Voleybol üzrə Liqa yarışlarına start verilib

Voleybol üzrə qadınlar və kişilər arasında birinci Liqa yarışlarına start verilib.Azərtac xəbər verir ki, 19 komandanın iştirak etdiyi yarışda 10 kişi, 9 qadın klubu mübarizə aparır.Azərbaycan Voleybol Mərkəzində əvvəlcə meydançaya “Azərreyl-1” və “Xətai” komandaları çıxıblar. “Azərreyl-1” görüşdən 3:0 hesabı ilə qalib ayrılıb.Oyundan sonra birinci Liqanın rəsmi açılış mərasimi olub.Mərasimdə Azərbaycan Voleybol Federasiyasının prezidenti Cavid Qurbanov və qurumun vitse-prezidentləri iştirak ediblər.Komandalar meydançaya dəvət edildikdən sonra 20 Yanvar şəhidlərinin xatirəsi bir dəqiqəlik sükutla yad olunub.Federasiyanın vitse-prezidenti Vaqif Əliyev Azərbaycan voleybolunun uğurlarından danışıb, yarışın iştirakçılarına uğurlar arzulayıb.Sonra birinci Liqa yarışları açıq elan olunub.Açılış mərasimindən sonra Azərbaycan Voleybol Mərkəzində kişi komandalarından “ATU” və “BOS-Şelf” üz-üzə gəliblər. Görüş 3:1 hesabı ilə “BOS-Şelf” komandasının qələbəsi ilə başa çatıb. “Şəki”-“İqtisadçı” komandalarının görüşündə isə ikincilər 3:2 hesabı ilə qələbə qazanıblar.Daha sonra qadın komandaları meydana çıxıblar. “Gəncə” ilə qarşılaşan UNEC komandası rəqibini 3:0 hesabı ilə məğlub edib.Qadınlar və kişilər arasında birinci Liqa yarışları iki dövrədən, pley-off və final mərhələsindən ibarətdir.xeber100.com

UEFA Millətlər Liqasındakı oyunların təqvimi məlum olub

UEFA Millətlər Liqasının “D” Liqasının üçüncü qrupunda Farer adaları, Malta və Kosovo ilə mübarizə aparacaq Azərbaycan milli komandasının oyunlarının təqvimi müəyyənləşib.Azərtac AFFA-nın saytına istinadla xəbər verir ki, Azərbaycan yığması qrupda ilk oyununu bu il sentyabrın 7-də saat 21:00-da Bakıda Kosovo seçməsinə qarşı keçirəcək.Baş məşqçi Qurban Qurbanovun yetirmələri sentyabrın 10-da səfərdə Malta, oktyabrın 11-də isə səfərdə Farer Adaları ilə qarşılaşacaqlar. Hər iki görüş saat 23:45-də başlayacaq.Millimiz oktyabrın 14-də və noyabrın 17-də Bakıda əvvəlcə Maltanı, sonra Farer Adalarını qəbul edəcək. Hər iki görüşə saat 21:00-da start veriləcək. Yığma komandamız qrupda sonuncu matçını noyabrın 20-də saat 23:45-də səfərdə Kosovo komandasına qarşı oynayacaq.xeber100.com

“Real Madrid” futbol komandası “Leqanes”i qəbul edib

“Real Madrid” futbol komandası İspaniya kubokunun dörddəbir final mərhələsinin cavab qarşılaşmasında “Leqanes”i qəbul edib.Azərtac xəbər verir ki, qonaqlar matçın 31-ci dəqiqəsində Xavyer Erasonun qolu ilə hesabı açıblar. Meydan sahibləri görüşün ikinci hissəsində hesabı bərabərləşdirməyə nail ola biliblər. Kral klubunun futbolçusu Kərim Benzema 51-ci dəqiqədə fərqlənib. Bu qoldan dörd dəqiqə sonra Qabriel ikinci topu “Real”ın qapısından keçirib. Matç qonaqların 2:1 hesablı qələbəsi ilə yekunlaşıb.Komandalar arasında ilk oyun “Real Madrid”in 1:0 hesablı qələbəsi ilə başa çatıb.Beləliklə, səfərdə vurulan qolların hesabına “Leqanes” komandası İspaniya kubokunun yarımfinalına yüksəlib.Qeyd edək ki, “Real Madrid” ardıcıl 4 mövsümdür İspaniya kubokunun yarımfinalına vəsiqə qazana bilmir. Bu müddət ərzində mükafata “Barselona” sahib olub.xeber100.com

“Azərreyl” voleybol klubu növbəti transferini reallaşdırıb

Bakının qadınlardan ibarət “Azərreyl” voleybol klubu növbəti transferini reallaşdırıb.Azərtac xəbər verir ki, Bakı təmsilçisi ukraynalı Viktoriya Dedkova ilə mövsümün sonunadək müqavilə imzalayıb.Otuz yaşlı voleybolçu son iki mövsümü Qazaxıstanın “Altay” komandasında keçirib.xeber100.com

Sambo üzrə Bakı birinciliyi keçirilib

Bakı Şəhər Gənclər və İdman Baş İdarəsi (BŞGİBİ) tərəfindən Hövsan Olimpiya İdman Mərkəzində 2000-2001-ci il təvəllüdlü yeniyetmələr arasında sambo üzrə Bakı birinciliyi keçirilib.BŞGİBİ-dən Azərtac-a bildiriblər ki, birincilikdə 10 çəki dərəcəsi üzrə 141 idmançı mübarizə aparıb.Yarışda Orxan Qəhrəmanov (48 kq), Hacalı Qasımov (52 kq), Sübhan İsrafilli (56 kq), Əjdər Əsədov (60 kq), Vüsal Mürsəqulov (65 kq), Adil Adilzadə (70 kq), Ağami Məmmədov (75 kq), Vüqar Ağayev (81 kq), Xəlil Cəlilzadə (87 kq) və Elvin Tarverdiyev (87 kq-dan yuxarı) bütün rəqiblərinə qalib gələrək fəxri kürsünün ən yüksək pilləsinə qalxıblar.İlk üç yeri tutan idmançılar Baş İdarə tərəfindən müvafiq dərəcəli diplom və xatirə hədiyyələri ilə təltif olunublar.xeber100.com

“Arsenal” klubu “Borussiya” ilə danışıqları davam etdirir

“Arsenal” klubu forvard Pyer-Emerik Obameyanqın transferi barədə “Borussiya” ilə danışıqları davam etdirir.Azərtac xəbər verir ki, dortmundlular 60 milyon avro müqabilində 28 yaşlı forvarddan imtina etməyə hazırdırlar. Bir şərtlə ki, London klubu sövdələşməyə Olivye Jirunu da əlavə etsin.“Arsenal” Obameyanqın transferi haqqında müqaviləni yanvarın 30-da İngiltərə Premyer-Liqasında “Suonsi” ilə oynanılacaq matça qədər imzalamağı planlaşdırır.Daha əvvəl bildirilirdi ki, “Borussiya” forvardı “Arsenal”a 50 milyon funt sterlinqən çox məbləğə satmaqdan imtina edib.xeber100.com

Milli komandalar arasında yoldaşlıq oyunu keçiriləcək

Antalyada futbol üzrə Azərbaycan və Makedoniya milli komandaları arasında yoldaşlıq oyunu keçiriləcək.Azərtac xəbər verir ki, bu barədə AFFA və Makedoniya Futbol Federasiyası arasında ilkin razılıq əldə olunub.Azərbaycan-Makedoniya oyunu martın 27-də təşkil olunacaq.xeber100.com

Karate üzrə 2018-ci il yarış mövsümünə start verilib

Böyüklərdən ibarət karate üzrə milli komandamız 2018-ci il yarış mövsümünə start verir.Azərbaycan Milli Karate Federasiyasından (AMKF) Azərtac bildirilib ki, kişi və qadın karateçilər yanvar 26-28-də Fransanın paytaxtı Parisdə “Karate-1 Premyer Liqa” turnirində iştirak edəcəklər.AMKF-nin prezidenti Yaşar Bəşirov, birinci vitse-prezident Fərid Əsgərov və baş katib Mirhəsən Seyidov Fransaya yola düşən heyətin tərkibindədir.Dünya Karate Federasiyasının (WKF) bu nüfuzlu liqa yarışında 15 karateçimiz mübarizə aparacaq. Federasiyanın baş hakimi və beynəlxalq hakim Cahangir Babayev, milli komandanın məşqçiləri Vahid Ayvazov, Qurban Tağıyev, Şahin Xudaverdiyev və Anar Allahverdiyev bəzi çəkilərdə iki idmançını sınaqdan keçirməyə üstünlük verib.Firdovsi Fərzəliyev, Tural Ələkbərli (hər ikisi 60 kq), Niyazi Əliyev, Tural Ağalarzadə (hər ikisi 67 kq), Rafael Ağayev (75 kq), Ayxan Mamayev, Turqut Həsənov (hər ikisi 84 kq), Şahin Atamov, Asiman Qurbanlı, Əli Cəfərov (hər üçü 84 kq-dan yuxarı), Roman Heydərov (kata), eləcə də Nuranə Əliyeva (50 kq), İlahə Qasımova (55 kq), Fəridə Abiyeva (61 kq) və Fəridə Əliyeva (67 kq-dan yuxarı) medal qazanmaqla bərabər, dünya reytinq xallarını artırmağa çalışacaqlar.xeber100.com

Antalyada təlim-məşq toplanışı çərçivəsində…

Antalyada təlim-məşq toplanışı çərçivəsində növbəti yoldaşlıq oyununu keçirən 21 yaşadək futbolçulardan ibarət Azərbaycan millisi gürcüstanlı həmyaşıdları ilə qarşılaşıb.Azərtac xəbər verir ki, 1:1 hesabı ilə başa çatan oyunun 45-ci dəqiqəsində Gürcüstan millisinin üzvü avtoqolla yadda qalıb.Əvvəlki oyunlarda "Alanyaspor" klubunun U-21 komandasına 3:1 hesabı ilə qalib gələn millimiz ardınca Albaniyanın U-21 millisinə məğlub olub - 0:1.Qeyd edək ki, U-21 növbəti oyununu yanvarın 26-da Albaniyanın müvafiq yaş qrupuna qarşı keçirəcək.xeber100.com

“Səbail” futbol klubu ilk yoxlama oyununu keçirib

Bakının “Səbail” futbol klubu Antalya toplanışı çərçivəsində ilk yoxlama oyununu keçirib.Azərtac xəbər verir ki, paytaxt təmsilçisi Ukraynanın “Çernomorets” klubu ilə üz-üzə gəlib. Görüşdə hesab açılmayıb.Qeyd edək ki, “Səbail” Antalyada ikinci oyununu yanvarın 26-da Serbiyanın “Napredak” klubuna qarşı keçirəcək.xeber100.com