“Keşlə” futbol klubu hazırlıq prosesi çərçivəsində

Antalyada təlim-məşq toplanışında olan Bakının “Keşlə” futbol klubu hazırlıq prosesi çərçivəsində ikinci yoxlama matçını keçirib.Azərtac xəbər verir ki, Bakı təmsilçisi Ukraynanın “Karpatı” klubu ilə qarşılaşıb. Oyun 2:1 hesabı ilə Ukrayna təmsilçisinin xeyrinə başa çatıb. Komandamızın heyətində Əlibəy Məmmədli fərqlənib.Qeyd edək ki, “Keşlə” Antalyada keçirdiyi ilk yoxlama matçında Makedoniyanın “Rabotniçki” klubuna 1:0 hesabı ilə qalib gəlib.xeber100.com

Braziliyalı futbolçusu “Beşiktaş”a transfer olub

Braziliyalı futbolçu Vaqner Lav “Alanyaspor” klubundan “Beşiktaş”a transfer olub.Azərtac İstanbul klubunun rəsmi saytına istinadla xəbər verir ki, 33 yaşlı hücumçu “Beşiktaş”la 2019/2020-ci il mövsümünün sonunadək müqavilə imzalayıb.Transfer məbləğinin 3,7 milyon avro olduğu bildirilir.Qeyd edək ki, Vaqner Lav ötən mövsüm 28 oyunda 23 qol vurmaqla Türkiyə çempionatının bombardiri olub. Cari mövsümdə isə forvard çempionatda 14 maç keçirib və 10 dəfə fərqlənib.xeber100.com

“Qarabağ” futbol klubu beşinci yoxlama oyununu keçirib

Ağdamın “Qarabağ” futbol klubu Antalyadakı qış təlim-məşq toplanışı çərçivəsində beşinci yoxlama oyununu keçirib.Azərtac xəbər verir ki, komandamız Bosniya və Herseqovinanın “Sarayevo” komandası ilə qarşılaşıb.“Qarabağ” görüşdən 0:2 hesablı məğlubiyyətlə ayrılıb.Qeyd edək ki, “Qarabağ” bundan əvvəl Antalya toplanışı çərçivəsində “Kuban”la 2:2, “Lexiya” ilə 1:1 və “Şkupi” ilə 0:0 hesablı heç-heçə edib, “Mariupol”a isə 2:3 hesabı ilə məğlub olub.xeber100.com

“Persian Cup-2018” beynəlxalq turnirində

Çimərlik futbolu üzrə Azərbaycan milli komandası İranın Buşehr şəhərində təşkil olunmuş “Persian Cup-2018” beynəlxalq turnirində ikinci oyununu keçirib.Azərtac xəbər verir ki, İspaniya yığması ilə qarşılaşan millimiz 1:3 hesabı ilə məğlub olub.Komandamızın qolunu Orxan Məmmədov vurub.Qeyd edək ki, millimiz turnirdə keçirdiyi ilk oyunda İran yığmasına 2:3 hesabı ilə uduzub.xeber100.com

Boksçular arasında Azərbaycan çempionatı davam edir

Kişi boksçular arasında Azərbaycan çempionatı davam edir.Azərtac xəbər verir ki, 39 komandanın qatıldığı yarışın üçüncü günündə 32 döyüş keçirilib. Bununla da 1/8 final mərhələsi yekunlaşıb.Çempionatda 49 və 91 kiloqram çəki dərəcələrində yarımfinalçılarının adlarına aydınlıq gəldiyi halda, 52, 64, 69 və 75 kiloqram çəki dərəcələrində 1/4 finala yüksələn boksçular müəyyənləşib.Bu gün çempionatda 8 çəki dərəcəsi üzrə 32 görüş keçiriləcək.xeber100.com

“Barselona” futbol klubu La Liqanın 21-ci turunda

“Barselona” futbol klubu La Liqanın 21-ci turunda “Alaves”i 2:1 hesabı ilə məğlub edib. Kataloniya təmsilçisi İspaniya La Liqasında məğlubiyyətsiz oyunlar seriyası üzrə rekordunu təkrarlayıb.Azərtac xəbər verir ki, sonuncu dəfə “Barselona” 2009/2010-cu il mövsümündə 21 tur məğlub olmayıb. Kataloniyalılar bu oyunlardan 17-də qələbə qazanıb, 4-də isə heç-heçə ediblər. Cari mövsüm isə “Barselona”nın hesabında 18 qələbə var.Hazırda İspaniya çempionatına 57 xalla “Barselona” başçılıq edir. Aktivində 46 xal olan “Atletiko” ikinci , “Valensiya” 40 xalla üçüncü, bir oyun az keçirən “Real” isə 38 xalla dördüncü sırada qərarlaşıb.xeber100.com

Milli Karate Federasiyasının məlumatı

Karate üzrə Azərbaycan milli komandasının lideri Rafael Ağayev (75 kq) Parisdə Premyer Liqa turnirində ikinci yeri tutub.Azərtac Azərbaycan Milli Karate Federasiyasına istinadən xəbər verir ki, karateçimiz yaponiyalı idmançı Ken Nişimura ilə həlledici görüşün son saniyələrində qələbəni əldən verib.Yeni qaydalara əsasən, medal yalnız yarışın qaliblərinə təqdim olunub. Görüşlərini qələbə ilə başa vuran idmançılarımız dünya reytinq cədvəlində xallarını artırıblar. “Kiçik dünya çempionatı” adlandırılan Paris Premyer Liqasında 81 ökədən 756 idmançı mübarizə aparıb.Dünya Karate Federasiyasının (WKF) 2018-ci ildə yeddi yarışlıq nüfuzlu Premyer Liqa seriyasından növbəti turnir fevralın 16-18-də Birləşmiş Ərəb Əmirliklərinin Dubay şəhərində keçiriləcək.Qeyd edək ki, yanvarın 30-da Bakıya dönəcək karateçilərimiz növbəti yarışa hazırlığı davam etdirəcəklər.xeber100.com

“Zirə” futbol klubu “Voluntari” klubu ilə qarşılaşıb

Antalyada təlim-məşq toplanışında olan Bakının “Zirə” futbol klubu ilk yoxlama oyununu keçirib.Azərtac xəbər verir ki, komandamız Rumıniyanın “Voluntari” klubu ilə qarşılaşıb.Görüş Bakı təmsilçisinin 2:0 hesablı qələbəsi ilə yekunlaşıb. Qolları Elşən Abdullayev və Vüsal İsgəndərli vurublar.xeber100.com

Həndbol Federasiyasının məlumatı

Kişi həndbolçular arasında Azərbaycan çempionatı davam edir.Azərbaycan Həndbol Federasiyasından Azərtac-a bildiriblər ki, ölkə birinciliyinin növbəti turu çərçivəsinə iki görüş keçirilib. Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) yetirmələrini nominal ev sahibi kimi qəbul edən “Məhsul” komandası 25:21 hesabı ilə qələbə qazanıb.Günün digər matçında isə “Təhsil” və “Bakı” komandaları qarşılaşıblar. Görüş paytaxtın eyniadlı təmsilçisinin 35:27 hesablı qələbəsi ilə yekunlaşıb.xeber100.com

“Sumqayıt” futbol klubu növbəti yoxlama oyununu keçirib

Antalyada təlim-məşq toplanışında olan “Sumqayıt” futbol klubu növbəti yoxlama oyununu keçirib.Azərtac xəbər verir ki, komandamız Makedoniya təmsilçisi “Akademiya Pandev” klubu ilə qarşılaşıb.Matçın 30-cu dəqiqəsində Vurğun Hüseynovun qolu ilə “Sumqayıt” hesabda önə keçsə də, 44-cü dəqiqədə Aleksandar Mişov hesabda tarazlığı bərpa edib. Beləliklə, oyun 1:1 hesablı heç-heçə ilə yekunlaşıb.Qeyd edək ki, “Sumqayıt” növbəti yoxlama görüşünü yanvarın 31-də Rusiya Premyer Liqası təmsilçisi “Anji”yə qarşı keçirəcək.xeber100.com