“Kuldiga Catherines Cup” beynəlxalq turniri keçirilib

Latviyada atletika üzrə “Kuldiga Catherines Cup” beynəlxalq turniri keçirilib.Azərtac xəbər verir ki, səkkizinci dəfə təşkil olunan yarışda ölkəmizi 60 metr məsafəyə sədlərlə qaçış yarışlarında Rahib Məmmədov təmsil edib.Məşqçi Elvin Əliyevin rəhbərliyi altında mübarizə aparan atletimiz 8 saniyə nəticə ilə turnirin qızıl medalına sahib olub.İlk üçlüyü litvalı idmançılar Saulius Rapolas və Vrasinskas Martinas tamamlayıblar.Qeyd edək ki, turnirdə 17 ölkədən 200-dən artıq atlet qalib adı uğrunda yarışıb.xeber100.com

“Barselona” futbol klubunun tarixində…

Uruqvaylı hücumçu Luis Suares “Barselona” futbol klubunun tarixində ən tez 100 qol vuran oyunçu olub.Azərtac “Barselona” klubunun rəsmi “Twitter” səhifəsinə istinadla xəbər verir ki, yanvarın 21-də Luis Suares İspaniya çempionatında “Betis” klubu ilə keçirilən oyunda dubla imza atıb. Beləliklə, “Barselona” komandasının heyətində 100 qol vurmaq üçün uruqvaylıya 114 oyun lazım gəlib.İndiyədək Kataloniya klubunda 100 qolu Lionel Messi 154 oyuna, Sesar Rodriqes 159 oyuna, Ladislav Kubala 132 oyuna, Samuel Eto isə 130 oyuna vura bilmişdi.Qeyd edək ki, Luis Suares “Barselona”ya 2014-cü ilin yayında İngiltərənin “Liverpul” klubundan transfer olunub.xeber100.com

“Qəbələ” futbol klubu hazırlığını davam etdirir

“Qəbələ” futbol klubu 2017-2018-ci il mövsümünün ikinci yarısının hazırlığını davam etdirir.Azərtac xəbər verir ki, Antalyada təşkil olunan təlim-məşq toplanışının yanvarın 5-dən 17-dək davam edən ilk mərhələsindən sonra 3 günlük istirahətə buraxılan “qırmızı-qaralar” yenidən bir araya gəliblər.Komanda hazırlıq prosesinin ikinci mərhələsinə 1 məşqlə start verib. Baş məşqçi Roman Qriqorçukun rəhbərliyi altında baş tutan hazırlıqda futbolçular toplu və topsuz çalışmaları yerinə yetiriblər. Zədə səbəbindən bir müddət komanda ilə məşq keçməyən Dion Malone kollektiv hazırlıqlara qoşulub.xeber100.com  

“Qalatasaray” klubunda prezident seçkiləri keçirilib

Bu gün Türkiyənin "Qalatasaray" idman klubunda növbədənkənar prezident seçkiləri keçirilib.Apa-nın xəbərinə görə, seçkidə klubun hazırkı prezidenti Dursun Özbək və onun yeganə rəqibi Mustafa Cengiz mübarizə aparıb.Seçkinin nəticələri gözlənilməz olub və klub rəhbərliyini şoka salıb. Belə ki, Mustafa Cengiz 1703 səs alaraq "Qalatasaray" klubunun 37-ci prezidenti seçilib. Dursun Özbək isə 1623 səs toplayıb.Qeyd edək ki, D. Özbəkin səlahiyyət müddəti bu ilin may ayında bitəcəkdi. Lakin o, futbol komandasının Super Liqada uğursuz nəticələr almasından sonra fövqəladə seçki keçirmək barədə qərar qəbul edib. D. Özbək seçiləcəyi təqdirdə 3,5 il bu vəzifədə qalacağını bildirmişdi. M. Cengiz isə may ayında yenidən seçki keçirəcəyini elan etmişdi. Beləliklə, mayda "Qalatasaray"da yenidən prezident seçkisi gözlənilir.xeber100.com

“Sky Sports” futbol klubunun məlumatı

“Mançester Yunayted” klubunun yarımmüdafiəçisi Maykl Kerrik 2017/18-ci il mövsümü başa çatdıqdan sonra karyerasını başa vuracaq.Apa-nın xəbərinə görə, bu barədə “Sky Sports”a klubun baş məşqçisi Joze Mourinyo bildirib.Onun sözlərinə görə, 36 yaşlı futbolçu klubun məşqçilər heyətində yer alacaq.2006-cı ildən “Mançester Yunayted”in şərəfini qoruyan M.Kerrik 314 matçda meydana çıxıb və 17 dəfə rəqib qapılarına yol tapıb.xeber100.com

Şahmat üzrə Azərbaycan çempionatı davam edir

Bakıda 18 şahmatçı, o cümlədən üç beynəlxalq usta və üç FIDE ustasının iştirakı ilə kişilər arasında Azərbaycan çempionatı davam edir.Azərtac xəbər verir ki, üç turdan sonra hərəyə 2,5 xal toplamış beynəlxalq ustalar Abdulla Qədimbəyli, Nail Bəşirli, FIDE ustası Rəvan Əliyev və Xəzər Babazadə irəlidədir. Sadiq Məmmədov, Gövhər Beydullayeva və Vüqar Əsədlinin 2 xalı var. Daha üç şahmatçı 1,5 xal toplayıb.İsveçrə sistemi ilə keçirilən və 9 turdan ibarət olan yarışda bir partiya üçün vaxta nəzarət ilk 40 gediş üçün 90 dəqiqə, sonrakı birinci gedişdən başlayaraq, hər gedişə 30 saniyə əlavə olunmaqla partiyanın sonuna qədər 30 dəqiqədir.Azərbaycan Şahmat Federasiyasının binasında keçirilən ölkə çempionatının qalibi yanvarın 24-də məlum olacaq.xeber100.com

FIFA futbol üzrə növbəti reytinq cədvəlini açıqlayıb

FIFA futbol üzrə milli komandaların növbəti reytinq cədvəlini açıqlayıb.Azərtac AFFA-ya istinadla xəbər verir ki, ötən ayla müqayisədə Azərbaycan milli komandası bir pillə geriləyib. Millimiz 281 xalla 118-ci yerdə qərarlaşıb.Reytinq cədvəlinə 1602 xalla Almaniya yığması liderlik edir. Braziliya yığması 1483 xalla ikinci, Portuqaliya millisi isə 1358 xalla üçüncü pillədə yer alıb.xeber100.com

UEFA reytinqində hərəkət cədvəli açıqlanıb

Son 10 ildə Avropa ölkələrinin milli futbol çempionatlarının UEFA reytinqində hərəkət cədvəli açıqlanıb.Azərtac xəbər verir ki, ən böyük sıçrayışa nail olanlar “üçlüy”ündə Azərbaycan Premyer Liqası da yer alıb. 2008-ci ildə Premyer Liqa 42-ci sırada yer alırdısa, indi 16 pillə irəliləyərək 26-cı pilləyə yüksəlib.Qazaxıstan çempionatı da 16 pilləlik yüksəlişə nail olub. Ən yaxşı nəticəni isə 21 pillə irəliləyən Belarus göstərib. Belə irəliləyişlər hər 3 ölkə komandalarının Avropa kuboklarındakı uğurlu çıxışları ilə əlaqədardır.İlk “beşlik”də İspaniya, Almaniya, İngiltərə, İtaliya və Fransa çempionatları qərarlaşıb.xeber100.com

Gimnastika Federasiyasının məlumatı

Bakıda Azərbaycan Gimnastika Federasiyasının yerli məşqçilər üçün təşkil etdiyi Beynəlxalq Gimnastika Federasiyası (FIG) Akademiyası tərəfindən keçirilən kişi idman gimnastikası üzrə birinci dərəcəyə aid məşqçilik kursları start götürüb.Azərtac xəbər verir ki, həm nəzəriyyə, həm də təcrübə hissələrindən ibarət olan kurslarda biomexanika, anatomiya və psixologiya mövzuları üzrə təlimlər FIG-in mütəxəssisləri Levit Andrey (Polşa) və Marqus Da Silva Franca Lourenso Adalberto (Portuqaliya) tərəfindən keçirilir.Bununla bağlı mütəxəssis Andrey Levit deyib: “Təlimlərdə birinci səviyyəli məşqçi kursları keçirilir. Səkkiz gün ərzində təlimçilər nəzəri və praktiki məşğələlər keçdikdən sonra imtahan verəcəklər. FİQ bu kursları məşqçilərin yeni texnikanı bilməsi üçün hazırlayıb. Gənc məşqçilər və yaşlı nəsillər də təlim keçirlər. Məşqçilərin öyrənmək, yeni tendensiyaları bilmək istəkləri diqqətimi çəkdi. Azərbaycanda gimnastika yüksək səviyyədə inkişaf edir. Burada idmançılar üçün yeni məşq zalları, müasir idman avadanlıqları var. Azərbaycanda dünyanın ən yaxşı idman infrastrukturundan biri qurulub”.Yanvarın 23-nə qədər davam edəcək kurslarda 10 yerli məşqçi ilə yanaşı, Misirdən gəlmiş üç məşqçi də iştirak edir. İmtahanlardan uğurla keçmiş nümayəndələr məşqçilik üzrə birinci beynəlxalq dərəcəyə yiyələnəcəklər.xeber100.com

“Qəbələ” klubu mövsümün ikinci yarısının hazırlığını davam etdirir

“Qəbələ” futbol klubunun əvəzedicilərdən ibarət komandası 2017-2018-ci il mövsümünün ikinci yarısının hazırlığını davam etdirir.Azərtac xəbər verir ki, “qırmızı-qaralar” növbəti yoxlama oyununu keçirib. Qəbələdəki hazırlığı başa vurduqdan sonra paytaxta yollanan Emin İmaməliyevin baş məşqçisi olduğu komanda “Şüvəlan”la görüşüb. Birinci Divizion təmsilçisi ilə matç Bakıdakı “AZAL Arena”da keçirilib və qarşılaşma qolsuz heç-heçə ilə nəticələnib.Matçdan sonra birgünlük istirahətə buraxılan əvəzedicilər məşqlərini yanvarın 20-də bərpa edəcəklər. Bir gün sonra “Qəbələ” bir yoxlama matçı keçirəcək. Komanda “Keşlə”nin əvəzediciləri ilə qarşılaşacaq.Xatırladaq ki, “qırmızı-qaralar” Qəbələdə təşkil olunan ilk yoxlama oyununda “Ağsu” ilə qarşılaşıb. Həmin görüşdə birinci Divizion təmsilçisi 2:1 hesabı ilə qalib gəlib.xeber100.com