəndə heyəti XXVIII Qış Olimpiya Oyunlarında iştirak etmək üçün Koreya Respublikasına yola düşməyə hazırlaşır.Pxençan Olimpiadasında Azərbaycanı Patrik Braxner təmsil edəcək. O, slalom və böyük slalom yarışlarında mübarizə aparacaq. Atlet “Pxençan-2018”ə lisenziyanı müxtəlif yarışlarda topladığı xallar sayəsində qazanıb.Patrik Braxner daha əvvəl “Soçi-2014” Qış Olimpiya Oyunlarında Azərbaycanı təmsil edib.Ölkəmiz 1998-ci ildən bəri Qış olimpiadalarında təmsil olunur.xeber100.com

“Xəzər” futbol klubu növbəti transferini reallaşdırıb

Birinci Divizion təmsilçisi “Xəzər” futbol klubu mövsümün ikinci yarısına hazırlıq çərçivəsində növbəti transferini reallaşdırıb.Azərtac kluba istinadla xəbər verir ki, əldə olunmuş razılığa əsasən, mövsümün ilk yarısını Şimali Kiprin “Yeniboğaziçi” komandasında keçirən Nodar Məmmədovla mövsümün sonunadək müqavilə imzalanıb.“Şahdağ” futbol klubunun yetirməsi olan 30 yaşlı müdafiəçi müxtəlif illərdə “Qarabağ”, MOİK, “Qəbələ”, “Rəvan”, “Sumqayıt” və “Xəzər-Lənkəran” klublarında da oynayıb.xeber100.com

Avropa kuboku yarışlarına start veriləcək

Fevralın 3-də Bolqarıstanın paytaxtı Sofiyada kişi cüdoçular arasında açıq Avropa kuboku yarışlarına start veriləcək.Azərtac xəbər verir ki, iki gün davam edəcək yarışa Azərbaycan millisi də qatılacaq.Yığmamızın məşqçilər korpusu Sofiyada 19 cüdoçunu sınamağa qərar verib. Heyətdə Mehman Sadıqov, Tofiq Məmmədov, Sadiq Məhərrəmov (hər üçü 60 kq), Tərlan Kərimov, İlkin Babazadə, İsmayıl İbrahimov, İlqar Müşkiyev (hamısı 66 kq), Telman Vəliyev, Paşa Əliyev (hər ikisi 73 kq), Fəqan Quluzadə, Afiq Səfərli, Coşqun Abdullayev (hər üçü 81 kq), Abdulhaqq Rəsullu, Qurban Qurbanov, Rüfət İsmayılov (hər üçü 90 kq), Adil Kərimli, Sənan Əhmədov, Cəfər Əkbərli (hər üçü 100 kq) və Uşanqi Kokauri (100 kq-dan yuxarı) yer alıblar.Avropa kuboku yarışlarında 30 ölkədən 261 idmançının iştirakı gözlənilir.xeber100.com

“Mançester Yunayted” futbol klubu yeni müqavilə bağlayıb

İngiltərənin “Mançester Yunayted” futbol klubunun hücumçusu Zlatan İbrahimoviç ABŞ-ın “Los-Anceles Qelaksi” komandası ilə müqavilə bağlayıb.Azərtac sport-express.ru saytına istinadən xəbər verir ki, isveçli hücumçu sözləşməni yanvarın əvvəlində imzalayıb. Onun “qırmızı şeytanlar”la hazırkı anlaşması bu ilin iyununadək nəzərdə tutulub. Bu səbəbdən, 36 yaşlı forvardın cari mövsümün sonunda MLS klubuna keçəcəyi ehtimal olunur.Transfer baş tutsa İbrahimoviç Amerika liqasının ən yüksək ödənişli oyunçusu olacaq. Təcrübəli hücumçu 7,7 milyon dollar qazanacaq.Qeyd edək ki, Z.İbrahimoviç cari mövsümdə 7 oyunda meydana çıxıb və bir dəfə fərqlənib.xeber100.com

Cüdo Federasiyası yeni reytinq cədvəlini açıqlayıb

Beynəlxalq Cüdo Federasiyası yeni reytinq cədvəlini açıqlayıb.Azərbaycan Cüdo Federasiyasından Azərtac-a verilən xəbərə görə, siyahını millimizin aparıcı idmançıları üçün uğurlu hesab etmək olar.Yığmamızın əsas cüdoçularının hamısı mövqeyini qoruyub. Onlardan 10-u ilk 20-likdə yer alıb. Belə ki, Orxan Səfərov (60 kq) yenə 7-ci, Nicat Şıxəlizadə (66 kq) 14-cü, Rüstəm Orucov 3-cü, Hidayət Heydərov (hər ikisi 73 kq) 4-cü, Məmmədəli Mehdiyev (90 kq) 11-ci, Tural Səfquliyev (90 kq) 17-ci, Elxan Məmmədov 4-cü, Elmar Qasımov (hər ikisi 100 kq) 6-cı, Uşanqi Kokauri (100 kq-dan yuxarı) 18-ci, qadınlar arasında isə İrina Kindzerska (78 kq-dan yuxarı) 7-ci pillədə qərarlaşıb.xeber100.com

Azərbaycan çempionatında final qarşılaşmaları keçiriləcək

Yanvarın 31-də kişi boksçular arasında Azərbaycan çempionatında final qarşılaşmaları keçiriləcək.Azərtac xəbər verir ki, 10 çəki dərəcəsi üzrə yarımfinal qarşılaşmalarının nəticələrinə əsasən bütün finalçılar müəyyənləşib.Ümumiyyətlə, on çəki dərəcəsində finala vəsiqə qazanan idmançılar aşağıdakılardır: 49 kq çəki dərəcəsində - Hacıbala Fərzəliyev (“Rabitə” İK) - Araz İmaməliyev (“Gilan” İK); 52 kq çəki dərəcəsi - Məsud Yusifzadə (“Rabitə” İK) - Ramazan Abdullayev (Balakən); 56 kq çəki dərəcəsi - Tayfur Əliyev (MOİK) – Ümid Rüstəmov (“Rabitə” İK, DİN); 60 kq çəki dərəcəsi - Sayad Lalayev (MOİK) - Cavid Çələbiyev (“Qəbələ” İK); 64 kq çəki dərəcəsi - Fərid Ağamoğlanov (“Qəbələ” İK) – Elvin İsayev (“Gilan” İK); 69 kq çəki dərəcəsi - Nicat Məmmədov (“Qızıl Əlcək” İK) - Elnur Süleymanov (“Gilan” İK); 75 kq çəki dərəcəsi - İsmayıl Hüseynov (“Qəbələ” İK) – Hidayət Musayev (“Kür” İK); 81 kq çəki dərəcəsi - Eldar Quliyev (“Gilan” İK) – Rauf Rəhimov (“Qəbələ” İK); 91 kq çəki dərəcəsi - Qulaməli Aslanov (“Gömrükçü” İK) - Rahil Məmmədli (“Qəbələ” İK); 91 kq-dan yuxarı çəki dərəcəsi - Ağalar Sadıqzadə (Naxçıvan) – Məhəmməd Abdullayev (“Rabitə” İK); Çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 39 komandanın heyətində 203 boksçu qatılıb.Mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.xeber100.com