Sinxron şahmat yarışı keçirilib

Yanvarın 12-də “ADA” Universitetində “Vüqar Həşimov Şahmat Akademiyası”nın təşkilatçılığı ilə sinxron şahmat yarışı keçirilib.Azərtac xəbər verir ki, turnirdə universitetin tələbələri beynəlxalq şahmat ustaları Sərxan Həşimova və İlahə Qədimovaya qarşı yarışıblar.Turnirdə tanınmış şahmatçılarla ADA-nın 40-a yaxın tələbəsi və universitetin qonaqları mübarizə aparıblar.Yarışdan sonra turnir barədə təəssüratlarını bölüşən Sərxan Həşimov deyib: “Sevindirici haldır ki, gənclər sonadək mübarizə apardılar. Buna görə iştirakçıları təbrik etmək istərdim. Tələbələr həm mənə, həm də İlahə xanıma ciddi müqavimət göstərdilər. Belə tədbirlərin gələcəkdə də keçirilməsi üçün birgə təşəbbüslərimizi davam etdirəcəyik. Eyni zamanda, Vüqarın arzusu olan və onun başladığı belə layihələri “Vüqar Həşimov Şahmat Akademiyası” olaraq bölgələrdə də təşkil etmək niyyətindəyik”.Beynəlxalq şahmat ustası Sərxan Həşimov onqat Azərbaycan çempionu, Avropa çempionatının bürünc medalçısı, İspaniyanın nüfuzlu San-Sebastian turnirinin qalibi olub. İnformasiya-kommunikasiya texnologiyaları sahəsində 15 ildən çox təcrübəsi olan IT mütəxəssisi Sərxan Həşimov HP, Oracle və SAP kimi beynəlxalq şirkətlərdə çalışıb. O, 2016-cı ildən etibarən “Microsoft Azerbaijan” şirkətinin baş direktoru vəzifəsində çalışır və bir müddət əvvəl “Microsoft”un MDB üzrə İdarə Heyətinin üzvü seçilib.Beynəlxalq qrossmeyster İlahə Qədimova üçqat dünya, ikiqat Avropa çempionu, bir çox beynəlxalq turnirlərin qalibidir. “Microsoft Azerbaijan” şirkətinin xidmətlər üzrə icraçı meneceri İlahə Qədimova Maltada Aralıq Dənizi Ölkələri Diplomatik Tədqiqatlar Akademiyasında diplomatiya üzrə magistr dərəcəsi alıb. Diplomatiya sahəsində 13 il təcrübəsi olan İlahə Qədimova Azərbaycanı Avropa İttifaqında təmsil edib. O, həmçinin beş il ərzində “PASHA Private Banking” şirkətində çalışıb.xeber100.com

Güləş Federasiyasının məlumatına görə…

Azərbaycan Güləş Federasiyasının (AGF) rəhbərliyində dəyişiklik edilib.Azərtac AGF-yə istinadla xəbər verir ki, federasiyanın prezidenti Fazil Məmmədovun əmri ilə qurumun birinci vitse-prezidenti vəzifəsinin müvəqqəti icraçısı Sahib Ələkbərov tutduğu vəzifədən azad edilib.AGF-in birinci vitse-prezidenti vəzifəsinin icrası Firdovsi Umudova həvalə edilib.F.Umudov sərbəst güləş üzrə yığma komandanın baş məşqçisi, Əməkdar Məşqçi, beynəlxalq dərəcəli idman ustası, Dünya Güləş Birliyi Məşqçilər Assosiasiyasının üzvüdür. İdmançı karyerası ərzində dəfələrlə Azərbaycan çempionu, gənclər arasında Avropa çempionatının, tələbələr arasında dünya çempionatlarının mükafatçısı, dünya kubokunun qalibi olub. Güləşin inkişafındakı xidmətlərinə görə o, 2009-cu, 2012-ci və 2015-ci illərdə Azərbaycanın, 2012-ci ildə dünyanın ən yaxşı məşqçisi seçilib. Azərbaycan Respublikasının Prezidenti İlham Əliyevin sərəncamları ilə “Şöhrət” ordeni, “Tərəqqi” medalı və “Azərbaycan Respublikası Prezidentinin Fəxri Diplomu” ilə təltif olunub.xeber100.com

“Qəbələ” futbol klubu ilk yoxlama oyununu keçirib

Antalyada təlim-məşq toplanışında olan “Qəbələ” futbol klubu yanvarın 10-da ilk yoxlama oyununu keçirib.Azərtac xəbər verir ki, 2017-2018-ci il mövsümünün ikinci yarısına hazırlıq çərçivəsində təşkil olunan qarşılaşma “qırmızı-qaralar”ın yeni ildə ilk matçı olub. Yanvarın 5-dən qonşu ölkədə hazırlıq keçən Roman Qriqorçukun yetirmələri Türkiyənin “Akhisar Bələdiyyəspor” klubu ilə görüşüb.Görüş 1:1 hesablı heç-heçə yekunlaşıb. “Qəbələ”nin heyətində Filip Ozobiç fərqlənib.“Qəbələ” 2018-ci ildəki ilk qarşılaşması klub tarixində 94-cü beynəlxalq yoldaşlıq oyunu olub. Həm Qəbələdə, həm də ölkə xaricində baş tutan toplanışlar çərçivəsində xarici klublarla 93 matç keçirən “qırmızı-qaralar” bu görüşlərin 59-nu Türkiyədə oynayıb. Bugünkü görüş “qırmızı-qaralar”ın 14-cü dəfə təlim-məşq toplanışına getdiyi ölkədə 60-cı beynəlxalq sınağı olub. Bunlardan 26-da qələbə qazanan “Qəbələ” 16 heç-heçə edib və 17 dəfə uduzub. Xarici komandalarla buradakı matçlarda 100 qol vuran futbolçularımız 68 top buraxıblar.xeber100.com

“Neftçi” futbol klubunda ilk legioner transferi olacaq

Hazırda təlim-məşq toplanışının ilk mərhələsi davam edir. Daha çox fiziki hazırlığa üstünlük veririk. Sevindirici haldır ki, bütün futbolçular ağır yükləmələri qəbul edə bilirlər. Komandada yüksək əhval-ruhiyə var.Azərtac xəbər verir ki, bu sözləri “Neftçi” futbol klubunun baş məşqçisi Tərlan Əhmədov deyib.Baş məşqçi bildirib ki, futbolçularımıza qış fasiləsi ərəfəsində fərdi hazırlıq planı verilmişdi. Görünür, komandamızın hər bir üzvü fəal istirahət edərək fərdi tapşırıqları yerinə yetirib. Antalyada keçiriləcək ikinci mərhələdə isə texniki və taktiki məşqlərə xüsusi nəzər yetiriləcək. Türkiyədə 5 yoxlama oyunu keçirməyi planlaşdırırıq. Yorğunluq fonunda keçiriləcək bu matçlar həm istədiyimiz oyun üslubumuzun təkmilləşməsi, həm də yeni futbolçuların komandaya uyğunlaşması baxımından əhəmiyyətlidir.“Klub rəhbərliyi ilə birgə müəyyənləşdirdiyimiz transfer siyasətinə uyğun işlər gedir. Prezident Orxan Hüseynzadə bütün işlərə şəxsən nəzarət edir və bizə bacardığı dəstəyi verir. Problemli mövqelər üzrə kifayət qədər çox futbolçuları izləmişik. Bu proses indi də davam edir. Tələsmək də istəmirik. Seçim zamanı hər bir nüansa diqqət etmək lazımdır. Bu işdə səhvə yol vermək olmaz. Düzdür, qış fasiləsi zamanı yaxşı oyunçu tapmaq asan deyil. Bundan əlavə, yerli futbolçu qıtlığı da var. Yalnız onu deyə bilərəm ki, bizə lazım olan mövqelərə keyfiyyətli, komandamızı gücləndirəcək legionerlər transfer olunacaq. Təbii ki, büdcə imkanları çərçivəsində”, – deyə baş məşqçi əlavə edib.xeber100.com

Argentina yığması yoldaşlıq oyunları keçirəcək

Argentina Futbol Assosiasiyasının prezidenti Klaudio Tapia bu ölkənin milli futbol komandasının yoldaşlıq görüşləri barədə məlumat verib. O, mart ayında nüfuzlu yığma komandalara qarşı iki oyun keçirəcəklərini bildirib.Azərtac xəbər verir ki, martın 23-də Argentina yığması İsveçrənin Bazel şəhərində İtaliya, martın 27-də isə Madriddə İspaniya milli komandaları ilə qarşılaşacaq.xeber100.com

“Yokohama” klubu ilə yeni müqavilə imzalanıb

Peşəkar futbolda indiyədək 32 mövsümdə çıxış etməklə adını dünya idmanı tarixinə yazdıran 51 yaşlı yaponiyalı futbolçu Kazuyoşi Miura ölkə çempionatının ikinci liqasında çıxış edən “Yokohama” klubu ilə müqaviləsinin müddətini bir il uzadıb.Azərtac xəbər verir ki, fevralın 26-da 51 yaşı tamam olacaq K.Miura bununla da dünyanın ən yaşlı futbolçusu rekordunu daha da möhkəmləndirəcək.2005-ci ildə “Yokohama” klubuna transfer edilən K.Miura ötən il martın 5-də - 50 yaş və 7 günlük olarkən peşəkar futbol tarixində meydana çıxan ən yaşlı idmançı adına sahib olub. O, bununla da 1965-ci ildən etibarən ingiltərəli Stenli Metyuza məxsus olan rekordu iki gün fərqlə yeniləyib. Yaponiyalı futbolçu ötən mövsümü 12 qolla başa vurub. Ümumiyyətlə, K.Miura “Yokohama”nın heyətində 243 oyunda 23 dəfə fərqlənib.Ölkəsində “Kral Kazu” ləqəbi ilə tanınan futbolçu daha əvvəl Braziliya və İtaliya çempionatlarında da çıxış edib. Yaponiya millisinin heyətində 89 dəfə forma geyən K.Miura rəqib qapılarına 55 dəfə yol tapıb.xeber100.com

La Liqa İspaniya Futbol Federasiyasına şikayət edib

La Liqa “Real”ın azarkeşlərindən İspaniya Futbol Federasiyasına şikayət edib.“TyCSports.com” saytı xəbər verir ki, Madrid klubunun fanatları “Barselona”nın forvardı Lionel Messi haqqında “Messi, Messi, ağıldankəm”, - deyə qışqırışırlar. Bundan başqa, kataloniyalıların müdafiəçisi Jerar Pike haqqında da təhqiramiz ifadələr işlədirlər.İspaniya Futbol Federasiyasının intizam məcəlləsinə görə, istənilən diskriminasiya və təhqir xarakterli ifadələr qadağandır.xeber100.com

“Real Madrid” klubu baş məşqçi axtarışına başlayıb

“Real Madrid” futbol klubu yeni baş məşqçi axtarışına başlayıb.“Soy Madridista” portalı xəbər verir ki, Madrid təmsilçisi Almaniya millisinin baş məşqçisi Yoaxim Lövlə danışıqlara start verib.“Real Madrid” klubunun rəhbərliyi Lövün Rusiyada təşkil olunacaq futbol üzrə dünya çempionatından sonra komandanın sükanı arxasına keçməsinə çalışır.Baş məşqçi dəyişikliyi barədə Madrid klubunun hazırki çalışdırıcısı Zinəddin Zidana da məlumat verilib.Qeyd edək ki, Yoaxim Lövün Almaniya millisi ilə müqaviləsi 2020-ci ilin yayında başa çatacaq.xeber100.com

Beynəlxalq Cüdo Federasiyasının növbəti iclasında…

Beynəlxalq Cüdo Federasiyasının (IJF) növbəti iclasında 2018 və 2019-cu illərdə cüdo üzrə dünya çempionatlarının keçiriləcəyi şəhərlərin adları açıqlanıb: həmin şəhərlər Azərbaycanın paytaxtı Bakı və Yaponiyanın paytaxtı Tokio şəhərləridir.IJF-in prezidenti Marius Vizer federasiyanın Bakı ilə bağlı qərarını şərh edərək deyib: “Bakının iri idman yarışları keçirməkdə böyük təcrübəsi var. Biz ənənəvi “Böyük dəbilqə” və 2015-ci ildə birinci Avropa Oyunlarının keçirilməsi təcrübəsinə əsaslanaraq belə qənaətə gəlmişik ki, Azərbaycan cüdo üzrə dünya çempionatını layiqincə keçirməyə qadirdir”.Yaponiyanın nümayəndəsi, cüdonun əfsanəsi sayılan Yasuxiro Yamasita isə bildirib ki, Tokioda dünya çempionatının keçirilməsi ölkəsinin 2020-ci ilə nəzərdə tutulan Tokio Olimpiadasına hazırlıq səviyyəsini sınaqdan keçirmək imkanıdır. Dünya çempionatı cüdonun ilk dəfə Olimpiya oyunlarının proqramına daxil edildiyi uzaq 1964-cü ildə Olimpiya turnirinin keçirildiyi əfsanəvi “Nippon Budokan” arenasında olacaq.xeber100.com

Braziliyalı futbolçu “İnter” klubuna transfer edilib

Portuqaliyanın “Benfika” futbol komandasında icarə şərtləri ilə oynayan İtaliyanın “İnter” klubunun hücumçusu Qabriel Barboza A seriyası üzrə ötən ilin ən pis futbolçusu hesab edilib.Azərtac xəbər verir ki, bu futbolçuya “Qızıl zibil qabı – 2017” anti-mükafatı verilib.Braziliyalı futbolçu 2016-cı ildə 33,5 milyon avro müqabilində “İnter” klubuna transfer edilib, lakin komandanın start heyətində bir dəfə də olsun oyuna çıxmayıb və cəmi bir qol vurub.xeber100.com