Beynəlxalq Cüdo Federasiyasının məlumatı

“Bu il bizim cari layihələrinin konsolidasiya ili olacaq və sosial şəbəkələrdə fəaliyyətimizi daha da gücləndirəcəyik. Hakimlik qaydalarına daha yaxşı nəzarət təşkil olunacaq. Olimpiya təsnifat yarışlarına düzgün yanaşılacaq”. Apasport.az saytının məlumatına görə, bunu Beynəlxalq Cüdo Federasiyasının (İJF) prezidenti Marius Vizer deyib.Qurum rəhbəri İJF-in rəsmi saytına 2018-ci illə bağlı müsahibə verib. O, bu il Bakıda baş tutacaq mundiala da toxunub: “Bakıdakı dünya çempionatı və bütün beynəlxalq yarışlar yüksək səviyyədə təşkil olunacaq. Bütün cüdoçular üçün elektron təlim platformasının yaradılacağına ümid edirik. Bu idmançılara idman karyerası boyu öz təhsillərini davam etdirmək imkanı verəcək. Cüdonun KİV-də geniş işıqlandırılmasına nail olmaq, müasir idman növləri arasında “Top-10”da yerimizi qorumaq istəyirik. Hazırda sosial şəbəkələrdə idman növləri sırasında səkkizinciyik. Cüdoda çox yüksək dəyərlər var. Biz bu dəyərlərin cəmiyyətə inteqrasiyası üçün bütün qüvvəmizi qoymalıyıq”.Vizer dünya çempionu olmaq istəyən gənc cüdoçulara da arzularını çatdırıb: “Çempion olmaq möhtəşəm nailiyyətdi. Əlbəttə, bunun üçün nəhəng iş görməli, qurbanlar verməli, işə sadiqlik nümayiş edilməli, həmçinin məktəb təhsili alınmalıdı. Fikrimcə, məktəb təhsili ilə idman təlimi ayrılmamalıdı. Hesab edirəm ki, əksər cüdoçular nə vaxtsa əsl çempion olmaq şansına malikdi. Amma əminəm ki, bizim idman növü sayəsində milyonlarla gənc həyatda çempion ola bilər. Hazırda cüdoda bir sıra çempionlar və dəyərli idmançılar var. Onlardan hansının mövsümün kəşfi olacağını öncədən söyləmək düz olmaz. Amma mən səylə işləyib, cüdo dəyərlərini inkişaf etdirməyə çalışanlara istədikləri bütün uğurlara çatmalarını arzulayıram”.İJF prezidenti yarışı zaldan izləyərkən hansı hissləri keçirdiyini də açıqlayıb: “Dolu tribunaların olması yarışın dəyərini göstərir. Bu, idmançı və pərəstişkarların idman növünə sevgisinin sintezini də təcəssüm edir. Cüdoda daha bir önəmli faktor rəqabətlə bağlıdı. Hesab edirəm ki, yarışlarda idmançıların inkişaf etməsində bu amilin də rolu böyükdü”.xeber100.com

Kral Kubokunda 1/4 final mərhələsinin püşkü atılıb

İspaniya Kral Kubokunda 1/4 final mərhələsinin püşkü atılıb. Apasport.az saytının məlumatına görə, yarımfinal öncəsi 2 derbi baş tutacaq.Belə ki, Madrid derbisində “Leqanes”lə “Real” üz-üzə gələcəksə, “Espanyol”la “Barselona” Kataloniya derbisində münasibətlərinə aydınlıq gətirəcəklər. “Valensiya” bu mərhələdə “Alaves”i sınağa çəkəcək. Ən çox diqqət çəkən qarşılaşma isə “Atletiko” ilə “Sevilya” arasında baş tutacaq.Qeyd edək ki, 1/4 final mərhələsinin oyunları yanvarın 17-də və 24-də keçiriləcək.xeber100.com

U-21 millimiz daha bir yoldaşlıq oyunu keçirəcək

Azərbaycanın 21 yaşadək futbolçulardan ibarət millisi Antalya toplanışı çərçivəsində daha bir yoldaşlıq oyunu keçirəcək.Azərtac AFFA-nın saytına istinadən xəbər verir ki, yığmamız yanvarın 16-da, Bakı vaxtı ilə saat 17:00-da “Alanyaspor”un U-21 komandası ilə qarşılaşacaq.Qeyd edək ki, U-21 yanvarın 21-də və 26-da Albaniyanın, ayın 23-də isə Gürcüstanın müvafiq yaş qrupundan ibarət yığma komandası ilə yoldaşlıq oyunları keçirəcək. Hər üç qarşılaşma Bakı vaxtı ilə saat 19:00-da başlayacaq.xeber100.com

Futbol hakimləri üçün təlim-məşq toplanışı təşkil olunacaq

Yanvarın 20-dən fevralın 3-dək Antalyada Azərbaycan futbol hakimləri üçün təlim-məşq toplanışı təşkil olunacaq.Azərtac AFFA-nın saytına istinadən xəbər verir ki, hazırlıq prosesi Hakimlər Komitəsinin sədri Xaqani Məmmədovun rəhbərliyi ilə keçiriləcək. Hakim-İnspektorlar Komitəsinin sədri Əli Hüseynov təlimatçı, Namiq Quliyev isə məşqçi kimi fəaliyyət göstərəcək.Toplanışda baş hakimlər Əliyar Ağayev, Rəhim Həsənov, Ömər Paşayev, Rauf Cabbarov, Rəvan Həmzəzadə, Ramil Diniyev, İnqilab Məmmədov, Orxan Məmmədov, Elvin Əsgərov, Nicat İsmayıllı, Rəşad Əhmədov, Nail Nağıyev, Xəlil Xəlilov, Vüqar Həsənli, Etibar Həsənov və 15 referi köməkçisi iştirak edəcək.xeber100.com  

“Arsenal”ın yarımmüdafiəçisi “Valensiya”ya keçib

“Arsenal” futbol klubunun yarımmüdafiəçisi Fransis Koklen “Valensiya”ya keçib.Azərtac İspaniya klubunun rəsmi saytına istinadla xəbər verir ki, 26 yaşlı fransalı futbolçu “Valensiya” ilə 2022-ci ilin iyununadək müqavilə imzalayıb.Transfer 80 milyon avro təşkil edib.xeber100.com

Sinxron şahmat yarışı keçirilib

Yanvarın 12-də “ADA” Universitetində “Vüqar Həşimov Şahmat Akademiyası”nın təşkilatçılığı ilə sinxron şahmat yarışı keçirilib.Azərtac xəbər verir ki, turnirdə universitetin tələbələri beynəlxalq şahmat ustaları Sərxan Həşimova və İlahə Qədimovaya qarşı yarışıblar.Turnirdə tanınmış şahmatçılarla ADA-nın 40-a yaxın tələbəsi və universitetin qonaqları mübarizə aparıblar.Yarışdan sonra turnir barədə təəssüratlarını bölüşən Sərxan Həşimov deyib: “Sevindirici haldır ki, gənclər sonadək mübarizə apardılar. Buna görə iştirakçıları təbrik etmək istərdim. Tələbələr həm mənə, həm də İlahə xanıma ciddi müqavimət göstərdilər. Belə tədbirlərin gələcəkdə də keçirilməsi üçün birgə təşəbbüslərimizi davam etdirəcəyik. Eyni zamanda, Vüqarın arzusu olan və onun başladığı belə layihələri “Vüqar Həşimov Şahmat Akademiyası” olaraq bölgələrdə də təşkil etmək niyyətindəyik”.Beynəlxalq şahmat ustası Sərxan Həşimov onqat Azərbaycan çempionu, Avropa çempionatının bürünc medalçısı, İspaniyanın nüfuzlu San-Sebastian turnirinin qalibi olub. İnformasiya-kommunikasiya texnologiyaları sahəsində 15 ildən çox təcrübəsi olan IT mütəxəssisi Sərxan Həşimov HP, Oracle və SAP kimi beynəlxalq şirkətlərdə çalışıb. O, 2016-cı ildən etibarən “Microsoft Azerbaijan” şirkətinin baş direktoru vəzifəsində çalışır və bir müddət əvvəl “Microsoft”un MDB üzrə İdarə Heyətinin üzvü seçilib.Beynəlxalq qrossmeyster İlahə Qədimova üçqat dünya, ikiqat Avropa çempionu, bir çox beynəlxalq turnirlərin qalibidir. “Microsoft Azerbaijan” şirkətinin xidmətlər üzrə icraçı meneceri İlahə Qədimova Maltada Aralıq Dənizi Ölkələri Diplomatik Tədqiqatlar Akademiyasında diplomatiya üzrə magistr dərəcəsi alıb. Diplomatiya sahəsində 13 il təcrübəsi olan İlahə Qədimova Azərbaycanı Avropa İttifaqında təmsil edib. O, həmçinin beş il ərzində “PASHA Private Banking” şirkətində çalışıb.xeber100.com

Güləş Federasiyasının məlumatına görə…

Azərbaycan Güləş Federasiyasının (AGF) rəhbərliyində dəyişiklik edilib.Azərtac AGF-yə istinadla xəbər verir ki, federasiyanın prezidenti Fazil Məmmədovun əmri ilə qurumun birinci vitse-prezidenti vəzifəsinin müvəqqəti icraçısı Sahib Ələkbərov tutduğu vəzifədən azad edilib.AGF-in birinci vitse-prezidenti vəzifəsinin icrası Firdovsi Umudova həvalə edilib.F.Umudov sərbəst güləş üzrə yığma komandanın baş məşqçisi, Əməkdar Məşqçi, beynəlxalq dərəcəli idman ustası, Dünya Güləş Birliyi Məşqçilər Assosiasiyasının üzvüdür. İdmançı karyerası ərzində dəfələrlə Azərbaycan çempionu, gənclər arasında Avropa çempionatının, tələbələr arasında dünya çempionatlarının mükafatçısı, dünya kubokunun qalibi olub. Güləşin inkişafındakı xidmətlərinə görə o, 2009-cu, 2012-ci və 2015-ci illərdə Azərbaycanın, 2012-ci ildə dünyanın ən yaxşı məşqçisi seçilib. Azərbaycan Respublikasının Prezidenti İlham Əliyevin sərəncamları ilə “Şöhrət” ordeni, “Tərəqqi” medalı və “Azərbaycan Respublikası Prezidentinin Fəxri Diplomu” ilə təltif olunub.xeber100.com

“Qəbələ” futbol klubu ilk yoxlama oyununu keçirib

Antalyada təlim-məşq toplanışında olan “Qəbələ” futbol klubu yanvarın 10-da ilk yoxlama oyununu keçirib.Azərtac xəbər verir ki, 2017-2018-ci il mövsümünün ikinci yarısına hazırlıq çərçivəsində təşkil olunan qarşılaşma “qırmızı-qaralar”ın yeni ildə ilk matçı olub. Yanvarın 5-dən qonşu ölkədə hazırlıq keçən Roman Qriqorçukun yetirmələri Türkiyənin “Akhisar Bələdiyyəspor” klubu ilə görüşüb.Görüş 1:1 hesablı heç-heçə yekunlaşıb. “Qəbələ”nin heyətində Filip Ozobiç fərqlənib.“Qəbələ” 2018-ci ildəki ilk qarşılaşması klub tarixində 94-cü beynəlxalq yoldaşlıq oyunu olub. Həm Qəbələdə, həm də ölkə xaricində baş tutan toplanışlar çərçivəsində xarici klublarla 93 matç keçirən “qırmızı-qaralar” bu görüşlərin 59-nu Türkiyədə oynayıb. Bugünkü görüş “qırmızı-qaralar”ın 14-cü dəfə təlim-məşq toplanışına getdiyi ölkədə 60-cı beynəlxalq sınağı olub. Bunlardan 26-da qələbə qazanan “Qəbələ” 16 heç-heçə edib və 17 dəfə uduzub. Xarici komandalarla buradakı matçlarda 100 qol vuran futbolçularımız 68 top buraxıblar.xeber100.com

“Neftçi” futbol klubunda ilk legioner transferi olacaq

Hazırda təlim-məşq toplanışının ilk mərhələsi davam edir. Daha çox fiziki hazırlığa üstünlük veririk. Sevindirici haldır ki, bütün futbolçular ağır yükləmələri qəbul edə bilirlər. Komandada yüksək əhval-ruhiyə var.Azərtac xəbər verir ki, bu sözləri “Neftçi” futbol klubunun baş məşqçisi Tərlan Əhmədov deyib.Baş məşqçi bildirib ki, futbolçularımıza qış fasiləsi ərəfəsində fərdi hazırlıq planı verilmişdi. Görünür, komandamızın hər bir üzvü fəal istirahət edərək fərdi tapşırıqları yerinə yetirib. Antalyada keçiriləcək ikinci mərhələdə isə texniki və taktiki məşqlərə xüsusi nəzər yetiriləcək. Türkiyədə 5 yoxlama oyunu keçirməyi planlaşdırırıq. Yorğunluq fonunda keçiriləcək bu matçlar həm istədiyimiz oyun üslubumuzun təkmilləşməsi, həm də yeni futbolçuların komandaya uyğunlaşması baxımından əhəmiyyətlidir.“Klub rəhbərliyi ilə birgə müəyyənləşdirdiyimiz transfer siyasətinə uyğun işlər gedir. Prezident Orxan Hüseynzadə bütün işlərə şəxsən nəzarət edir və bizə bacardığı dəstəyi verir. Problemli mövqelər üzrə kifayət qədər çox futbolçuları izləmişik. Bu proses indi də davam edir. Tələsmək də istəmirik. Seçim zamanı hər bir nüansa diqqət etmək lazımdır. Bu işdə səhvə yol vermək olmaz. Düzdür, qış fasiləsi zamanı yaxşı oyunçu tapmaq asan deyil. Bundan əlavə, yerli futbolçu qıtlığı da var. Yalnız onu deyə bilərəm ki, bizə lazım olan mövqelərə keyfiyyətli, komandamızı gücləndirəcək legionerlər transfer olunacaq. Təbii ki, büdcə imkanları çərçivəsində”, – deyə baş məşqçi əlavə edib.xeber100.com

Argentina yığması yoldaşlıq oyunları keçirəcək

Argentina Futbol Assosiasiyasının prezidenti Klaudio Tapia bu ölkənin milli futbol komandasının yoldaşlıq görüşləri barədə məlumat verib. O, mart ayında nüfuzlu yığma komandalara qarşı iki oyun keçirəcəklərini bildirib.Azərtac xəbər verir ki, martın 23-də Argentina yığması İsveçrənin Bazel şəhərində İtaliya, martın 27-də isə Madriddə İspaniya milli komandaları ilə qarşılaşacaq.xeber100.com